Бонк. Акс аз бойгонӣ

Интиқоли маблағ аз Русия ба Тоҷикистон коҳиш ёфтааст

24
(Таҷдидшуда 16:28 31.03.2015)
Бино бар иттилои Бонки марказии Русия, интиқоли маблағи муҳоҷирон аз ин кишвар ба Тоҷикистон ҳудуди 6,6 дарсад коҳиш ёфтааст. Аммо бо ин ҳол низ, тоҷикон дар интиқоли маблағ аз Русия ҷойи дувумро касб кардаанд.

ДУШАНБЕ, 31 мар — Sputnik. Интиқоли маблағҳои муҳоҷирони кории Тоҷикистон аз Русия дар соли 2014 нисбат ба соли 2013 6,6 дарсад кам шудааст, менависад "Радиои Озодӣ" бо такя ба Бонки марказии Русия.

Cоли гузашта ба воситаи бонкҳо аз аз ин кишвар ба Тоҷикистон 3 миллиарду 831 ҳазор доллари ИМА интиқол ёфтааст. Ин нишондод ба ҳисоби миёнаи як амалиёти интиқолӣ 295 долларро ташкил медиҳад. Ба ҳисоби Бонки марказии Русия аз Тоҷикистон ба ин кишвар 467 миллион доллари ИМА интиқол ёфтааст.

Маблағи аз Русия ба Тоҷикистон интиқолёфта нисбат ба соли 2013 ҳудуди 324 миллион доллар ё 8% камтар мебошад. Соли 2013 ба воситаи низомҳои интиқоли маблағҳои пулӣ аз Русия ба Тоҷикистон 4 миллиарду 155 миллион доллари ИМА ёфта буд.

Дар миёни кишварҳои ИДМ аз Русия беш аз ҳама ба Ӯзбакистон 5 млрд. 581 млн. доллар интиқол шудааст. Дар мақоми дуюм Тоҷикистон қарор дорад, баъдан Украина мебошад. Дар соли 2014 аз Русия ба Украина 2 миллиарду 247 миллион ба воситаи системаҳои бонкӣ интиқол додаанд.

Тибқи маълумоти Бонки миллии Тоҷикистон, аз ҳаҷми умуми маблағҳое, ки дар соли 2014 аз Русия ба Тоҷикистон ворид шудаанд, 89,1 фоизро рубли русӣ, 10,8 фоизро доллари ИМА ва 0,1 фоизро Евро ташкил медиҳад. Дар ҳамин ҳол, Хазинаи байнулмилалии асъор (ХБА) пешбинӣ мекунад, ки дар соли 2015 ҳаҷми интиқоли маблағ бо доллари ИМА ба Тоҷикистон ҳудуди 30% коҳиш меёбад.

Қаблан, Бонки миллии Тоҷикистон хабар дода буд, ки соли 2014 ҳаҷми умумии интиқолҳои пулии ба ҷумҳурӣ воридшуда 3,9 млрд. доллари ИМА-ро ташкил дод, ки нисбат ба соли 2013 8,3 фоиз камтар мебошад.

24
Барчаспҳо:
кор, мақоми дувум, 6,6 фоиз, муҳҷирон, коҳиш, доллар, соли 2013, соли 2014, маблағ, интиқол, Бонки марказии Русия, Тоҷикистон, Русия
Бинои Ҳукумати ФРДом

Рустами Эмомалӣ ба Алексей Оверчук: иҷрои 300 созишнома беҳбудии ҷиддӣ мехоҳад

522
(Таҷдидшуда 18:30 25.11.2020)
Рустами Эмомалӣ ва Алексей Оверчук масоили иқтисодӣ, фарҳангӣ ва муҳоҷирати меҳнатиро баррасӣ карданд

ДУШАНБЕ, 25 ноя – Sputnik. Раиси Маҷлиси миллии Маҷлиси Олии Тоҷикистон, раиси шаҳри Душанбе Рустами Эмомалӣ имрӯз бо муовини раиси Ҳукумати Русия, ҳамраиси Комиссияи байниҳукуматии Тоҷикистон ва Русия оид ба ҳамкории иқтисодӣ Алексей Оверчук мулоқот кард.

Бино ба гузориши дафтари матбуотии шаҳрдори Душанбе ин дидор дар бинои Ҳукумати Русия дар шаҳри Маскав баргузор шудааст.

Гуфта мешавад, ки иштирокчиёни вохӯрӣ ҳолати кунунӣ ва дурнамои муносибатҳои ҳамкории Тоҷикистон ва Русияро дар доираи санадҳои меъёрии ҳуқуқии мавҷудабаррасӣ кардаанд.

Дар ин мулоқот, Рустами Эмомалӣ ёдовар шудааст, ки асосҳои қарордодиву ҳуқуқии тарафайнро қариб 300 созишномаҳои байнидавлативу байнисоҳавӣ ташкил медиҳанд, ки иҷрои босифати онҳо беҳбудии ҷиддӣ тақозо мекунад.

Дар ин робита ба ҳамкории тиҷоратӣ-иқтисодӣ, ки самти афзалиятноки муносибатҳои дуҷонибаро ифода мекунад, таваҷҷуҳи хос зоҳир шудааст.

"Дар ҳашт моҳи соли равон гардиши мол байни ду давлат  720 миллион доллари амрикоиро ташкил дод", - садо дод дар ин дидор.

Корхонаҳои саноатӣ дар минтақаҳои озоди иқтисодӣ

Вобаста ба саноатикунонии иқтисоди кишвар, ки афзалияти стратегӣ эълон шудааст, таъсиси корхонаҳои муштараки истеҳсолӣ, аз ҷумла дар минтақаҳои озоди иқтисодӣ қобили қабул арзёбӣ гардидааст.

Ҷонибҳо манфиатдории худро дар рушди ҳамкорӣ дар соҳаҳои саноати истихроҷ ва коркарди маъданҳои кӯҳӣ, сӯзишворӣ-энергетикӣ, комплекси аграрӣ, ҳамчунин саноати сабук ва хӯрокворӣ иброз доштаанд.

Рустами Эмомалӣ дар ин робита ташкили Шӯрои байнидавлатиро оид ба ҷалби мустақими сармояи Русия ба Тоҷикистон мувофиқи мақсад донистааст.

Воридоти маҳсулоти ғизоӣ

Дар вохӯрӣ ҳамчунин ба масъалаи содироту воридоти маҳсулоти ғизоӣ ва сабзавоту мева манфиатдор будани ҷонибҳо мавриди гуфтугӯи ҷиддӣ қарор дода шуд.

Дар мулоқот таъкид гардид, ки самти фарҳангӣ-гуманитарии ҳамкорӣ, бахусус дар соҳаи маориф имконияту захираҳои фаровон дорад.

Омӯзиши забони русӣ дар Тоҷикистон

Дар ин дидор гуфта шудааст, ки дар Тоҷикистон барои омӯзиши забони русӣ шароити мусоид фароҳам карда мешавад.

Ҳамасола аз Русия ба мактабҳои Тоҷикистон беш аз 50 нафар омӯзгорон фиристода мешаванд.

Рустами Эмомалӣ аз тезонидани суръати сохтмони 5 мактаб дар Тоҷикистон дар асоси Созишномаи тарафайн изҳори назар карданд.

Ҷонибҳо аз муҳимияти масоили марбут ба муҳоҷирати меҳнатӣ дар шароити пандемия ёдовар шуда, зарурати барқарор намудани алоқаи мунтазами ҳавоии байни ду давлатро таъкид намудаанд.

Раиси шаҳри Душанбе Рустами Эмомалӣ изҳори боварӣ намудааст, ки Алексей Оверчук ба ҳайси ҳамраиси Комиссияи байниҳукуматии Тоҷикистон ва Русия оид ба ҳамкории иқтисодӣ,саҳми арзандаи худро дар рушду таҳкими ҳамаҷонибаи муносибатҳои стратегӣ ва иттифоқчигӣ байни ин ду кишвар мегузорад.

522
Барчаспҳо:
созишнома, Рустами Эмомалӣ
Мавзуъ
Рустами Эмомалӣ аз мушкили муҳоҷирон гуфт: афв то 15 декабр
Рустами Эмомалӣ аз интиқоли донишҷӯёну парвозҳо: шарҳи пурраи гуфтушунид - видео
Аз як даст садо намебарояд: Матвиенко ба Рустами Эмомалӣ зарбулмасали тоҷикӣ гуфт
Трудовые мигрантыю Архивное фото

Рустами Эмомалӣ аз мушкили муҳоҷирон гуфт: афв то 15 декабр

2390
(Таҷдидшуда 15:20 25.11.2020)
Рустами Эмомалӣ, раиси Маҷлиси миллии Тоҷикистон, бо Александр Жуков, муовини якуми раиси Думаи давлатии Федератсияи Русия, густариши ҳамкориҳо аз ҷумла дар бахши муҳоҷирату иқтисодиётро баррасӣ кардааст

ДУШАНБЕ, 25 ноя – Sputnik. Тибқи иттилои котиботи Маҷлиси миллӣ, Рустами Эмомалӣ 25 ноябр дар Маскав зимни мулоқот бо Александр Жуков таваҷҷуҳи ҷониби Русияро ба масъалаҳои муҳоҷирати меҳнатӣ ҷалб карда, онро яке аз мавзӯъҳои мубрами равобити дуҷониба арзёбӣ намудааст.

Манбаъ афзуд, дар мулоқот зикр гардид, ки паҳншавии пандемияи коронавирус дар саросари ҷаҳон дар фаъолияти муҳоҷирони меҳнатӣ баъзе маҳдудиятҳоро ба миён овард.

“Дар ин робита тазаккур дода шуд, ки шаҳрвандони Ҷумҳурии Тоҷикистон, ки дар ҳудуди Федератсияи Русия ҳузур дошта, баъзе ҳуҷҷатҳояшон ба қонунгузории ин кишвар ҷавобгӯ нест, то 15 декабри соли 2020 авф гардида, метавонанд аз нав ба қайд гирифта шаванд”, - таъкид шудааст дар иттилоияи котиботи Рустами Эмомалӣ.

Инчунин ҷонибҳо изҳори боварӣ намудаанд, ки ояндаи наздик бо тағйирёбии вазъ маҳдудиятҳои марбут ба COVID-19 аз байн бардошта мешаванд.

Котиботи Маҷлиси миллӣ илова намуд, ки дар мулоқот ҳамчунин таъкид шудааст, ки ҳоло иқтидорҳои зиёди истифоданашудаи ҳамкорӣ мавҷуд мебошад.

Бо арзи адаб: Рустами Эмомалӣ Валентина Матвиенкоро ба Тоҷикистон даъват кард

"Дар ин робита барои тавсеаи ҳамкориҳои судманд, аз ҷумла таъсиси корхонаҳои муштарак дар заминаи ашёи маҳаллӣ бо истифодаи технологияи Русия ва содироти минбаъдаи он ба бозорҳои ин кишвар имкониятҳои фарох фароҳам гардидааст", - афзуд манбаъ.

2390
Барчаспҳо:
ҳамкорӣ, мулоқот, Русия, Тоҷикистон

Дар Зеландияи Нав занҳои полиси ҳиҷобпӯш пайдо мешавад

0
(Таҷдидшуда 02:54 26.11.2020)
Полиси Зеландияи Нав эълом кард ҳиҷобро ба либоси расмии худ илова кардааст то занони мусалмонро ба сафи полис ташвиқ кунанд

ДУШАНБЕ, 26 ноя — Sputnik.  Ба гузориши радиои тоҷикии Садои Хуросон ба нақл аз нашрияи New Zealand Herald, Зина Алӣ, сухангӯи полиси ин кишвар гуфт, ки ҳадафи онҳо эҷоди нерӯи " фарогир " аст, ки бозтобдиҳандаи " гуногуниҳо " дар кишвар бошад ва худи ӯ ба унвони як афсари полис, аввалин маъмури боҳиҷоб хоҳад буд, ки дар ин тарҳи миллӣ мушорикат мекунад.

Зино Алӣ, ки як муҳоҷири мусулмони мутаваллиди ҷазоири Фиҷӣ аст ва дар даврони кӯдакӣ ҳамроҳи хонаводааш ба Зеландияи  муҳоҷират карда гуфтааст,  ки пас аз ҳамлаи террористии моҳи марти соли 2019 ба масҷиди шаҳри Черч Christ Church, тасмим гирифта ба нерӯи полиси Зеландияи Нав бипайвандад.

Бар асоси ин гузориш , пеш аз ин низ полиси метроролитени Лондон дар соли 2006 ва полиси Шотландия дар соли 2016 гузинаи либоси форми афсарони полис бо ҳиҷобро пешниҳод ва тасвиб карда буданд.

0
Барчаспҳо:
мусалмон, зан, полис, ҳиҷоб