Навбати муҳоҷирон дар назди бахши ИФМ дар Москав. Акс аз бойгонӣ

Маркази воҳиди муҳоҷирон дар вилояти Маскав шабонарӯзӣ фаъол мешавад

23
(Таҷдидшуда 11:12 02.03.2015)
Гузариш ба наҳваи шабонарӯзии кор имкон медиҳад, ки навбатпоӣ камтар шуда бо теъдоди бештари муҳоҷирони корӣ, ки барои дарёфти муҷҷавизи кор муроҷииат мекунанд, муомила шавад.

ДУШАНБЕ, 2 мар — Sputnik. Маркази воҳиди муҳоҷирон (МВМ) дар Маскав ба манзури афзоиши зарфияти ин ниҳод то 3,5 ҳазор нафар атбоъи хориҷӣ дар як рӯз муҳоҷирони кории хориҷиро ба сурати шабонарӯзӣ қабул мекунад, хабар медиҳад РИА Новости бо истинод ба ХФМ Русия.

Рӯзи ҷумъа раҳбари бахши пойтахтии ИФМ (Идораи федералии муҳоҷират) Русия Олга Кириллова изҳор дошта буд, ки феълан ин марказ ба наҳваи муввақат фаъолият мекунад ва метавонад ҳудуди 1,5 ҳазор аснодро дар як рӯз қабул кунад, вале ин мизон ниёзҳои Маскавро наметавонад қонеъ созад.

"Дирӯз ҷаласа баргузор шуд ва тасмим шуд, ки кормандони марказ ба сурати шабонарӯзӣ кор карда зарфиятро то ба 3,5 ҳазор нафар атбоъи хориҷӣ дар як рӯз мерасонанд", — гуфт Кириллова.

Қаблан сафорати Қирғизистон ба вазорати умури хориҷаи Русия бо ирсоли номае хоҳиш карда буд, ки ба фаъолияти маркази ҷадиди муҳоҷирони Сахарово расидагӣ кунад. Намояндагии дипломатӣ дар бораи омода набудани марказ барои қабул ва ҳалли мушкилоти муҳоҷирони корӣ хабар дода буд.

Зимни дидор аз маркази муҳоҷирон дар рустои Сахарово кормандони консулгарӣ шоҳиди дар навбат истодани беш аз се ҳазор нафар, гирдиҳамоӣ ва фишори анбӯҳ шуданд. Ба иттилоъи онҳо, барои қабули мушовирони марказ бояд 3-5 соат дар навбат истод, ҳамарӯза то оғози кори марказ дар назди он то 1,5 ҳазор нафар таҷаммуъ мекунанд.

Марказ дар ҳудуди Москави ҷадид дар наздикии рустои Сахарово ё декабри соли гузашта ифтитоҳ шуда ва 12 январи соли 2015 нахустин муштариёнро пазируфт.

Муҳоҷирон дар ин ҷо санҷиши донистани забони русӣ, таърихи Русия ва асосҳои қавонини ФР супорида, аз ташхиси пизишкӣ мегузаранд ва аснодро барои дарёфти патент месупоранд.

Феълан дар марказ ҳамарӯза ҳудуди як ҳазор муҷҷавиз ироъа мешавад. Ба иттилоъи худи марказ, зарфияти он 2000 нафар дар як рӯз аст.

23
Барчаспҳо:
муҳоҷирон, муҳоҷират, патент, наҳваи ҷадиди фаъолияти маркази воҳиди муҳоҷирон, ИФМ, Олга Кириллова, Маскав, рустои Сахарово, Русия
Мавзуъ
Сенатор: инҳисор дар қабули санҷиш аз муҳоҷирон бояд лағв шавад
Дар вилояти Маскав ҳамарӯза беш аз ҳазор муҳоҷир санҷиш месупоранд
Гавҳар Ҷӯраева: барои муҳоҷирон пардохти қиммати муҷҷавиз беҳтар аст
Муҳоҷирон метавонанд муҷаввизи корро то як сол тамдид кунанд
Дар Маскав пешниҳод карданд, ки наҳваи бимаи муҳоҷирон иваз шавад
Маркази тестии муҳоҷирон дар Тсаритсино пас аз шикояти зиёд баста шуд
Посетитель в многофункциональном миграционном центре Москвы, архивное фото

Дар вилояти Маскав усули нави ба кор ҷалб кардани муҳоҷиронро ташкил мекунанд

235
Бо мақсади ҷалби муҳоҷирони меҳнатӣ ба кор дар вилояти Маскав, қоидаҳои нав аз соли 2021 татбиқ карда мешаванд

ДУШАНБЕ, 7 март - Sputnik. Дар вилояти Маскав усули ҷалби шаҳрвандони хориҷӣ ба кор аз соли 2021 тағир хоҳад ёфт, иттилоъ медиҳад хадамоти матбуоти Сарраёсати амнияти минтақавии вилояти Маскав.

Қоидаҳои нав аз рӯи алгоритме, ки ҳукумати Русия таҳия кардааст, амал мекунад.

Ҳоло ташкилотҳое, ки ба муҳоҷирони меҳнатӣ талабгоранд, бояд интиқоли муҳоҷирон, додани иҷозатномаҳо барои шуғли онҳо, бастани шартномаҳои меҳнатӣ, ташкили манзилу хӯрок, муоинаи тиббӣ пас аз будубош дар Русия, инчунин риояи қоидаҳои санитарию эпидемиологиро таъмин кунанд.

Ташкилотҳо бояд барои ҷалби хориҷиён ба системаи иттилоотию таҳлилии "Пойгоҳи Умумироссиягии ҷойҳои кории холии" Кор дар Русия" муроҷиат кунанд.

Сарраёсати амнияти минтақавӣ дар вилояти Маскав ва Вазорати рушди иҷтимоӣ барои иҷрои тадбирҳо дар минтақаи Маскав масъуланд.

Уфа 400 муҳоҷири тоҷикро бо кор таъмин мекунад

Тибқи иттилои вазорат, интизор меравад, ки ба минтақаи Маскав ҳудуди 10 ҳазор муҳоҷири корӣ расанд. Онҳо дар соҳаи хоҷагии манзилию коммуналӣ ва сохтмон кор хоҳанд кард.

235
Барчаспҳо:
ширкатҳо, санад, Муҳоҷират, Русия
Намояндагони ширкати “Тех строй”-и шаҳри Маскав дар Суғд

Корфармоёни Русия ба суроғи муҳоҷирони тоҷик омаданд акс

2838
(Таҷдидшуда 13:43 04.03.2021)
Роҳбарони ширкати сохтмонии “Тех строй”-и шаҳри Маскав ба Тоҷикистон ба суроғи муҳоҷирони меҳнатӣ омадаанд. Онҳо нахуст дар Хуҷанд ва сипас ба шаҳри Душанбе сафар карда бо сокиноне, ки хоҳиши дар Русия кор карданро доранд, шартномаи меҳнатӣ ба имзо мерасонанд

ДУШАНБЕ, 4 мар – Sputnik. Бо шунидани ташрифи корфармоёни Русия, ба Тоҷикистон даҳҳо нафар сокинон аз шаҳру навоҳии Суғд рӯзҳои 2 ва 3 март ба Хуҷанд омаданд.

Азизмат, сокинони ноҳияи Ашт буда, ҳамроҳ бо ду ҳамсолаш барои дарёфти кори хуб дар Русия ба Хуҷанд омад. Ӯ иброз намуд, ки дар гузашта дар як ширкати сохтмонии шаҳри Маскав кор мекард, вале бо сабаби хуруҷи пандемияи COVID-19 бо кори пештараи худ расида натавонист.

Ин сокини ноҳияи Ашт таъкид намуд, ки таҷрибаи кориаш дар сохтмонро роҳбарони ширкати Русия дар Хуҷанд дуруст дарк карданд ва онҳо барои ба имзо расонидани шартномаи ҳамкорӣ ба мувофиқа расиданд.

“Ҳангоми суҳбат мо иброз намудем, ки корҳои сохтмонӣ аз ҷумлаи андовагар, сангчин, кошинкориро ба иҷро расонида метавонем. Роҳбарони “Тех строй” дар навбати худ иброз намуданд, ки чунин мутахассисонро сатҳи баланд ҳисоб мекунанд ва асосан ба чунин мутахассисон шартномаи ҳамкорӣ бастанианд”, -мегӯяд Азизмат.

Зариф Шодиев, як сокини 35 солаи ноҳияи Деваштич гуфт, даҳ сол ба ин тараф умдатан ҳисоби зиндагии хонаводашро аз ҳисоби кору заҳмати муҳоҷирати Русия таъмин мекунад. Ӯ гуфт, хуруҷи бемории ҳамагири каронавирус ба мисли ӯ, ба иқтисодиёти даҳҳо хонаводаи муҳоҷирон зарбаи ҷиддӣ расонд.

“Аввалҳо дар муҳоҷират боркашонӣ мекардам. Баъдан як муддат ронандаи таксӣ ҳам будам. Таҷрибаи панҷсолаи кор дар сохтмони иборатҳои баландро дорам. Мо дар Хуҷанд бо корфармоён суҳбат кардем дар баробари дигар шартҳо додани маош дар вақташро пешниҳод кардем”, гуфт Шодиев.

Намояндагони ширкати “Тех строй”-и шаҳри Маскав дар Суғд
© Sputnik (sputniktj_photo)
Намояндагони ширкати “Тех строй”-и шаҳри Маскав дар Суғд

Барои ҷалб намудани қувваи корӣ ташриф оварданд. Ҳамроҳ бо кормандони Хадамоти муҳоҷират Николай Папов, роҳбари ҶСК “Тех строй” шаҳри Маскав дар суҳбат ба Sputnik Тоҷикистон қайд намуд, ки бахши аъзами коргарони ин ширкат аз ҳисоби муҳоҷирони меҳнатӣ аст ва аз ҳамин лиҳоз ӯ бо гурӯҳи иборат аз 16 нафараи худ барои бастани шартномаҳо ба корҷӯён ба Тоҷикистон омаданд.

“Давоми ду рӯз бо бештар аз 500 нафар шартномаҳо ба имзо расонида шуд. Дар ин миён бештар аз 40 нафар ҳамчун мутахассиси баландсоҳа қабул гардиданд”, гуфт роҳбари “Тех строй” и Маскав.

Бино ба гуфти Папов, баъд аз Хуҷанд сафари онҳо ба шаҳри Душанбе низ дар назар буда, то 6 уми март сокинонро барои ҳамкорӣ қабул мекунанд.

Ширкати “Тех строй” бастани 1000 шартнома бо ҳамкорони тоҷикро дар нақша дошта, масъалаи ташкили хатсайри чартерӣ, расамиётдарории ҳуҷҷатҳо аз қабили иҷозатномаи ҷойи кор, таъмин намудан бо хобгоҳ ва сари ҳар моҳ пардохт намудани маоши муҳоҷиронро ба уҳда гирифтааст.

2838
Барчаспҳо:
шартнома, Русия, Хуҷанд, муҳоҷират, Маскав, ширкат, Тоҷикистон
День 8 марта

Зодрӯзи Қоҳир Расулзода, Раҳмондӯсти Қурбониён ва Рӯзи Модарон: имрӯзи таърих

0
(Таҷдидшуда 19:15 06.03.2021)
Рӯзи 8 март - Рӯзи байналмилалии занон, дар Тоҷикистон – Рӯзи Модар, дар Малайзия – Рӯзи султон ва зимнан Рӯзи байналмилалии гурда мебошад

Рӯзи 8 март дар ҷаҳон чӣ рух дод

Соли 1759 Парлумони Порис "Энсиклопедия"-и Дени Дидроро маҳкум намуд.

Соли 1873 дар самти шимолу ғарби Канада фурӯши маҳсулоти спиртӣ манъ карда шуд.

Соли 1920 конгресси миллии Сурия истиқлолияти мамлакатро эълон намуд.

Соли 1950 Иттиҳоди Шӯравӣ расман дар бораи мавҷуд будани бомбаи атомии худ хабар дод.

Соли 1973 дар раъйпурсии Ирландияи Шимолӣ 59% овоздиҳандагон барои нигоҳдории ин қисм дар ҳайати Британияи Кабир овоз доданд.

Соли 1914 дар Иттиҳоди Шӯравӣ аввалин шумораи маҷаллаи "Работнитса" нашр шуд.

Соли 2013 расонаҳо хабар доданд, ки  роҳбарияти осорхонаи Британия ба Осохонаи миллии Тоҷикистон нусхаи 6 нигораи коллексияи ганчинаи Амударёро туҳфа намуданд.

Рӯзи 8 март дар Тоҷикистон чӣ рух дод

Соли 2011 дар мулоқоти Президент Эмомалӣ Раҳмон ва сарвазири вақти Покистон Юсуф Ризо Гелонӣ масоили ҳамкории тиҷоратӣ-иқтисодӣ, илмӣ-техникӣ, фарҳангӣ ва амниятии Тоҷикистону Покистон баррасӣ гардиданд.

Соли 2011 Эмомалӣ Раҳмон дар шаҳраки дипломатии Исломобод дар маросими гузоштани санги асоси таҳкурсии бинои нави Сафорати Ҷумҳурии Тоҷикистон дар Покистон иштирок намуд.

Соли 2017 Эмомалӣ Раҳмон дар ҷашни Рӯзи модар чун анъанаи накӯи баҳорӣ ва рамзи иди Наврӯзи байналмилалӣ бо Иҷрокунандаи вазифаи раиси шаҳри Душанбе Рустами Эмомалӣ ва Сомони Эмомалӣ дар ҳашари умумии ниҳолшинонӣ дар пойтахт иштирок карданд.

Ҷашнҳои рӯзи 8 март

  • Рӯзи байналмилалии занон.
  • Дар Тоҷикистон – Рӯзи Модар.
  • Дар Малайзия – Рӯзи султон.
  • Рӯзи байналмилалии гурда.

Рӯзи 8 март дар Тоҷикистон кӣ ба дунё омадааст

Соли 1944 - ҳунарманди мардумии Тоҷикистон Раҳмондусти Қурбониён.

Соли 1948 - раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хурсандмурод Зикиров.

Соли 1950 - шоира Хосият Вализода.

Соли 1956 - собиқ фармондеҳи Горди Президенти Тоҷикистон Ғаффор Мирзоев.

Соли1960 - овозхон Латофат Давлатова.

Соли 1961 - сарвазири Тоҷикистон Коҳир Расулзода.

 Премьер-министр Таджикистана Кохир Расулзода
Премьер-министр Таджикистана Кохир Расулзода на заседании правительства 2021

Соли 1978 - устоди варзиши байналмилалӣ Рауф Ҳикматов.

Соли 1981 - сароянда Баҳриддин Бегов.

0
Барчаспҳо:
Тоҷикистон, Ҷаҳон, ҷашн