Навбатпоии муҳоҷирон барои дарёфти иҷозаи кор. Акс аз бойгонӣ

Кӯлоб: 57 ҳазор муҳоҷири корӣ ба Санкт-Петербург мераванд

9
(Таҷдидшуда 10:14 06.08.2015)
Кордиҳандагон аз шаҳри Санкт-Петербурги Русия шарт гузоштаанд, ки қабл аз даъват кардани муҳоҷирон, тариқи интернет бо эшон ҳамсуҳбат хоҳанд шуд, то забондонии муҳоҷиронро биозмоянд.

ДУШАНБЕ, 6 авг — Sputnik. Хадамоти шуғли аҳолии Санкт-Петербурги вилояти Ленингради Русия ба ҷалби муҳоҷирони корӣ аз шаҳри Кӯлоби вилояти Хатлон оғоз кард ва қасд дорад то 57 ҳазор муҳоҷирро аз ин минтақа бо кор таъмин намояд, хабар менависад сомонаи Хадамоти муҳоҷират

Ин Хадамот, ки ҳамакнун дар шаҳри Кӯлоб намояндагӣ ё маркази машваратӣ боз кардааст, муроҷиати даҳҳо ҷавонро барои кор дар он шаҳр ва вилояти Русия пазируфтааст.

Ба ин тартиб, ҳуҷҷатгузорӣ барои муҳоҷират ба Петербург ва дар маҷмӯъ ба вилояти Ленинград тариқи Интернет сурат гирифта, ҳар муҳоҷире, ки ба кор даъват мешавад, аввал аз тариқи "Скайп" бо корфармо ҳамсӯҳбат мешавад. Ин шароитро намояндагии Хадамоти шуғли аҳолии Петербург дар Кӯлоб барои алоқамандон фароҳам мекунад.

Аз ин тариқ, корфармо забондонӣ ва кордонии муҳоҷирро месанҷад ва танҳо пас аз ин ба ӯ даъватномаи расмӣ мефиристад.

Дар ҳамин ҳол, Саидаҳмад Пириев, сардори Раёсати шуғли аҳолии минтақаи Кӯлоби вилояти Хатлон дар ин робита ба Радиои Озодӣ   гуфтааст, "ин намояндагӣ дар чорчуби созишномаи дуҷониба миёни вазорати меҳнат, муҳоҷират ва шуғли аҳолии Тоҷикистон ва шаҳри Санкт-Петербург таъсис ёфта, ҳадафаш ҷалби нирӯи корӣ аз минтақаи Кӯлоб аст".

Ба гуфтаи ҷаноби Пириев, намояндагии Хадамоти шуғли аҳолии Петербург дар Кӯлоб як ҳафта муқаддам ифтитоҳ ва ҳамакнун корҳо ҷиҳати ҷалби ҷавонон барои кор дар он шаҳри Русия оғоз шудааст.

"Ҳозир мо ҳаминро назорат дорем. То панҷ моҳ бояд мо мутахасисоне, ки диплом доранд, аввал онҳоро равона созем ва баъдан оҳиста-оҳиста дигаронро низ дар Маркази калонсолон таълим дода, соҳиби сертификат ё диплом намуда ба онҷо равона месозем", — илова кардааст Пириев.

"Озодӣ" хабар медиҳад, тибқи иттилои Хадамоти муҳоҷират, муддати шаш моҳи ахир 28 ҳазор аз сокинони Кӯлоб аз муҳоҷират баргаштаанд.

Ба иттилои намояндагии хадамот, дар муддати кӯтоҳе ҳудуди 500 нафар аз сокинон барои кор дар Санкт — Петербург муроҷиат карда ва аз ин теъдод санадҳои 100 нафари онҳо ба Хадамоти шуғли аҳолии он вилоят фиристода шудааст.

Ба гуфтаи ҷаноби Расулов, Хадамоти шуғли аҳолии вилояти Ленинград дар қаламрави худ имкони бо ҷойи кор таъмин кардани 57 ҳазор муҳоҷирро дорад.

9
Барчаспҳо:
57 ҳазор, ҷалби муҳоҷирон, дарёфти кор дар Русия, ифтитоҳи марказ, муҳоҷират, Раёсати шӯғли аҳолӣ дар минтақаи Кӯлоб, Саидаҳмад Пириев, Санкт-Петербург, Кӯлоб
Бинои Ҳукумати ФРДом

Рустами Эмомалӣ ба Алексей Оверчук: иҷрои 300 созишнома беҳбудии ҷиддӣ мехоҳад

503
(Таҷдидшуда 18:30 25.11.2020)
Рустами Эмомалӣ ва Алексей Оверчук масоили иқтисодӣ, фарҳангӣ ва муҳоҷирати меҳнатиро баррасӣ карданд

ДУШАНБЕ, 25 ноя – Sputnik. Раиси Маҷлиси миллии Маҷлиси Олии Тоҷикистон, раиси шаҳри Душанбе Рустами Эмомалӣ имрӯз бо муовини раиси Ҳукумати Русия, ҳамраиси Комиссияи байниҳукуматии Тоҷикистон ва Русия оид ба ҳамкории иқтисодӣ Алексей Оверчук мулоқот кард.

Бино ба гузориши дафтари матбуотии шаҳрдори Душанбе ин дидор дар бинои Ҳукумати Русия дар шаҳри Маскав баргузор шудааст.

Гуфта мешавад, ки иштирокчиёни вохӯрӣ ҳолати кунунӣ ва дурнамои муносибатҳои ҳамкории Тоҷикистон ва Русияро дар доираи санадҳои меъёрии ҳуқуқии мавҷудабаррасӣ кардаанд.

Дар ин мулоқот, Рустами Эмомалӣ ёдовар шудааст, ки асосҳои қарордодиву ҳуқуқии тарафайнро қариб 300 созишномаҳои байнидавлативу байнисоҳавӣ ташкил медиҳанд, ки иҷрои босифати онҳо беҳбудии ҷиддӣ тақозо мекунад.

Дар ин робита ба ҳамкории тиҷоратӣ-иқтисодӣ, ки самти афзалиятноки муносибатҳои дуҷонибаро ифода мекунад, таваҷҷуҳи хос зоҳир шудааст.

"Дар ҳашт моҳи соли равон гардиши мол байни ду давлат  720 миллион доллари амрикоиро ташкил дод", - садо дод дар ин дидор.

Корхонаҳои саноатӣ дар минтақаҳои озоди иқтисодӣ

Вобаста ба саноатикунонии иқтисоди кишвар, ки афзалияти стратегӣ эълон шудааст, таъсиси корхонаҳои муштараки истеҳсолӣ, аз ҷумла дар минтақаҳои озоди иқтисодӣ қобили қабул арзёбӣ гардидааст.

Ҷонибҳо манфиатдории худро дар рушди ҳамкорӣ дар соҳаҳои саноати истихроҷ ва коркарди маъданҳои кӯҳӣ, сӯзишворӣ-энергетикӣ, комплекси аграрӣ, ҳамчунин саноати сабук ва хӯрокворӣ иброз доштаанд.

Рустами Эмомалӣ дар ин робита ташкили Шӯрои байнидавлатиро оид ба ҷалби мустақими сармояи Русия ба Тоҷикистон мувофиқи мақсад донистааст.

Воридоти маҳсулоти ғизоӣ

Дар вохӯрӣ ҳамчунин ба масъалаи содироту воридоти маҳсулоти ғизоӣ ва сабзавоту мева манфиатдор будани ҷонибҳо мавриди гуфтугӯи ҷиддӣ қарор дода шуд.

Дар мулоқот таъкид гардид, ки самти фарҳангӣ-гуманитарии ҳамкорӣ, бахусус дар соҳаи маориф имконияту захираҳои фаровон дорад.

Омӯзиши забони русӣ дар Тоҷикистон

Дар ин дидор гуфта шудааст, ки дар Тоҷикистон барои омӯзиши забони русӣ шароити мусоид фароҳам карда мешавад.

Ҳамасола аз Русия ба мактабҳои Тоҷикистон беш аз 50 нафар омӯзгорон фиристода мешаванд.

Рустами Эмомалӣ аз тезонидани суръати сохтмони 5 мактаб дар Тоҷикистон дар асоси Созишномаи тарафайн изҳори назар карданд.

Ҷонибҳо аз муҳимияти масоили марбут ба муҳоҷирати меҳнатӣ дар шароити пандемия ёдовар шуда, зарурати барқарор намудани алоқаи мунтазами ҳавоии байни ду давлатро таъкид намудаанд.

Раиси шаҳри Душанбе Рустами Эмомалӣ изҳори боварӣ намудааст, ки Алексей Оверчук ба ҳайси ҳамраиси Комиссияи байниҳукуматии Тоҷикистон ва Русия оид ба ҳамкории иқтисодӣ,саҳми арзандаи худро дар рушду таҳкими ҳамаҷонибаи муносибатҳои стратегӣ ва иттифоқчигӣ байни ин ду кишвар мегузорад.

503
Барчаспҳо:
созишнома, Рустами Эмомалӣ
Мавзуъ
Рустами Эмомалӣ аз мушкили муҳоҷирон гуфт: афв то 15 декабр
Рустами Эмомалӣ аз интиқоли донишҷӯёну парвозҳо: шарҳи пурраи гуфтушунид - видео
Аз як даст садо намебарояд: Матвиенко ба Рустами Эмомалӣ зарбулмасали тоҷикӣ гуфт
Трудовые мигрантыю Архивное фото

Рустами Эмомалӣ аз мушкили муҳоҷирон гуфт: афв то 15 декабр

2336
(Таҷдидшуда 15:20 25.11.2020)
Рустами Эмомалӣ, раиси Маҷлиси миллии Тоҷикистон, бо Александр Жуков, муовини якуми раиси Думаи давлатии Федератсияи Русия, густариши ҳамкориҳо аз ҷумла дар бахши муҳоҷирату иқтисодиётро баррасӣ кардааст

ДУШАНБЕ, 25 ноя – Sputnik. Тибқи иттилои котиботи Маҷлиси миллӣ, Рустами Эмомалӣ 25 ноябр дар Маскав зимни мулоқот бо Александр Жуков таваҷҷуҳи ҷониби Русияро ба масъалаҳои муҳоҷирати меҳнатӣ ҷалб карда, онро яке аз мавзӯъҳои мубрами равобити дуҷониба арзёбӣ намудааст.

Манбаъ афзуд, дар мулоқот зикр гардид, ки паҳншавии пандемияи коронавирус дар саросари ҷаҳон дар фаъолияти муҳоҷирони меҳнатӣ баъзе маҳдудиятҳоро ба миён овард.

“Дар ин робита тазаккур дода шуд, ки шаҳрвандони Ҷумҳурии Тоҷикистон, ки дар ҳудуди Федератсияи Русия ҳузур дошта, баъзе ҳуҷҷатҳояшон ба қонунгузории ин кишвар ҷавобгӯ нест, то 15 декабри соли 2020 авф гардида, метавонанд аз нав ба қайд гирифта шаванд”, - таъкид шудааст дар иттилоияи котиботи Рустами Эмомалӣ.

Инчунин ҷонибҳо изҳори боварӣ намудаанд, ки ояндаи наздик бо тағйирёбии вазъ маҳдудиятҳои марбут ба COVID-19 аз байн бардошта мешаванд.

Котиботи Маҷлиси миллӣ илова намуд, ки дар мулоқот ҳамчунин таъкид шудааст, ки ҳоло иқтидорҳои зиёди истифоданашудаи ҳамкорӣ мавҷуд мебошад.

Бо арзи адаб: Рустами Эмомалӣ Валентина Матвиенкоро ба Тоҷикистон даъват кард

"Дар ин робита барои тавсеаи ҳамкориҳои судманд, аз ҷумла таъсиси корхонаҳои муштарак дар заминаи ашёи маҳаллӣ бо истифодаи технологияи Русия ва содироти минбаъдаи он ба бозорҳои ин кишвар имкониятҳои фарох фароҳам гардидааст", - афзуд манбаъ.

2336
Барчаспҳо:
ҳамкорӣ, мулоқот, Русия, Тоҷикистон
День 26 ноября

Ҷашнҳои рӯзи 26 ноябр дар Тоҷикистон ва ҷаҳон

0
(Таҷдидшуда 18:50 25.11.2020)
Рӯзи бисту шашуми ноябр, Рӯзи байналмилалии мубориза алайҳи хушунати занон ва Рӯзи сулҳи низомии Русия таҷлил мешавад

Рӯзи 26 ноябр дар ҷаҳон чӣ рух дод

Соли 1667 бар асари заминларза дар шаҳри Шамахии Озарбойҷон 80 ҳазор нафар ба ҳалокат расиданд.

Соли 1867  Алфред Нобел моддаи тарканда- динамитро ихтироъ кард.

Портрет Альфреда Нобеля, выполненный шведским фотографом Гестом Флорманом
Портрет Альфреда Нобеля, выполненный шведским фотографом Гестом Флорманом

Соли 1918 Розике Швиммер аввалин зане шуд, ки дар тӯли таърихи дипломатияи ҷаҳонӣ сафир интихоб гардид.

Соли 1991 Ҳизби сотсиалистии Украина ба қайд гирифта шуд.

Флаг Украины на здании Правительства Украины в Киеве, архивное фото
© Sputnik / Стрингер
Флаг Украины на здании Правительства Украины в Киеве, архивное фото

Соли 1996 СММ ба Ироқ барои фурӯхтани нафт бар ивази маводи озуқаворӣ иҷозат дод.

Соли 2014 раисҷумҳури Чехия Милош Земан бо сафари расмии серӯза ба Душанбе омад.

День 25 ноября
© Sputnik/ Стас Этвеш/ Мария Вишнякова

Рӯзи 26 ноябр дар Тоҷикистон чӣ рух дод

Соли 2010 дар шаҳри Душанбе раисҷумҳури Тоҷикистон Эмомалӣ Раҳмон дар ҳамоиши сарони ҳукуматҳои кишварҳои аъзои Созмони Ҳамкории Шанхай, ки дар бӯстонсароии шаҳрии Ҳукумати  Тоҷикистон баргузор гардид, суханронӣ карданд.

Соли 2010 раисҷумҳури Тоҷикистон Эмомалӣ Раҳмон бо раиси вақти Ҳукумати Федератсияи Русия Владимир Путин масоили гуногунҷанбаи Тоҷикистону Россия ва ҳамгироии ду кишвар дар таҳкими амнияту субот дар минтақаи Осиёи Марказӣ, мусоидат ба барқарорсозии иқтисодиёт ва ҳаёти осоиштаи Афғонистонро баррасӣ намуданд.

Рабочий визит В.Путина в Белоруссию. Архивное фото
© Sputnik / Алексей Никольский
Рабочий визит В.Путина в Белоруссию. Архивное фото

Соли 2013 палатаи поёнии Парлумони Тоҷикистон Қонуни Тоҷикистон "Дар бораи ворид намудани тағйиру иловаҳо ба Қонуни Ҷумҳурии Тоҷикистон "Дар бораи милитсия""-ро муҳокима намуд.

Соли 2014 қонунҳои Тоҷикистон дар бораи ворид намудани тағйиру иловаҳо ба қонунҳои Ҷумҳурии Тоҷикистон "Дар бораи амният", "Дар бораи мубориза бар зидди терроризм", "Дар бораи мубориза бар зидди экстремизм" ба имзо расида буданд.

Ҷашнҳои рӯзи 26 ноябр

  • Рӯзи байналмилалии мубориза бо хушунат алайҳи занон.
  • Дар Ҷумҳурии Суринам-Рӯзи истиқлолият.
  • Рӯзи сулҳи низомии Русия

Рӯзи 26 ноябр дар Тоҷикистон кӣ ба дунё омадааст

Солҳои (1887-1943) – генетик, ботаник ва географи машҳури рус Николай Вавилов.

Солҳои (1934-1984) – оҳангсоз Дости Орзуев.

Солҳо (1938-2007) – ходими хизматнишондода Асрор Рашидов.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 21 ноябр дар Тоҷикистон ва ҷаҳон
Пирӯзии Парвиз Собиров ва унвонгирии Майк Тайсон: ҷашнҳои 22 ноябр
Ҷашнҳои рӯзи 23 ноябр дар Тоҷикистон ва ҷаҳон
Ҷашнҳои рӯзи 24 ноябр дар Тоҷикистон ва ҷаҳон
Ҷашнҳои рӯзи 25 ноябр дар Тоҷикистон ва ҷаҳон