Маъмурони пулис бозори Садовод-и Маскавро бозрасӣ мекунанд. Акс аз бойгонӣ

ХФМ: дар ним сол теъдоди муҳоҷирони ғайриқонунӣ 2 баробар камтар шуд

6
(Таҷдидшуда 11:12 19.02.2015)
Ба иттилоъи Идораи Федералии муҳоҷирати ФР дар соли 2015 теъдоди муҳоҷирони ғайриқонунӣ дар кишвар аз 4,3 миллион нафар то 2 миллион нафар, яъне ду маротиба камтар шудааст.

ДУШАНБЕ, 19 фев — Sputnik. Теъдоди муҳоҷирон дар Русия дар тӯли шаш моҳи ахир ба ду миллион нафар коҳиш ёфтааст, хабар медиҳад РИА Новости бо истинод ба ИФМ ФР.

Ба иттилоъи ин ниҳод феълан дар кишвар беш аз ду миллион нафар муҳоҷирони ғайриқонунӣ қарор доранд.

Барои муқоиса дар моҳи сентябри соли 2014 ИФМ изҳор дошт, ки дар кишвар 4,3 миллион муҳоҷирони ғайриқонунӣ ба сар мебаранд.

Коҳиши теъдоди муҳоҷирони корӣ — ҳам қонуниву ҳам ғайриқонуниро — коршиносон қабл аз ҳама ба коҳиши қурби рубли русӣ ва ташдиди қавонин марбут медонанд.

"Теъдоди атбоъи хориҷие, ки дар қаламрави Русия ғайриқонунӣ қарор доранд, хеле бузург аст. Феълан теъдоди онҳо болиғ бар 2 миллион нафар аст", — гуфт рӯзи чаҳоршанбе муовини раҳбари ИФМ ФР Екатерина Егорова дар барномаи шабакаи телевизионии "Россия 24".

Вай ёдовар шуд, ки Русия ахиран вуруди атбоъи хориҷӣ ба кишвар, ки мизони қонунии замони ҳузурро гузаштаанд, мамнӯъ кард: "дар маҷмӯъ, аллакай барои 1,2 миллион нафар вуруд мамнӯъ шуд".

Егорова зикр кард, ки ин амри пешгирикунанда аст, зеро мардум талош мекунанд, ки ҳузури худ дар Русияро қонунӣ созанд.

Хабарҳо мабнӣ ба коҳиши 70% атбоъи хориҷӣ ба қаламрави Русияро муовини раҳбари ИФМ бепоя унвон кард ва изҳор дошт, ки бозгашти муҳоҷирон ба ҷашнгириҳо ва тӯзҳои таътил марбут буд.

"Феълан мо коҳиши чашмраси вурудро мушоҳида намекунем. Ин вазъ дар рӯзҳои ҷашнӣ буд, ҳоло вазъ муътадил шудааст. Ҳамакнун дар Русия теъдоди атбоъи хориҷӣ нисбати ҳамин давраи соли гузашта ба 6% коҳиш ёфтааст", — зикр кард вай.

Дар бораи таъсири муқаррароти қавонини ҷадиди муҳоҷират (манъи вуруд барои 5 ва 10 сол барои афроде, ки қонунро нақз мекунанд ва роҳандозии муҷҷавизи кор) Егорова изҳори назар карда гуфт, ки ин амр ба беҳбуди вазъи муҳоҷират дар Русия мусоидат мекунад.

"Ин масъала танҳо ба роҳандозии наҳваи ҷадиди ироаи муҷҷавизи кор дар Русия нест, балки масоилест, ки ба ҷилавгирӣ аз муҳоҷирати ғайриқонунӣ мусоидат мекунад", — зикр кард муовини раҳбари ИФМ.

6
Барчаспҳо:
муҳоҷирони қонунӣ, муҳоҷират, изҳори назар, ХФМ, ИФМ, Екатерина Егорова, Русия
Мавзуъ
Муҳоҷирон метавонанд муҷаввизи корро то як сол тамдид кунанд
Дар Маскав пешниҳод карданд, ки наҳваи бимаи муҳоҷирон иваз шавад
Ҳашт муҳоҷир дар "зиндони муҳоҷирон"-и Маскав қасди худкушӣ карданд
Назарсанҷӣ: 27% сокинони Русияро муҳоҷирон нороҳат намекунанд
Маркази тестии муҳоҷирон дар Тсаритсино пас аз шикояти зиёд баста шуд
Коршинос: муҳоҷирон ба ҷои Русия ба Қазоқистон мераванд
Посетитель в многофункциональном миграционном центре Москвы, архивное фото

Дар вилояти Маскав усули нави ба кор ҷалб кардани муҳоҷиронро ташкил мекунанд

514
Бо мақсади ҷалби муҳоҷирони меҳнатӣ ба кор дар вилояти Маскав, қоидаҳои нав аз соли 2021 татбиқ карда мешаванд

ДУШАНБЕ, 7 март - Sputnik. Дар вилояти Маскав усули ҷалби шаҳрвандони хориҷӣ ба кор аз соли 2021 тағир хоҳад ёфт, иттилоъ медиҳад хадамоти матбуоти Сарраёсати амнияти минтақавии вилояти Маскав.

Қоидаҳои нав аз рӯи алгоритме, ки ҳукумати Русия таҳия кардааст, амал мекунад.

Ҳоло ташкилотҳое, ки ба муҳоҷирони меҳнатӣ талабгоранд, бояд интиқоли муҳоҷирон, додани иҷозатномаҳо барои шуғли онҳо, бастани шартномаҳои меҳнатӣ, ташкили манзилу хӯрок, муоинаи тиббӣ пас аз будубош дар Русия, инчунин риояи қоидаҳои санитарию эпидемиологиро таъмин кунанд.

Ташкилотҳо бояд барои ҷалби хориҷиён ба системаи иттилоотию таҳлилии "Пойгоҳи Умумироссиягии ҷойҳои кории холии" Кор дар Русия" муроҷиат кунанд.

Сарраёсати амнияти минтақавӣ дар вилояти Маскав ва Вазорати рушди иҷтимоӣ барои иҷрои тадбирҳо дар минтақаи Маскав масъуланд.

Уфа 400 муҳоҷири тоҷикро бо кор таъмин мекунад

Тибқи иттилои вазорат, интизор меравад, ки ба минтақаи Маскав ҳудуди 10 ҳазор муҳоҷири корӣ расанд. Онҳо дар соҳаи хоҷагии манзилию коммуналӣ ва сохтмон кор хоҳанд кард.

514
Барчаспҳо:
ширкатҳо, санад, Муҳоҷират, Русия
Намояндагони ширкати “Тех строй”-и шаҳри Маскав дар Суғд

Корфармоёни Русия ба суроғи муҳоҷирони тоҷик омаданд акс

2887
(Таҷдидшуда 13:43 04.03.2021)
Роҳбарони ширкати сохтмонии “Тех строй”-и шаҳри Маскав ба Тоҷикистон ба суроғи муҳоҷирони меҳнатӣ омадаанд. Онҳо нахуст дар Хуҷанд ва сипас ба шаҳри Душанбе сафар карда бо сокиноне, ки хоҳиши дар Русия кор карданро доранд, шартномаи меҳнатӣ ба имзо мерасонанд

ДУШАНБЕ, 4 мар – Sputnik. Бо шунидани ташрифи корфармоёни Русия, ба Тоҷикистон даҳҳо нафар сокинон аз шаҳру навоҳии Суғд рӯзҳои 2 ва 3 март ба Хуҷанд омаданд.

Азизмат, сокинони ноҳияи Ашт буда, ҳамроҳ бо ду ҳамсолаш барои дарёфти кори хуб дар Русия ба Хуҷанд омад. Ӯ иброз намуд, ки дар гузашта дар як ширкати сохтмонии шаҳри Маскав кор мекард, вале бо сабаби хуруҷи пандемияи COVID-19 бо кори пештараи худ расида натавонист.

Ин сокини ноҳияи Ашт таъкид намуд, ки таҷрибаи кориаш дар сохтмонро роҳбарони ширкати Русия дар Хуҷанд дуруст дарк карданд ва онҳо барои ба имзо расонидани шартномаи ҳамкорӣ ба мувофиқа расиданд.

“Ҳангоми суҳбат мо иброз намудем, ки корҳои сохтмонӣ аз ҷумлаи андовагар, сангчин, кошинкориро ба иҷро расонида метавонем. Роҳбарони “Тех строй” дар навбати худ иброз намуданд, ки чунин мутахассисонро сатҳи баланд ҳисоб мекунанд ва асосан ба чунин мутахассисон шартномаи ҳамкорӣ бастанианд”, -мегӯяд Азизмат.

Зариф Шодиев, як сокини 35 солаи ноҳияи Деваштич гуфт, даҳ сол ба ин тараф умдатан ҳисоби зиндагии хонаводашро аз ҳисоби кору заҳмати муҳоҷирати Русия таъмин мекунад. Ӯ гуфт, хуруҷи бемории ҳамагири каронавирус ба мисли ӯ, ба иқтисодиёти даҳҳо хонаводаи муҳоҷирон зарбаи ҷиддӣ расонд.

“Аввалҳо дар муҳоҷират боркашонӣ мекардам. Баъдан як муддат ронандаи таксӣ ҳам будам. Таҷрибаи панҷсолаи кор дар сохтмони иборатҳои баландро дорам. Мо дар Хуҷанд бо корфармоён суҳбат кардем дар баробари дигар шартҳо додани маош дар вақташро пешниҳод кардем”, гуфт Шодиев.

Намояндагони ширкати “Тех строй”-и шаҳри Маскав дар Суғд
© Sputnik (sputniktj_photo)
Намояндагони ширкати “Тех строй”-и шаҳри Маскав дар Суғд

Барои ҷалб намудани қувваи корӣ ташриф оварданд. Ҳамроҳ бо кормандони Хадамоти муҳоҷират Николай Папов, роҳбари ҶСК “Тех строй” шаҳри Маскав дар суҳбат ба Sputnik Тоҷикистон қайд намуд, ки бахши аъзами коргарони ин ширкат аз ҳисоби муҳоҷирони меҳнатӣ аст ва аз ҳамин лиҳоз ӯ бо гурӯҳи иборат аз 16 нафараи худ барои бастани шартномаҳо ба корҷӯён ба Тоҷикистон омаданд.

“Давоми ду рӯз бо бештар аз 500 нафар шартномаҳо ба имзо расонида шуд. Дар ин миён бештар аз 40 нафар ҳамчун мутахассиси баландсоҳа қабул гардиданд”, гуфт роҳбари “Тех строй” и Маскав.

Бино ба гуфти Папов, баъд аз Хуҷанд сафари онҳо ба шаҳри Душанбе низ дар назар буда, то 6 уми март сокинонро барои ҳамкорӣ қабул мекунанд.

Ширкати “Тех строй” бастани 1000 шартнома бо ҳамкорони тоҷикро дар нақша дошта, масъалаи ташкили хатсайри чартерӣ, расамиётдарории ҳуҷҷатҳо аз қабили иҷозатномаи ҷойи кор, таъмин намудан бо хобгоҳ ва сари ҳар моҳ пардохт намудани маоши муҳоҷиронро ба уҳда гирифтааст.

2887
Барчаспҳо:
шартнома, Русия, Хуҷанд, муҳоҷират, Маскав, ширкат, Тоҷикистон
День 9 марта

Белорус истиқлолият ба даст овард: имрӯзи таърих

0
(Таҷдидшуда 21:44 06.03.2021)
Рӯзи нуҳуми март Рӯзи байналмилалии дидҷей буда, дар Белиз – Рӯзи қаҳрамонони миллӣ ва эҳсонгар мебошад

Рӯзи 9 март дар ҷаҳон чӣ рух дод

Соли 1918 истиқлолияти Ҷумҳурии Халқии Беларус эълон карда шуд.

Соли 1933 дар ИМА  стандарти тиллоӣ (тартиби пулӣ, дар асоси пардохти ягона дар асоси якчанд андозаи стандартикунонидаи тилло) бекор карда шуд.

Соли 1908 клуби футболи "Интернатсионал" (Милан) таъсис дода шуд.

Рӯзи 9 март дар Тоҷикистон чӣ рух дод

Соли 2010 бо Фармони Президенти Тоҷикистон Агентии заминсозӣ, геодезӣ ва харитасозии назди Ҳукумати Ҷумҳурии Тоҷикистон ба Кумитаи давлатии заминсозӣ ва геодезии Ҷумҳурии Тоҷикистон тағйири ном кард.

Соли  2011 дар варзишгоҳи "Металлург"-и шаҳри Турсунзода бозии ҷавобии давраи интихобии Олимпиада – 2012 Тоҷикистон-Омон сурат гирифт.

Соли 2012 дар варзишгоҳи "Дашрат" -и Катманду бозии якуми марҳилаи ниҳоии Ҷоми даъватии Конфедератсияи Футболи Осиё миёни дастаҳои миллии Ҳиндустон ва Тоҷикистон баргузор гардид.

Соли 2015 дар шуъбаи Венагии СММ ҷаласаи 58-уми Комиссияи СММ оид ба маводи мухаддир баргузор гардид.

Соли 2016 дар Вазорати корҳои хориҷии Ҷумҳурии Точикистон конфронси байналмилалии вазирон оид ба Афғонистон баррасӣ карда шуд.

Соли 2017 дар шаҳри Марини Швейтсария миёни Бонки миллии Тоҷикистон ва ширкати "Металор" Шартномаи ҳамкории дуҷониба ба имзо расид.

Ҷашнҳои рӯзи 9 март

  • Рӯзи байналмилалии дидҷей.
    Дар Белиз – Рӯзи қаҳрамонони миллӣ ва эҳсонгар.

Рӯзи 9 март кӣ ба дунё омадааст

Ёрмаҳмад Аралов (1954)- киноактёр, наворбардор.

Темур Атахонов (1934)- адабиётшинос, профессор.

Абдувалӣ Бердиалиев (1939) - доктори илми филологӣ, профессор.

Нориниссо Бобоҷонова (1931 - 2009) - арбоби фарҳангӣ, Корманди шоистаи маданияти Тоҷикистон.

Надежда Буткевич (1908 - 1991) - арбоби фарҳангӣ, Ходими шоистаи ҳунари Тоҷикистон.

Юрий Касаткин (1925) - доктори илми ҳуқуқ, профессор.

Шавқат Маъруфов (1928) - журналист, Корманди шоистаи маданияти Тоҷикистон.

Муҳаммадназари Муҳаммадзиё (1960)- нависанда.

Назрӣ Обидов (1937)- мутарҷим.

Аскар Одинаев (1931)- актёри театр.

Умрӣ Сироҷиддинова (1940) - доктори илми тиб, профессор.

Зубайдулло Шарифзода (1951) - нависанда.

Марҳабо Юсуфова (1940) - наттоқи радио, Корманди шоистаи маданияти Тоҷикистон.

Холиқназар Ҷумъаев (1969) - журналист.

0
Барчаспҳо:
ҷашн, ҷаҳон, Тоҷикистон