Муҳоҷирон аз Осиёи Миёна. Акс аз бойгонӣ

ИФМ: дар Русия ҳудуди 2,5 млн муҳоҷирони корӣ зиндагӣ мекунанд

7
(Таҷдидшуда 17:27 09.02.2015)
Аз беш аз даҳ миллион атбоъи хориҷии воридшуда ба қаламрави Русия ҳудуди 2,5 миллион нафар изҳор доштаанд, ки барои ҷустуҷӯйи ҷойи кор омадаанд.

ДУШАНБЕ, 9 фев — Sputnik. Ҳудуди 11 миллион нафар атбоъи хориҷӣ феълан дар Русия қарор доранд ва ҳудуди 2,5 нафар аз онҳо изҳор доштаанд, ки барои кор ба кишвар омадаанд, хабар медиҳад РИА Новости бо истинод ба ИФМ Русия.

"Тибқи иттилоъи низоми иттилоъотии ИФМ (ХФМ- Хадамоти федералии муҳоҷират-идора) Русия, дар кишвар 10 миллиону 959 ҳазор нафар атбоъи хориҷӣ қарор доранд, ки 2 миллиону 426 ҳазор нафарашон барои кор вориди кишвар шудаанд", — хабар доданд дар ин ниҳод.

Қаблан гузориш шуда буд, ки аз авоили соли ҷорӣ теъдоди муҳоҷирони корӣ дар Русия 70% коҳиш ёфтааст. Он замон Константин Ромодановский ин амрро ба вазъи иқтисодӣ дар кишвар ва таҷдиди қавонини муҳоҷират дар Русия рабт дода буд.

Тибқи қавоиди ҷадид дар Русия, ки аз оғози соли нав мавриди иҷро қарор гирифтанд, ҳамакнун муҳоҷирони корӣ муваззафанд бар ҷои иҷозатнома муҷаввизи кор дарёфт кунанд.

Барои гирифтани муҷаввизи кор шаҳрванди хориҷӣ муваззаф аст, ки донистани забони русӣ, асосҳои қонунгузорӣ ва таърихи кишварро собит созад. Ба ғайр аз ин, аз соли 2015 барои вуруд ба қаламрави Русия паспорти хориҷӣ зарур аст (ба ҷуз аз кишварҳои Иттиҳоди Авруосий — Қазоқистон, Белорус, Арманистон ва Қирғизистон).

Тибқи иттилоъи авохири соли гузашта, дар қаламрави Русия ба ҷуз аз Қрим ва гурезаҳои украинӣ бо аҳдофи мухталиф ҳудуди 9,9 миллион атбоъи хориҷӣ қарор доштанд, ки аз онҳо 2,7 миллион нафар ба сурати қонқнӣ дар ФР кор мекарданд.

Ба иттилоъи вазорати кори Тоҷикистон дар соли 2014 аз кишвар 834 ҳазору 58 нафар ба хориҷи кишвар сафар кардаанд, ки аз онҳо 670 ҳазору 806 нафарашон муҳоҷирони корӣ мебошанд.

7
Барчаспҳо:
омори муҳоҷирон, ИФМ Русия, Константин Ромодановский, Тоҷикистон, Русия
Мавзуъ
Расонаҳо: идораи муҳоҷират ва зиддимухадироти Русия лағв мешаванд
Созмони муҳоҷират: мизони бекорӣ солҳои наздик афзоиш меёбад
Дар Русия қоидаҳои нави муҳоҷират ҷорӣ шуданд
Президент Таджикистана Эмомали Рахмон во Дворце культуры в Матчинском районе

Эмомалӣ Раҳмон дар бораи муҳоҷират: мо имкон дорем, ки мардумро пурра бо кор таъмин намоем

1110
Эмомалӣ Раҳмон гуфт, имкони бо кор фаро гирифтани муҳоҷирини меҳнатӣ дар дохили Тоҷикистон вуҷуд дорад

ДУШАНБЕ, 26 янв — Sputnik. Президенти Тоҷикистон дар Паёми имсолааш ба парлумони Тоҷикистон, ки дар Кохи Сомони шаҳри Душанбе идома дорад, гуфт, соли 2020 бо сабаби пандемияи "вируси корона" 80% - и муҳоҷирини меҳнатӣ натавонистанд ба берун раванд.

"Аз 460 ҳазор нафаре, ки ҳамасола берун мерафтанд, фақат 111 ҳазор рафтаанд. Он чӣ ишора карда истодаам, ин аст, ки мо дар дохили кишвар захираву имконотеро дорем, ки дар оянда боз ҳам беҳтар кор карда, шароити корӣ, корхонаҳои истеҳсолӣ ва кишоварзӣ эҷод намоем ва шароити корӣ фароҳам оварда, мардуми худро пурра бо кор таъмин намоем", - гуфт Эмомалӣ Раҳмон.

Тибқи иттилое, ки Эмомалӣ Раҳмон дар ҷамъи аъзои парлумон эълон кард, соли гузашта дар Тоҷикистон 300 корхонаву коргоҳи саноатӣ таъсис ёфта, беш аз 6,5 ҳазор ҷои кории нав ба вуҷуд омадааст.

Вай афзуд, 157 муассисаи таҳсили умумӣ ва биноҳои иловагӣ барои 63 ҳазор хонанда, 108 муассисаи тиббӣ ва 1,2 млн мураббаъ манзили истиқоматӣ ба истифода дода шудаанд.

“Дар ин давра 193 ҳазор ҷойи кории доимиву мавсимӣ ташкил шуда, даромади пулии аҳолӣ 10% зиёд шудааст”, - гуфт президент.

Вай афзуд, пасандозҳои сокинони Тоҷикистон 17, 2 фисад зиёд шуда, 11,4 миллиард сомониро ташкил додааст, ки гувоҳи зиёд шудани даромади аҳолӣ ва афзоиши эътимоди онҳо ба ташкилотҳои карзӣ аст.

1110
Барчаспҳо:
пешниҳод, Эмомалӣ Раҳмон, муҳоҷират, Тоҷикистон
Пешеходы идут по Патриаршему мосту в Москве.

Муовини вазир нақшаи ҷалби муҳоҷирон аз Тоҷикистон ба Русияро гуфт

421
(Таҷдидшуда 12:26 26.01.2021)
Намояндаи Вазорати сохтмон ва манзилу коммуналии Русия гуфт, ки чӣ гуна ширкатҳои русӣ коргарони хориҷиро ҷалб хоҳанд кард

ДУШАНБЕ, 26 январ - Sputnik. Никита Стасишин, муовини вазири сохтмон ва манзилию коммуналии Русия, дар эфири шабакаи телевизионии "Москва 24" гуфт, ки дархостҳои ширкатҳо барои воридоти муҳоҷирони корӣ чӣ гуна иҷро мешаванд.

"Ҳама ҳамоҳангсозии байниидоравӣ дар шакли электронӣ сурат мегирад. Таҳиягарон ва ширкатҳо бояд танҳо дар платформаи электронӣ ариза пешниҳод кунанд",- гуфт ӯ.

Намояндаи вазорат илова кард, ки дархостҳо барои пешниҳоди захираҳои меҳнатӣ ҳарчи зудтар баррасӣ карда мешаванд.

Ёдовар мешавем, ки 22 январ вазири сохтмон ва манзилию коммуналии Федератсияи Русия Ирек Файзуллин аз таъсиси механизми вуруди муҳоҷирон ба Федератсияи Русия барои кор дар сохтмонҳо хабар дод.

Русия аз патенти муҳоҷирони меҳнатӣ 577 миллион доллар фоида гирифт

Ин суръат бахшидан ба масъалаҳои ҷалби муҳоҷирони меҳнатӣ аз Туркия, Қазоқистон, Тоҷикистон ва Ӯзбекистон пас аз як қатор изҳороти намояндагони мақомоти Русия дар бораи норасоии нерӯи корӣ дар ин кишвар сурат гирифтааст.

Иҷозати Ҳукумати Русия барои вуруди муҳоҷирон аз Тоҷикистон

Дар нимаи моҳи январ, президенти Русия Владимир Путин ба ҳукумати Федератсияи Русия супориш дод, ки масъалаи содда кардани ҷалби муҳоҷирони меҳнатӣ ба сохтмонҳоро то 1 март баррасӣ кунанд.

421
Барчаспҳо:
сохтмон, кор, Муҳоҷират, Тоҷикистон, Русия
Лампочка, архивное фото

Лимити барқ дар Тоҷикистон: Раҳмон аз Вазорати энергетика чӣ талаб кард

0
(Таҷдидшуда 16:11 26.01.2021)
Президенти Тоҷикистон Эмомалӣ Раҳмон дар бастагӣ бо лимити барқ дар кишвар ба Вазорати энергетика чанд дастур дод

ДУШАНБЕ, 26 янв — Sputnik. Президенти Тоҷикистон Эмомалӣ Раҳмон талаб кард, ки талафоти барқ кам карда шавад.

Роҳбари давлат ёдрас шуд, ки ҳукумати кишвар ба расидан ба истиқлолияти энергетикӣ то ҳол кӯшиш мекунад.

Барои амалӣ шудани ин ҳадаф кишвар нақша дорад ояндаи наздик чанд нерӯгоҳ ифтитоҳ шавад.

Бо вуҷуди ин,-изҳор дошт президент,-дар самти таъмини доимиву устувори неруи барқ ҳанӯз як силсила масъалаҳои муҳими ҳалталаб вуҷуд доранд, ки истифодаи самараноку сарфакоронаи барқ аз ҷумлаи ҳамин масъалаҳо мебошад.

Вай таъкид кард, ки Вазорати энергетика вазифадор мешаванд, ки барқи истеҳсолшавандаро ҳисоб карда, талафоти онро кам кунанд.

Ба гуфтиа президент, имсол сохтмони хатти интиқоли барқи 500 – киловолта аз Неругоҳи барқи обии "Роғун" то зеристгоҳи конвертории "Сангтӯда шурӯъ гардида, Неругоҳи барқи обии “Сарбанд” ба маблағи беш аз 1,5 миллиард сомонӣ пурра таҷдид ва бо иқтидори 270 мегаватт- яъне аз иқтидори имрӯзааш 110 мегаватт зиёд ба истифода супорида шуд.

Лимити барқ нархи ангишт ва ҳезуму таппакро боло бурд

"Ккорҳо доир ба навсозӣ ҷиҳати кам кардани талафоти неруи барқ ва ҷорӣ намудани низоми муосири баҳисобгирии он дар шаҳрҳои Душанбе, Бохтар, Кӯлоб, Панҷакент, Истаравшан, Исфара, Конибодом, Бӯстон ва ноҳияи Данғара ба маблағи 2,4 миллиард сомонӣ оғоз мегарданд", - таъкид дошт раисҷумҳур.

 

0
Барчаспҳо:
Вазорати энергетика ва захираҳои об, лимит, барқ, Эмомалӣ Раҳмон, Тоҷикистон