Даъват ба хизмати ҳарбӣ дар Украина

Тайи як ҳафтаи ахир беш аз 20 ҳазор даъватшавандаи украинӣ ба ФР омад

9
(Таҷдидшуда 09:39 03.02.2015)
Айни замон дар қаламрави Русия ҳудуди дуюним миллион шаҳрвандони Украина қарор доранд, ки аз ин шумора беш аз як миллиони онҳо мардони синну солашон ба хизмати ҳарбӣ мутобиқ мебошанд.

 

ДУШАНБЕ, 3 фев — Sputnik. Тайи як ҳафтаи ахир беш аз 20 ҳазор даъватшавандаи украинӣ ба ФР омадааст, иттилоъ медиҳад РИА Новости дар такя ба хабари дафтари матбуотии ХФМ Русия.

Теъдоди зиёди шаҳрвандони Украина бо сабаби имзои фармони нави Петр Порошенко, райисҷумҳури он кишвар дар бораи даъват ба суфуфи артиш ба Русия ҳиҷрат мекунанд. Ба иттилои Хадамоти федералии муҳоҷират айни замон дар қаламрави Русия беш аз як миллион даъватшавандаҳои украинӣ ба сар мебаранд.

“Ҳоло дар ФР беш аз 2,5 миллион сокинони Украина сабти ном шудаанд, аз ин 1 миллиони онҳо шаҳрвандони синну солашон ба хизмати ҳарбӣ мувофиқ аст. Тайи як ҳафтаи ахир бошад, 20 ҳазор даъватшавандаи украинӣ ба Русия ворид шудааст”,- омадааст дар иттилоия.

Парлумони Украина моҳи гузашта барномаи ҷалби 100 ҳазор сарбоз ба сафи нерӯҳои мусаллаҳро тасвиб кард. Тайи чанд ҳафтаи гузашта ҷанг дар шарқи Украина авҷ гирифтааст ва баъди он ки музокироти сулҳ байни ду тараф рӯзи 31-уми январ ба ҷое нарасид, умедҳо аз фурӯ нишасти шиддати авзоъ камтар шудааст. Ҷудоиталабон дар вилоятҳои Донетск ва Луганск амалиётро тавсиа дода, шаҳри бузурги бандарии Мариуполро ишғол карданд ва ба нимҷазираи Қрим наздик шуданд.

               

 

9
Барчаспҳо:
ҷудоиталабон, хизмати ҳарбӣ, даъватшавандаҳо, ХФМ, президенти Украина, Петр Порошенко, Донетск, Луҳанск, Украина
Мавзуъ
Порошенко ба сарбозони ҷанубу шарқи Украина $60 дар як рӯз ваъда дод
Сардори Сарситоди Украина аз НАТО ёрӣ мехоҳад
Ба эътирофи Обама ИМА барои тағйири ҳукумат дар Украина мусоидат кард
Спецприемник для нелегальных мигрантов, архивное фото

Суғд: мақомот шумораи муҳоҷирони депортшударо эълон карданд

211
 Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд, омори шаҳрвандони депорт ё хориҷшуда дар қаламрави Федератсияи Русияро шарҳ дод

ДУШАНБЕ, 28 июл – Sputnik. Зайнура Шарифӣ, сардори Раёсати Хадамоти муҳоҷират дар вилояти Суғд дар нишасти хабарӣ гуфт, омори муҳоҷирони депортшуда, дар асоси муроҷиати худи шаҳрвандон мураттаб шудааст.

“Давоми шаш моҳи соли ҷорӣ 2 ҳазору 817 нафар шаҳрвандон шифоҳӣ ва аз тариқи телефон ба унвонии Раёсат ва шуъбаю бахшҳои Хадамоти муҳоҷират дар шаҳру ноҳияҳо Суғд муроҷиат намуданд. Зимни санҷиш маълум гардид, ки аз шумори умумии муроҷиаткунандагон, барои 1 ҳазору 23 нафар, аз ҷумла 892 мард ва 131 зан воридшавӣ ба қаламрави Федератсияи Русия муваққатан манъ гардидааст”, - гуфт Шарифӣ.

Сардори Раёсат мегуяд, ҳукмномаи манъи муҳлати воридшавии ин шумор шаҳрвандон ба ҳудуди Русия гуногун буда, аз 3 то 5 солро дар бар мегирад. Зайнура Шарифӣ қайд намуд, ки риоя нашудани қонунҳои будубоши муҳоҷират, сабаби манъи вуруди онҳо ба қаламрави ин кишвар шудааст.

“Бо вуҷуди таъкидҳои мо дар нуқтаҳои сафаркунии шаҳрвандон дар “Фурудгоҳи байналмиллалии Хуҷанд” ва истгоҳи “Роҳи оҳан” ва ҳам огоҳсозии мақомотҳои Федератсияи Русия, баъзеҳо шаҳрвандони мо дидаву дониста даст ба қонуншиканӣ мезананд. Ин кори онҳо боис мешавад, ки аз ҳудуди кишваре, ки дар шароити муҳоҷират кор мекунанд, хориҷ шаванд”, - зикр намуд Шарифӣ.

Раёсати Хадамоти муҳоҷират иттилоъ медиҳад, ки то баста шудани сарҳадҳо ҳудуди 30, 5 ҳазор сокини Суғд ба хориҷи кишвар сафар кардаанд ва аз ин шумор 29, 3 ҳазор нафар ҳамчун муҳоҷирони меҳнатӣ ба қайд гирифта шудааст, ки 6, 6 ҳазор нафари онҳо занон будаанд.

Даҳҳо тоҷики депортшуда аз Русия ба ватан баргаштанд: интиқоли шаҳрвандон идома дорад

Дар ин давра 22 ҳазору 885 нафар , (мардҳо 15 ҳазору 867, занҳо 7 ҳазору 18 нафар) муҳоҷирони меҳнатӣ ба кишвар баргаштаанд.

211

ВКХ шумораи шаҳрвандони Тоҷикистонро, ки мехоҳанд ба ватан баргарданд, гуфт

193
Зиёда аз 42 ҳазор нафар тоҷикони дар хориҷи кишвар қарордошта мехоҳанд ба Тоҷикистон баргарданд ва интизори барқароршавии парвозҳо ҳастанд

ДУШАНБЕ, 27 июл — Sputnik. Вазири корҳои хориҷии Тоҷикистон Сироҷиддин Муҳриддин дар як нишасти матбуотӣ дар Душанбе гуфт, ки ҳазорон ҳамватанони бурунмарзӣ барои бозгашт ба ҷумҳурӣ дархост кардаанд.

Тибқи иттилои Вазорати корҳои хориҷӣ, тақрибан 42,600 нафар дар хориҷи кишвар мехоҳанд ба Тоҷикистон баргарданд ва интизори кушодани хатсайрҳои ҳавоӣ миёни ин кишварҳо ҳастанд. Аз ин шумора 41 ҳазор шаҳрванд дар Русия мебошанд.

Вазир гуфт, 31 ҳазор ариза тавассути почтаи электронӣ ворид шудааст, боқимонда аризаҳои хаттӣ аз шаҳрвандон ба сафоратхонаҳо ва намояндагиҳои Тоҷикистон дар хориҷа ворид шудаанд.

Ғайр аз он, ба гуфтаи вазорат, сар аз моҳи апрели соли равон 16,400 шаҳрванди Тоҷикистон, аз ҷумла 8000 нафар аз Русия ихроҷ карда шудаанд.

Ба иттилои манбаъ, аз  ин теъдод  зиёда аз 10,5 ҳазор нафар тавассути алоқаи ҳавоӣ ва қариб 6 ҳазор шаҳрванд тавассути нақлиёти заминӣ ба ҷумҳурӣ фиристода шуданд.

Муҳриддин афзуд, ки аз моҳи апрели соли ҷорӣ, 680 нафав аз  ин теъдод аз боздоштгоҳҳои муваққатии Русия ихроҷ карда шудаанд.

"Ҳамин тавр, рӯзҳои 28 ва 29  боз 200 шаҳрванди Тоҷикистонро, ки барои вайрон кардани қонунҳои Русия депортатсия ва ҳабс карда шудаанд, интиқол хоҳем дод", илова кард вазири корҳои хориҷии Тоҷикистон.

Дар ҳамин ҳол, Агентии авиатсияи граждании назди ҳукумати Тоҷикистон эълом кард, ки ҷумҳурӣ омода аст парвозҳои мунтазамро бо Русия барқарор кунад.

Мишустин: Русия равобити ҳавоиро боз мекунад, аммо на бо ҳамаи кишварҳо - навор

Икром Субҳонзода, роҳбари Агентӣ гуфт, ки то ҳанӯз маълумоти дақиқ дар бораи барқарор шудани парвозҳои мунтазам ба Русия мавҷуд нест, аммо ҳамзамон гуфтушунидҳо миёни вазоратҳои корҳои хориҷии ду кишвар идома доранд.

193
Барчаспҳо:
сарҳад, Ватан, бозгашт, парвоз, шаҳрвандон, вазорати корҳои хориҷӣ, Тоҷикистон
День 4 августа

Ҷашнҳои рӯзи 4 август дар Тоҷикистон ва ҷаҳон

0
(Таҷдидшуда 18:49 03.08.2020)
Рӯзи чоруми август дар ИМА – Рӯзи посбони соҳил, дар Украина –Рӯзи милитсияи миллӣ ва дар ҷазираҳои Кук – Рӯзи Конститутсия таҷлил мешавад

Рӯзи 4 август дар ҷаҳон чӣ рух дод

Соли 1777 дар Лондон нахустин Сирк дар ҷаҳон кушода шуд.

Соли 1870 дар Олмон аввалин мусобиқаи байналмилалии шоҳмот баргузор гардид.

Шахматы
© CC0 / Pixabay
Шахматы

Соли 1884 дар ИМА санги аввал барои бунёди пайкараи Озодӣ гузошта шуд.

© Sputnik / Алексей Филиппов
Города мира. Нью-Йорк

Соли 1942 дар Канада дар фурӯши чой ва қаҳва маҳдудият ҷорӣ карда шуд.

День 3 августа
© Sputnik / Стас Этвеш / Вишнякова Мария

Соли 1944 аввалин санҷиши ҳавопаймоҳои реактивии Англия — Gloster Meteor гузаронида шуд.

Соли 1963 Бонки рушди Африқо таъсис ёфтааст.

Соли 1976 дар Лондон аввалин мусобиқаи чирчирак миёни дастаҳои занона баргузор гардид.

Соли 1993 Парлумони Молдова оид ба ворид шудани ин кишвар ба Иттиҳоди Давлатҳои Мустақил ҳалнома қабул кард.

Рӯзи 4 август дар Тоҷикистон чӣ рух дод 

Соли 1997 Маҷлиси олии Тоҷикистон қарор "Дар бораи авфи иштирокчиёни даргириҳои сиёсӣ ва низомӣ"-ро қабул кард.

Соли 2009 миёни ҳукуматҳои Ҷумҳурии Тоҷикистон ва Фаронса Протокол оид ба сохтмони терминали нави Фурудгоҳи байналмилалии Душанбе бо маблағи 27 миллион евро ба имзо расид.

 Новый терминал душанбинского аэропорта. Архивное фото
© Sputnik
Новый терминал душанбинского аэропорта. Архивное фото

Соли 2009 дар Маҷмааи давлатии «Кохи Борбад» намоиши байналмилалии «Рушди энергетикаи Афғонистон» баргузор гардид.

Соли 2011 дар шаҳри Истаравшан дар Ҷамъияти саҳомии пўшидаи «Оби Зулол» бо иштироки Эмомалӣ Раҳмон коргоҳи нави коркарди меваю сабзавот мавриди баҳрабардорӣ қарор гирифт.

Соли 2016 Президенти Ҷумҳурии Тоҷикистон Эмомалӣ Раҳмон бо мақсади шиносоӣ бо ҷараёни иҷрои корҳои ободонӣ ба шаҳри Роғун сафари корӣ анҷом дода, ҳамчунин бо корҳои барқарорсозӣ дар Неругоҳи барқи обии «Роғун» шинос шуд.

Ҷашнҳои рӯзи 4 август

  • Дар ИМА – Рӯзи посбони соҳил.
  • Дар Украина –Рӯзи милитсияи миллӣ.
  • Дар ҷазираҳои Кук – Рӯзи Конститутсия.

Рӯзи 4 август дар Тоҷикистон кӣ ба дунё омадааст

Абдулазизова (Ҳаётова) Оиша (1921-2012) – актрисаи театр, Ҳунарпешаи шоистаи Тоҷикистон.

Бурҳониддин Баҳоваддинов (1953) – доктори илми тиб, профессор.

Андрей Волос (1955)- нависанда (зодаи Тоҷикистон).

Матлуба Ғаффорова (1954) – доктори илми тиб, профессор.

Мирзо Давлат (1953) – нависанда.

Ҷамшед Каримов (1940) –арбоби давлатӣ, доктори илми иқтисод, узви вобастаи АИ Тоҷикистон.

Ҳотам Солеҳбоев (1910-1987)- арбоби давлатӣ.

Табибӣ (Қосимов Абдулҳаким) (1935)- шоир.

Самеъҷон Уроқов (1947) – карнайнавоз, Ҳунарпешаи шоистаи Тоҷикистон.

Евгений Фала (1913 – 1988) – сарояндаи оркестр, Ҳунарпешаи шоистаи Тоҷикистон.

Рӯзи 4 август кӣ ба дунё омадааст

Барак Обама (1961)- 44-умин президенти ИМА.

Президент США Барак Обама
© Sputnik / Сергей Гунеев
Президент США Барак Обама
0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 24 июл дар Тоҷикистон ва ҷаҳон
Ҷашнҳои рӯзи 25 июл дар Тоҷикистон ва ҷаҳон
Ҷашнҳои рӯзи 28 июл дар Тоҷикистон ва ҷаҳон
Ҷашнҳои рӯзи 26 июл дар Тоҷикистон ва ҷаҳон
Ҷашнҳои рӯзи 29 июл дар Тоҷикистон ва ҷаҳон
Ҷашнҳои рӯзи 31 июл дар Тоҷикистон ва ҷаҳон
Ҷашнҳои рӯзи 1 август дар Тоҷикистон ва ҷаҳон
Ҷашнҳои рӯзи 2 август дар Тоҷикистон ва ҷаҳон
Ҷашнҳои рӯзи 3 август дар Тоҷикистон ва ҷаҳон