Глава ФМС РФ Константин Ромодановский. Архивное фото

Роҳбари ХФМ ФР: 40 %-и муҳоҷирон дар Русия мутобиқ нашудаанд

9
(Таҷдидшуда 12:46 29.12.2014)
Ба назари Константин Ромадоновский, сарвари ХФМ-и Русия мушкили аслии аксари муҳоҷирони корӣ дар ФР, ки аз Осиё Марказӣ меоянд, надонистани забони русӣ ва надоштани ихтисоси зарурӣ мебошад.

ДУШАНБЕ, 29 дек — Sputnik. Сарвари Хадамоти Федералии муҳоҷирати Русия гуфт, 40 дарсади муҳоҷирон дар ин кишвар мутобиқ нашудаанд, иттилоъ медиҳад "ca-news".

Ӯ афзуд, тайи чор соли ахир воридшавии муҳоҷирон ба Русия ҳудуди 40 % зиёд шуд ва аксари онҳо, яъне 40 дарсади муҳоҷирон ашхоси мутобиқнашуда мебошанд.

"Одамоне меоянд, ки забони русиро балад нестанд. Биёед, аниқ мекунем. Дар ҳама кишварҳо одамон дар макотиб таҳсил мекунанд? Ҳа, мекунанд. Дар бархе аз кишварҳои ИДМ таълими фанҳои кимиё, физика бо забони русӣ ба роҳ монда шудааст. Инҳо илмҳои бунёдӣ мебошанд. Дар забони давлатҳои ОМ истилоҳоти илмии ин фанҳо вуҷуд надорад. Ва агар одамон дар мактаб таълим гирифта бошанд, пас бо воситаи ин фанҳо имкон доштанд, забони русиро омӯзанд. Дар сурати надонистани забони русӣ саволе ба миён меояд, ки оё онҳо дар мактаб таҳсил кардаанд? Боз ин дар вақте ки онҳо касб (ихтисос)-и зарурӣ надоранд",- иброз дошт Ромадановский аснои мусоҳиба бо "Российская газета".

Ба қавли ӯ, Русия пас аз ИМА бо теъдоди муҳоҷирон дар ҷои дуввум қарор дорад.

"Русия ин мақомро пас аз суқути ИҶШС (СССР) ба даст овард, зеро шаҳрвандони ин давлати абарқудрат пас аз пошхӯрии он хориҷӣ шуданд",- қайд кард Ромадановский.

Ба иттилои ХФМ-и Русия тайи 10 моҳи соли равон аз Тоҷикистон ба ин кишвар беш аз 1,1 миллион тоҷикистонӣ муҳоҷират кардааст.  

9
Барчаспҳо:
муҳоҷирони корӣ, мутобиқ нашудаанд, ХФМ, Константин Ромодановский, Осиёи Марказӣ, Тоҷикистон, ФР, Русия
Мавзуъ
Шоҳиён гуфт, Тоҷикистон 1 миллион муҳоҷир надорад
Раиси ХФМ афви муҳоҷиронро баъди роиҷ шудани патент истисно намедонад
Президент Таджикистана Эмомали Рахмон во Дворце культуры в Матчинском районе

Эмомалӣ Раҳмон дар бораи муҳоҷират: мо имкон дорем, ки мардумро пурра бо кор таъмин намоем

938
Эмомалӣ Раҳмон гуфт, имкони бо кор фаро гирифтани муҳоҷирини меҳнатӣ дар дохили Тоҷикистон вуҷуд дорад

ДУШАНБЕ, 26 янв — Sputnik. Президенти Тоҷикистон дар Паёми имсолааш ба парлумони Тоҷикистон, ки дар Кохи Сомони шаҳри Душанбе идома дорад, гуфт, соли 2020 бо сабаби пандемияи "вируси корона" 80% - и муҳоҷирини меҳнатӣ натавонистанд ба берун раванд.

"Аз 460 ҳазор нафаре, ки ҳамасола берун мерафтанд, фақат 111 ҳазор рафтаанд. Он чӣ ишора карда истодаам, ин аст, ки мо дар дохили кишвар захираву имконотеро дорем, ки дар оянда боз ҳам беҳтар кор карда, шароити корӣ, корхонаҳои истеҳсолӣ ва кишоварзӣ эҷод намоем ва шароити корӣ фароҳам оварда, мардуми худро пурра бо кор таъмин намоем", - гуфт Эмомалӣ Раҳмон.

Тибқи иттилое, ки Эмомалӣ Раҳмон дар ҷамъи аъзои парлумон эълон кард, соли гузашта дар Тоҷикистон 300 корхонаву коргоҳи саноатӣ таъсис ёфта, беш аз 6,5 ҳазор ҷои кории нав ба вуҷуд омадааст.

Вай афзуд, 157 муассисаи таҳсили умумӣ ва биноҳои иловагӣ барои 63 ҳазор хонанда, 108 муассисаи тиббӣ ва 1,2 млн мураббаъ манзили истиқоматӣ ба истифода дода шудаанд.

“Дар ин давра 193 ҳазор ҷойи кории доимиву мавсимӣ ташкил шуда, даромади пулии аҳолӣ 10% зиёд шудааст”, - гуфт президент.

Вай афзуд, пасандозҳои сокинони Тоҷикистон 17, 2 фисад зиёд шуда, 11,4 миллиард сомониро ташкил додааст, ки гувоҳи зиёд шудани даромади аҳолӣ ва афзоиши эътимоди онҳо ба ташкилотҳои карзӣ аст.

938
Барчаспҳо:
пешниҳод, Эмомалӣ Раҳмон, муҳоҷират, Тоҷикистон
Пешеходы идут по Патриаршему мосту в Москве.

Муовини вазир нақшаи ҷалби муҳоҷирон аз Тоҷикистон ба Русияро гуфт

411
(Таҷдидшуда 12:26 26.01.2021)
Намояндаи Вазорати сохтмон ва манзилу коммуналии Русия гуфт, ки чӣ гуна ширкатҳои русӣ коргарони хориҷиро ҷалб хоҳанд кард

ДУШАНБЕ, 26 январ - Sputnik. Никита Стасишин, муовини вазири сохтмон ва манзилию коммуналии Русия, дар эфири шабакаи телевизионии "Москва 24" гуфт, ки дархостҳои ширкатҳо барои воридоти муҳоҷирони корӣ чӣ гуна иҷро мешаванд.

"Ҳама ҳамоҳангсозии байниидоравӣ дар шакли электронӣ сурат мегирад. Таҳиягарон ва ширкатҳо бояд танҳо дар платформаи электронӣ ариза пешниҳод кунанд",- гуфт ӯ.

Намояндаи вазорат илова кард, ки дархостҳо барои пешниҳоди захираҳои меҳнатӣ ҳарчи зудтар баррасӣ карда мешаванд.

Ёдовар мешавем, ки 22 январ вазири сохтмон ва манзилию коммуналии Федератсияи Русия Ирек Файзуллин аз таъсиси механизми вуруди муҳоҷирон ба Федератсияи Русия барои кор дар сохтмонҳо хабар дод.

Русия аз патенти муҳоҷирони меҳнатӣ 577 миллион доллар фоида гирифт

Ин суръат бахшидан ба масъалаҳои ҷалби муҳоҷирони меҳнатӣ аз Туркия, Қазоқистон, Тоҷикистон ва Ӯзбекистон пас аз як қатор изҳороти намояндагони мақомоти Русия дар бораи норасоии нерӯи корӣ дар ин кишвар сурат гирифтааст.

Иҷозати Ҳукумати Русия барои вуруди муҳоҷирон аз Тоҷикистон

Дар нимаи моҳи январ, президенти Русия Владимир Путин ба ҳукумати Федератсияи Русия супориш дод, ки масъалаи содда кардани ҷалби муҳоҷирони меҳнатӣ ба сохтмонҳоро то 1 март баррасӣ кунанд.

411
Барчаспҳо:
сохтмон, кор, Муҳоҷират, Тоҷикистон, Русия