Муҳоҷирон дар интизории ифтитоҳи кори маркази муҳоҷират. Акс аз бойгонӣ

Пешниҳоди мақомот барои ҷилавгирӣ аз муҳоҷирати то 18-солаҳо

26
(Таҷдидшуда 14:14 01.06.2015)
Тоҷикистон то охири соли ҷорӣ қонуни нави муҳоҷиратро қабул хоҳад кард, ки бар асоси яке аз моддаҳои он муҳоҷирати сокинон танҳо баъд аз 18-солагӣ ба хориҷи кишвар иҷозат дода мешавад.

ДУШАНБЕ, 1 июн — Sputnik. Бар пояи лоиҳаи нави қонуни муҳоҷират, ки то охири соли ҷорӣ қабул хоҳад шуд, сафари афроди то 18-солаи Тоҷикистон барои муҳоҷирати корӣ манъ карда мешавад, иттилоъ медиҳад Радиои Озодӣ.

Тоҷикистон то охири соли ҷорӣ қонуни нави муҳоҷиратро қабул хоҳад кард, ки бар асоси моддаи 11-и он муҳоҷирати сокинон танҳо баъд аз 18-солагӣ иҷозат дода мешавад. Сокинон, инчунин, муваззаф хоҳанд шуд, қабл аз сафар ба муҳоҷирати меҳнатӣ "худро дар мақомоти ваколатдор дар соҳаи муҳоҷират ба қайд гирифта", роҳхат дарёфт намоянд.  

"Бо назардошти таҳаввулоти охир дар масъалаи муҳоҷират бо дастури президент то охири соли равон бояд қонуни нави кишвар дар бораи муҳоҷират қабул гардад",- гуфтааст ёрдамчии раисиҷумҳури Тоҷикистон оид ба рушди иҷтимоӣ Абдуҷаббор Раҳмонзода.

Ҷонибдорон ва мухолифини тарҳ

Аз ҳоло тарафдорону мухолифони тарҳи нави қонун дар бораи чанд бандаш, бахусус эҳтимоли маҳрум шудани то 18-солаҳо аз муҳоҷирати корӣ ва дарёфти роҳхат сӯҳбат мекунанд. Ин мавзӯъ дар ҷаласаи Шӯрои ҷамъиятии Тоҷикистон дар рӯзи 27 май низ баррасӣ шуд ва бархе, баръакс, пешниҳод намуданд, муҳоҷирати то 20-солаҳои кишвар манъ карда шавад.

"Аз ин пешниҳод Гулҷаҳон Бобосодиқова, раҳбари созмони занони маълумоти олидор, ҳимоят кард",- менависад Радиои Озодӣ.

Вале гурӯҳи дигар мегӯянд, ин навҷавонон як бахши даромади оилаи худро дар муҳоҷирати корӣ меёбанд ва паёмадҳои манъи сафари онҳо низ ҳисобу китоб шавад. Баъзе навҷавонони Тоҷикистон ҳанӯз ба ҳаждаҳсолагӣ нарасида, кишварро ба қасди дарёфти рӯзӣ дар Русия тарк мекунанд. Мақомоти Тоҷикистон то кунун теъдоди дақиқи муҳоҷирони то 18-соларо эълон накардаанд, вале мегӯянд, ки "чунин ҳолат зиёд аст".

Муҳоҷирон бояд роҳхат бигиранд

Масъулони Вазорати меҳнат, муҳоҷират ва шуғли аҳолӣ мегӯянд, роҳхатро танҳо ба кишварҳое медиҳанд, ки Тоҷикистон бо он кишварҳо дар бораи муҳоҷирати корӣ созишномаи дуҷониба дорад.

Муовини вазири адлияи Тоҷикистон Абдуманнон Холиқзода, дар ҷаласаи Шӯрои ҷамъиятӣ ҳангоми тафсири пешнависи қонуни мазкур аз ҷумла чунин гуфт: "Давлат барои ҳимояи ҳуқуқи муҳоҷирон бояд онҳоро ба давлатҳое равон кунад, ки дар он кишварҳо қонунҳои муҳоҷират амал мекунанд ва ин давлатҳо узви конвенсияи байналмилалӣ доир ба ҳифзи ҳуқуқи муҳоҷирон бошанд. Ҳамчунин бояд ба давлатҳое раванд, ки Тоҷикистон бо ин давлатҳо шартномаҳои дуҷониба ё чандҷониба дар бораи ҳимояи ҳуқуқи муҳоҷирон дошта бошад."

Аммо Холиқзода гуфт, пешнависи мазкур дар шакли кунунӣ қобили қабул нест ва такмил мехоҳад ва гурӯҳи корӣ бояд онро ҳамаҷониба биомӯзад ва такмил кунад. Моддаи 14-и пешнависи ин қонун ташкили фондҳои ҷамъиятиро низ пешбинӣ мекунад, ки бояд маблағи он "барои дастгирии иҷтимоӣ ва ҳуқуқии муҳоҷирони корӣ ва аъзои оилаи онҳо сарф шавад".

Зарурати бунёди дастгирии муҳоҷирин

Ин бунёдҳо аз ҳисоби ҷалби маблағҳои кумак ва аз ҳисоби худи муҳоҷирон ташкил мешавад. Яъне, муҳоҷир қабл аз сафар бояд худро сабти ном ва барои сабти ном як миқдор пул пардохт кунад. Сарчашмаҳои дигари ҷалби маблағ ба ин фондҳо маҳдуд карда нашудааст, яъне ҳар шахси алоҳида ва ё ҳар ширкату корхона метавонад ба истилоҳ як миқдор маблағ хайр кунад.

Интиқоли "Бор-200" ё тобути муҳоҷирини фавтида

Вале интиқоли ҷасади муҳоҷири корӣ ба зодгоҳаш аз ҳисоби буҷаи давлатӣ пардохт мешавад ва давлат барои ин кор маблағеро дар буҷа пешбинӣ мекунад. Бар асоси лоиҳа, ин маблағ дар ҳолате пардохт мешавад, ки агар муҳоҷир роҳхат гирифта ва муҳоҷираташ ба меъёрҳои қонунӣ ҷавобгӯ бошад.

Вале дар пешнависи нави қонуни муҳоҷирати Тоҷикистон нуктае дар бораи "депорт" ё ихроҷи муҳоҷирони корӣ вуҷуд надорад. Бино ба иттилои расмӣ то 1 ва бар асоси манобеи ғайрирасмӣ то 2 миллион шаҳрванди Тоҷикистон дар муҳоҷирати кориянд.  

26
Барчаспҳо:
муҳоҷирон, муҳоҷират, тасмими нави парлумони Тоҷикистон, пешниҳод барои муҳоҷирони оянда, Шӯрои ҷамъиятӣ, парламенти Тоҷикистон, Вазорати меҳнат, муҳоҷират ва ҳифзи иҷтимоии аҳолӣ, Абдуманнон Холиқзода, Гулҷаҳон Бобосодиқова, Абдуҷаббор Раҳмонзода, Душанбе, Тоҷикистон
Мавзуъ
Генерал Назаров: муҳоҷират сабаби ифротгаро шудани ҷавонони тоҷик аст
Нигаронии маскавиҳо аз муҳоҷират, ҷиноёти қавмӣ ва кисабурон
Расонаҳо: идораи муҳоҷират ва зиддимухадироти Русия лағв мешаванд
Созмони муҳоҷират: мизони бекорӣ солҳои наздик афзоиш меёбад
Дар Русия қоидаҳои нави муҳоҷират ҷорӣ шуданд
ФР барои нақзи реҷаи муҳоҷират манъи вуруд то 10 солро ҷорӣ менамояд
Мигранты у здания УФМС

Теъдоди муҳоҷирони депортшуда дар давраи пандемия аз вилояти Маскав маълум гардид

191
(Таҷдидшуда 19:14 26.01.2021)
Муайян шуд, ки аксари муҳоҷирони депортшударо аз вилояти Маскав зодагони Осиёи Марказӣ ташкил медиҳанд

ДУШАНБЕ, 26 январ - Sputnik. Дар давраи ҳамагирии коронавирус аз вилояти Маскав беш аз 400 муҳоҷир депорт шудааст, изҳор доштанд дар хадамоти матбуотии Саридораи амнияти минтақавӣ.

"Аз 1 март то 31 декабри соли гузашта кормандони Хадамоти федералии иҷроияи Федератсияи Русия дар вилояти Маскав ва Сарраёсати ВКД Русия дар вилояти Маскав аз ҳисоби Русия 404 муҳоҷирро ба ватанашон фиристод", -омадааст дар изҳорот.

Инчунин, зиёда аз 80% қарорҳои судҳои вилояти Москва дар бораи депортатсия иҷро шудаанд.

Дар айни замон, аксар хориҷиён муҳоҷирон аз Осиёи Марказӣ буданд. Ҳашт дарсади депортшудагон шаҳрвандони Тоҷикистон ва 81% муҳоҷирон аз Ӯзбекистон мебошанд.

Ёдовар мешавем, ки депортатсия нисбати муҳоҷироне, ки беасос ва бидуни асноди лозимӣ дар Русия буду бош доштанд ё ҳуқуқвайронкунии маъмурӣ доранд,  татбиқ мешавад.

Эмомалӣ Раҳмон дар бораи муҳоҷират: мо имкон дорем, ки мардумро пурра бо кор таъмин намоем

Дар ҳоли ҳозир, боз 36 шаҳрванди хориҷӣ дар боздоштгоҳҳои муваққатӣ ҳастанд ва мунтазири парвоз ба ватан мебошанд.

Тарҳи қонуни нав дар Русия: як гурӯҳи муҳоҷирон депорт нашаванд - кадом?

Пештар хабар дода шуд, ки дар 11 моҳи соли 2020 муҳоҷирони меҳнатӣ ба буҷаи минтақаҳои Русия 577,6 миллион доллар ворид карданд, дар ҳоле ки дар соли 2018 ин маблағ 757 миллион доллар буд.

191
Барчаспҳо:
Маскав, вируси корона, депорт, муҳоҷирон
Президент Таджикистана Эмомали Рахмон во Дворце культуры в Матчинском районе

Эмомалӣ Раҳмон дар бораи муҳоҷират: мо имкон дорем, ки мардумро пурра бо кор таъмин намоем

4237
Эмомалӣ Раҳмон гуфт, имкони бо кор фаро гирифтани муҳоҷирини меҳнатӣ дар дохили Тоҷикистон вуҷуд дорад

ДУШАНБЕ, 26 янв — Sputnik. Президенти Тоҷикистон дар Паёми имсолааш ба парлумони Тоҷикистон, ки дар Кохи Сомони шаҳри Душанбе идома дорад, гуфт, соли 2020 бо сабаби пандемияи "вируси корона" 80% - и муҳоҷирини меҳнатӣ натавонистанд ба берун раванд.

"Аз 460 ҳазор нафаре, ки ҳамасола берун мерафтанд, фақат 111 ҳазор рафтаанд. Он чӣ ишора карда истодаам, ин аст, ки мо дар дохили кишвар захираву имконотеро дорем, ки дар оянда боз ҳам беҳтар кор карда, шароити корӣ, корхонаҳои истеҳсолӣ ва кишоварзӣ эҷод намоем ва шароити корӣ фароҳам оварда, мардуми худро пурра бо кор таъмин намоем", - гуфт Эмомалӣ Раҳмон.

Тибқи иттилое, ки Эмомалӣ Раҳмон дар ҷамъи аъзои парлумон эълон кард, соли гузашта дар Тоҷикистон 300 корхонаву коргоҳи саноатӣ таъсис ёфта, беш аз 6,5 ҳазор ҷои кории нав ба вуҷуд омадааст.

Вай афзуд, 157 муассисаи таҳсили умумӣ ва биноҳои иловагӣ барои 63 ҳазор хонанда, 108 муассисаи тиббӣ ва 1,2 млн мураббаъ манзили истиқоматӣ ба истифода дода шудаанд.

“Дар ин давра 193 ҳазор ҷойи кории доимиву мавсимӣ ташкил шуда, даромади пулии аҳолӣ 10% зиёд шудааст”, - гуфт президент.

Вай афзуд, пасандозҳои сокинони Тоҷикистон 17, 2 фисад зиёд шуда, 11,4 миллиард сомониро ташкил додааст, ки гувоҳи зиёд шудани даромади аҳолӣ ва афзоиши эътимоди онҳо ба ташкилотҳои карзӣ аст.

4237
Барчаспҳо:
пешниҳод, Эмомалӣ Раҳмон, муҳоҷират, Тоҷикистон
День 27 января

Зодрӯзи Савриниссо Сабзалиева ва хотироти қурбониёни Ҳолокост: имрӯзи таърих

0
(Таҷдидшуда 20:03 26.01.2021)
Рӯзи бисту ҳафтуми январ Рӯзи байналмилалии хотираи қурбониёни Ҳолокост мебошад. Соли 1916 Манитоба аввалин музофоти Канада шуд, ки дар он ба занҳо ҳуқуқи интихоб дода шуд

Рӯзи 27 январ дар ҷаҳон чӣ рух дод

Соли 1916 Манитоба аввалин музофоти Канада шуд, ки дар он ба занҳо ҳуқуқи интихоб дода шуд.

Соли 1935 дар бозии ниҳоии чемпионати Америкаи Ҷанубӣ оид ба футбол дастаи Уругвай дастаи Аргентинаро бо ҳисоби 3:0 мағлуб кард.

Соли 1948  дар Америка аввалин магнитофони  ширкати "Wire Recording Corporation of America"  ба фурӯш бароварда шуд, ки 149,5 доллар арзиш дошт.

Соли 1987 ИМА ва Муғулистон муносиботи дипломатӣ барқарор намуданд.

 

Соли 1990 забони беларусӣ забони давлатии Беларус эълон карда шуд.

Рӯзи 27 январ дар Тоҷикистон чӣ рух дод

Соли 1993 миёни Тоҷикистон ва Туркманистон муносиботи дипломатӣ барқарор карда шуд.

Соли 2004 Гвардияи президентӣ ба Гвардияи миллии Тоҷикистон тағйири ном кард.

Соли 2013 Эмомалӣ Раҳмон ба Президенти Туркманистон Гурбонгулӣ Бердимуҳамедов ба муносибати бистумин солгарди барқароршавии муносибатҳои дипломатӣ миёни Тоҷикистон ва Туркманистон  барқияи шодбошӣ ирсол намуд, ки дар он, аз ҷумла, чунин гуфта мешавад: "Аз лаҳзаҳои ба даст овардани истиқлолият давлатҳоямон мунтазам ба пурра сохтани мазмуни нави ҳамкории байнидавлатии худ бо ҳамгиройии фаъол дар арсаи байналмилалӣ кӯшиш мекунанд".

Соли 2017 дар "Кохи Наврӯз" Эмомалӣ Раҳмон дар ҷаласаи Шӯрои ҷамъиятии Ҷумҳурии Тоҷикистон суханронӣ намуд.

Соли 2017 дар шаҳри Душанбе китоби  "Қазоқҳои Тоҷикистон"-и профессори кафедраи таъриху назарияи журналистика ва ВАО-и электронии Донишгоҳи (славянии) Тоҷикистону Русия  Абдусаттор Нуралиев рӯнамоӣ гардид.

Соли 2017 дар шаҳри Душанбе  ҷаласаи 14-уми Комиссияи байниҳукуматии  Ҷумҳурии  Тоҷикистон ва Федератсияи  Русия  оид ба ҳамкории  иқтисодӣ  баргузор гардид.

Ҷашнҳои рӯзи 27 январ

Рӯзи байналмилалии хотираи қурбониёни Ҳолокост.

Рӯзи 27 январ кӣ ба дунё омадааст

Абдуқаҳҳори Қосим (1965)- шоир.

Валентина Виборнова (1927) - доктори илми фалсафа.

Fаффоралӣ Сафар (1950)- шоир.

Маҳмадқул Каримов (1964) - доктори илми химия, профессор.

Лучинский Пётр (1940)- арбоби ҳизбӣ. (солҳои 1986-1988 Котиби дуюми КМ ПК Тоҷикистон).

Саид Марофиев (1938) - муаррих, профессор.

Равшани Ёрмуҳаммад (1942) - нависанда, Корманди шоистаи маданияти Тоҷикистон.

Савриниссо Сабзаалиева (1948) - актрисаи театру кино, Ҳунарпешаи мардумии Тоҷикистон.

Сорбон (Облоқул Ҳамроев) (1940) - нависанда, Корманди шоистаи маданияти Тоҷикистон, дорандаи Ҷойизаи давлатии ба номи Рӯдакӣ.

Тсой Божелав (1945) - доктори илмҳои физикаю математика, профессор.

Усмонзода Хаймагул (1960)- шоира.

0
Барчаспҳо:
Тоҷикистон, Ҷаҳон, ҷашн