Прокуратураи вилояти Суғд

Масъулини муассисаи тиббии Бӯстон як милион сомониро тасарруф кардаанд шарҳи прокурор

615
(Таҷдидшуда 17:35 20.07.2020)
Прокурори вилояти Суғд теъдоди парвандаҳои дорои фасоди молиро шарҳ дод. Ба иттилоъи прокурор яке аз ин парвандаҳо ба муассисаи тандурустии шаҳри Бӯстон алоқаманд будааст, ки масъулин беш аз як миллион сомонӣ маблағҳои давлатиро аз они худ кардаанд

ДУШАНБЕ, 20 июл – Sputnik. Ҳабибулло Воҳидов, прокурори Суғд дар нишасти матбуотии рӯзи 17-уми июл, бандубасти парвандаҳои дорои хусусияти корррупсиониро шарҳ дод.

Номбурда гуфт, давоми шаш моҳи соли ҷорӣ 109 парвандаи ҷиноии дорои хусусияти коррупсионидошта аз ҷониби кормандони мақомоти прокуратура дар Суғд оғоз карда шудааст.

"Масалан Маркази кӯмаки аввалияи тиббию санитарии шаҳри Бӯстон, ки яке аз муассисаҳои давлатӣ мебошад, дар вақти санҷишҳои прокурорӣ муайян карда шуд, ки зиёда аз як милион сомониро азони худ кардаанд. Ибтидо мо нисбати 529 ҳазор сомонӣ парвандаи ҷиноиро нисбати масъулони ин муассиса ба анҷом расонида ба суд ирсол намудем. Суд ҳукм баровард ва ин миқдор маблағ аз ҷониби гунаҳгорон барқарор карда шуд", -гуфт Воҳидов.

Прокурори вилояти Суғд афзуд, он парвандаҳое мавриди тадбиқи қонуни авф қарор дода хоҳад шуд, ки агар азхудкунии маблағҳои давлатӣ барқарор карда шавад, дар акси ҳол чунин парвандаҳо бо тасдиқи фикри айбдорӣ ба суд фиристода мешавад.

Воҳидов иброз намуд, ки дар ин самт тафтишоти парванда нисбати 500 ҳазор сомонии тасарруфшуда дар ин муаасисаи тиббӣ давом дорад.

То ин вақт дар ҷараёни тафтишот 360 ҳазор аз 500 ҳазор сомонӣ маблағи давлатии тасарруфшуда дар Маркази кӯмаки аввалияи тиббию санитарии шаҳри Бӯстон барқарор шудааст, вале нисбати маблағи боқимонда ҳамоно таҳқиқ давом дорад.

Прокурори Суғд, яке аз самтҳои кори ин ниҳодро мубориза бо коррупсия маънидод карда, гуфт бар асоси Қонуни Ҷумҳурии Тоҷикистон “Дар бораи мубориза бо коррупсия” мақомоти прокуратура аз субъекҳои муборизабаранда бо зуҳуроти коррупсия маҳсуб дониста мешавад.

615
Барчаспҳо:
тасарруф, прокурор, шарҳ, Бӯстон
Руки в наручниках.

Боздошти зани 20-сола, ки гӯшворҳои тиллоиро аз гӯши кӯдакон медуздид

375
(Таҷдидшуда 11:32 30.09.2020)
Вазорати умури дохилии Тоҷикистон аз боздошти зани ҷавон, сокини шаҳри Ваҳдат ба гумони ғоратгарӣ хабар медиҳад

ДУШАНБЕ, 30 сен — Sputnik. Тибқи иттилои Вазорати корҳои дохилӣ дар ин бора ба ШВКД дар шаҳри Ваҳдат бо ариза зани 48-солаи сокини шаҳри мазкур муроҷиат намудааст.

Ӯ шикоят кардааст, ки рӯзи 24-уми августи соли 2020, тахминан соатҳои 16:00, шахси номаълум бо роҳи зӯроварӣ аз гӯшҳои духтарчаи 7-солааш 1-ҷуфт гӯшвори тиллоиро тасарруф намуда, аз ҷойи ҳодиса ғайб задааст.

"Зарари расонидашуда 750-сомониро ташкил медиҳад", -  омадаст дар хабарнома.

Ҳамин тавр, дар паи баргузори чорабиниҳои оперативӣ-ҷустуҷӯӣ аз ҷониби кормандони милитсия ҷавондухтари 20-солаи сокини ҷамоати деҳоти Б. Бурунови ҳамин шаҳр ҳамчун гумонбар дар содир намудани ҷинояти ғоратгарӣ дастгир карда шуд.

Инчунин дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки номбурда санаи 28-уми сентябри соли 2020, тахминан соатҳои 17:30-дақиқа, бо роҳи зӯроварӣ аз гӯшҳои духтарчаи 8-солаи сокини ҳамин шаҳр 1-ҷуфт гӯшвори тиллоиро тасарруф намуда, аз ҷойи ҳодиса ғайб задааст.

Зарари расонидашуда 1 ҳазору 300-сомониро ташкил медиҳад.

Манбаъ афзуда ки аз рӯи ин ҳодисаҳо тафтишот идома дорад.

375
Барчаспҳо:
Вазорати корҳои хориҷии ҶТ, тилло, зани ҷавон, боздошт
Подсудимая, архивное фото

Лату кӯб ва ғорати зани 42-сола аз ҷониби ду бону дар хонаи модараш

454
(Таҷдидшуда 15:26 26.09.2020)
Вазорати умури дохилии Тоҷикистон аз лату кӯб ва ғорат шудани зани 42-сола, сокини шаҳри Душанбе хабар медиҳад

ДУШАНБЕ, 26 сен - Sputnik. Тибқи иттилои Вазорати умури дохила, ин занро ду бону лату кӯб кардаву сипас ғорат намудаанд.

Ба иттилои манбаъ, ҳодисаи мазкур санаи 24 сентябр рух додааст.

Ба ШВКД дар шаҳри Ваҳдат бо ариза зани 42-солаи сокини шаҳри Душанбе муроҷиат намуда шикоят кардааст, ки санаи 24-уми сентябри соли 2020, тахминан соати 13:30-дақиқа ӯро дар хонаи модараш, воқеъ дар ҷамоати деҳоти Чуянгарони шаҳри мазкур ду нафар зан лату кӯб намуда бо роҳи зӯроварӣ аз дасташ телефони мобилашро, тасарруф намуда, аз ҷойи ҳодиса ғайб задааст.

"Зарари расонидашуда 810-сомониро ташкил медиҳад", - омадааст дар хабарнома.

Дар ин росто, Вазорат хабар медиҳад, ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия занони 38 ва 43-солаи сокинони шаҳри Ваҳдат бо гумони содир намудани ҷинояти ғоратгарӣ дастгир карда шудаанд.

454
Барчаспҳо:
лату кӯб, ғорат, Душанбе, Ваҳдат
Чрезвычайный и Полномочный посол Таджикистана в России Имомуддин Сатторов

Сатторов дар бораи донишҷӯёни дар Тоҷикистон бандмонда ва даъват аз шаҳрвандон

0
(Таҷдидшуда 18:12 01.10.2020)
Бозгашти донишҷӯёни тоҷик ба таҳсил дар Русияро сафири ҷумҳурӣ дар Федератсияи Русия Имомуддин Сатторов шарҳ дод

ДУШАНБЕ, 1 окт – Sputnik. Бозгашти шаҳрвандони Тоҷикистон ба Русия, ки ҳангоми пандемияи коронавирусӣ рафтанд, мушкил боқӣ мемонад, гуфт Имомуддин Сатторов, сафири фавқулодда ва мухтори ҷумҳурӣ дар Федератсияи Русия.

Дипломат даъват кард, ки барои шаҳрвандони Тоҷикистон, ки ниёзи фаврӣ надоранд, Русияро тарк накунанд.

"Дар ин бора мо тобистон, вақте ҳама фикр мекарданд, ки мераванду тез бармегарданд, сӯҳбат кардем. Асосан мо пешгӯӣ кардем, ки вазъи эпидемиологӣ ба ҳама шаҳрвандон имкон намедиҳад, ки баргарданд. Мо инчунин донишҷӯёне, ки тоза ба таътил баромадаву рафта буданд, даъват кардем, гарчанде онҳо метавонистанд дар ин ҷо мунтазир шаванд ",-гуфт Сатторов дар мусоҳиба бо Sputnik Тоҷикистон.

Сафир қайд кард, ки айни замон мақомоти Русия ва Тоҷикистон дар бораи баргардонидани донишҷӯёне, ки аз Федератсияи Русия ба ҷумҳурӣ рафтаанд, гуфтушунид доранд. Диққати махсус ба донишҷӯёни курси якум дода мешавад.

Вазири маорифи Русия гуфт, чӣ қадар донишҷӯёни хориҷӣ мунтазири омадананд

Бо сабаби пандемия, зиёда аз 100 ҳазор донишҷӯёни хориҷӣ наметавонанд ба Федератсияи Русия оянд

Ҳамзамон, ӯ илова кард, ки аз Тоҷикистон ба Русия омадаану баъдан дар хобгоҳ  тариқи фосилавӣ таҳсил кардан, маъно надорад.

0
Барчаспҳо:
донишҷӯён, сафир, Русия, Тоҷикистон