Каромат Шарипов, архивное фото

Муҳоҷирони тоҷик Русияро тарк карда ба Сурия “меафтанд”

61
(Таҷдидшуда 14:55 18.12.2014)
Ба андешаи роҳбари Ҷунбиши умумирусиягии “Муҳоҷирони кории тоҷик” ҳамватанони мо, ки алъон маҷбуранд Русияро тарк намоянд, имкон доранд ба гурӯҳҳои иртиҷоии Ироқ ва Сурия бипайванданд.

ДУШАНБЕ, 18 дек — Sputnik. Каромат Шарипов, раиси Ҷунбиши умумирусиягии "Муҳоҷирони кории тоҷик" бар ин назар аст, ки коҳиши қурби рубл муҳоҷиронро водор мекунад ин кишварро тарк кунанд, менависад оҷонсии маҳаллии Тоҷнюс.

"Бахши муҳими муҳоҷирини тоҷики муқими Русия қасд доранд ба Ватан баргарданд ва дубора наоянд,- афзудааст Каромат Шарипов аснои сӯҳбат  дар як шабакаи радиои Русия.

Сарвари Ҷунбиши умумирусиягии тоҷикон гуфтааст, ки имрӯз ҳазор рубли русӣ дар Тоҷикистон 65 сомонӣ арзиш дорад, ин дар ҳолест, ки  қаблан ҳазор рубл ба 126-130 сомонӣ табодул мешуд.

Ба саволи хабарнигори ин радио, ки муҳоҷирини бозгашта куҷо хоҳанд рафт, Каромат Шарипов посух додааст, ки тибқи пешбиниҳо метавонанд ба Ироқ ё Сурия раванд.

Бино ба гуфтаи ӯ ба муҳоҷирин моҳона намедиҳанд.Қарзи корфармоён аз муҳоҷирини корӣ танҳо дар Маскав болотар аз 1 миллиард рубл аст.

Ба назари коршиносон, аз сабаби заъфи пули русӣ муҳоҷирини корӣ аз ИДМ, аз ҷумла аз Тоҷикистон интиқоли пул ба ватанашонро коҳиш додаанд.

Қаблан, Хадамоти федеролии муҳоҷирати Русия теъдоди шаҳрвандони Тоҷикистонро, ки расман дар қаламрави ин кишвар қарор доранд, ҳудуди 1 миллиону 100 ҳазор нафар эълон карда буд. Аммо Шермуҳаммади Шоҳиён, раиси КМИР-и Тоҷикистон ду рӯз қабл омори ХФМ-и ФР-ро бепоя хонад гуфт, бар асоси оморе, ки онҳо доранд, дар 11 моҳи соли равон аз Тоҷикистон 630 ҳазор нафар ба хориҷи кишвар сафар карда, ки аз ин шумор ҳудуди 400 ҳазор нафар баргаштааст.

Бино ба иттилои ВКД ҶТ феълан дар ҷангҳои Сурия ва Ироқ беш аз 200 шаҳрванди Тоҷикистон ширкат доранд ва аз ин теъдод 50 нафарашон ҳалок шудааст.

61
Барчаспҳо:
меафтанд, тарк карда, ҷангҳо, ҷунбиши умумирусиягӣ, ХФМ, Муҳоҷирони кории тоҷик, КМИР, Каромат Шарипов, Ироқ, Сурия, Тоҷикистон, Русия, Маскав
Мавзуъ
Каромат Шарипов: тоҷикон дар ҳолати таназзул қарор доранд
Каромат Шарипов: “Садовод” макони тазоҳуроти муҳоҷирон мешавад
Коргарон, акс аз бойгонӣ

“Аксар чинӣ”: фош шудани ҷалби ғайриқонунии хориҷиён ба кор дар Тоҷикистон

518
Агентии давлатии назорати молиявӣ ва мубориза бо коррупсияи Тоҷикистон дар пайи як санҷиш мавориди зиёди эъзоми ғайриқонунии коргарони хориҷӣ ба кор дар ширкатҳоро ошкор кардааст. Аксари ин ширкатҳо чиниянд

ДУШАНБЕ, 16 фев — Sputnik. Сулаймон Талбакзода, сардори Сарраёсати назорати давлатии молиявии Агентӣ, зимни нишасти матбуотии ин ниҳод гуфт, дар пайи як санҷише, ки дар Хадамоти муҳоҷирати вазорати меҳнат, муҳоҷират ва шуғли аҳолии Тоҷикистон анҷом шуд, чандин мавриди эъзоми ғайриқонунии коргарони хориҷӣ ба кор ошкор шуда, ҳазинаи ин зарар ба давлат қобили мулоҳиза аст.

“Муайян гардид, ки бар хилофи қарори Ҳукумат дар бораи қоидаҳои додани кор ба хориҷиён, бархе аз шаҳрвандони берунӣ бидуни иҷозат ба кор қабул шудаанд, ки дар натиҷа ба буҷети давлатӣ 5,3 миллион сомонӣ маблағ ворид нашуд”, - иттилоъ дод Сулаймон Талбакзода.

Тибқи иттилои Агентии давлатии назорати молиявӣ ва мубориза бо коррупсия, аксари ин ширкатҳо чинӣ ва ё дар ҳамдастӣ бо чиниҳо дар Тоҷикистон фаъолият мекунанд. Манбаъ афзуд, ширкатҳои назири “Пакрут”, ки 1,3 миллион сомонӣ, “Синоҳидро Тоҷикистон” - 772 ҳазор, “Ҷунтай Моҳир Семент” - 7,2, филиали ширкати “Синзян Коммуникейшн Конструкшн груп” дар Тоҷикистон - 451,4, намояндагии ширкати “ТВЕА” дар Тоҷикистон - 96,9 ва “Ҷонг Фу” - 600,3 ҳазор сомонӣ маблағи буҷетро пардохт накардаанд.

Якеи дигар ширкати муҳандисӣ - сохтмонии эронӣ ба номи “Умрон Морун” аст, ки дар сохтмони нерӯгоҳи “Роғун” машғули кор аст ва дар пайи ҷалби ғайриқонунии коргарон ба буҷаи Тоҷикистон 19,5 ҳазор сомонӣ маблағ напардохтааст.

Ин рӯйхат бо ширкати “Гушикай Лтд” хотима меёбад, ки дар муаррифиҳо тоҷикистонӣ гуфта шудааст ва 553,8 ҳазор сомонӣ қарздор аст.

Дар ҳамин ҳол, Агентии давлатии назорати молиявӣ ва мубориза бо коррупсия дар бораи ин, ки ин ширкатҳо шаҳрвандони кадом кишвари хориҷиро ба чӣ теъдод ба кор ҷалб кардаанд, маълумоти бештар ироа накард.

518
Барчаспҳо:
ғайриқонунӣ, кор, Тоҷикистон
Очереди мигрантов в УФМС

Вуруди тоҷикистониён 4 баробар кам шуд: "ФСБ" гуфт, чанд хориҷӣ ба Русия омадаанд

1463
(Таҷдидшуда 20:12 16.02.2021)
Кишварҳои Осиёи Марказӣ, сарфи назар аз пандемия, аз рӯи шумораи шаҳрвандоне, ки ба Русия омадаанд, ба панҷгонаи аввал шомил мебошанд

ДУШАНБЕ, 16 фев - Sputnik. Дар маҷмӯъ соли 2020 ба Русия 9,6 миллион шаҳрванди хориҷӣ ташриф овардаанд,  навиштааст "Интерфакс" аз қавли хадамоти сарҳадии Хадамоти федералии амният - "ФСБ".

Бахши хоҷагии қишлоқи Русия ба таҷрибаи муҳоҷирони меҳнатӣ ниёз дорад. Тибқи омор, шумораи ками хориҷиён бо ҳадафи сайёҳӣ ба Русия омадаанд - ҳамагӣ 336 ҳазор нафарро ташкил додаанд. Ташрифи сайёҳон 93% кам шудааст.

Дар маҷмуъ шумораи хориҷиёни воридшуда 67,5% коҳиш ёфт. Шаҳрвандони Украина аз рӯи шумораи вуруд ба қаламрави Федератсияи Русия пешсаф шуданд. Аз ин кишвар дар маҷмӯъ 3,65 миллион нафар аз ин кишвар ба Русия омадаанд.

Ҳамчунин ба панҷгонаи аввал, муҳоҷирон аз Осиёи Марказӣ шомил шудаанд. Ҳамин тавр, аз Тоҷикистон ба Русия дар соли 2020 ҳудуди 401,8 ҳазор нафар омадаанд. Тибқи маълумоти Вазорати меҳнати Тоҷикистон, аз инҳо тақрибан 130 ҳазор нафар ба ҷустуҷӯи кор рафтаанд. 

Вуруди асосии хориҷиён, тибқи омори "ФСБ", ба семоҳаи аввали соли 2020 рост омад.

Ёдовар мешавем, ки тибқи маълумоти хадамоти сарҳадии ФСБ, дар соли 2019  ба Русия 1,57 миллион нафар омадаанд. Бармеояд бинобар пандемияи коронавирус, шумораи шаҳрвандони Тоҷикистон, ки ба Федератсияи Русия омадаанд, қариб 4 маротиба кам шудааст.

1463
Барчаспҳо:
Хадамоти федералии муҳоҷират, сафар, Русия, Тоҷикистон
Конкурс Чакомаи Гесу в Худжанде

Мӯдарозтарин духтари Душанберо муайян карданд

0
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шуданд

ДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.

Дар оғози фестивал намоишгоҳи маҳсулоти ороишии  ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй  ба маъраз гузошта шуд.

Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.

Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр  иштирок намуданд.

Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир  мегардад.

Рустам Эмомалӣ қарор кард: дар Душанбе фестивали "Чакомаи гесу" баргузор шавад

Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.

0