Выставки Comic Con Russia и ИгроМир. День третий

Шабгардии ноболиғони ноҳияи Бобоҷон Ғафуров: ҷое таҳсил намекунанд ва силоҳ мегардонанд

245
(Таҷдидшуда 11:53 14.12.2020)
Вазорати умури дохилаи Тоҷикистон аз ошкор шудани гурӯҳи ноболиғони шабгард дар ноҳияи Бобоҷон Ғафуров хабар медиҳад

ДУШАНБЕ, 14 дек — Sputnik. Бино ба гузориши ВКД, ахиран боз бемасъулиятии 14 нафар волидайни дар тарбияи фарзанд ошкор гардид. 

Ҷиҳати пешгирӣ аз кирдорҳои зиддиҳуқуқӣ дар байни наврасон кормандони шуъбачаи огоҳонӣ ва пешгирии ҳуқуқвайронкунӣ байни ноболиғони Шуъбаи ВКД-и ноҳияи Б. Ғафуров дар ҳудуди шаҳраки Ғафуров ва маҳаллаи Сталинскийи ноҳия чорабинии мақсадноки пешгирикунанда гузарониданд.

Маркази бозиҳои компютерӣ ба ҷои мактаб: боздошти беш аз 25 ноболиғу ҷавон дар Ҳисор

Гуфта мешавад, натиҷаи рейд нишон дод, ки меъёру талаботҳои Қонуни Тоҷикистон "Дар бораи масъулияти падару модар дар таълиму тарбияи фарзанд"-ро на ҳама волидон риоя мекунанд.

"14 нафар ноболиғ дар бевақтии шаб аз назорати падару модар дур монда, 5 нафарашон ҷойе таҳсил намекунанд, ду нафарӣ хонандагони мактаби №36, мактаби хонандагони болаёқат ва Коллеҷи техникии ҷамоати деҳоти Хистеварз ва се нафари дигар муҳассилини мактабҳои №№18, 83 ва Гимназияи ноҳияи Б.Ғафуров буданд", - омадааст дар хабарнома.

Бар замми ин зимни санҷиш аз як нафар ноболиғи дар маркази бозиҳои компютерии ҳудуди маҳаллаи Сталинский қарор дошта, силоҳи ба таври косибӣ сохташудаи ҷароҳатрасонанда ба истилоҳ "Кастет" дарёфт гардид.

Ҷинояти наврасони тоҷик: кордзанӣ, бозиҳои компютерӣ ва оворагардӣ

Тибқи иттилои ВУД, вобаста ба далелҳои ошкоргардида масъулини кор бо ноболиғони мақомоти милитсияи ноҳияи Б.Ғафуров бо ҳуқуқвайронкунандагон суҳбатҳои фаҳмондадиҳӣ гузаронида, ҳамчунин маводи маъмурӣ тартиб доданд.

Манбаъ афзуда, ки соҳибкорон дидаву дониста иҷозат додаанд, ки ноболиғон ба бозиҳои компютерии хусусияти зӯроваридошта ё саққобозӣ машғул шаванд.

245
Барчаспҳо:
Бобоҷон Ғафуров, корд, корд, ошкор шудани чанд далел, шабгардӣ
Арест. Архивное фото

Пули "Бонки Эсхата" -ро зада, терминалҳоро шикастанд: боздошти ду бародар ва рафиқашон

556
(Таҷдидшуда 13:13 13.01.2021)
Бародарон Сайҳун ва Абдумаҷид Абдуманоновҳо ва ҳамаслаки онҳо Суҳроб Ҷӯраев баъди дуздии пайдарпайи терминалҳои пулгузаронӣ дар маҳаллаҳои Хуҷанд, оқибат ба дасти милитсия афтоданд

ДУШАНБЕ, 13 янв – Sputnik. Идораи Раёсати вазорати корҳои дохилӣ дар вилояти Суғд бо ироаи ин иттилоъ гуфт, нафарони боздоштшуда, ҳама сокинони шаҳри Хуҷанд буда, аз моҳи декабри соли гузашта то аввалҳои моҳи январи соли ҷорӣ ба ғорати терминалҳои пулгузаронӣ машғул шудаанд, ки дар ҳафт ҳолат аз 2760 то 12 000 сомониро дуздидаанд.

Акбар Шарифӣ, сухангӯи РВКД дар Суғд дар суҳбат ба Sputnik Тоҷикистон гуфт, ҷавонон ин ҷиноятро шабона содир намудаанд.

"Гумонбарон дар ҳайати гурӯҳ бо маслиҳати пешакӣ ва бо асбоби оҳании мехкашӣ сарпуши теминалҳоро кушода, дастгоҳи пулқабулкунӣ ё кешкодро тасарруф намуда, баъди ба дасти овардани маблағи ҷамъшуда, таҷҳизоти пулқабулкунакро ҳамчун ашёи нолозим партофтаанд", - гуфт Шарифӣ.

Ба иттилои манбаъ, ин гурӯҳи ҷавонон ба ҷуз дуздии маблағи терминалҳои мавҷудбуда дар маҳаллаҳои 13, 18, 20 ва 28 - уми Хуҷанд ба соҳибмулкон "Бонки Эсхата" ва "Душанбе Ситӣ" зарари молумулкӣ расонидаанд.

Гумонбарон аз ҷумла санаи 14 декабри соли гузашта аз терминали назди мағозаи "Доро" воқеъ дар маҳаллаи 20 - уми Хуҷанд 7518 сомониро тасарруф намуда, дастгоҳи ҳисоб ва қабули пул, ки маҷмӯан 4950 сомонӣ арзиш дошт, шикаста корношоям кардаанд.

Боздошти келини 21-солаи хона, ки хусурро ғорат карду ду “Лексус” ва як “Киа” харид-видео

Мақомоти милитсияи шаҳри Хуҷанд ҳоло нисбати "иттифоқи сегона" бародарон Сайҳуни 28 - сола, бародараш Абдумаҷид Абдуманнонови 22 - сола ва шарики онҳо Сӯҳроб Ҷӯраеви19 - сола, бар асоси моддаи 244 (дуздӣ ) - и Кодекси ҷиноятӣ парванда оғоз намудааст.

556
Барчаспҳо:
Суғд, боздошти гумонбарон, боздошт, ғорат, Бонк
Машина скорой помощи

Бистарӣ шудани ҷавони 20-сола аз зарби корд дар Душанбе

404
(Таҷдидшуда 17:34 14.01.2021)
Вазорати корҳои дохилии Тоҷикистон аз боздошти ҷавони 24-сола хабар медиҳад, ки ҷавони 20-соларо бо зарби корд захмӣ кардааст

ДУШАНБЕ, 8 янв – Sputnik. Бино ба гузориши Вазорати корҳои дохилӣ, ба ШВКД-2 дар ноҳияи Сино бо ариза марди 48-солаи сокини ноҳияи мазкур муроҷиат намудааст.

Ӯ шикоят кардааст, ки рӯзи 5-уми январ, тахминан соати 17:30, дар кӯчаи Н.Махсуми пойтахт шахсони номаълум аз ҳиссиёти авбошӣ, бе ягон асос писараш ҷавони 20-соларо лату кӯб намудаанд.

Ҳамчунин авбошон бо корди дар дасташон буда, 1 маротиба ба пой ва шикамаш задаанд.

"Дар натиҷа, номбурда ҷароҳати ҷисмонӣ бардошта, дар беморхона бистарӣ мегардад", - омадааст дар хабарнома.

Дар паи баргузории чорабиниҳои оперативӣ-ҷустуҷӯӣ аз ҷониби кормандони милитсия ҷавони 24-солаи сокини пойтахт бо гумони содир намудани ҷинояти авбошӣ дастгир карда шуд.

Кордкашии ноболиғон дар Душанбе дар шаби Соли нав

Манбаъ афзуда, ки аз рӯи ин ҳодиса тафтишот идома дорад.

404
Барчаспҳо:
бистарӣ шудан, кордкашӣ, ВКД
В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

0
(Таҷдидшуда 20:10 16.01.2021)
Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ  “Ховар”.

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

0
Барчаспҳо:
баргузор, саноат, Душанбе, намоишгоҳ, Афғонистон