Сафири Тоҷикистон дар Русия Имомуддин Сатторов

Сафир ба донишҷӯён машварат дод, ки қавонини Русияро нақз накунанд

6
Ба ҳангоми дидор аз вилояти Воронеж сафир бо донишҷӯёни тоҷик, ки дар Русия таҳсилоти олӣ мекунанд дидор карда ба онҳо машварат дод, ки қавонини ин кишварро нақз накунанд ва ба “феҳрасти сиёҳ” шомил нашаванд.

ДУШАНБЕ, 24 фев — Sputnik. Барои шомил нашудан ба феҳрасти ихроҷшудагон бояд қавонинро риоят кард, машварат дод Имомуддин Сатторов, сафири Тоҷикистон дар ФР ба ҳангоми дидор бо донишҷӯёни тоҷик дар Воронеж, омадааст дар хабари сойти сафорати ҶТ дар ФР.

Дар дидор бо донишҷӯёни тоҷик, ки дар маҷлисгоҳи Донишгоҳи фанновариҳои муҳандисии Воронеж баргузор шуд, Сатторов зикр кард, ки феълан масъалаи мубрам ин мушкили афроди "мамнуъ-ул-вуруд" аз ҷумлаи шаҳрвандони Тоҷикистон мебошад.

"Ба ин далел ба хотири дар чунин вазъ қарор нагирифтан шуморо зарур аст, ки қавонини ин кишварро риоят кунед, сареъан асноди иҷозатдиҳӣ дарёфт кунед, забони русиро омӯзед ва тахассуси худро пайваста боло бубаред", — зикр кард сафир.

Ба гуфтаи вай, ин масъала пайваста бо ниҳодҳои мухталифи ФР дар сатҳи мухталиф баррасӣ мешавад.

Имомуддин Сатторов зикр кард, ки таъмини ҳуқуқ ва манофеъи муҳоҷирони кории тоҷик, кӯмак ва пуштибонӣ аз донишҷӯёни муқими Русия, ба ҳам омадани гурӯҳҳои мухталифи тоҷиктаборон ба манзури тавзеъ ва тарғиби фарҳанги қадимаи мо аз самтҳои аслии фаъолияти сафорат мебошанд.

Дар чорчӯби боздид аз вилояти Воронеж сафир ҳамчунин бо раҳбари бахши ИФМ дар вилояти Воронеж Игор Селютин дидор кард. Дар ин дидор масоили марбут ба вазъи муҳоҷират, дурнамои ҳамкориҳо дар бахши муҳоҷирати корӣ, бавижа дар масоили таъмини ҳуқуқ ва манофеъи муҳоҷирони кории тоҷик дар ин минтақа баррасӣ шудаанд.

6
Барчаспҳо:
муҳоҷирон, муҳоҷират, дидор бо донишҷӯён, Сафорати Тоҷикистон дар ФР, Донишгоҳи фанновариҳои муҳандисии Воронеж, Имомуддин Сатторов, Воронеж, Тоҷикистон, Русия
Человек держит мобильный телефон в руках, архивное фото

Хадамоти муҳоҷират замимаи мобилӣ ва сомонаи нав омода кардааст

143
(Таҷдидшуда 18:29 17.01.2021)
Хадамоти муҳоҷирати Вазорати меҳнат, муҳоҷират ва шуғли аҳолии Тоҷикистон аз таҳияи замимаи нав зери унвони “Роҳнамои муҳоҷир” ва сомонаи нави ин ниҳод хабар додааст

ДУШАНБЕ, 17 янв — Sputnik. Тибқи иттилои Хадамоти муҳоҷират, замима дар ҳамкорӣ бо ташкилоти ҷамъиятии “Ҳайати Шафқат” таҳия шудааст.

Манбаъ таъкид кардааст, ки замимаи мобилӣ фарогири муҳимтарин маълумот ва ахбор барои муҳоҷирон буда, аз се қисми таркибӣ иборат аст.

Маълумот дар гуруҳбандии “Қабл аз муҳоҷират”, “Дар давраи муҳоҷират” ва “Баъд аз муҳоҷират” ироа шудааст.

“Ҳамагӣ бо як бор ройгон боргирӣ намудани замимаи мобилӣ  муҳоҷир метавонад онро дар тамоми раванди муҳоҷират истифода барад, зеро он ивазкунандаи буклету варақаҳои таблиғотӣ, китобчаҳову шарҳи қонунҳои ба ин самт тааллуқдошта мебошад”, - омадааст дар иттилоия.

Манбаъ инчунин хабар додааст, ки сомонаи нави Хадамоти муҳоҷират дар суроғаи “infomuhojir.tj” фаъол аст ва он нисбат ба замимаи мобилӣ маводи бештарро дар бар мегирад.

143
Барчаспҳо:
муҳоҷират, Тоҷикистон

Омори муҳоҷират дар Тоҷикистон: чанд нафар омаду чӣ қадар кишварро тарк кард

752
(Таҷдидшуда 15:02 17.01.2021)
Дар умум дар робита бо ҳамагирии коронавирус ва баста будани марзи аксари кишварҳо, сатҳи муҳоҷират дар Тоҷкистон коҳиш ёфт

ДУШАНБЕ, 17 янв — Sputnik. Дар давоми соли 2020 - 740,2 ҳазор шаҳрванд Тоҷикистонро тарк кард, хабар медиҳад Агентии омори назди президенти Тоҷикистон.

Ин рақам дар муқоиса бо нишондоди соли гузашта, 1 миллиону 517 ҳазор ё 67,2% камтар аст.

Ҷуғрофияи сафари шаҳрвандони Тоҷикистон аз ҷониби агентӣ дақиқ гуфта нашудааст.

Тарҳи қонуни нав дар Русия: як гурӯҳи муҳоҷирон депорт нашаванд - кадом?

Бештари шаҳрвандони хориҷӣ ба ҷумҳурӣ аз кишварҳои зерин омадаанд: Ӯзбекистон - 271,5 ҳазор (66,2% аз шумораи умумии воридшудагон), Русия - 54,9 ҳазор (13,4%), Қирғизистон - 45,9 ҳазор ( 11,2%), Қазоқистон - 9,3 ҳазор (2,3%).

Бекорӣ аз байн меравад? Амонзода дар саросари ҶТ ярмаркаи ҷойи кори холӣ ташкил мекунад

Аз кишварҳои хориҷии дур ба Тоҷикистон бештар аз Афғонистон - 6 ҳазор нафар (1,5%), Чин - 3,1 ҳазор нафар (0,8%), Туркия - 2,7 ҳазор нафар (0,7%), 1,9 ҳазор нафар (0,5%), Эрон - 1,3 ҳазор нафар (0,3%), ИМА - 1,2 ҳазор нафар (0,3%), Олмон - 0,5 ҳазор нафар (0 , 1%), Покистон - 0,4 ҳазор нафар (0,1%) сабт шудааст.

752
Барчаспҳо:
Тоҷикистон, муҳоҷират, омор

Хароҷоти буҷаи Тоҷикистон дар соли 2021

0
Хароҷоти умумии буҷаи давлатии Тоҷикистон дар соли 2021 аз 27,6 миллиард сомонӣ зиёд хоҳад шуд. Маблағҳо ба куҷо масраф мешаванд: аз тасвирбаёни Sputnik Тоҷикистон бинед
Хароҷоти буҷаи Тоҷикистон дар соли 2021
© Sputnik

Тибқи маълумоти Вазорати молияи Тоҷикистон, дар соли 2021 қисми хароҷоти буҷаи давлатӣ нисбат ба соли 2020 6,1% зиёдтар аст.

Манбаъҳои ташаккули буҷети давлатии Тоҷикистон дар соли 2021 андозҳо (18,8 миллиард сомонӣ), даромадҳои ғайриандозӣ (1,39 миллиард сомонӣ), грантҳои ташкилотҳои байналмилалии молиявӣ (0,3 миллиард сомонӣ), қарзҳо ба лоиҳаҳои сармоягузории давлатӣ (4,87 миллиард сомонӣ), маблағҳои махсуси муассисаҳои буҷетӣ (2,26 млрд. сомонӣ) ташкил медиҳанд.

Дар соли 2021 ба бахши иҷтимоии иқтисод 13,16 миллиард сомонӣ ва ба бахши воқеии иқтисод 8,38 миллиард сомонӣ равона мешавад.

Хароҷоти буҷет соли - 2020: кадом бахшҳо муҳиманд

Аз буҷаи давлат барои бахши қудрат ва идоракунии давлатӣ 1,43 миллиард ва барои мудофиа ва ҳифзи ҳуқуқ 2 миллиард сомонӣ ҷудо карда мешавад. Ғайр аз ин, 2 миллиард сомонӣ барои пӯшонидани ӯҳдадориҳои қарзӣ равона хоҳад шуд.

Тибқи гузориши пешниҳодшуда, имсол ба нақша гирифта шудааст, ки қисми зиёди маблағҳо ба соҳаи маориф - 5,59 миллиард сомонӣ равона карда шаванд.

Аз даромад то каср: буҷети шаҳрвандӣ барои соли 2020

Барои суғуртаи иҷтимоӣ ва ҳифзи аҳолӣ 4,1 миллиард сомонӣ сарф карда мешавад. Қариб ҳамин миқдор маблағ дар Тоҷикистон барои рушди комплекси энергетикӣ ва сӯзишворӣ равона мегардад. Ҳамзамон, касри буҷа 0,5% ё 463 миллион сомонӣ пешбинӣ шудааст.

0
Барчаспҳо:
буҷа, Тоҷикистон