Школьники, архивное фото

Дар Русия ба фарзандони муҳоҷирин забони русӣ меомӯзанд

50
(Таҷдидшуда 15:28 18.12.2014)
Палатаи ҷамъиятии Русия ба вазорати маорифи ин кишвар пешниҳод кардааст, ки барои атфоли муҳоҷирин ҷиҳати омӯзиши забони русӣ мактабҳо таъсис диҳад.

ДУШАНБЕ, 16 дек — Sputnik. Ин ташаббус наздик ба 500 ҳазор кӯдакро фаро мегирад, ки қисмати бештари онҳо барномаи таълимии маъмулиро дар макотиби таълимоти умумӣ наметавонанд аз бар кунанд, иттилоъ медиҳад "Русия барои ҳама". 

"Дар Русия то 4-уми декабри соли равон 150 ҳазор ноболиғон аз Тоҷикистон, 174 ҳазор нафар аз Ӯзбакистон, 100 ҳазор аз Қирғизистон ва 51 ҳазори дигар аз Молдова расман сабти ном шудаанд"- менависад манбаъ дар такя ба асноди пешниҳодсохтаи ХФМ-и Русия.

Ба макотиби миёнаи Русия бештар кӯдаконе оварда мешаванд, ки забонро аслан намедонанд, чун волидайнашон муҳоҷирини корӣ буда, аксари онҳо аз кишварҳое мебошанд, ки забони русӣ дар муколамаи умумӣ нақш надорад. 

Аз сабаби камбуди барномаҳои таълимӣ ҳатто миёни синфҳои болоӣ афроде ёфт мешаванд, ки наметавонанд бо русӣ суҳбат кунанд. 

Таҳлилгароне, ки ин масъаларо пайгириӣ кардаанд, мегӯянд танҳо  атфоли укроинӣ мушкили такаллум бо забони русӣ надоранд. Дар баъзе шаҳрҳои бузург ин гуна мактабҳо вуҷуд доранд, ки дар онҳо ним соли аввал атфол танҳо забон меомӯзанд. Аммо теъдоди ин гуна мактабҳо хеле каманд ва палатаи ҷамъиятӣ мехоҳад ин як барномаи фарогири умумӣ бошад, ки вазорати маориф роҳандозӣ кунад. 

Аммо дар вазорати маорифи Русия ба "КоммерсантЪ" гуфтаанд, ки ин масъаларо на аз роҳи таъсиси мактабҳои нав, балки боло бурдани малакаи омӯзгорон мехоҳанд ҳал кунанд.

 

50
Барчаспҳо:
барои фарзандони муҳоҷирин, омӯзиш, вазорати маорифи Русия, ХФМ, Палатаи ҷамъиятии Русия, Қирғизистон, Малдова, Тоҷикистон, Ӯзбакистон, Русия
Коргарон, акс аз бойгонӣ

“Аксар чинӣ”: фош шудани ҷалби ғайриқонунии хориҷиён ба кор дар Тоҷикистон

518
Агентии давлатии назорати молиявӣ ва мубориза бо коррупсияи Тоҷикистон дар пайи як санҷиш мавориди зиёди эъзоми ғайриқонунии коргарони хориҷӣ ба кор дар ширкатҳоро ошкор кардааст. Аксари ин ширкатҳо чиниянд

ДУШАНБЕ, 16 фев — Sputnik. Сулаймон Талбакзода, сардори Сарраёсати назорати давлатии молиявии Агентӣ, зимни нишасти матбуотии ин ниҳод гуфт, дар пайи як санҷише, ки дар Хадамоти муҳоҷирати вазорати меҳнат, муҳоҷират ва шуғли аҳолии Тоҷикистон анҷом шуд, чандин мавриди эъзоми ғайриқонунии коргарони хориҷӣ ба кор ошкор шуда, ҳазинаи ин зарар ба давлат қобили мулоҳиза аст.

“Муайян гардид, ки бар хилофи қарори Ҳукумат дар бораи қоидаҳои додани кор ба хориҷиён, бархе аз шаҳрвандони берунӣ бидуни иҷозат ба кор қабул шудаанд, ки дар натиҷа ба буҷети давлатӣ 5,3 миллион сомонӣ маблағ ворид нашуд”, - иттилоъ дод Сулаймон Талбакзода.

Тибқи иттилои Агентии давлатии назорати молиявӣ ва мубориза бо коррупсия, аксари ин ширкатҳо чинӣ ва ё дар ҳамдастӣ бо чиниҳо дар Тоҷикистон фаъолият мекунанд. Манбаъ афзуд, ширкатҳои назири “Пакрут”, ки 1,3 миллион сомонӣ, “Синоҳидро Тоҷикистон” - 772 ҳазор, “Ҷунтай Моҳир Семент” - 7,2, филиали ширкати “Синзян Коммуникейшн Конструкшн груп” дар Тоҷикистон - 451,4, намояндагии ширкати “ТВЕА” дар Тоҷикистон - 96,9 ва “Ҷонг Фу” - 600,3 ҳазор сомонӣ маблағи буҷетро пардохт накардаанд.

Якеи дигар ширкати муҳандисӣ - сохтмонии эронӣ ба номи “Умрон Морун” аст, ки дар сохтмони нерӯгоҳи “Роғун” машғули кор аст ва дар пайи ҷалби ғайриқонунии коргарон ба буҷаи Тоҷикистон 19,5 ҳазор сомонӣ маблағ напардохтааст.

Ин рӯйхат бо ширкати “Гушикай Лтд” хотима меёбад, ки дар муаррифиҳо тоҷикистонӣ гуфта шудааст ва 553,8 ҳазор сомонӣ қарздор аст.

Дар ҳамин ҳол, Агентии давлатии назорати молиявӣ ва мубориза бо коррупсия дар бораи ин, ки ин ширкатҳо шаҳрвандони кадом кишвари хориҷиро ба чӣ теъдод ба кор ҷалб кардаанд, маълумоти бештар ироа накард.

518
Барчаспҳо:
ғайриқонунӣ, кор, Тоҷикистон
Очереди мигрантов в УФМС

Вуруди тоҷикистониён 4 баробар кам шуд: "ФСБ" гуфт, чанд хориҷӣ ба Русия омадаанд

1463
(Таҷдидшуда 20:12 16.02.2021)
Кишварҳои Осиёи Марказӣ, сарфи назар аз пандемия, аз рӯи шумораи шаҳрвандоне, ки ба Русия омадаанд, ба панҷгонаи аввал шомил мебошанд

ДУШАНБЕ, 16 фев - Sputnik. Дар маҷмӯъ соли 2020 ба Русия 9,6 миллион шаҳрванди хориҷӣ ташриф овардаанд,  навиштааст "Интерфакс" аз қавли хадамоти сарҳадии Хадамоти федералии амният - "ФСБ".

Бахши хоҷагии қишлоқи Русия ба таҷрибаи муҳоҷирони меҳнатӣ ниёз дорад. Тибқи омор, шумораи ками хориҷиён бо ҳадафи сайёҳӣ ба Русия омадаанд - ҳамагӣ 336 ҳазор нафарро ташкил додаанд. Ташрифи сайёҳон 93% кам шудааст.

Дар маҷмуъ шумораи хориҷиёни воридшуда 67,5% коҳиш ёфт. Шаҳрвандони Украина аз рӯи шумораи вуруд ба қаламрави Федератсияи Русия пешсаф шуданд. Аз ин кишвар дар маҷмӯъ 3,65 миллион нафар аз ин кишвар ба Русия омадаанд.

Ҳамчунин ба панҷгонаи аввал, муҳоҷирон аз Осиёи Марказӣ шомил шудаанд. Ҳамин тавр, аз Тоҷикистон ба Русия дар соли 2020 ҳудуди 401,8 ҳазор нафар омадаанд. Тибқи маълумоти Вазорати меҳнати Тоҷикистон, аз инҳо тақрибан 130 ҳазор нафар ба ҷустуҷӯи кор рафтаанд. 

Вуруди асосии хориҷиён, тибқи омори "ФСБ", ба семоҳаи аввали соли 2020 рост омад.

Ёдовар мешавем, ки тибқи маълумоти хадамоти сарҳадии ФСБ, дар соли 2019  ба Русия 1,57 миллион нафар омадаанд. Бармеояд бинобар пандемияи коронавирус, шумораи шаҳрвандони Тоҷикистон, ки ба Федератсияи Русия омадаанд, қариб 4 маротиба кам шудааст.

1463
Барчаспҳо:
Хадамоти федералии муҳоҷират, сафар, Русия, Тоҷикистон
Конкурс Чакомаи Гесу в Худжанде

Мӯдарозтарин духтари Душанберо муайян карданд

0
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шуданд

ДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.

Дар оғози фестивал намоишгоҳи маҳсулоти ороишии  ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй  ба маъраз гузошта шуд.

Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.

Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр  иштирок намуданд.

Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир  мегардад.

Рустам Эмомалӣ қарор кард: дар Душанбе фестивали "Чакомаи гесу" баргузор шавад

Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.

0