Паспортный контроль в аэропорту, архивное фото

Дар Русия қоидаҳои нави муҳоҷират ҷорӣ шуданд

49
(Таҷдидшуда 10:05 16.02.2015)
Шурӯъ аз 1 январи соли 2015 ба қаламрави Русия ворид гардидани муҳоҷирон, тибқи қоидаҳои нави муҳоҷират амалӣ мешавад ва он аз аввали соли равон оғоз гардид.

ДУШАНБЕ, 2 янв — Sputnik. Аз 1 январи соли 2015 дар Русия қоидаҳои нави муҳоҷират ба қувваи қонун даромаданд. Ҳамин тавр, барои буду боши қонунии худ дар ФР муҳоҷирон бояд санадҳои зиёдеро пешниҳод созанд.

Бар пояи тағйироти қонунгузории Русия, ки аз 1 январи соли 2015 амалӣ мешавад, аз ин ба баъд шаҳрвандони хориҷӣ, ки барои кор вориди ФР мешаванд, ба ғайр аз патент бояд санади тиббӣ дар бораи саломатӣ дошта бошанд. Инчунин доштани ҳуҷҷати тасдиқкунанда оид ба пардохти АДШҲ (НДФЛ) ва донистани забони русӣ шарти ҳатмист.

Сафар ба Русия —танҳо бо шиносномаи хориҷӣ

Дар ҳамин ҳол, сар аз панҷшанбеи 1-уми январи соли 2015 вуруди шаҳрвандони кишварҳои ИДМ ба Русия бо шиносномаҳои дохилӣ манъ гардид.  

Оҷонсии маҳаллии Tojnews бо такя ба сомонаи расмии Вазорати корҳои хориҷии Русия навишт, ки шаҳрвандони Русия низ барои ба кишварҳои ИДМ сафар кардан бояд шиносномаи хориҷӣ бо худ дошта бошанд.

Ин меъёр барои кишварҳои узви Иттиҳоди гумрукӣ (Беларус ва Қазоқистон) дахл надорад. Инчунин, ин шабу рӯзҳо гуфтушунидҳо барои ворид шудани Қирғизистон ба Созмони иқтисодии АвруОсиё идома дорад, бино бар ин шаҳрвандони ин кишвар низ бидуни шиносномаи хориҷӣ метавонанд ба Русия ворид шаванд.

Бо такя ба расонаҳои русӣ, ин сомона менависад, ки пас аз ҷоришавии низоми нави вуруд ба Русия шумори муҳоҷирони тоҷик дар ин кишвар дар оғози сол то 50% коҳиш хоҳад ёфт. Ба ин далел, ки на ҳамаи онҳо метавонанд шиносномаи хориҷӣ пайдо кунанд.

Патент ба ҷои квота

Аз 1 январи соли 2015 дар Русия ҷои квотаҳои кунунӣ барои муҳоҷирони хориҷиро патент мегирад. Аммо ин тағйирот танҳо барои ҷалби нирӯи кори хориҷӣ аз сӯи соҳибкорони инфиродӣ буда, корхонаҳову ширкатҳо бояд ҳамчунон иҷозатномаи кор бигиранд. Фақат муҳоҷирони хориҷие патент гирифта метавонанд, ки аснои убури марзи Русия дар корти муҳоҷират мақсади сафарашонро "кор" нишон дода бошанд.

Арзиши моҳонаи патент дар Маскв барои муҳоҷирон чор ҳазор рублро ташкил медиҳад, менависад сомонаи Департаменти сиёсати иқтисодӣ ва рушди пойтахти Русия.

"Ҳазина ба молиёти (андози) шаҳрвандони Русия ва муҳоҷирон баробар хоҳад буд ва ин имкон медиҳад, ки ҷойҳои нави корӣ барои табааи кишвар муҳайё гардад",-афзуд Максим Решетников, вазири ҳукумати Маскав, ҳамзамон роҳбари Департаменти сиёсати иқтисодӣ ва рушди пойтахт.

Масъулини департамент изҳор медоранд, ки муҳоҷирати бе раводид ба дӯши сохторҳои коммуналӣ ва дигар бахшҳо бори зиёдатиро таҳвил медиҳад. Онҳо аз хидматрасонии маориф, тандурустӣ истифода карда, ҳеч як намуди андоз намесупоранд. Бинобар ин, аз ҳисоби рӯи кор омадани низоми нав 12 миллиард рубли иловагӣ ба буҷаи шаҳр ворид мегардад.

"Ин низом ба зиммаи муҳоҷирон хароҷоти иловагиеро, ки қаблан ба дӯши москвагиҳо ва дигар шаҳрвандони ФР, ки дар бахши фаъоли иқтисодӣ кор мекарданд, мегузорад ",- илова кард Решетников.

Тарзи гирифтани патент содда, шаффоф ва аниқ аст. Дар Маскав муассисаи вижа ба фаъолият пардохта, тамоми санадҳои марбутаро метавон дар як рӯз ва дар як идора дарёфт кард.

Ба замми ин пешниҳоди санад дар бораи саломатӣ ва ҳуҷҷати тасдиқкунандаи донистани забони русӣ барои ҳар як корҷӯ шарту зарур аст.

Бино бар маълумоти Хадамоти федеролии муҳоҷирати Русия, дар ин кишвар аз Тоҷикистон бештар аз 1 миллиону 200 ҳазор муҳоҷир дар пайи ҷустуҷӯи кор ҳастанд.

 

49
Барчаспҳо:
НДФЛ, АДШҲ, донистани забони русӣ, вуруд бо шиносномаи хориҷӣ, қоидаҳои нави муҳоҷират, қонуни нав, Департаменти сиёсати иқтисодӣ, ХФМ, Решетников, ФР, Тоҷикистон, Русия, Маскав
Мавзуъ
Роҳбари ХФМ ФР: 40 %-и муҳоҷирон дар Русия мутобиқ нашудаанд
Вакилони тоҷик хостори пуштибонӣ аз муҳоҷирон мебошанд
Каромат Шарипов: “Садовод” макони тазоҳуроти муҳоҷирон мешавад
Намояндагони ширкати “Тех строй”-и шаҳри Маскав дар Суғд

Корфармоёни Русия ба суроғи муҳоҷирони тоҷик омаданд акс

2734
(Таҷдидшуда 13:43 04.03.2021)
Роҳбарони ширкати сохтмонии “Тех строй”-и шаҳри Маскав ба Тоҷикистон ба суроғи муҳоҷирони меҳнатӣ омадаанд. Онҳо нахуст дар Хуҷанд ва сипас ба шаҳри Душанбе сафар карда бо сокиноне, ки хоҳиши дар Русия кор карданро доранд, шартномаи меҳнатӣ ба имзо мерасонанд

ДУШАНБЕ, 4 мар – Sputnik. Бо шунидани ташрифи корфармоёни Русия, ба Тоҷикистон даҳҳо нафар сокинон аз шаҳру навоҳии Суғд рӯзҳои 2 ва 3 март ба Хуҷанд омаданд.

Азизмат, сокинони ноҳияи Ашт буда, ҳамроҳ бо ду ҳамсолаш барои дарёфти кори хуб дар Русия ба Хуҷанд омад. Ӯ иброз намуд, ки дар гузашта дар як ширкати сохтмонии шаҳри Маскав кор мекард, вале бо сабаби хуруҷи пандемияи COVID-19 бо кори пештараи худ расида натавонист.

Ин сокини ноҳияи Ашт таъкид намуд, ки таҷрибаи кориаш дар сохтмонро роҳбарони ширкати Русия дар Хуҷанд дуруст дарк карданд ва онҳо барои ба имзо расонидани шартномаи ҳамкорӣ ба мувофиқа расиданд.

“Ҳангоми суҳбат мо иброз намудем, ки корҳои сохтмонӣ аз ҷумлаи андовагар, сангчин, кошинкориро ба иҷро расонида метавонем. Роҳбарони “Тех строй” дар навбати худ иброз намуданд, ки чунин мутахассисонро сатҳи баланд ҳисоб мекунанд ва асосан ба чунин мутахассисон шартномаи ҳамкорӣ бастанианд”, -мегӯяд Азизмат.

Зариф Шодиев, як сокини 35 солаи ноҳияи Деваштич гуфт, даҳ сол ба ин тараф умдатан ҳисоби зиндагии хонаводашро аз ҳисоби кору заҳмати муҳоҷирати Русия таъмин мекунад. Ӯ гуфт, хуруҷи бемории ҳамагири каронавирус ба мисли ӯ, ба иқтисодиёти даҳҳо хонаводаи муҳоҷирон зарбаи ҷиддӣ расонд.

“Аввалҳо дар муҳоҷират боркашонӣ мекардам. Баъдан як муддат ронандаи таксӣ ҳам будам. Таҷрибаи панҷсолаи кор дар сохтмони иборатҳои баландро дорам. Мо дар Хуҷанд бо корфармоён суҳбат кардем дар баробари дигар шартҳо додани маош дар вақташро пешниҳод кардем”, гуфт Шодиев.

Намояндагони ширкати “Тех строй”-и шаҳри Маскав дар Суғд
© Sputnik (sputniktj_photo)
Намояндагони ширкати “Тех строй”-и шаҳри Маскав дар Суғд

Барои ҷалб намудани қувваи корӣ ташриф оварданд. Ҳамроҳ бо кормандони Хадамоти муҳоҷират Николай Папов, роҳбари ҶСК “Тех строй” шаҳри Маскав дар суҳбат ба Sputnik Тоҷикистон қайд намуд, ки бахши аъзами коргарони ин ширкат аз ҳисоби муҳоҷирони меҳнатӣ аст ва аз ҳамин лиҳоз ӯ бо гурӯҳи иборат аз 16 нафараи худ барои бастани шартномаҳо ба корҷӯён ба Тоҷикистон омаданд.

“Давоми ду рӯз бо бештар аз 500 нафар шартномаҳо ба имзо расонида шуд. Дар ин миён бештар аз 40 нафар ҳамчун мутахассиси баландсоҳа қабул гардиданд”, гуфт роҳбари “Тех строй” и Маскав.

Бино ба гуфти Папов, баъд аз Хуҷанд сафари онҳо ба шаҳри Душанбе низ дар назар буда, то 6 уми март сокинонро барои ҳамкорӣ қабул мекунанд.

Ширкати “Тех строй” бастани 1000 шартнома бо ҳамкорони тоҷикро дар нақша дошта, масъалаи ташкили хатсайри чартерӣ, расамиётдарории ҳуҷҷатҳо аз қабили иҷозатномаи ҷойи кор, таъмин намудан бо хобгоҳ ва сари ҳар моҳ пардохт намудани маоши муҳоҷиронро ба уҳда гирифтааст.

2734
Барчаспҳо:
шартнома, Русия, Хуҷанд, муҳоҷират, Маскав, ширкат, Тоҷикистон
Вид на международный аэропорт Кольцово в Екатеринбурге

Кӣ парвозҳои масири Екатеринбург-Душанберо "бизнес" мекунад? шикояти муҳоҷирон

1601
(Таҷдидшуда 12:30 02.03.2021)
Шаҳрвандони Тоҷикистон, ки мехоҳанд аз Екатеринбург ба ватан баргарданд, иддао доранд, ки ба фиреби ҳамватанони худ дучор шуданд

ДУШАНБЕ, 2 март- Sputnik. Шаҳрвандони Тоҷикистон, ки ба вилояти Свердловск барои кор омадаанд, баргашта наметавонанд ва ҳамзамон аз амалҳои қаллобонаи ҳамватанон азият мекашанд, менависад рӯзномаи "Вечерние ведомости".

Худи муҳоҷирон ба нашрия шикоят кардаанд.

Маълум шуд, ки баъзе кормандони шӯъбаи масъули парвози мусофирон дар Ҳавзаи федералии Урал аз ҳамватанони худ маблағи ҳаққи парвозҳои махсуси содиротӣ аз Екатеринбург ба Тоҷикистонро зиёд талаб мекардаанд.

Ҳамзамон, муҳоҷиронро барои гузаштан аз ташхиси COVID-19 ба назди табиби мушаххас мефиристодаанд ва бидуни ташхиси лабораторӣ дар бораи набудани сирояти коронавирус шахсон ба рӯйхатҳои бозгашт ба Тоҷикистон дохил карда намешаванд.

Нархи озмоиш 1440 рубл аст, аммо аз онҳое, ки мехоҳанд ба хона парвоз кунанд, 2000 рубл ситонида мешавад.

Дар бораи он, ки расидҳои дар дигар ташкилотҳои тиббӣ гирифташуда, ки санҷишашон арзонтар аст, беэътиборанд, муҳоҷирон ҳангоми хариди чиптаҳо аз дафтари кассаи ҳавопаймоии "Азия-Транс 24" мефаҳманд.

Тоҷикистон қоидаҳои вуруди хориҷиёнро тағйир дод

Муҳоҷирон инчунин шикоят мекунанд, ки нархи воқеии чиптаҳои ҳавопаймо 39 ҳазор рубл аст, аммо дар дафтари ягона ширкате, ки онҳоро харидан мумкин аст, онҳо 44 ҳазор рубл арзиш доранд.

"Бо дарназардошти он, ки ягон роҳи дигари баргаштан ба ватан вуҷуд надорад, муҳоҷирон маҷбур мешаванд, ки ба нархномаи баландкардашуда розӣ шаванд, аз хешовандон ва дӯстонашон қарз гиранд",-менависад рӯзнома.

Раиси Раёсати Ассотсиатсияҳои Миллӣ-Фарҳангии вилояти Свердловск Фарух Мирзоев қайд кард, ки мушкил вуҷуд дорад.

Ба гуфтаи ӯ, қаблан шикоятҳои зиёд, аз ҷумла дар бораи гаронии арзиши чиптаҳои ҳавопаймову навбатпоиҳо буданд, аммо ҳоло фурӯши чиптаҳо шаффофтар шудааст.

Тоҷикистон ба барқарор кардани парвозҳо бо Русия омода аст

Тибқи ҳисобҳои Мирзоев, "марзҳо охири моҳи март - аввали апрел кушода мешаванд". Зимнан, имрӯзҳо шумораи бештари одамон ба Екатеринбург парвоз кардан мехоҳанд, ки ин тақрибан 80-90 ҳазор муҳоҷир аз Тоҷикистон мебошад.

1601
Барчаспҳо:
парвозҳо, муҳоҷирон, Русия, Тоҷикистон
(0:57 / 6.34Mb / просмотров видео: 4198)

Путин гуфт, чӣ гуна Маскав ҳамкасби ӯро аз Аврупо тасхир кард - навор

0
(Таҷдидшуда 12:39 06.03.2021)
Кишвардори Русия Владимир Путин дар Кремл мулоқоти шахсӣ баргузор намуд, ки пас аз он дар бораи тассуроти як ҳамкасби худ аз Аврупо дар бораи Маскавро нақл кард

Ҳамкасби аврупоии Владимир Путин аз "зинда" будани шаҳри Маскав дар ҳайрат мондааст. Ба нақли раисҷумҳури Русия, ҳамкасби ӯ пас аз ташриф овардани ба Маскав таассуроти худро ба ӯ баён намудааст.

Марди аврупоӣ аз он дар тааҷҷуб мондааст, ки роҳҳои шаҳр пур аз нақлиёту мардум ҳама аз пайи кору пайкори худ ҳастанд.

Ӯ бо таассуф вазъияти кишварҳои аврупоиро нақл намуд, ки дар роҳҳо теъдоди ками мошинҳо ҳаракат мекунанд ва ҳамчунин мардумро низ дар кӯча зиёд дидан ғайри имкон аст. Ҳама ҷо баста аст, - изҳор доштааст камкасби Путин.

"Метавон гуфт, ки танҳо дар якҷоягӣ бо талошҳо, аз ҷумла дар арсаи байналмилалӣ, мо метавонем пирӯзии ниҳоӣ бар коронавирусро ба даст орем", - таъкид кард Президенти Федератсияи Русия.

Пандемияи коронавирусӣ, ки соли гузашта аз Чин паҳн шуда буд, тақрибан дар ҳамаи кишварҳо доман зад. Тибқи маълумоти Донишгоҳи Ҷонс Хопкинс, дар ҷаҳон қариб 116 миллион ҳолати сирояти нави коронавирус ошкор шудааст, зиёда аз 2,5 миллион нафар фавтидаанд.

0
Барчаспҳо:
навор, Русия, Владимир Путин