Сомонаи ИФМ Русия. Акс аз компютер

Пешниҳоди бозгардони сомонаи ИФМ Русия ба забонҳои тоҷикӣ ва ӯзбекӣ

5
(Таҷдидшуда 13:04 21.08.2015)
Тибқи иттилоъи ИФМ ФР бештаре аз муҳоҷирони кории хориҷӣ дар Русия атбоъи Тоҷикистон ва Ӯзбекистон мебошанд. Ба ин далел Исмоилов аз ИФМ хостааст, ки қабл аз дигарон қавонини марбут ба муҳоҷират ба ин забонҳо дастрас бошанд.

ДУШАНБЕ, 21 авг — Sputnik. Фаъоли ҷомеъаи маданӣ Баҳром Исмоилов ба раҳбари Идораи федероли муҳоҷирати Русия Константин Ромодановский пешниҳод кардааст, ки шакли тоҷикӣ ва ӯзбекии сомонаи ин ниҳод таҳия шаванд, менависад хабаргузории "Авеста" бо истинод ба рӯзномаи интернетии "Реалное время".

"Атбоъи хориҷӣ ба сурати зарурӣ ба забони русӣ балад нестанд то куллияи иттилоъоти сомонаи ИФМ бифаҳманд ва ба ин далел ғайриихтиёр муртаки ҷароими маъмурӣ мешаванд", — гуфт раҳбари созмони ҷамъиятии "Страна без расизма и ксенофобии" Баҳром Исмоилов.

Тибқи иттилоъи идораи муҳоҷират бештаре аз атбоъи хориҷӣ дар Русия шаҳрвандони Тоҷикистон ва Ӯзбекистон мебошанд. Ба ин далел Исмоилов аз ИФМ хостааст, ки қабл аз дигарон атбоъи ин ду кишварро бо иттилоъи зарурӣ дар арсаи муҳоҷират таъмин кунанд.

Ба эътиқоди вай ӯзбекон ва тоҷикон маъмулан ба далели надонистани забони русӣ муртакиби ҷароим мешаванд.

"Ба унвони мисол, онҳо дар бораи тағйири низоми будубош дар Русия аз 180 то 90 шабонарӯз танҳо дар марз огаҳӣ меёбанд, ки алаккай вуруди онҳо ба қаламрави Русия мамнӯъ шудааст", — тавзеъ дод Исмоилов.

Дар ҳамин ҳол намояндагони ИФМ Русия изҳор доштанд, ки то якуми декабри соли ҷорӣ шакли англисии сомона фаъол мешавад.

"Дар мавриди шаклҳо ба забонҳои тоҷикӣ ва ӯзбекӣ ин мавзӯъ хеле душвор аст ва сармоягузории изофиро тақозо мекунад", — посух додаанд намояндагони ин ниҳод ба дархости фаъоли ҷомеъаи маданӣ.

Аз 1 январи соли ҷорӣ дар Русия ислоҳот ба қонун "Дар бораи вазъи ҳуқуқии атбоъи хориҷӣ дар Федератсияи Русия" мавриди иҷро қарор гирифтанд. Тибқи онҳо куллияи атбоъи хориҷӣ барои дарёфти муҷаввизи кор бояд санҷишоти забони русӣ, асосҳои қонун ва таърихи Русияро биспоранд.

Танҳо барои ҷавонони зери 18 сола, мардони бузургтар аз 65 ва занони бузургтар аз 60 сола, афроди носолим, мутахассисони варзида ва донишҷӯёни бахшҳои рӯзонаи донишгоҳҳо имтиёз дода шудааст.

5
Барчаспҳо:
муҳоҷирони кории тоҷик, муҳоҷират, дархост барои роҳандозии шаклҳои тоҷикӣ ва ӯзбекии сомонаи ИФМ Русия, ИФМ Русия, Баҳром Исмоилов, Константин Ромодановский, Русия
Мавзуъ
Имкони ворид шудани тағйирот дар сиёсати муҳоҷират вуҷуд дорад
Нигаронии маскавиҳо аз муҳоҷират, ҷиноёти қавмӣ ва кисабурон
Расонаҳо: идораи муҳоҷират ва зиддимухадироти Русия лағв мешаванд
Президент Таджикистана Эмомали Рахмон во Дворце культуры в Матчинском районе

Эмомалӣ Раҳмон дар бораи муҳоҷират: мо имкон дорем, ки мардумро пурра бо кор таъмин намоем

1088
Эмомалӣ Раҳмон гуфт, имкони бо кор фаро гирифтани муҳоҷирини меҳнатӣ дар дохили Тоҷикистон вуҷуд дорад

ДУШАНБЕ, 26 янв — Sputnik. Президенти Тоҷикистон дар Паёми имсолааш ба парлумони Тоҷикистон, ки дар Кохи Сомони шаҳри Душанбе идома дорад, гуфт, соли 2020 бо сабаби пандемияи "вируси корона" 80% - и муҳоҷирини меҳнатӣ натавонистанд ба берун раванд.

"Аз 460 ҳазор нафаре, ки ҳамасола берун мерафтанд, фақат 111 ҳазор рафтаанд. Он чӣ ишора карда истодаам, ин аст, ки мо дар дохили кишвар захираву имконотеро дорем, ки дар оянда боз ҳам беҳтар кор карда, шароити корӣ, корхонаҳои истеҳсолӣ ва кишоварзӣ эҷод намоем ва шароити корӣ фароҳам оварда, мардуми худро пурра бо кор таъмин намоем", - гуфт Эмомалӣ Раҳмон.

Тибқи иттилое, ки Эмомалӣ Раҳмон дар ҷамъи аъзои парлумон эълон кард, соли гузашта дар Тоҷикистон 300 корхонаву коргоҳи саноатӣ таъсис ёфта, беш аз 6,5 ҳазор ҷои кории нав ба вуҷуд омадааст.

Вай афзуд, 157 муассисаи таҳсили умумӣ ва биноҳои иловагӣ барои 63 ҳазор хонанда, 108 муассисаи тиббӣ ва 1,2 млн мураббаъ манзили истиқоматӣ ба истифода дода шудаанд.

“Дар ин давра 193 ҳазор ҷойи кории доимиву мавсимӣ ташкил шуда, даромади пулии аҳолӣ 10% зиёд шудааст”, - гуфт президент.

Вай афзуд, пасандозҳои сокинони Тоҷикистон 17, 2 фисад зиёд шуда, 11,4 миллиард сомониро ташкил додааст, ки гувоҳи зиёд шудани даромади аҳолӣ ва афзоиши эътимоди онҳо ба ташкилотҳои карзӣ аст.

1088
Барчаспҳо:
пешниҳод, Эмомалӣ Раҳмон, муҳоҷират, Тоҷикистон
Пешеходы идут по Патриаршему мосту в Москве.

Муовини вазир нақшаи ҷалби муҳоҷирон аз Тоҷикистон ба Русияро гуфт

419
(Таҷдидшуда 12:26 26.01.2021)
Намояндаи Вазорати сохтмон ва манзилу коммуналии Русия гуфт, ки чӣ гуна ширкатҳои русӣ коргарони хориҷиро ҷалб хоҳанд кард

ДУШАНБЕ, 26 январ - Sputnik. Никита Стасишин, муовини вазири сохтмон ва манзилию коммуналии Русия, дар эфири шабакаи телевизионии "Москва 24" гуфт, ки дархостҳои ширкатҳо барои воридоти муҳоҷирони корӣ чӣ гуна иҷро мешаванд.

"Ҳама ҳамоҳангсозии байниидоравӣ дар шакли электронӣ сурат мегирад. Таҳиягарон ва ширкатҳо бояд танҳо дар платформаи электронӣ ариза пешниҳод кунанд",- гуфт ӯ.

Намояндаи вазорат илова кард, ки дархостҳо барои пешниҳоди захираҳои меҳнатӣ ҳарчи зудтар баррасӣ карда мешаванд.

Ёдовар мешавем, ки 22 январ вазири сохтмон ва манзилию коммуналии Федератсияи Русия Ирек Файзуллин аз таъсиси механизми вуруди муҳоҷирон ба Федератсияи Русия барои кор дар сохтмонҳо хабар дод.

Русия аз патенти муҳоҷирони меҳнатӣ 577 миллион доллар фоида гирифт

Ин суръат бахшидан ба масъалаҳои ҷалби муҳоҷирони меҳнатӣ аз Туркия, Қазоқистон, Тоҷикистон ва Ӯзбекистон пас аз як қатор изҳороти намояндагони мақомоти Русия дар бораи норасоии нерӯи корӣ дар ин кишвар сурат гирифтааст.

Иҷозати Ҳукумати Русия барои вуруди муҳоҷирон аз Тоҷикистон

Дар нимаи моҳи январ, президенти Русия Владимир Путин ба ҳукумати Федератсияи Русия супориш дод, ки масъалаи содда кардани ҷалби муҳоҷирони меҳнатӣ ба сохтмонҳоро то 1 март баррасӣ кунанд.

419
Барчаспҳо:
сохтмон, кор, Муҳоҷират, Тоҷикистон, Русия
Лампочка, архивное фото

Лимити барқ дар Тоҷикистон: Раҳмон аз Вазорати энергетика чӣ талаб кард

0
(Таҷдидшуда 16:11 26.01.2021)
Президенти Тоҷикистон Эмомалӣ Раҳмон дар бастагӣ бо лимити барқ дар кишвар ба Вазорати энергетика чанд дастур дод

ДУШАНБЕ, 26 янв — Sputnik. Президенти Тоҷикистон Эмомалӣ Раҳмон талаб кард, ки талафоти барқ кам карда шавад.

Роҳбари давлат ёдрас шуд, ки ҳукумати кишвар ба расидан ба истиқлолияти энергетикӣ то ҳол кӯшиш мекунад.

Барои амалӣ шудани ин ҳадаф кишвар нақша дорад ояндаи наздик чанд нерӯгоҳ ифтитоҳ шавад.

Бо вуҷуди ин,-изҳор дошт президент,-дар самти таъмини доимиву устувори неруи барқ ҳанӯз як силсила масъалаҳои муҳими ҳалталаб вуҷуд доранд, ки истифодаи самараноку сарфакоронаи барқ аз ҷумлаи ҳамин масъалаҳо мебошад.

Вай таъкид кард, ки Вазорати энергетика вазифадор мешаванд, ки барқи истеҳсолшавандаро ҳисоб карда, талафоти онро кам кунанд.

Ба гуфтиа президент, имсол сохтмони хатти интиқоли барқи 500 – киловолта аз Неругоҳи барқи обии "Роғун" то зеристгоҳи конвертории "Сангтӯда шурӯъ гардида, Неругоҳи барқи обии “Сарбанд” ба маблағи беш аз 1,5 миллиард сомонӣ пурра таҷдид ва бо иқтидори 270 мегаватт- яъне аз иқтидори имрӯзааш 110 мегаватт зиёд ба истифода супорида шуд.

Лимити барқ нархи ангишт ва ҳезуму таппакро боло бурд

"Ккорҳо доир ба навсозӣ ҷиҳати кам кардани талафоти неруи барқ ва ҷорӣ намудани низоми муосири баҳисобгирии он дар шаҳрҳои Душанбе, Бохтар, Кӯлоб, Панҷакент, Истаравшан, Исфара, Конибодом, Бӯстон ва ноҳияи Данғара ба маблағи 2,4 миллиард сомонӣ оғоз мегарданд", - таъкид дошт раисҷумҳур.

 

0
Барчаспҳо:
Вазорати энергетика ва захираҳои об, лимит, барқ, Эмомалӣ Раҳмон, Тоҷикистон