Раҳбари ИФМ ФР Константин Ромодановский. Акс аз бойгонӣ

Раҳбари ХФМ: Русия феълан ба афви муҳоҷиратӣ ниёз надорад

8
(Таҷдидшуда 10:45 16.04.2015)
Раҳбари Идораи Федероли муҳоҷират бар ин назар аст, ки феълан афви муҳоҷиратӣ зарур нест ва қавл дод, ки ба ин мавзӯъ дар нимаи дуввуми соли ҷорӣ рӯй хоҳанд овард.

ДУШАНБЕ, 16 апр — Sputnik. Феълан Русия ба афви муҳоҷиратӣ ниёз надорад, иқтибос овардааст РИА Новости аз суханони раҳбари ИФМ ФР Константин Ромодановский.

"Идораи муҳоҷират ба ин мавзӯъ тобистон ва ё тирамоҳ замоне, ки бозгашти муҳоҷирон оғоз шуда вазъ оромтар мешавад, рӯй меоварад", — гуфт раҳбари ИФМ.

Вай таъкид кард, ки феълан вазъи муҳоҷиратӣ бидуни ихтисоси иқдомоти изофӣ танзим мешавад.

Раҳбари идора зикр кард, ки дар тӯли се соли ахир муҳоҷирон ба қаламрави Русия танҳо ворид мешуданд, вале имсол дар пайи ташдиди қавонини муҳоҷиратӣ амали баръакс оғоз шуд.

Ромодановский бар ин назар аст, ки чунин нишондод бозгӯйи танзими вазъ аст ва он теъдоди муҳоҷирон, ки ба Русия зарур аст, дар солҳои наздик танзим мешавад.

8
Барчаспҳо:
афви муҳоҷирон, муҳоҷирон, муҳоҷират, изҳори назари раҳбари ИФМ, ИФМ, Константин Ромодановский, Русия
Мавзуъ
Нигаронии маскавиҳо аз муҳоҷират, ҷиноёти қавмӣ ва кисабурон
Расонаҳо: идораи муҳоҷират ва зиддимухадироти Русия лағв мешаванд
Созмони муҳоҷират: мизони бекорӣ солҳои наздик афзоиш меёбад
Дар Русия қоидаҳои нави муҳоҷират ҷорӣ шуданд
ФР барои нақзи реҷаи муҳоҷират манъи вуруд то 10 солро ҷорӣ менамояд
Пассажирский самолет вылетает из аэропорта города Красноярска

Даҳҳо тоҷики депортшуда аз Русия ба ватан баргаштанд: интиқоли шаҳрвандон идома дорад

581
(Таҷдидшуда 11:56 25.05.2020)
Ҳавопаймое, ки даҳҳо шаҳрвандони депортшударо аз Русия ба Тоҷикистон интиқол дод, аз бозгашт омӯзгорони русро ба ватани онҳо бурд

ДУШАНБЕ, 25 май — Sputnik. Шаби гузашта тавассути ҳавопаймои "Ют - Эйр" даҳҳо шаҳрвандони Тоҷикистон, ки бинобар авҷ гирифтани маризии коронавирус ва баста шудани равобити ҳавоӣ дар Русия дармонда буданд, ба ватан интиқол ёфтанд.

Миёни мусофирони ин ҳавопаймо теъдоди афроди депортшуда аз Русия низ кам набуд.

Гуфта мешавад, ҳамаи шаҳрвандони Тоҷикистон, ки бозпас ба пеши хешу пайвандони худ баргаштанд, чиптаи ҳавопаймоиро худ харидорӣ намуданд.

Зикр мегардад, ки ҳавопаймои мазкур аз бозгашт омӯзгорони русро, ки дар Тоҷикистон ба таълими забони русӣ машғул буданд, ба ватани онҳо интиқол дод.

Росавиатсия мушкилии интиқоли шаҳрвандони Тоҷикистонро тавзеҳ дод

Рӯзҳои наздик боз ду парвози дигар барои интиқоли  шаҳрвандони Русия аз Тоҷикистон ба нақша гирифта шудааст. Ҳамин тавр, рӯзи сешанбе, 26 май, парвозҳо дар масири Душанбе - Красноярск ва Душанбе - Екатеринбург сурат мегирад.

Минбаъд, тибқи ҷадвали пешакӣ, 29 май парвози № SVR8424 аз Душанбе ба Маскав сурат мегирад. Ҳавопаймо соати 16:00 бо вақти маҳаллӣ ба Русия парвоз мекунад.

Ғайр аз ин, 30 май соати 19:00, парвози № SVR8880 самти Душанбе - Санкт-Петербург сурат хоҳад гирифт.

581
Барчаспҳо:
Тоҷикистон, шаҳрвандон, интиқол, ҳавопаймо
Лидер партии ЛДПР Владимир Жириновский в Таджикистане

Пешниҳоди Жириновский: вуруди муҳоҷирон аз Осиёи Марказӣ ба Русия боздошта шавад

1552
(Таҷдидшуда 17:56 21.05.2020)
Раҳбари Ҳизби либерал - демократи Русия Владимир Жириновский бар ин бовар аст, ки ҷилавгирӣ намудан аз вуруди муҳоҷирон ба Русия барои нигоҳ доштани ҷойҳои корӣ барои шаҳрвандони дохилӣ кӯмак хоҳад кард

ДУШАНБЕ, 21 май — Sputnik. Раҳбари Ҳизби либерал - демократи Русия Владимир Жириновский дар пасманзари хуруҷи маризии сироятии коронавиус ба ҳукумати кишвараш пешниҳод намуд, ки аз вуруди муҳоҷирони меҳнатӣ аз Осиёи Марказӣ ҷилавгирӣ намоянд.

Ба изҳори вай, чунин тадбир барои ҳифзи ҷойҳои корӣ барои шаҳрвандони бумӣ кӯмак мекунад.

"Русияро шумораи зиёди муҳоҷирони меҳнатӣ тарк карданд. Мо бояд омадани онҳоро маҳдуд кунем. Ҳоло сафи бекорон аз ҳисоби шаҳрвандони бумӣ афзоиш хоҳад ёфт. Аз ин рӯ, бояд нахуст шаҳрвандони худро бо ҷойи кор таъмин кунем", - афзудааст Жириновский.

Ёди Жириновский аз сафараш ба Тоҷикистону пешниҳодаш барои кам кардани муҳоҷирони тоҷик

Пешниҳоди Владимир Жириновский дар ҳоле садо медиҳад, ки қаблан ҳукумати Русия  аз талаботи зиёд ба муҳоҷирони корӣ дар замони пандемия ва ҳатто баъди он, хабар дода буд.

Аз ҷумла, муовини сарвазири Русия Марат Ҳуснуллин қайд карда буд, ки аксарияти коргарони сохтмонҳоро муҳоҷирони меҳнатӣ аз ҷумҳуриҳои собиқ Шӯравӣ ташкил медиҳанд ва Русия алъон ба онҳо зиёд ниёз дорад. 

Ба маълумоти ӯ, дар соҳаҳои гуногуни сохтмонӣ дар Федератсияи Русия дасти кам 8,9 миллион коргар фаъолият мекунанд, ки аз ин миён, 2 миллиони онро маҳз муҳоҷирон  ташкил медиҳанд.

1552
Барчаспҳо:
манъи вуруд, Русия, муҳоҷирон, пешниҳод, Владимир Жириновский
Вакцинация, архивное фото

Русия замони эмгузаронии сартосарӣ аз маризии коронавирусро эълон кард

0
(Таҷдидшуда 19:49 25.05.2020)
Русия сар аз авоили тирамоҳи соли равон ба эмгузаронии сокинон аз маризии сироятии коронавирус шурӯъ мекунад

ДУШАНБЕ, 25 май – Sputnik. Эмгузаронӣ алайҳи маризии коронавирус авоили тирамоҳ шурӯъ хоҳад шуд ва анқариб 6 - 9 моҳро дарбар хоҳад гирифт.

Дар Русия озмоиши ваксина бар зидди коронавирусро оғоз карданд

Дар ин бора мудири Маркази илмь - тадқиқотии ба номи Гамалея оид ба эпидемиология ва микробиологияи Вазорати тандурустӣ Александр Гинтсбург дар барномаи "Зиндагии солим" дар шабакаи аввали телевизиони Русия ибрози назар дошт.

"Табиист, ки ба якборагӣ ҳамаро эмгузарондан ғайриимкон аст. Аз ин рӯ мӯҳлати эмкунии сартосарӣ аз 6 то 9 моҳро дарбар мегирад", афзудааст ӯ.

Вай илова намуд, ки организми инсон пас аз маротибаи дуюм рӯбарӯ шудан бо вирус ва ҳамзамон ду маротиба эм гирифтан, нисбати он масуният пайдо мекунад.

Қаблан мудири марказ изҳор дошта буд, ки аз авохири тобистон дар Русия ба маъракаи эмгузаронӣ аз коронавирус шурӯъ мекунанд. Вале ҳоло ба гуфтаи ӯ талошҳои ҳамаҷониба ба харҷ дода шудааст, ки ин маърака ҳар чӣ зудтар баргузор гардад.

Ба гуфтаи вай, озмоишҳои клиникии ваксинҳо натиҷаҳои хуб доданд ва  интизор меравад, эмгузаронӣ сар аз 15 - уми июн пас аз гирифтани иҷозатномаи Вазорати тандурустӣ ба роҳ монда шавад.

0
Барчаспҳо:
эмгузаронӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон