Шаҳрвандони хориҷӣ барои сабти аснод навбат гирифтаанд. Акс аз бойгонӣ

Русия барои муҳоҷирони Қирғизистон гирифтани патентро осон кард

19
(Таҷдидшуда 11:24 08.04.2015)
Мақомоти муҳоҷирати Русия низоми соддагардонии муҷҷавизи кор барои шаҳрвандони Қирғизистонро роҳандозӣ кард, аз ин ба баъд онҳо бенавбат патент хоҳанд гирифт.

ДУШАНБЕ, 8 апр — Sputnik.  Дарёфти патентҳои русӣ  барои муҳоҷирони Қирғизистон дар қиёс ба шаҳрвандони дигар кишварҳо осонтар шуд, иттилоъ медиҳад торнамои "Кабарлар" бо истинод ба сардори раёсати сиёсати муҳоҷирати Вазорати меҳнати он кишвар Канибек Сартбаев.

Ба гуфти Сартбаев, вазорат аз ХФМ Русия ба ин маъно номаи расмӣ гирифтааст, ки аз ин ба баъд ироаи патент ба шаҳрвандони Қирғизистон бо шеваи сабук роҳандозӣ мегардад.

"Ҳоло онҳо имкон доранд дар кулли марокизи муҳоҷират бе навбат ва интизориҳои зиёд патент дастрас кунанд. Барои эшон дарича ва долонҳои алоҳида кушода шудааст ",- қайд кард Сартбаев.

Ҳамзамон мавсуф илова кард, ки ин тасмим ҳанӯз як моҳ қабл аз ин аз сар гирифта шуд ва дар тамоми гӯшаву канори Русия дар қиболи қирғизистониҳо амалӣ мегардад.

Бино ба иттилоъи вазорат, дар маҷмӯъ дар Русия ҳудуди 530 ҳазор муҳоҷири корӣ аз Қирғизистон ба сар мебаранд.

Тибқи қавоиди ҷадиди муҳоҷират дар Русия, ки аз авоили соли ҷорӣ (аз 1 январи соли 2015) мавриди иҷро қарор гирифт, ҳамакнун бар ивази муҷҷавиз муҳоҷирон бояд патент (иҷозатномаи кор) дарёфт кунанд. Инчунин супоридани имтиҳон аз забону фарҳанг ва таърихи Русия ҷузъи дигари навоварӣ маҳсуб мегардад. Барои дарёфти иҷозатнома атбоъи хориҷӣ муваззафанд тӯли 30 рӯзи баъд аз вуруд ба Русия шахсан ба Хадамоти федералии муҳоҷират ва ё    ниҳоди масъули ФР муроҷиат кунанд.

19
Барчаспҳо:
навбат намеистанд, соддагардонии низоми патентгирӣ барои муҳоҷирони қирғиз, муҳоҷирин, муҳоҷират, Вазорати меҳнати Қирғизистон, ХФМ, Канибек Сартбаев, Қирғизистон, Русия
Мавзуъ
ХФМ Русия: навбат барои патент дар минтақаҳо ба зудӣ рафъ мешавад
Раиси ХФМ афви муҳоҷиронро баъди роиҷ шудани патент истисно намедонад
Дар Русия қоидаҳои нави муҳоҷират ҷорӣ шуданд
ФР барои нақзи реҷаи муҳоҷират манъи вуруд то 10 солро ҷорӣ менамояд
Иностранные рабочие возвращаются после обеденного перерыва

Дар сохтмонҳои Маскав 14 ҳазор шаҳрвандони Ӯзбекистон бо кор таъмин мешаванд

403
(Таҷдидшуда 12:41 15.01.2021)
Намояндагони ширкатҳои бузурги Русия ба Ӯзбекистон рафтанд, то аз манотиқи гуногуни кишвар барои кор дар сохтмонҳо коргар биёранд

ДУШАНБЕ, 15 янв — Sputnik. Ширкатҳои бузурги сохтмонии Русия, дар доираи барномаи ҷалби муташаккилонаи муҳоҷирон дар Ӯзбекистон, чанд ҳазор сокини кишварро барои кор дар объектҳои Маскав ва вилояти Маскав ҷалб хоҳанд кард, хабар медиҳад хадамоти матбуоти Вазорати шуғл ва меҳнати Ӯзбекистон.

Муовини якуми вазири меҳнати Ӯзбекистон Эркин Муҳиддинов бо намояндагони ширкатҳои русии "ПИК-Индустрия" ва "ТехСтрой" мулоқот кард.

Онҳо махсус барои интихоб кардани довталабон барои кор дар объектҳои Маскав ва вилояти Маскав ба Ӯзбекистон рафтанд.

Интихоби довталабон то охири моҳи январ дар ҳамаи минтақаҳои Ӯзбекистон аз рӯи ихтисосҳои челонгар, гудозанда, пошидан ва андохтан, кафшергари барқӣ, барқчӣ ва хиштчин идома мекунад.

Вазорати шуғли аҳолӣ гуфтааст, ки то охири соли 2021 ширкатҳо тақрибан 14 ҳазор шаҳрванди Ӯзбекистонро дар Русия бо кор таъмин хоҳанд кард.

Маълум аст, аз 15 то 31 январ дар байни сокинони вилоятҳои Андиҷон, Намангон, Фарғона, Хоразм, Бухоро, Ҷиззах, Қашқадарё, Навоӣ, Самарқанд, Сирдарё, Сурхондарё ва Тошканд коргарон интихоб карда мешаванд. Ва инчунин дар Қароқалпоқистон, Тошканд ва Самарқанд низ барнома роҳандозӣ мешавад.

Бо даъвати корфармоён: як гурӯҳ муҳоҷирини ӯзбек ба Русия барои кор рафтанд

Ёдрас мешавем, ки қаблан президенти Ӯзбекистон Шавкат Мирзиёев фармонеро имзо кард, ки дар солҳои 2020-2021 шумораи муҳоҷиронро аз Ӯзбекистон барои кор дар Русия  ба 100 ҳазор нафар мерасонанд.

Вазорати кишоварзии Русия пешниҳод кард, ки муҳоҷирон "ба саҳро" бештар ҷалб карда шаванд

Аммо аввал, бояд сатҳи омодагии касбӣ ва забономӯзии шаҳрвандони Ӯзбекистон ба роҳ монда шавад.

403
Барчаспҳо:
Ӯзбекистон, шаҳрвандон, муҳоҷират, кор, Русия
Семья мигрантов из Таджикистана, архивное фото

Тарҳи қонуни нав дар Русия: як гурӯҳи муҳоҷирон депорт нашаванд - кадом?

967
(Таҷдидшуда 11:55 15.01.2021)
Дар Русия пешниҳод карданд, то муҳоҷиронеро, ки ҳуқуқвайронкунии маъмурӣ доранд ва хешу табори шаҳрванди Русия ҳастанд, депорт накунанд

ДУШАНБЕ, 15 янв — Sputnik. Ба Думаи давлатии Русия тарҳи қонун нав ворид шудааст. Мувофиқи он муҳоҷироне, ки ҳуқуқвайронкунии маъмурӣ доранд, вале хешованди наздики шаҳрванди Русия ҳастанд, депорт карда нашаванд, хабар медиҳад "Парламентская газета".

Лоиҳаи дахлдорро ба Думаи давлатӣ муовини роҳбари Кумитаи назорат ва танзим дар Думаи Давлатӣ Наталя Костенко пешниҳод кардааст.

Қонунгузории муҳоҷират дар назар дорад, ки чунин гузашт танҳо барои хориҷиёне, ки ҳуқуқвайронкунии маъмурӣ доранд, на ҷиноятӣ карда мешавад.

Тарҳи нав пешниҳод мекунад, муҳоҷире, ки хеши наздикаш - шаҳрванди Русия аст ва дар ин кишвар доимӣ зиндагӣ мекунад, депорт нашавад, чун ӯ аз имкони зиндагӣ бо хешовандони наздик, тарбияи фарзанд ва дастгирии онҳо дар Русия маҳрум мешавад.

Тағйироти нархи патент барои муҳоҷирон дар Русия дар соли 2021

Пешниҳод шудааст, ки чунин гурӯҳи муҳоҷирон аз кишвар хориҷ карда нашаванд ва иҷозатномаи истиқомати муваққатӣ ё иҷозатномаи истиқомати онҳоро бекор нашавад.

Дар ин миён, тибқи қонунгузории амалкунанда, як шаҳрванди хориҷӣ метавонад аз иҷозатномаи истиқомати муваққатӣ ё иҷозати истиқомат барои ду ва ё зиёда ҳуқуқвайронкунии маъмурӣ вобаста ба вайронкунии тартиботи ҷамъиятӣ, гардиши ғайриқонунии маводи мухаддир ё вайрон кардани қонунгузории муҳоҷират маҳрум карда шавад.

Ғайр аз ин, муҳоҷире, ки ҷиноят содир намуда, ба амнияти кишвар хатар дорад, дар давоми панҷ сол ҳаққи вуруд ба Федератсияи Русияро аз даст медиҳад.

Тарҳи нав барои таъмини ҳифзи арзишҳои оилавӣ ва сарбории иловагӣ ба додгоҳҳо пешбинӣ шудааст.

"Агар шахс зарари ҷиноятҳояшро ба давлат ҷуброн кунад, пас чаро вай Русияро тарк кунад ва оилаи ӯ аз ин зарар бинад", - омадааст дар шарҳи қонун.

ВКД низ таваҷҷӯҳ карда, ки аксар вақт оқибатҳои ҳуқуқвайронкуниҳои маъмурӣ барои муҳоҷир  ба хавфи ҷинояти содиркардаи ӯ мувофиқат намекунанд.

Феълан бошад, бекор кардани депортатсияро метавон танҳо тавассути додгоҳ ҳал кард.

967
Барчаспҳо:
муҳоҷират, депорт, Русия
День 16 января

Аввалин Чемпионати ҷаҳон оид ба футбол ва нашри Энсиклопедияи миллии тоҷик: имрӯзи таърих

0
(Таҷдидшуда 18:02 14.01.2021)
Рӯзи шонздаҳуми январ дар Тайланд Рӯзи омӯзгор, дар Рӯзи озодиҳои диннӣ ва дар Ҷумҳурии демократии Конго Рӯзи қаҳрамонон ҷашн гирифта мешавад

Рӯзи 16 январ дар ҷаҳон чӣ рух дод

Соли 2016 Бонки осиёӣ- инфрасохтории сармоягузорӣ расман ба фаъолият оғоз намуд. Маросими кушодашавии бонк дар шаҳри Пекини Ҷумҳурии Мардумии Чин баргузор гардид

Соли 2002 Шӯрои Амнияти Созмони Милали Муттаҳид барои содир кардани таҳримҳо дар бораи созмони террористии Ал-Қоида ва ҳаракати Толибон, ки дар Афғонистон қарор доштанд, якдилона овоз дод.

Соли 1989 дар Бразилия аввалин маротиба Чемпионати ҷаҳон оид ба футболи хурд баргузор гардид.

Рӯзи 16 январ дар Тоҷикистон чӣ рух дод

Соли 2017 Президенти Ҷумҳурии Тоҷикистон Эмомалӣ Раҳмон дар робита ба суқути ҳавопаймои боркашони ширкати туркӣ дар маҳаллаи бӯстонсароҳо, ки сабаби марг ва ҷароҳат бардоштани даҳҳо нафар шаҳрвандон, аз ҷумла, кӯдакон ва хисороти хонаҳои истиқоматӣ дар атрофи шаҳри Бишкек гардид, ба Президенти вақти Ҷумҳурии Қирғизистон Алмосбек Отамбоев барқияи таслият ирсол намуданд.

Соли 2015 дар шаҳри Душанбе Созишномаи генералӣ байни Ҳукумати Тоҷикистон, Федератсияи иттифоқҳои касабаи мустақили Тоҷикистон ва Иттиҳодияи  корфармоёни Тоҷикистон барои солҳои 2015-2017 ба имзо расид.

Соли 2018 масоили рушди ҳамкории дуҷонибаи Тоҷикистон ва Белорус муҳокима карда шуданд.

Соли 2009 дастаи "Регар"-ТадАЗ-и Турсунзода барои ширкат дар "Ҷоми мусобиқаи Иттиҳоди давлатҳои ИДМ ва Балтика" аз шаҳри Қазон ба шаҳри  Москваи Федератсия Россия рафт.

Соли 2015 ҷилди сеюми "Энсиклопедияи миллии тоҷик" бо теъдоди 5 ҳазор нусха нашр шуд.

Соли 2018 дар Сафорати Тоҷикистон дар Чин оид ба муносиботи дуҷонибаи ду кишвар брифинг баргузор гардид.

Ҷашнҳои рӯзи 16 январ 

  • Дар ИМА — Рӯзи озодиҳои динӣ.
  • Дар Ҷумҳурии Демократии Конго – Рӯзи қаҳрамонон.
  • Дар Тайланд - Рӯзи омӯзгорон

Рӯзи 16 январ кӣ ба дунё омадааст

Соли - 1899 аввалин Комиссари халқии Ҷумҳурии Автономии Советии Сотсиалистии Тоҷикистон (1924-1927), доктори илмҳои таърих, профессор Аббос Алиев.

0
Барчаспҳо:
Ҷаҳон, Тоҷикистон, ҷашн
Мавзуъ
Аз ифтитоҳи "Сафеддара" то террор дар "Шарли Эбдо": имрӯзи таърих
Чор сол пеш Раҳмон ваъда дод, ки лимити барқ пурра бардошта мешавад: имрӯзи таърих
Аз зодрӯзи Муҳаммадрофеъ то ҳалокати 1400 кас дар заминҷунбии Кингстон: имрӯзи таърих