Маркази муҳоҷирон. Акс аз бойгонӣ

ИФМ: миқдори марокизи муҳоҷиронро бояд то 15-20 адад афзоиш дод

10
(Таҷдидшуда 14:11 18.02.2015)
Раиси ХФМ Русия бар ин назар аст, ки марказҳои муҳоҷирони корӣ дар куллия манотиқи Русия зарур нест ва кофӣ аст, ки дар бист шаҳрҳои бузурги кишвар чунин марокиз боз шаванд, то дастрасии муҳоҷирон ба хадамоти муҳоҷиратӣ содда карда шавад.

ДУШАНБЕ, 18 фев — Sputnik. Русия ба 20 марокизи муҳоҷирон дар шаҳрҳои бузург ниёз дорад, ки ба шаҳрвандони хориҷӣ куллия хадамоти муҳоҷиратӣ ироъа кунанд, хабар медиҳад РИА Новости бо истинод ба раҳбари ХФМ Русия Константин Ромодановский.

Ба гуфтаи Ромодановский, раиси Хадамоти федералии муҳоҷират феълан дар Русия 5 чунин марказ фаъолият доранд.

"Ман бар ин назарам, ки миқдори чунин марокиз бояд 15-20 адад бошад. Дар куллияи манотиқи кишвар ба чунин марокиз ниёз нест, дар он ҷо ниҳодҳои ИФМ бо нерӯи худ метавонанд ин мушкилро ҳалл кунанд, вале дар шаҳрҳои бузург, ки дар он ҷо теъдоди атбоъи хориҷӣ, ки мехоҳанд наҳваи фаъолияти кории худро расмӣ созанд, ба чунин марокиз ниёз ҳаст", — гуфт Ромодановский рӯзи сешанбе зимни дидор аз як маркази муҳоҷирон дар вилояти Москав.

Вай зикр кард, ки чунин марокиз, ки дар он ҷо муҳоҷирон метавонанд ташхиси пизишкӣ анҷом дода, санҷишотро бисупоранд ва барои дарёфти муҷҷавизи кор аснодро ироъа кунанд бо дарназардошти имконоти мақомоти маҳаллӣ бунёд хоҳанд шуд.

Тибқи муқаррароти ҷадиди муҳоҷиратии Русия ҳамакнун муҳоҷирони корӣ бар ҷойи саҳмия бояд муҷҷавизи кор дарёфт кунанд. Барои гирифтани муҷҷавиз муҳоҷир муваззаф аст, ки аз ташхиси пизишкӣ бигзарад ва аз забони забони русӣ, таърих ва асосҳои ҳуқуқи Русия санҷиш биспорад.

10
Барчаспҳо:
имкони таъсиси марокизи муҳоҷирон дар манотиқи Русия, ИФМ, Константин Ромодановский, Русия
Мавзуъ
Созмони муҳоҷират: мизони бекорӣ солҳои наздик афзоиш меёбад
Расонаҳо: идораи муҳоҷират ва зиддимухадироти Русия лағв мешаванд
Дар Русия қоидаҳои нави муҳоҷират ҷорӣ шуданд
Президент Таджикистана Эмомали Рахмон во Дворце культуры в Матчинском районе

Эмомалӣ Раҳмон дар бораи муҳоҷират: мо имкон дорем, ки мардумро пурра бо кор таъмин намоем

1349
Эмомалӣ Раҳмон гуфт, имкони бо кор фаро гирифтани муҳоҷирини меҳнатӣ дар дохили Тоҷикистон вуҷуд дорад

ДУШАНБЕ, 26 янв — Sputnik. Президенти Тоҷикистон дар Паёми имсолааш ба парлумони Тоҷикистон, ки дар Кохи Сомони шаҳри Душанбе идома дорад, гуфт, соли 2020 бо сабаби пандемияи "вируси корона" 80% - и муҳоҷирини меҳнатӣ натавонистанд ба берун раванд.

"Аз 460 ҳазор нафаре, ки ҳамасола берун мерафтанд, фақат 111 ҳазор рафтаанд. Он чӣ ишора карда истодаам, ин аст, ки мо дар дохили кишвар захираву имконотеро дорем, ки дар оянда боз ҳам беҳтар кор карда, шароити корӣ, корхонаҳои истеҳсолӣ ва кишоварзӣ эҷод намоем ва шароити корӣ фароҳам оварда, мардуми худро пурра бо кор таъмин намоем", - гуфт Эмомалӣ Раҳмон.

Тибқи иттилое, ки Эмомалӣ Раҳмон дар ҷамъи аъзои парлумон эълон кард, соли гузашта дар Тоҷикистон 300 корхонаву коргоҳи саноатӣ таъсис ёфта, беш аз 6,5 ҳазор ҷои кории нав ба вуҷуд омадааст.

Вай афзуд, 157 муассисаи таҳсили умумӣ ва биноҳои иловагӣ барои 63 ҳазор хонанда, 108 муассисаи тиббӣ ва 1,2 млн мураббаъ манзили истиқоматӣ ба истифода дода шудаанд.

“Дар ин давра 193 ҳазор ҷойи кории доимиву мавсимӣ ташкил шуда, даромади пулии аҳолӣ 10% зиёд шудааст”, - гуфт президент.

Вай афзуд, пасандозҳои сокинони Тоҷикистон 17, 2 фисад зиёд шуда, 11,4 миллиард сомониро ташкил додааст, ки гувоҳи зиёд шудани даромади аҳолӣ ва афзоиши эътимоди онҳо ба ташкилотҳои карзӣ аст.

1349
Барчаспҳо:
пешниҳод, Эмомалӣ Раҳмон, муҳоҷират, Тоҷикистон
Пешеходы идут по Патриаршему мосту в Москве.

Муовини вазир нақшаи ҷалби муҳоҷирон аз Тоҷикистон ба Русияро гуфт

439
(Таҷдидшуда 12:26 26.01.2021)
Намояндаи Вазорати сохтмон ва манзилу коммуналии Русия гуфт, ки чӣ гуна ширкатҳои русӣ коргарони хориҷиро ҷалб хоҳанд кард

ДУШАНБЕ, 26 январ - Sputnik. Никита Стасишин, муовини вазири сохтмон ва манзилию коммуналии Русия, дар эфири шабакаи телевизионии "Москва 24" гуфт, ки дархостҳои ширкатҳо барои воридоти муҳоҷирони корӣ чӣ гуна иҷро мешаванд.

"Ҳама ҳамоҳангсозии байниидоравӣ дар шакли электронӣ сурат мегирад. Таҳиягарон ва ширкатҳо бояд танҳо дар платформаи электронӣ ариза пешниҳод кунанд",- гуфт ӯ.

Намояндаи вазорат илова кард, ки дархостҳо барои пешниҳоди захираҳои меҳнатӣ ҳарчи зудтар баррасӣ карда мешаванд.

Ёдовар мешавем, ки 22 январ вазири сохтмон ва манзилию коммуналии Федератсияи Русия Ирек Файзуллин аз таъсиси механизми вуруди муҳоҷирон ба Федератсияи Русия барои кор дар сохтмонҳо хабар дод.

Русия аз патенти муҳоҷирони меҳнатӣ 577 миллион доллар фоида гирифт

Ин суръат бахшидан ба масъалаҳои ҷалби муҳоҷирони меҳнатӣ аз Туркия, Қазоқистон, Тоҷикистон ва Ӯзбекистон пас аз як қатор изҳороти намояндагони мақомоти Русия дар бораи норасоии нерӯи корӣ дар ин кишвар сурат гирифтааст.

Иҷозати Ҳукумати Русия барои вуруди муҳоҷирон аз Тоҷикистон

Дар нимаи моҳи январ, президенти Русия Владимир Путин ба ҳукумати Федератсияи Русия супориш дод, ки масъалаи содда кардани ҷалби муҳоҷирони меҳнатӣ ба сохтмонҳоро то 1 март баррасӣ кунанд.

439
Барчаспҳо:
сохтмон, кор, Муҳоҷират, Тоҷикистон, Русия
Российский миротворец на блокпосту №6 на въезде в город Шуши на дороге из Степанакерта в Лачин

Ин ғайри қобили қабул аст: Қарабоғи Кӯҳӣ аз ҳамроҳ шудан бо Озарбойҷон сарпечӣ кард

0
Мақомоти Қарабоғи Кӯҳӣ дар бораи вазъи кунунии ҷумҳурии эътирофнашуда шадидан сухан гуфтанд

ДУШАНБЕ, 26 январ - Sputnik. Президенти Қарабоғи Кӯҳӣ Араик Арутунян дар мулоқот бо ҳайати шахсии Вазорати корҳои дохилии минтақа дар бораи сарнавишти минбаъдаи ҷумҳурии эътирофнашуда ҳарф зад.

Вай изҳор дошт, ки мавҷудияти Қарабоғ дар дохили Озарбойҷон ғайриимкон ва ғайри қобили қабул аст.

"Роҳи душвор ва тӯлоние моро барои барқарорсозӣ ва тақвияти кишвар интизор аст, ки дар он тамоми мардуми Артсах имкони зистан ва эҷод карданро доранд", - таъкид кард Арутунян.

Ба гуфтаи раҳбари минтақа, бо вуҷуди шароити душвор, Қарабоғи Кӯҳӣ муборизаро барои эътирофи байналмилалии истиқлолият идома хоҳад дод.

Ин масъала, ба гуфтаи Арутунян, бояд дар Гурӯҳи Минскии САҲА матраҳ шавад. Ҳамзамон, президенти Қарабоғи Кӯҳӣ гуфт, ки кишварҳои миёнарав дар ин созмон мавқеи ӯро ҳамроҳӣ мекунанд.

Арманистон сабаби шикасташ дар Қарабоғи Кӯҳиро гуфт

Дар ҷараёни мулоқот Арутунян сардори нави департамент Карен Саркисянро ба кормандони Вазорати корҳои хориҷӣ муаррифӣ кард, ки қаблан вазифаи сардори Хадамоти давлатии фавқулодаи минтақаро ба ӯҳда дошт, 

Низоъ дар Қарабоғи Кӯҳӣ

Амалиёти мусаллаҳона дар Қарабоғи Кӯҳӣ аз соли 1987 инҷониб сар мезанад. Ин муноқишаи сиёсию қавмӣ байни озарбойҷониҳо ва арманиҳо мебошад.

Бори охир он 27 сентябри 2020 дигарбора сар зад. Ҳанӯз маълум нест, ки кадом кишвар аввалин шуда тиркушоиро оғоз кардааст, дар ҳоле ки Арманистон ва Озарбойҷон дар тирборон ҳамдигарро айбдор карданд.

Муноқиша беш аз як моҳ давом кард ва бо дахолати президенти Русия Владимир Путин боздошта шуд.

Тадбири асосии оташбас имзои созишномае буд, ки баргардонидани қаламравҳои ишғолкардаи Арманистон ба Озарбойҷонро пешбинӣ мекунад.

Ин санад шаби 9 ба 10 ноябр имзо шудааст. Аз ҳамон лаҳза амалиёти ҷангӣ дар Қарабоғи Кӯҳӣ қатъ шуд.

Миёни ҷангу сулҳ: гузориши аксӣ аз Қарабоғи куҳӣ

Шартҳои риояи созишномаҳоро посдорони сулҳи Русия назорат мекунанд. Онҳо инчунин ба гурезагон кӯмак мерасонанд, корҳои тоза кардани минаҳоро анҷом медиҳанд ва инфрасохтори шаҳрҳои маҳаллиро барқарор мекунанд.

0
Барчаспҳо:
ҷанг дар Қарабоғ, Русия, низоми оташбас, ҷанг, Арманистон, Озарбойҷон