Истгоҳи қатори Казон дар Маскав. Акс аз бойгонӣ

ХФМ хабарҳо мабнӣ ба тарки оммавии муҳоҷирон аз Русияро такзиб кард

6
(Таҷдидшуда 11:58 26.01.2015)
Хабарҳо мабнӣ ба далоили бӯҳрони иқтисодӣ тарки оммавӣ кардани муҳоҷирони корӣ аз Русия муболиғоти иттилоотӣ аст, мегӯяд Сергей Абашин,профессори донишгоҳи Аврупои аз Санкт-Петербург.

ДУШАНБЕ, 26 янв — Sputnik. Теъдоди муҳоҷирони корӣ аз Тоҷикистон дар қиёс ба моҳи феврали соли 2014 танҳо 2 дарсад коҳиш ёфтааст, менависад хабаргузории "Фергана".

Тибқи иттилои Хадамоти федералии муҳоҷирати Русия (ХФМР) ба таърихи 20-уми январ дар Русия 2 миллиону 215 ҳазору 780 шаҳрванди Ӯзбакистон, 999 ҳазору 169 нафар шаҳрвандони Тоҷикистон, 597 ҳазору 559 атбоъи Қазоқистон, 544 ҳазору 956 шаҳрванди Қирғизистон ва 24 ҳазору 399 шаҳрванди Туркманистон қарор доштанд.

"Дар муқоиса бо арқоми моҳи феврали соли 2014 теъдоди атбоъи Тоҷикистон ва Ӯзбакистон тақрибан ба 15% ва теъдоди атбоъи Қирғизистон қариб ки тағйир наёфтааст", — зикр кард доктори улуми таърихшиносӣ, профессори донишгоҳи Аврупоӣ аз Санкт-Петербург Сергей Абашин.
Ба гуфтаи вай, дар муқоиса бо моҳи феврали соли 2014 теъдоди шаҳрвандони Тоҷикистон 2% ва шаҳрвандони Ӯзбакистон 4% коҳиш ёфта теъдоди атбоъи Қирғизистон баръакс, тақрибан 4% афзоиш ёфтааст.

"Хулосаҳо: "тарки оммавии" муҳоҷирон ба далели бӯҳрони иқтисодӣ, ки дар борааш ҳама мегӯянду менависанд, муболиғоти иттилоотӣ аст. "Тарки" муҳоҷирон ҷой дорад, вале он маъмулан мавсимӣ аст (чун атбоъи Қирғизистон дар корҳое машғуланд, ки мавсимӣ нестанд ва ба ин далел тарки мавсимӣ ҳам надоранд)", — хулоса кардааст Сергей Абашин.

Қаблан гузориш шуда буд, ки теъдоди муҳоҷирони корӣ дар аввали моҳи январ дар Русия 70% коҳиш ёфтааст. Вале таззакур дода нашуд, ки ин иттилоъ дар бораи афроди хориҷие аст, ки ба қаламрави Русия ворид шудаанд, на дар бораи теъдоди муҳоҷирони корӣ дар қаламрави кишвар.

Константин Ромодановский, раиси ХФМ-и Русия коҳиши вуруди атбоъи хориҷӣ ба қаламрави он кишварро ба бӯҳрони иқтисодӣ ва танзими қавоиди будубоши онҳо дар Русия рабт дода буд. Раиси Идораи муҳоҷирати Русия хоҳиш карда буд, ки зуд натиҷагирӣ нашавад, зеро ҳанӯз моҳи январ аст ва баъд аз чанд муддат вазъи дигареро назорат кардан мумкин мешавад. Вай ҳамчунин иқрор шуда буд, ки Русия ба муҳоҷирони корӣ ниёз дорад ва эҳтимоли афви муҳоҷиронро баъйид надониста буд. Вале то ҳол дар ин замина иқдоме рӯйи даст гирифта нашудааст.

Ҳамчунин, раисиХФМ хабар дода буд, ки дар феҳрасти ин ниҳод иттилоъ дар бораи 140 миллион атбоъи хориҷӣ ҷамъоварӣ шудааст. Афроде, ки қавоидро нақз кардаанд зуд ошкор мешаванд ва вуруди онҳо вобаста ба мӯҳлате, ки беш аз мӯҳлати қонунӣ дар Русия гузаронидаанд, манъ карда мешавад. Тақрибан дар ду соли ахир ин низом барои 1,2 миллион атбоъи хориҷӣ вуруд ба қаламрави Русияро мамнӯъ кард.

6
Барчаспҳо:
муҳоҷирати корӣ, Хадамоти федералии муҳоҷират, Идораи муҳоҷирати Русия, Сергей Абашин, Константин Ромодановский, Тоҷикистон, Русия
Мавзуъ
Дар Русия қоидаҳои нави муҳоҷират ҷорӣ шуданд
ФР барои нақзи реҷаи муҳоҷират манъи вуруд то 10 солро ҷорӣ менамояд
Самолет, на фоне заката

Тавофуқи Тоҷикистону Русия ба интиқоли нахустин гурӯҳи муҳоҷирон - вақти сафар маълум шуд

1202
Вазорати меҳнати Тоҷикистон ба интиқоли 434 муҳоҷири меҳнатӣ ба кор ба соҳаи сохтмон дар шаҳри Иркутск бо Русия ба тавофуқ расид

ДУШАНБЕ, 23 янв — Sputnik. Вазорати меҳнат ва шуғли аҳолии Тоҷикистон ба вилояти Иркутск 434 муҳоҷири меҳнатиро дар мувофиқа бо ширкатҳои сохтмонии Русия ирсол мекунад. Дар ин бора вазорат гузориш додааст.

"Вазорати меҳнат тибқи дастури муовини сарвазири ҳукумати Русия Татяна Голикова дар доираи ҷалби муташаккилонаи муҳоҷирони меҳнатӣ созишнома ба имзо расонид ", - омадааст дар иттилоия.

Инчунин қайд карда мешавад, ки қарор аз ҷониби ситод оид ба пешгирӣ аз воридот ва паҳншавии коронавирус дар Федератсияи Русия тасдиқ карда шудааст.

Тибқи созишнома, 434 муҳоҷири меҳнатӣ аз Тоҷикистон соҳиби ҷойҳои кории кафолатнок шуданд ва дар Иркутск дар ҶДММ "Промстроймаш", ҶДММ "Сибстальстрой" ва ҶДММ "СМПК-7" бо кор таъмин карда мешаванд.

Гурӯҳи якуми коргарон дар аввали ҳафтаи оянда ба Иркутск парвоз хоҳанд кард, ҳоло масъалаҳои ташкилӣ ҳамоҳанг карда мешаванд, илова ба Вазорати меҳнат.

Тибқи иттилои ин шӯъба, тамоми хароҷоти парвозҳо, карантини дуҳафтаина, ҳуҷҷатгузорӣ, хобгоҳ ва хӯрок аз ҳисоби ширкатҳои дар боло зикршуда пардохта мешавад.

1202
Получить патент в Многофункциональном Миграционном Центре Москвы в Сахарово

Русия аз патенти муҳоҷирони меҳнатӣ 577 миллион доллар фоида гирифт

201
(Таҷдидшуда 15:31 23.01.2021)
Вазорати умури дохилаи Русия маблағи умумиеро, ки аз муҳоҷирони меҳнатӣ дар манотиқи гуногуни ин кишвар барои арзиши патент пардохт шудааст, эълон кард

ДУШАНБЕ, 23 янв — Sputnik. Аахиран мақомоти Русия гуфт, ки аз патенти муҳоҷирони меҳнатӣ буҷаҳои вилоятҳои гуногуни ин кишвар чи қадар фоида мегиранд. Вазорати умури дохилаи Русия маблағи дақиқи фоида аз муҳоҷирони меҳнатиро эълон кард.

Тибқи иттилои ВУД-и Русия дар 11 моҳи соли 2020 муҳоҷирони меҳнатӣ ба буҷаҳои вилоятҳои ин кишвар 577,6 миллион доллар фоида овардаанд.

Ин нишондиҳанда албатта нисбат ба соли 2018 кам будааст. Он давра маблағи фоидае, ки минтақаҳо аз муҳоҷирон  мегирифтанд, тақрибан 757 миллион долларро ташкил дод.

Сабаби кам ворид шудани маблағ, ин пандемияи коронавирус ва баргашти муҳоҷирон ба ватанҳои худ будааст.

ВУД-и Русия таъкид доштааст, ки аз моҳи январ то ноябри соли 2020 беш аз як миллион муҳоҷири  меҳнатӣ патент гирифтааст. Ин дар ҳолест, ки теъдоди муҳоҷирони патентгирифта дар соли 2019 ба 1,7 миллион нафар расид.

Дар ҳамин ҳол, шумори  шаҳрвандони хориҷӣ, ки дар соли 2020 ба Русия  барои ҳар мақсад омаданд ва ба қайди муҳоҷиратӣ гирифта шуданд, ду баробар кам шудааст. Шумори онҳо аз 19,5 миллион то 9,8 миллион нафар коҳиш ёфтааст.

Ёдрас мешавем, ки тобистони соли 2020 ВУД-и Русия дар бораи мувақатан озод намудани муҳоҷиони меҳнатӣ аз пардохти пули патент ва иҷозати кор дар ин кишвар хабар дода буд.

Патенти меҳнатӣ ба шаҳрвандони хориҷӣ имкон медиҳад бо шахсони ҳуқуқӣ ва соҳибкорони инфиродӣ кору фаъолият намоянд. Ин санад барои як сол дода мешавад ва имкон дорад боз барои 12 моҳ тамдид ёбад.

Ҳар як минтақаи Русия нархи патентро худаш таъйин мекунад. Дар ҳоли ҳозир, нархи патент дар Маскав 5341 рубл барои ҳар моҳ ва дар шаҳри Санект-Петербург арзиши патент 3993 рубл барои ҳар моҳро ташкил медиҳад.

201
Барчаспҳо:
арзиш, муҳоҷирати меҳнатӣ, мақомот, фоида, патент, Русия, муҳоҷирон
День 24 января

Аз рӯзи байналмилалии эскимо то фавти 50 ҳазор нафар дар Чилӣ: имрӯзи таърих

0
(Таҷдидшуда 19:43 23.01.2021)
Рӯзи бистучоруми январ ҳамчун Рӯзи байналмилалии эскимо мебошад. Зимнан дар ин рӯз дар Ҳиндустон аз Рӯзи миллии духтарон ва дар Британияи Кабир Рӯзи ёдбуди қурбониёни генотсид дар Ҷанги дуюми ҷаҳонӣ таҷлил мегардад

Рӯзи 24 январ дар ҷаҳон чӣ рух дод

Соли 1939 дар Чили заминҷунбии шадид ба амал омад, ки дар натича зиёда аз 50 ҳазор нафар ба ҳалокат расиданд.

 

Последствия землетрясения и цунами в Чили 16 сентября 2015 года
Pablo Ovalle Isasmendi/AGENCIA UNO via AP
Последствия землетрясения и цунами в Чили 16 сентября 2015 года

Соли 1946 Комиссияи СММ оид ба энергияи атомӣ таъсис дода шуд.

Рӯзи 24 январ дар Тоҷикистон чӣ рух дод

Соли 2013 дар шаҳри Душанбе таҳти раёсати раисҷумҳури Тоҷикистон Эмомалӣ Раҳмон ҷаласаи Шӯрои амнияти Ҷумҳурии Тоҷикистон доир ба натиҷаҳои фаъолият дар соли 2012 ва вазифаҳо барои соли 2013 баргузор гардид.

День 3 января
© Sputnik/ Стас Этвеш/ Мария Вишнякова

Соли 2014 дар шаҳри Душанбе масоили вақт ва дурнамои ҳамкории мутақобиланд судманду гуногунҷанбаи Тоҷикистону Русия муҳокима карда шуданд.Соли 2014 пас аз анҷоми ҷаласаи 12-уми байниҳукуматии Тоҷикистону Русия оид ба ҳамкории тиҷоратӣ-иқтисодӣ шартномаи муштарак оид ба ҳамкории дуҷониба ба имзо расид.

Соли 2008 Стратегияи мубориза бо коррупсия дар Ҷумҳурии Тоҷикистон барои солҳои 2008-2012 қабул гардид.

Соли 2010 намояндагии дипломатии Шоҳигарии Арабистони Саудӣ фаъолияти худро дар Ҷумҳурии Тоҷикистон оғоз намуд.

Соли 2014 дар шаҳри Санкт-Петербурги Федератсияи Русия бозии кушодашавии Ҷоми "Иттиҳод-2014" миёни дастаҳои Тоҷикистон ва Эстония бо натиҷаи мусовӣ  2:2 ба анҷом расид.

Ҷашнҳои рӯзи 3 январ дар Тоҷикистон ва ҷаҳон

Соли 2017 дар Сафорати Япония дар Душанбе маросими баимзорасии 10 лоиҳаи нави Барномаи Ҳукумати Япония оид ба кумаки бебозгашт ва бехатарии гуманитарӣ барои ҳамаи қишрҳои аҳолӣ ба имзо расид.

Ҷашнҳои рӯзи 24 январ

  • Рӯзи байналмилалии эскимо.
  • Дар Британияи Кабир – Рӯзи ёдбуди қурбониёни генотсид  (қатли ом бо баҳонаҳои нажодӣ, миллӣ ва динӣ)  дар Ҷанги дуюми ҷаҳон.
  • Дар Ҳиндустон – Рӯзи миллии духтарон.
0
Барчаспҳо:
ҷашн, ҷаҳон, Тоҷикистон