Таджикско-афганская граница. Река на Западном Памире в Таджикистане, правый приток Пянджа.

Куштор ё худкушӣ: шарҳи расмии марги Азимшоев - масъули Комиссариати ҳарбии ВМКБ

1473
(Таҷдидшуда 17:07 11.10.2019)
Вазорати умури дохила дар ВМКБ қазияи куштори корманди Комиссариати ҳарбии вилоят Азимшоев Расулро, ки тибқи иттилои корбарони фейсбук аз тарафи ҳамкоронаш ба қатл расонида шудааст, бепоя хонд

ДУШАНБЕ, 11 окт — Sputnik. Мақомоти Вилояти Мухтори Кӯҳистони Бадахшон, хабари корбарони шабакаҳои иҷтимоиро, дар бораи қазияи куштори масъули Комиссариати ҳарбии вилоят Азимшоев Расул, бардурӯғу бепоя хонд ва акси ҳолро нақл кард.

Тибқи ахбороти ба мақомоти корҳои дохилӣ воридгардида, шаҳрванд Азимшоев Расул Баҳромбекович, соли таваллудаш 1983, сокини шаҳри Хоруғ, кӯчаи Айёмбек, хонаи №103, корманди Комиссарияти ҳарбии ВМКБ, рӯзи 01 октябри соли 2019 бо автомашинаи шахсиаш тамғаи "ВАЗ-21099", рақами қайди давлатиаш 99-09 АА 04 аз хонааш баромада, ба самти номаълум ғайб задааст.

Тибқи иттилои манбаъ, ҳангоми гирифтани хабари оперативӣ дар бораи беному нишон гум шудан (бе аризаи оила ва хешовандони наздик) шаҳрванд Азимшоев Р.Б. санаи 01 октябри соли 2019 таъҷилан аз ҷониби роҳбарияти мақомоти ҳифзи ҳуқуқ дар ВМКБ кормандони ботаҷрибаи оперативӣ-ҷустуҷӯӣ сафарбар карда шуда, аз ҳамин рӯз, ҷустуҷўйи номбурда шуруъ гардидааст.

"Муайян карда шуд, ки номбурда соҳиби ду фарзанди ноболиғ буда, барои аз якдигар ҷудо нашуданашон додгоҳ ба онҳо ду моҳ муҳалт муқаррар кардааст. Дар ин муддат онҳо аз ҳамдигар ҷудо зиндагӣ карда, завҷааш дар маҳаллаи Поршневи шаҳри Хоруғ дар хонаи падараш истиқомат менамудааст", - омадааст дар хабарнома.

Манбаъ афзуда, ки дар байни ӯ ва завҷааш мунтазам ҷангу ҷанҷол ва муноқишаҳои оилавӣ сар мезадааст.

Ба гузориши мақомот, бо ҳамин сабабҳо номбурда моҳи августи соли 2019 муддати 1 рӯз беному нишон гум шуда, аз тарафи кормандони ҳифзи ҳуқуқ аз хонаи истиқоматиаш дарёфт гардида, ба падару модараш супорида шудааст.

Рӯзи 06 октябри соли 2019, бо ҳамин мазмун аз тарафи Азимшоев Асаншо Саидошурович, писари амаки марҳум Азимшоев Р.Б. дар хусуси бедарак гум шудани писарамакаш ба ШВКД дар ш.Хоруғ ариза ворид гардидааст.

Аз ҳисоби кормандони ботаҷрибаи оперативии Шуъбаи ВКД дар ш.Хоруғ гурўҳои алоҳидаи оперативӣ-тафтишотӣ созмон дода шуда, ҷойи кор, кўчаву маҳалла ва деҳаҳои наздики шаҳри Хоруғ мавриди санҷиш қарор дода шуд.

"Муайян карда шудааст, ки марҳум Азимшоев Р.Б. бинобар сабаби ҷанҷолҳои оилавӣ дар мавзеи Ниводаки шаҳри Хоруғ ба воситаи автомашинаи шахсиаш ба садама дучор гардида, тариқи худкушӣ худро ба дарёи Панҷ партофтааст", - менависад хадамоти матбуотии мақомоти вилоят.

Дар натиҷаи гузаронидани як қатор корҳои оперативӣ-ҷустуҷӯӣ рӯзи 08 октябри соли равон ҷасади марҳум Азимшоев Р. Б., дар дохили автомашинаи шахсиаш,  бе аломатҳои марги маҷбурӣ аз дарёи Панҷ дар мавзеи Ниводаки шаҳри Хоруғ, дар ҳузури мутахссисони ташхисӣ судӣ-тиббии вилоят ва шахсони холис, аз ҳисоби сокинони маҳаллаи Ниводак дарёфт гардида, ба хешовандонаш супорида шуд.

Айни замон вобаста ба ҳолати мазкур аз ҷониби Прокуратураи вилоят тафтишот идома дорад.

1473
Барчаспҳо:
ВКД, мақомот, ВМКБ, худкушӣ
Руки в наручниках, архивное фото

Корманди қалбакии Ожонси зидди фасод ба даст афтод: ӯ аз кормандони БДА маблағ меситонд

2224
Масъулони Идораи мубориза бо фасод дар вилояти Суғд аз ифтитоҳи парванда алайҳи як сокини шаҳри Хуҷанд хабар медиҳанд, ки худро корманди ин ниҳоди давлатӣ муаррифӣ карда, аз кормандони бозрасии давлатии автомобилӣ (БДА) маблағ меситонидааст

ДУШАНБЕ, 3 август – Sputnik. Шараф Аваззода, сардори Раёсати Агентии назорати давлатии молиявӣ ва мубориза бо коррупсия дар вилояти Суғд, гуфт дар ҳоле нисбати Анвархӯҷа Нуриддинов парвандаи ҷиноӣ боз шудааст, ки номбурда худро корманди идораи мубориза ба коррупсия хонда, бо ҳар баҳона ба тасарруфи маблағи кормандони БДА вилояти Суғд машғул шудааст.

"Бино бар чунин кирдораш нисбати Нуриддинов Анвархӯҷа Ҳайдарович бо аломати моддаи 247 қисми 2 бандҳои “а” ва “в” парвандаи ҷиноӣ оғоз карда шуда, бо тасдиқи фикри айбдорӣ ба суд ирсол карда шудааст”, - гуфт сардори Раёсат.

Ба иттилоъи манбаъ, Нуриддинов Анвархӯҷа, сокини шаҳри Хуҷанд буда, феълан дар ҳеҷ куҷо кор намекунад. Номбурда бо истифода аз телефони мобилӣ, худро ҳамчун корманди Идораи мубориза бо коррупсия муаррифӣ карда, аз кормандони БДА маблағ меситонидааст.

Масъулони Раёсати мубориза бо коррупсия дар Суғд дар нишасти матбуотӣ гуфтанд, ки ба ҷуз ин, як ҳолати дигари қаллобии сокини ноҳияи Айниро ошкор намудаанд, ки худро корманди Дастгоҳи иҷроияи Президент муаррифӣ карда, аз шаҳрвандон пул талаб намудааст.

"Забирхон Ҳамзазода, сокини ноҳияи Айнӣ буда, расман дар ҳеҷ куҷо кор намекунад. Аммо ин шахс, худро ҳамчун корманди Дастгоҳи иҷроияи Президент муаррифӣ карда, барои гуё тезтар ҳал карда додани маблағи кредит аз як сокини Хуҷанд 4 ҳазор сомонӣ талаб намуда, қисме аз ин маблағро гирифтааст”, - гуфт Аваззода.

Зимнан нисбати ин сокини ноҳияи Айнӣ дар ду ҳолат бо моддаи моддаи 247 қисми 2 банди “в” (қаллобӣ) парвандаи ҷиноӣ оғоз шуда ва тафтиши пешакӣ давом дорад.

Ба суол дар бораи ин, ки чаро баъзеҳо аз номи “корманд” - и идораҳои давлатӣ даст ба қаллобӣ мезананд?, "ин ба табиати инсонҳо вобаста аст ва баъзеҳо воқеан ба дуруғгӯиву дуруғмақомдорӣ одат кардаанд. Аммо умри дурӯғ кутоҳ аст ва як рӯз не як рӯз ифшо мешавад. Инсонҳо бояд дар касбу кори худ ростгуй ва дасту дили пок дошта бошанд”, - посух дод Шараф Аваззода.

2224
Барчаспҳо:
БДА, корманд, коррупсия, Тоҷикистон
Молоток судьи, архивное фото

“Махфӣ нест”: тафсилоти нави парвандаи “Бародарони мусалмон”

426
Суди Олии Тоҷикистон дар нишасти хабарӣ гуфт, парвандаи 103 “ихвоние”, ки дар ҳоли баррасӣ аст, махфӣ намебошад

ДУШАНБЕ, 20 июл — Sputnik. Шавкат Лутфуллозода, муовини якуми раиси Суди Олии Тоҷикистон, дар нишасти матбуотии ин ниҳод гуфт, парвандаи аъзои созмони “Бародарони мусулмон”, ки ҳоло дар боздоштгоҳи муваққатии шаҳри Душанбе ҷараён дорад, махфӣ нест.

"Дар ин парванда 103 нафар ҳамчун судшаванда мегузаранд. Азбаски имконияти 103 нафар судшавандаро ба толори судии Суди Олӣ оварда, баррасӣ кардани парвандаи онҳо хеле кори сангин аст, зарур дониста шуд ин баррасиҳои судӣ дар муассисаҳои маҳрумӣ аз озодӣ гузаронида шаванд”, - гуфт Шавкат Лутфуллозода.

Дар таъйиди суханони ӯ Шермуҳаммади Шоҳиён, раиси Суди Олии Тоҷикистон гуфт, агар ба шакли махфӣ набошад, маълумот омода намуда, онро дар сомонаи Суди Олӣ ҷой хоҳанд кард ва дар нишасти матбуотии оянда ҳатман маълумоти пурра хоҳанд дод.

Бино ба иттилои Суди Олӣ, аъзои созмони “Бародарони мусулмон” аз рӯи шаш моддаи Кодекси ҷиноии Тоҷикистон, аз ҷумла 187, қисми 1 – “ташкили иттиҳоди ҷиноятӣ (аз 15 то 20 сол), 307 – 1 – “даъвати оммавӣ дар ба амал баровардани фаъолияти экстремистӣ (аз 2 то 5 сол), 307 – 2 – “ташкили иттиҳоди экстремистӣ (аз 8 то 12), 307 – 3 – “ташкили фаъолияти ташкилоти экстремистӣ” (аз 5 то 8 сол), 107 – “дузанагӣ” (як ҳазор нишондиҳанда ё 2 соли корҳои ислоҳӣ) ва 347 – “хабар надодан дар бораи ҷиноят ё пинҳон доштани он” (аз 500 то 1000 нишондиҳанда) муттаҳам мешаванд.

14 июл Абдуғаффор Ҳикматуллозода, муовини аввали Прокурори генералии Тоҷикистон, зимни нишасти матбуотии ниҳодаш эълон карда буд, ки парвандаи 132 узви созмони “Бародарони мусулмон” (“Ихвон – ул – муслимин”, мамнӯъ дар Тоҷикистон ва Русия) ба додгоҳ ирсол шудааст ва 73 нафари дигар, ки аз тафтишот пинҳон шудаанд, дар кофтуков қарор доранд.

426
Барчаспҳо:
Шермуҳаммади Шоҳиён, Бародарони мусалмон, парванда, Тоҷикистон
Доллары США, архивное фото

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

0
(Таҷдидшуда 14:31 06.08.2020)
Вазорати молияи Тоҷикистон намунаи ниҳоии лоиҳаи буҷети давлатиро барои соли 2021 аз рӯи натиҷаҳои семоҳаи сеюми соли 2020 тасдиқ мекунад

ДУШАНБЕ, 6 авг — Sputnik. Лоиҳаи буҷаи давлатии Тоҷикистон барои соли 2021 бо назардошти нишондиҳандаҳои макроиқтисодӣ дар заминаи пандемияи коронавирус таҳия хоҳад шуд, хабар медиҳад Вазорати молияи ҷумҳурӣ.

Вазорат қайд кард, ки намунаи ниҳоии лоиҳаи буҷаи давлатии Тоҷикистон барои соли 2021 дар асоси натиҷаҳои семоҳаи сеюми соли 2020 муайян карда мешавад.

Ғайр аз ин, соли ҷорӣ нишондиҳандаҳои дурнамо барои солҳои 2022-2023 таҳия карда мешаванд.

Мутобиқи нишондиҳандаҳои пешгӯии Вазорати молия, моддаҳои хароҷоти буҷети давлатӣ барои солҳои 2021-2022 бояд 29,7% ва 29% ММД-ро ташкил диҳанд.

Бонкдори №1: аз ҷалби миллиардҳо доллар амонатҳои шабонарӯзӣ то афзоиши ММД ва таваррум

Ҳаҷми умумии даромади буҷети давлатӣ барои соли 2021 дар ҳаҷми 28,6 миллиард сомонӣ ба нақша гирифта шудааст

Ҳамзамон, дар робита ба пандемия аз коронавирус, буҷаи давлатии Тоҷикистон барои соли 2020 ихтисор карда шуд.

0