Ироаи патенти кор. Акс аз бойгонӣ

Дар вилояти Волгоград барои 30 ҳазор муҳоҷир ҷои кор меёбанд

24
(Таҷдидшуда 11:16 31.03.2015)
Дар манотиқи марказии Русия мавсими кишти баҳорӣ наздик мешавад, одатан барои ин кор муҳоҷирон аз кишварҳои дуру наздикро ҷалб месозанд.

ДУШАНБЕ, 31 мар — Sputnik. Хадамоти муҳоҷирати вилояти Волгоград тасмим дорад барои 30 ҳазор шаҳрванди хориҷӣ, ки ба ин минтақа барои кор меоянд, патент бидиҳад, менависад Раёсати вилоятии ХФМ.

Ба нақша гирифта шудааст, ки даромад аз ин тасмим ҳудуди ним миллиард рублро ташкил медиҳад ва он ба буҷаи вилоят равона мешавад.

Ба иттилоъи хадамоти мазкур, аз аввали сол то имрӯз қариб 2,5 ҳазор шаҳрванди хориҷӣ барои гирифтани патент муроҷиат кардаанд. Аксари онҳо сокинони кишварҳои наздик буда, ба корҳои саҳроӣ машғуланд.

Барои дастрас кардани патент (иҷозаномаи кор) муҳоҷир бояд имтиҳон аз забони русӣ супорад. Фаъолияти меҳнатӣ барои шаҳрвандони хориҷӣ дар Русия манъ аст, дар акси ҳол муҳоҷир аз қаламрави он кишвар ихроҷ мегардад.

Нархи патент барои як моҳ дар вилояти Волгоград 2 600 рубл муайян шудааст. Мӯҳлати омода кардани санад як ҳафта аст.

"Арзиши патент ба тариқи пешпардохт барои аз як то дувозадҳ моҳ имконпазир аст. Қаблан, муҳоҷирон то се моҳ пешпардохт карда метавонистанду бас. Омадани муҳоҷирон асосан дар моҳҳои апрел-июн, вақте ки киштукор  ва ҷамъоварии ҳосил шурӯъ мегардад, ба назар мерасад ",- қайд кард муовини сардори шӯъбаи РХФМ дар вилояти Волгоград Евгений Мун.

24
Барчаспҳо:
30 ҳазор муҳоҷир ҷои кор меёбанд, пешпардохти патент, иҷозатнома, патент, муҳоҷирон, муҳоҷират, Раёсати ХФМ дар Волгоград, ХФМ, Русия, Волгоград
Мавзуъ
Дар Русия қоидаҳои нави муҳоҷират ҷорӣ шуданд
ФР барои нақзи реҷаи муҳоҷират манъи вуруд то 10 солро ҷорӣ менамояд

Вакил гуфт, бекор кардани патент барои муҳоҷирон чӣ пайомад дорад

156
(Таҷдидшуда 20:06 28.10.2020)
Ба гуфти вакил сабукӣ барои муҳоҷирони метавонад вокунииши манфии шаҳрвандони Русияро ба бор орад ва ба амният хатар дошта бошад

ДУШАНБЕ, 28 окт — Sputnik. ВУД Русия пешниҳод карда, ки қонун "Дар бораи вазъи ҳуқуқии шаҳрвандони хориҷӣ дар ФР" ислоҳ карда шавад ва барои бархе аз гурӯҳи муҳоҷирон патент бекор гардад.

Светлана Бессараб, узви Кумитаи Думаи давлатӣ оид ба меҳнат, сиёсати иҷтимоӣ ва собиқадорон, дар суҳбат бо Парламентская газета аз чунин навоварӣ интиқод кард.

Дар Русия барои муҳоҷирони ғайриқонунӣ низ Маркази имдод ифтитоҳ мешавад

"Ман ба чунин ташаббус эҳтиёткорона муносибат мекунам. Тавре таҷриба нишон медиҳад, аз ҷумла дар кишварҳои Урупо, на ҳамеша пур кардани ҷойҳои корие, ки мардуми бумӣ намехоҳад аз ҳисоби муҳоҷирон, хуб аст. Аксар вақт ин амалкард бо амнияти давлатӣ алоқаманд аст". қайд кард Бессараб.

Вакил афзуд, ки чунин навгониҳо барои муҳоҷирони сохтмончӣ метавонад вокунииши манфии шаҳрвандони Русия ва иттифоқҳои касабаро ба бор орад.

Чунин вокуниш махсусан имрӯзҳо, ки сатҳи бекорӣ дар Русия дар ҳоли афзоиш аст, интизоршаванда мебошад.

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

Рӯзи 26 октябр Вазорати корҳои дохилии Русия тарҳи ислоҳи қонун "Дар бораи вазъи ҳуқуқии шаҳрвандони хориҷӣ дар Федератсияи Русия" -ро барои муҳокимаи умум нашр кард.

Тибқи ҳуҷҷат, хориҷиён метавонанд бидуни патент ва иҷозатномаи кор дар ширкатҳои байналмилалии Русия кор кунанд: дар сохтани иншооти барои чорабиниҳо зарурӣ пешбинишуда ва ҳангоми омодагӣ ва иштирок дар чунин чорабиниҳо.

Рӯйхати чорабиниҳо, ташкилкунандагон ва лоиҳаҳои сохтмонро ҳукумат муайян мекунад.

156
Барчаспҳо:
муҳоҷирон, хатар, патент, Русия
Мигранты на строительном объекте. Архивное фото

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

1292
(Таҷдидшуда 15:37 27.10.2020)
Русия имкониятҳои дақиқи иҷозати ширкатҳои бузурги сохтмониро барои овардани муҳоҷирон аз кишварҳои ИДМ фаъолона таҳия мекунад

ДУШАНБЕ, 27 окт - Sputnik. Дар Русия масъалаи имтиёзҳои иловагӣ барои корфармоён, ки муҳоҷиронро киро мекунанд, ҳалли худро меёбад, гуфт муовини вазири сохтмон ва манзилию коммуналӣ Никита Стасишин дар форуми таҳиягарон ва меъморон Forbes.

Ширкатҳои бузурги сохтмонӣ мумкин аст барои овардани муҳоҷирон аз кишварҳои ИДМ тибқи рӯйхатҳо иҷозат гиранд.

Стасишин қайд кард, ки пеш аз ҳама, ин тағиротҳо ба имкони таъмини вуруди муҳоҷирон аз Тоҷикистон ва Ӯзбекистон ба Русия дахл хоҳад дошт.

Ин ҳатто дар вазъияти душвори эпидемиологӣ вуруди мӯътадили муҳоҷирони меҳнатиро ба вуҷуд меорад.

Собянин аз норасоии муҳоҷирон дар Маскав гуфт: на ҳама маскавиҳо барои кор омодаанд

Дар баробари имкониятҳои иловагӣ, корфармоён барои тамоми занҷири амнияти саломатии муҳоҷирон масъуланд: "аз лаҳзаи қабули қарори вуруд - то лаҳзаи бозгашти онҳо ба хона".

Собянин гуфт, Маскав бе муҳоҷирон ба чӣ мушкил мувоҷеҳ шудааст

Аз ҷумла корфармоён оид ба санҷиши муҳоҷирон барои коронавирус масъуланд.

1292
Барчаспҳо:
корҳои сохтмонӣ, муҳоҷирин, Русия, Тоҷикистон