Супоридани санҷиш. Акс аз бойгонӣ

Муҳоҷирон аз сафири Тоҷикистон дар Русия дархости кӯмак карданд

14
(Таҷдидшуда 17:15 12.02.2015)
Дар номае, ки муҳоҷирони кории тоҷик унвонии сафири Тоҷикистон дар Русия ирсол кардаанд, аз сафир дархости мусоъидат дар нармтаркунии қавонини муҳоҷирати ФР ва соддатар кардани шароити фаъолияти қонунии кории онҳо дар Русия шудааст.

ДУШАНБЕ, 12 фев — Sputnik. Гурӯҳе аз муҳоҷирони кории тоҷик аз сафири Тоҷикистон дар Русия Имомиддин Сатторов дархост кардаанд, ки дар нармтар кардани қавонини муҳоҷирати ин кишвар мусоидат кунад, навиштааст хабаргузории "Tojnews".

Дар нома омадааст, ки бо тасвиби қавонини ҷадид дар соли 2015 муҳоҷирон худро бештар бенаво ва беҳуқуқ эҳсос мекунанд. Онҳо зикр кардаанд, ки ба Русия "на аз зиндагии хубе мераванд".

"Мо барои дарозмуддат волидайни худ, фарзандони хурдсол ва ҳамсари худро танҳо гузошта ба Русия барои пайдо кардани маблағе барои зиндагии наздиконамон меравем. Пайвандони худро танҳо гузошта мо барои кор на бо ҳадафи сраватманд шудан, балки барои ба даст овардани маблағи пардохти таҳсили фарзандон, муолиҷаи волидайни солхӯрда, барои таъмини зиндагии оилаи худ меоем", — зикр шудааст дар нома.

Муҳоҷирон ба сафир хабар додаанд, ки барои дарёфти муҷҷавизи кор дар Москав бояд 14 ҳазор рубл пардохт кард, вале вуҷуди ин маблағ низ ҳанӯз ба даст овардани ин санадро кафолат намедиҳад.

Ба гуфтаи онҳо, маъмулан далели аз нав супоридани санҷиш, ки харҷи маболиғи изофиро ба дунбол дорад, надоштани донишҳои компютерӣ ва ё дониши нокофии таърих, қавонини Русия ва забони русӣ мешаванд

"Мо, шаҳрвандони Тоҷикистон, ки муҳоҷири оддии корӣ дар қаламрави Русия ҳастем чӣ бояд кунем? Дар чунин вазъият мо худро чӣ гуна наҷот диҳем — дар қаламрави Русия бимонем ва ғайриқонунӣ кор карда барои бозпас додани қарзҳои худ пул ҷамъ кунем? Зеро, бештаре аз мо барои расидан ба Русия аз бонкҳо ва ё шиносҳо бо суди зиёд қарз гирифтаем", — пурсидаанд ҳамватанони мо аз намояндаи расмии кишвар дар Русия.

Муҳоҷирон навиштаанд, ки ба ҳангоми корзори интихоботи раиси ҷумҳури Тоҷикистон ва имзои созишномаи ҳузури пойгоҳи низомии 201-и Русия дар Тоҷикистон ваъдаҳое дода шуданд, ки мӯҳлати будубоши муҳоҷирони кории тоҷик дар қаламрави Русия то се сол тамдид мешавад. Аммо бо баҳонаи қавонини ҷадиди муҳоҷират маҳз шаҳрвандони Тоҷикистонро аз қаламрави Русия ба таври дастҷамъона ихроҷ карданд.

Онҳо ёдовар шуданд, ки он замон ҳатто он идда аз тоҷикҳоеро низ ихроҷ мекарданд, ки асноди муҳоҷиратиашон дуруст таҳия шуда буданд. Ба эътиқоди онҳо, бархе аз атбоъи тоҷикро дар машварат бо корфармоён ихроҷ карданд, зеро онҳо қарзи пули кори онҳоро намехостанд пардохт кунанд.

"Пас, дар чунин шароит мо чӣ кор кунем, мӯҳтарам Имомиддин Сатторов? Мо, албатта, дарк мекунем, ки феълан дар бозори кори Русия ба шаҳрвандони худашон ва Украина авлавият дода мешавад. Мо, муҳоҷирони корӣ аз Тоҷикистон ба ҳеч касе дар қаламрави Русия лозим нестем, дар кишвари худ аслан ҷойи сухан нест", — зикр мешавад дар муроҷиъатнома.

Дар ниҳоят муҳоҷирони корӣ аз сафир хоҳиш кардаанд, ки бо мудири ИФМ Русия Константин Ромодановский дидор карда қавонини феълии муҳоҷират дар қаламрави Русияро баррасӣ кунад.

"Аз шумо хоҳиш дорем, муроҷиати мо, шаҳрвандони Тоҷикистон, ки манофеъи онҳоро шумо намояндагӣ мекунед, сарфи назар накунед ва тағйироте ба қавонини феълии муҳоҷрати Русия ворид кунед, то муносибати онҳо ба мо, муҳоҷирони оддии корӣ нармтар шавад", — омадааст дар муроҷиъатнома.

14
Барчаспҳо:
муроҷиъатнома, сафорати Тоҷикистон дар Русия, Имомуддин Сатторов, Константин Ромодановский, Тоҷикистон, Русия
Мавзуъ
Расонаҳо: идораи муҳоҷират ва зиддимухадироти Русия лағв мешаванд
Дар Русия қоидаҳои нави муҳоҷират ҷорӣ шуданд
ФР барои нақзи реҷаи муҳоҷират манъи вуруд то 10 солро ҷорӣ менамояд
Президент Таджикистана Эмомали Рахмон во Дворце культуры в Матчинском районе

Эмомалӣ Раҳмон дар бораи муҳоҷират: мо имкон дорем, ки мардумро пурра бо кор таъмин намоем

1474
Эмомалӣ Раҳмон гуфт, имкони бо кор фаро гирифтани муҳоҷирини меҳнатӣ дар дохили Тоҷикистон вуҷуд дорад

ДУШАНБЕ, 26 янв — Sputnik. Президенти Тоҷикистон дар Паёми имсолааш ба парлумони Тоҷикистон, ки дар Кохи Сомони шаҳри Душанбе идома дорад, гуфт, соли 2020 бо сабаби пандемияи "вируси корона" 80% - и муҳоҷирини меҳнатӣ натавонистанд ба берун раванд.

"Аз 460 ҳазор нафаре, ки ҳамасола берун мерафтанд, фақат 111 ҳазор рафтаанд. Он чӣ ишора карда истодаам, ин аст, ки мо дар дохили кишвар захираву имконотеро дорем, ки дар оянда боз ҳам беҳтар кор карда, шароити корӣ, корхонаҳои истеҳсолӣ ва кишоварзӣ эҷод намоем ва шароити корӣ фароҳам оварда, мардуми худро пурра бо кор таъмин намоем", - гуфт Эмомалӣ Раҳмон.

Тибқи иттилое, ки Эмомалӣ Раҳмон дар ҷамъи аъзои парлумон эълон кард, соли гузашта дар Тоҷикистон 300 корхонаву коргоҳи саноатӣ таъсис ёфта, беш аз 6,5 ҳазор ҷои кории нав ба вуҷуд омадааст.

Вай афзуд, 157 муассисаи таҳсили умумӣ ва биноҳои иловагӣ барои 63 ҳазор хонанда, 108 муассисаи тиббӣ ва 1,2 млн мураббаъ манзили истиқоматӣ ба истифода дода шудаанд.

“Дар ин давра 193 ҳазор ҷойи кории доимиву мавсимӣ ташкил шуда, даромади пулии аҳолӣ 10% зиёд шудааст”, - гуфт президент.

Вай афзуд, пасандозҳои сокинони Тоҷикистон 17, 2 фисад зиёд шуда, 11,4 миллиард сомониро ташкил додааст, ки гувоҳи зиёд шудани даромади аҳолӣ ва афзоиши эътимоди онҳо ба ташкилотҳои карзӣ аст.

1474
Барчаспҳо:
пешниҳод, Эмомалӣ Раҳмон, муҳоҷират, Тоҷикистон
Пешеходы идут по Патриаршему мосту в Москве.

Муовини вазир нақшаи ҷалби муҳоҷирон аз Тоҷикистон ба Русияро гуфт

451
(Таҷдидшуда 12:26 26.01.2021)
Намояндаи Вазорати сохтмон ва манзилу коммуналии Русия гуфт, ки чӣ гуна ширкатҳои русӣ коргарони хориҷиро ҷалб хоҳанд кард

ДУШАНБЕ, 26 январ - Sputnik. Никита Стасишин, муовини вазири сохтмон ва манзилию коммуналии Русия, дар эфири шабакаи телевизионии "Москва 24" гуфт, ки дархостҳои ширкатҳо барои воридоти муҳоҷирони корӣ чӣ гуна иҷро мешаванд.

"Ҳама ҳамоҳангсозии байниидоравӣ дар шакли электронӣ сурат мегирад. Таҳиягарон ва ширкатҳо бояд танҳо дар платформаи электронӣ ариза пешниҳод кунанд",- гуфт ӯ.

Намояндаи вазорат илова кард, ки дархостҳо барои пешниҳоди захираҳои меҳнатӣ ҳарчи зудтар баррасӣ карда мешаванд.

Ёдовар мешавем, ки 22 январ вазири сохтмон ва манзилию коммуналии Федератсияи Русия Ирек Файзуллин аз таъсиси механизми вуруди муҳоҷирон ба Федератсияи Русия барои кор дар сохтмонҳо хабар дод.

Русия аз патенти муҳоҷирони меҳнатӣ 577 миллион доллар фоида гирифт

Ин суръат бахшидан ба масъалаҳои ҷалби муҳоҷирони меҳнатӣ аз Туркия, Қазоқистон, Тоҷикистон ва Ӯзбекистон пас аз як қатор изҳороти намояндагони мақомоти Русия дар бораи норасоии нерӯи корӣ дар ин кишвар сурат гирифтааст.

Иҷозати Ҳукумати Русия барои вуруди муҳоҷирон аз Тоҷикистон

Дар нимаи моҳи январ, президенти Русия Владимир Путин ба ҳукумати Федератсияи Русия супориш дод, ки масъалаи содда кардани ҷалби муҳоҷирони меҳнатӣ ба сохтмонҳоро то 1 март баррасӣ кунанд.

451
Барчаспҳо:
сохтмон, кор, Муҳоҷират, Тоҷикистон, Русия
Избранный президент КР Садыр Жапаров и экс-глава государства Сооронбай Жээнбеков. Архивное фото

Сооронбой Жээнбеков ба маросими савгандёдкунии Содир Ҷабборов даъват шуд

0
(Таҷдидшуда 17:03 26.01.2021)
Ғайр аз президенти ба истеъфорафта - Сооронбой Жээнбеков ба маросими савгандёдкунии президенти нави Қирғизистон, Роза Отунбоева ва чанде аз номзадҳои пешин ба маснади президентӣ, даъват шудаанд

ДУШАНБЕ, 26 январ - Sputnik. Собиқ президенти Қирғизистон Сооронбой Жээнбеков ба маросими савгандёдкунии кишардори навинтихоб Содир Ҷабборов даъват шудааст. Ин хабарро сухангӯи президент Галина Байтерек таъйид кард.

Ба гуфти ӯ ба маросим савгандёдкунӣ Роза Отуебоева ва чанде аз номзадҳои пешин ба мақоми президентӣ даъват шудаанд.

Жээнбеков, ки се сол дар сари қудрати Қирғизистон буд, пас аз ҳодисоти моҳи октябри соли 2020 ба истеъфо рафт. Содир Ҷабборов, ки он замон иҷрокунандаи вазифаи президент буд, қарор дар бораи собиқ президенти кишвар будани Жээнбековро имзо кард.

Ёдовар мешавем, Содир Ҷабборов зимни ноамниҳои ахир дар Қирғизистон аз маҳбас озод шуд ва нахуствазири ин кишвар таъйин гардид.

Савгандёдкунии хоксорона: Ҷабборов барои масрафоти зиёд аз кортежу банкет даст кашид

Зимнан, дар маракаи интихоботи президентӣ низ ширкат намуда, дастболо шуд. Акнун маросими савгандёдкунии ӯ 28 январ дар толори Филармонияи давлатии Қирғизистон баргузор мегардад.

0
Барчаспҳо:
Қирғизистон, маросими савгандёдкунӣ, савгандёдкунӣ, маросим