Ироаи муҷаввизи кор дар Маркази муҳоҷирати вилояти Маскав. Акс аз бойгонӣ

Имкони ворид шудани тағйирот дар сиёсати муҳоҷират вуҷуд дорад

9
(Таҷдидшуда 17:05 12.08.2015)
Дар қонуни ҷадиди муҳоҷират, ки ба баррасӣ гирифта шудааст, ба шаҳрвандоне, ки ба хориҷи кишвар мераванд, як қатор имтиёзҳо ва навгониҳоро пешбинӣ кардаанд.

ДУШАНБЕ, 12 авг — Sputnik. Ба муҳоҷирон дар чорчӯби қонуни нав имтиёзу сабукиҳои зиёд ваъда медиҳанд.

Аз ин ба баъд муҳоҷирини корӣ имкон дорад аз хадамоти ройгони тиббӣ, машварати ҳуқуқӣ ва таҳсил дар ҳунаристонҳои тахассусӣ, инчунин омӯзиши ройгони забони русӣ бархӯрдор шаванд.

Эмомалӣ Раҳмон зимни суханронӣ дар мулоқот бо муҳоҷирон дар шаҳи Уфа. 8 июли 2015
© Официальная страница пресс-службы президента РТ в Facebook.

"Қонуни нав як чанд навгониро пешбинӣ мекунад. Аммо, қабл аз ҳама, он барои коҳиши раванди муҳоҷирати корӣ нигаронида шудааст",- мегӯяд муовини вазири меҳнат ва шуғли аҳолӣ Нурулло Маҳмадуллоев.

Масоили муҳоҷирати аз мушкилоти доғи ҷомеъаи ҷаҳонӣ, аз ҷумла Тоҷикистон маҳсуб мегардад, дар баробари ин, дар ҷумҳурӣ мизони баландӣ бекорӣ мушоҳида мешавад.

Тибқи иттилоъи расмӣ, дар Тоҷикистон 8 миллион нафар зиндагӣ мекунанд, ки 2,2 миллион нафар аз онҳо қобили кор ё корманд ҳастанд. Аз ин теъдод, 1 миллиону 800 ҳазор нафар дар хориҷ аз кишвари худ, маъмулан дар Федератсияи Русия кор мекунанд.  

 

9
Барчаспҳо:
сиёсати муҳоҷират бознигарӣ мешавад, қонуни ҷадиди муҳоҷират, сабукиҳо ба муҳоҷирин, имтиёзҳо, муҳоҷират, муҳоҷирон, Вазорати меҳнат ва шуғли аҳолии ҶТ, Нурулло Маҳмадуллоев, Душанбе, Тоҷикистон
Сотрудники погранслужбы на контрольно-пропускном пункте на границе Кыргызстана и Казахстана

Дар сарҳади Қазоқистон тақрибан 1000 нафар тоҷикону узбекҳо ҷамъ шудаанд: видео

104
(Таҷдидшуда 10:36 03.07.2020)
Шаҳрвандони Тоҷикистон ва Узбакистон сарфи назар аз муроҷиати вазорату идораҳо ҷамъ шуданро дар сарҳади Қазоқистон идома медиҳанд

ДУШАНБЕ, 3 июл — Sputnik.  Дар сарҳади Қазоқистон тақрибан 900 шаҳрванди хориҷӣ дар мондаанд, гуфт муовини раиси вилояти Туркистон Секен Калкаманов дар як видео дар Facebook.

"Тақрибан 500 шаҳрванди Тоҷикистон ва 300-400 шаҳрванди Ӯзбекистон ҷамъ омадаанд. Аз лаҳзаи сар шудани карантин, мо ба 800 нафар шаҳрвандон Тоҷикистон барои рафтан ба кишварашон иҷозаи гузар додем", гуфт мансабдор.
Калкаманов қайд кард, ки ин як раванди хеле мушкил аст, зеро гузариши транзитии нақлиёт бо шаҳрвандони Тоҷикистон бояд бо Ӯзбекистон ҳамоҳанг карда шавад.

Намояндаи мақомоти минтақавӣ илова намуд, ки ҳукумати шаҳри Сариағаш дар якҷоягӣ бо сарпарастон хӯроки гарм, ҷойи махсуси ист барои ҳифзи мардум аз офтоб ва дастрасӣ ба оби ошомиданӣ ташкил кардааст.

Инчунин ҳангоми будубоши муваққатӣ ҳолати санитарӣ риоя карда мешавад. Тақрибан 20 корманди шӯъбаи полиси минтақавӣ посбонҳо мекунанд ва табибон инчунин дар маркази будубоши муваққатии шаҳрвандони хориҷӣ шабонарӯзӣ навбатдорӣ мекунанд.

Калкаманов илова намуд, ки мақомоти маҳаллӣ ҳамеша бо намояндагиҳои Тоҷикистон ва Ӯзбекистон дар тамос ҳастанд.

104
Колодец, архивное фото

Ҳалокати ду муҳоҷири тоҷик дар Русия ҳангоми чоҳканӣ

325
(Таҷдидшуда 10:06 03.07.2020)
Ду муҳоҷири тоҷик ҳангоми кандани чоҳ дар Русия бар асари ба болояшон чаппа шудани пораи хок дар зери он фавтидаанд

ДУШАНБЕ, 3 июл — Sputnik.  Ҳодис ҳангоми кандани ҷоҳи чуқурияш ҳафтметира дар кӯчаи Морская пехотаи деҳаи Пигелевои вилояти Ленингради рух додааст, хабар медиҳад "78.ru" аз ҷойи ҳодиса.

Ба иттилои манбаъ, тибқи маълумотҳои пешакӣ ин ду зодаи Тоҷикистон 30 ва 40 сола будаанд.

Ба гуфти корфармо, нафари аввали то шаш метир чоҳро меканад, ки болояш хок мерезад ва дуввуми барои наҷоти ӯ мефарояд, аммо ӯ низ зери хок мемонад.

Гуфта мешавад, кормандони ҳолатҳои фавқулодда барои наҷоти онҳо ҳарчанд талош мекунадад, аммо зинда гирифта наметавонан.

Ба иттилои манбаъ, ҷасади муҳоҷирон нимашаб аз хок бароварда мешавад.

 

325
Ҳалокати кӯдак дар пайи садама дар Ховалинг

Ронанда дар хати пиёдагузар ноболиғи 10 - соларо пахш кард

0
Вазорати умури дохилии Тоҷикистон аз ҳалокати кӯдаки 10 - сола хабар медиҳад, ки дар хати гузаргоҳи пиёдагардон зери чархи мошин мондааст

ДУШАНБЕ, 3 июл — Sputnik. Ҳодисаи нохуш рӯзи 1- уми июл, тахминан соати 22:00 дақиқа рух додааст.

Бар хабари Вазорати умури дохилии Тоҷикистон, ронандаи автомашинаи тамғаи "Деу-некси"  Ҷамии Ҳамиди 24 - сола, сокини ҷамоати деҳоти Рӯдакии ноҳияи Восеъ, дар хати пиёдагузар ноболиғро зер кардааст.

"Ронанда ҳангоми ҳаракат бо кӯчаи Н.Қарабоев аз самти кӯчаи Абая ба самти кӯчаи С.Шерозӣ, дар болои хати гузаргоҳи пиёдагардон, пиёдагарди ноболиғ, Исроилова Фарида Шодиевна, соли таваллудаш 2010, сокини ҷамоати деҳоти Русияи ноҳияи Рӯдакиро пахш намудааст", - таъкид мешавад дар хабар.

Садамаи мудҳиш дар Восеъ оилаи Комиловҳоро мотамзада кард: ду тан ҳалок ва дуи дигар захмӣ

ВУД Тоҷикистон мегӯяд, бар асари ин ҳодиса ноболиғи 10 - сола ҷароҳати ҷисмонӣ бардошта, ҳангоми ба беморхона дастрас кардан ба ҳалокат расидааст.
Манбаъ меафзояд, феълан аз руи ҳодисаи мазкур таҳқиқот идома дорад.

0
Барчаспҳо:
ҳалокат, пиёдагард, ноболиғ, садама