Ғунучини заволаҳои маркази сӯхтаи Адмирал

Изҳори ҳамдардии Сафорати ҶТ ба қурбониёни оташсӯзии бозори "Адмирал"

11
(Таҷдидшуда 10:20 13.03.2015)
Бино ба маълумоти пешакӣ, дар сӯхтори бузурги шаби 11 ба 12 март дар фурӯшгоҳи “Адамирал” – и шаҳри Қазон 5 шаҳрванди Тоҷикистон қурбон шудаанд.

ДУШАНБЕ, 12 мар — Sputnik. Сафири Тоҷикистон дар Русия Имомуддин Сатторов ба наздикони тоҷиконе, ки дар сӯхтори шаби 11 март дар фурӯшгоҳи "Адмирал" — и Қазон, пойтахти ҷумҳурии Тотористон қурбон шуданд, изҳори ҳамдардӣ кардааст, менависад "Радиои Озодӣ".

Сатторов хостори ироаи тамоми ёроиҳои лозим ба наздикони қурбониён ва осебдидагон шудааст.

Муҳаммади Эгамзод, намояндаи сафорат рӯзи 12 март ба радио гуфтааст, хабари ҳалокати муҳоҷирони тоҷик ва он ҳам 5 нафар дар сӯхтори Қазон ҳамаи аҳли сафорати Тоҷикистонро сахт андӯҳгин кардааст.

"Сафир Имомуддин Сатторов ба ҳамаи онҳое, ки азизони худро дар ин фоҷиа аз даст додаанд, изҳори ҳамдардӣ кард ва ба консули Тоҷикистон дар Уфа амр дод, ки тамоми ёрии мумкинро ба наздикони қурбониён бирасонанд. Аз ҷумла мувофиқа шудааст, ки ҷанозаҳои ҳалокшудагонро тавассути ширкатҳои ҳавопаймоии Тоҷикистон бидуни ягон пардохт ба Ватан бирасонанд", — афзудааст Эгамзод.

Ба иттилои Эгамзод, Қазон ва дар мамҷӯъ Тотористони аксаран мусалмоннишин яке аз маконҳои нисбатан хеле орому амн барои муҳоҷирони тоҷик ба шумор меравад ва ба ин далел шумори бузурге аз муҳоҷирони тоҷик кору зиндагӣ дар ҳаминҷоро ихтиёр кардаанд.

Молики маркази тиҷоратии "Адмирал" мегӯяд, вай борҳо таҳдид гирифта буд, ки марказашро хоҳанд сӯзонд. Ҳусейн Қаҳрамонов, мудири ширкати "Заря", ки саҳмияҳои "Адмирал"-ро дар даст дорад, ба шабакаи телевизионии "Lifenews" гуфтааст, ин таҳдидҳоро воқеъӣ гирифта буд ва ҳатто шумори муҳофизони бозорро зиёд кард.

"Таҳдид мекарданд. Аммо намедонам, киҳо. Маҷбур будем, ба ғайри муҳофизон хешу табор ва нафарони наздикамро ҳам ба ҳифозати бозор ҷалб кунам. Шаби рӯз навбатдорӣ мекардем", — гуфтааст Қаҳрамонов.

Фурӯшгоҳи "Адмирал", ки яке аз бузургтарин бозорҳои шаҳри Қазон, пойтахти ҷумҳурии мухтори Тотористони Русия буд, шаби 11 март ба коми оташ рафт. Бино ба гузоришҳо, сӯхтор 4 000 метри мураббаъ замини бозори "Адмирал"-ро фаро гирифта, мунҷар ба ҳалокати чандин нафар шудааст. 25 тани дигар, бовар меравад, ки зери овори бинои бозор мондаанд ва расман нопадидшуда ба шумор мераванд.

Ҳикматуллоҳ Гадоев, раҳбари созмони тоҷикони ҷумҳурии мухтори Тотористони Русия рӯзи ба "Радиои Озодӣ" гуфтааст, шумори танҳо тоҷикони қурбоншуда дар сӯхтори бозори "Адмирал" — и шаҳри Қазон ба 5 нафар расидааст. Ҳикматулоҳ Гадоев мегӯяд, "ин нафари панҷум Асадуллоҳ ном дошта, аз шаҳри Душанбест ва 22 сол дорад. Ҳамаи тоҷикони ҳалокшуда дар ин бозор дӯкон доштанд." Ӯ афзуд, 2 шаҳрванди дигари Тоҷикистон бо ҷароҳатҳои вазнин дар бемористон қарор доранд.

Намояндагии вазорати меҳнат, муҳоҷират ва шуғли аҳолии Тоҷикистон дар Русия қаблан хабар дод, ки дар сӯхтори шаби гузашта дар маркази тиҷоратии "Адмирал" дастикам 5 шаҳрванди Тоҷикистон ҳам қурбон шудаанд.

Иброҳим Аҳмад, сухангӯи Намояндагии вазорати меҳнат дар Маскав мегӯяд, ҷасадҳои ин 5 нафар аллакай берун оварда шуда, ташхис ва шиносоӣ шудаанд.

"Ин танҳо онҳоеянд, ки шахсияташон аллакай маълум карда шудааст. Дар зери харобаҳои бозори "Адмирал" даҳҳо нафари дигар боқӣ мемонанд. Ва мо дуо мекунем, ки дар байни онҳо дигар ягон ҳамватани мо набошад", — афзудааст сухангӯ.

Бино ба маълумоти пешакӣ, қурбониҳои тоҷики ин фалокат аз 19 то 44 сол доштаанд:

Қосимҷон Аъзамхоҷаевич Тӯраев, соли таваллудаш 15.06.1971, аз ноҳияи Рӯдакӣ,

Ҳикматуллои Ҳайтуллохон, соли таваллудаш 26.02.1992, сокини ноҳияи Рӯдакӣ,

Эмомалӣ Раҳматуллоевич Риёев, с.Т. 04.11.1984, аз ноҳияи Ёвон,

Алишер Азизович Давронов, соли таваллудаш 08.11.1996.

Бино ба ҳисобҳо, дар бозори "Адмирал" аз 200 то 300 нафар муҳоҷирони тоҷик машғули кор буданд.

11
Барчаспҳо:
муҳоҷир, 5 нафар, сӯхтор, тоҷик, марг, маркази тиҷоратии "Адмирал", сафорати Тоҷикистон дар Русия, Имомуддин Сатторов, Муҳаммад Эгамзод, Аҳмади Иброҳим, Қазон, Русия

Сябитова шарҳ дод, ки чаро занони рус бо муҳоҷирон издивоҷ мекунанд

2535
(Таҷдидшуда 12:13 27.09.2020)
Чаро миёни издивоҷҳо дар Русия аксари домодҳо хориҷиён ҳастанд, шарҳ дод хостгор ва ровӣ Роза Сябитова

ДУШАНБЕ, 27 сен — Sputnik. Бино ба маълумоти идораҳои сабти асноди ҳолати шаҳрвандии минтақавии Русия аксари домодҳо шаҳрвандони хориҷа, аз қабили зодагони Тоҷикистон, Ӯзбекистон ва Арманистон мебошанд.

Ровии барномаи "Давай поженимся" хостгор Роза Сябитова ин тамоюлро дар сӯҳбат бо радиои "Давай поженимся" шарҳ дод.

Ровӣ як намоиши телевизиониро мисол овард ва гуфт, ки хориҷиён бештар ба наздашон меоянд.

Ҳамзамон, меҳмонони барнома саъй намекунанд, ки ба ватани худ баргарданд, балки мехоҳанд дар Русия бимонанд.

Сябитова шарҳ дод, ки барои муҳоҷирон издивоҷ яке аз роҳҳои осонтарини қонунигардонӣ дар Русия ба ҳисоб меравад.

Номбурда омилҳои иҷтимоӣ ва биологиро низ сабаби дигари издивоҷи занони рус бо хориҷиён номид.

Вай қайд кард, ки мардон аксар вақт духтарони хурдсоли синни таваллудро ҳамчун ҷуфт интихоб мекунанд ва заноне, ки мехоҳанд барои рушди хеш талош кунанд, бо гузашти солҳо бетаваҷҷӯҳ мемонанд.

“Бинобар шароит, заноне, ки тасмим гирифтанд, барои худ карера созанд  ва барои рушди фардиву баробарии гендерӣ талош кунанд, дар канор монданд. Аммо онҳо низ бояд издивоҷ кунанд ва бинобар ин хушбахтии занонаро аз домодҳои хориҷӣ меҷӯянд", гуфт Сябитова.

Ҳамзамон, ровии телевизион қайд кард, ки ин тамоюл комилан муқаррарист ва занон набояд аз интихоби худ шарм доранд.

2535
Барчаспҳо:
издивоҷ, муҳоҷирон, Русия
Посольство Республики Таджикистан в Москве

Ҷанҷол дар сафорат: муҳоҷири бекормонда бинию ангушти дипломати тоҷикро шикаст

2761
Муҳоҷири 38-солаи тоҷик дар бинои сафорати Тоҷикистон дар Русия ду нафарро мавриди латукӯб қарор дод

ДУШАНБЕ, 25 сен - Sputnik. Рӯзи 24 сентябр ба идораи милисаи Пресненский хабар дода шуд, ки шаҳрванди Тоҷикистон дар бинои сафорати ин кишвар дар тангкӯчаи Гранатнийи шаҳри Маскав ду нафарро латукӯб кард, иттилоъ дод РИА Новости.

Яке аз ҷабрдидаҳо, мутахассиси пешбари сафорати Тоҷикистон дар Русия мебошад, ки дасту бинияш шикаста, осеби майнаи сар бардоштааст. Ҷабрдидаи дигар ронанда будааст, ки мақоми дипломатӣ надошта ва ҷароҳати ҷисмонӣ низ набардоштааст, хабар дод ожонси хабарии “Москва”.

Аз ҳамлагар шаҳрванди бекормандаи Тоҷикистон зикр мешавад, ки соли таваллудаш 1982 мебошад.

Нисбати нафари муттаҳам дар ҳамла ба кормандони сафорат, барои нақзи қоидаҳои вуруд ба қаламрави Русия санади маъмурӣ тартиб дода шудааст. Манбаъ афзуд, ки аз рӯи ин ҳодиса тафтишот идома дошта, ба ҷабрдида кумаки тиббӣ расонда мешавад.

Ин дар ҳолест, ки вақтҳои охир ба далели адами парвозҳои мунтазам миёни Тоҷикистону Русия талабот ба чиптаҳо барои парвозҳои чартерӣ зиёд шудааст. Корбарони шабакаҳои иҷтимоӣ аз нархҳои гарони  ин чиптаҳо ва ҷой доштани ҳолатҳои қаллобӣ зимни фурӯши онҳо шикоят карда буданд.

2761
Барчаспҳо:
сафорат, дипломатия, Тоҷикистон
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

1744
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

1744