Як шаҳрванди Тоҷикистон барои ду куштор дар Маскав 17 сол зиндонӣ шуд
(Таҷдидшуда 22:03 12.10.2015)
Шаҳрванди Тоҷикистон, ки ҳамроҳ бо сокини ноболиғи шаҳри Маскав зиндагӣ мекард, модару пияндари ӯро ба қатл расонидааст.ДУШАНБЕ, 1 окт — Sputnik. Додгоҳи шаҳри Маскав шаҳрванди 22-солаи Тоҷикистон Суҳробҷон Яъқубовро барои куштори ду сокини маҳаллӣ ба муҳлати 17 сол равонаи зиндон кардааст, менависад, сомонаи Додситонии Маскав.
Тибқи иттилои мақомоти тафтишотии Русия, ин шаҳрванди Тоҷикистон ҳамроҳ бо сокини 16-солаи шаҳри Маскав дар манзили зисти дуюмӣ иқомат карда, ҷойи кори доимӣ ҳам надоштааст.
"Якуми марти соли ҷорӣ дар заминаи муносибатҳои бад Суҳробҷон Яъқубов бо хушдоманаш ва ҳамзисти ӯ, ки якҷоя дар як хона зиндагӣ мекардаанд, муноқиша намуда, бо истифода аз корд онҳоро ба қатл расонидааст", — афзудааст манбаъ.
Шаҳрванди Тоҷикистон баъд аз муртакиб шудани ин ҷурм зуд аз сӯи кормандони пулиси шаҳри Маскав боздошт шудааст.
Додгоҳи шаҳри Маскав бо назардошти дархости айбдоркунандаи давлатӣ ва мавқеи додситонии пойтахти Русия Суҳробҷон Яъқубовро ба муҳлати 17 сол аз озодӣ маҳрум кардааст.
Барчаспҳо:
Коженов тағйиротҳо ҳангоми гирифтани патентро тавзеҳ дод
ДУШАНБЕ, 8 июл — Sputnik. Раиси Федератсияи муҳоҷирони Русия Вадим Коженов дар мусоҳиба бо телевизиони "Мир-24" гуфт, ки аз 1 июл муҳоҷирони меҳнатӣ ҳангоми дархости патент бояд кадом тағйиротҳоро дар назар бигиранд.
Ӯ ёдрас шуд, ки 18 апрел раисҷумҳури Русия Владимир Путин фармонеро ба имзо расонид, ки мувофиқи он муҳоҷирони меҳнатӣ аз 15 март то 15 июн имтиёзҳои калон ба даст оварданд. Яъне, муҳоҷирон аз супурдани андози патент ва худро ба қайд гузоштан озод шуданд.
"Мақомоти Русия тамоми чораҷӯиҳоро андешиданд, то дар давраи мушкили карантин ба муҳоҷирон кӯмак расонанд", - таъкид кард Коженов.
Ёдрас мешавем, Русия аз 27 март, чун даҳҳо кишвари дигар, марзҳояшро баст ва парвозҳои байналмилалӣ лағв шуданд.
15 июн мӯҳлати амали фармони мазкур то 15 сентябр тамдид гардид.
"Ягона маҳдудият дар он аст, ки касе ки кор мекунад ва даромад дорад, бояд андози патентро супорад. Нафароне ки аз кор маҳрум шуданд, метавонанд, бидуни нигаронӣ аз ҷарима ва депорт дар ҳудуди Русия монанд", - гуфт президенти федератсия.
Ҳамчунин ӯ афзуд, ки ба муҳоҷирон иҷозат дода мешавад, ки бидуни убури сарҳад патент ба даст оранд. Зеро марзҳо бастаанд.
Кӯмак: Коженов байни муҳоҷирон хӯрока тақсим кард - Навор
"Агар дар ин муддати зикргардида мӯҳлати патенти муҳоҷир ба анҷом расад, ӯ бидуни убури сарҳад метавонад навашро ба даст орад", - таъкид кард вай.
Раиси муҳоҷирон афзуд, ки Русия ба ворид шудани муҳоҷирон ба кишвар маҳдудияте ҷорӣ накардааст ва замоне ки карантин ба анҷом мерасад, хоҳишмандон метавонанд ба Русия сафар кунанд.
Сатторов издиҳоми назди сафорат дар Маскавро шарҳ дод
(Таҷдидшуда 16:29 08.07.2020)
Теъдоди хоҳишмандон ба парвозҳои чартерӣ аз шумораи парвозҳои ҳамоҳангшуда 3-4 маротиба бештар аст, аз ин рӯ сафорат барӯйхатгириро қатъ кардДУШАНБЕ, 8 июл — Sputnik. Даҳҳо шаҳрвандони Тоҷикистон рӯзи 7 июл дар назди бинои Сафорати Тоҷикистон дар Русия, дар шаҳри Маскав ҷамъ омаданд, то масъалаи парвозҳои чартериро мушаххас кунанд.
Аксари онҳо борҳо барои дарёфти чипта ва парвоз ба Ватан, дархост фиристодаанд, вале бе натиҷа.
Ин масъаларо сафири Тоҷикистон дар Русия Имомуддин Сатторов дар суҳбат бо Sputnik Тоҷикистон шарҳ дод.
Тоҷикистон шаҳрвандонашро аз АМА бозмегардонад: рӯзи парвоз дақиқ шуд
Ба гуфти Сатторов сабаби ягонаи ба таъхир афтодан - нарасидани ҷой дар ҳавопаймоҳо мебошад.
"Вақте шумораи дархостҳо чанд маротиба аз теъдоди ҷойҳо дар ҳавопаймо бештар шуд, мо қабули дархостҳоро қатъ кардем", - гуфт Имомуддин Сатторов дар суҳбат бо Sputnik Тоҷикистон.
Ба гуфти ӯ, айни замон бояд масъалаи фиристодани ашхосе, ки дархосташон қабул шуд, ҳал кард.
"Шумораи одамон тамом намешавад. Як хел одамон ду се бор меоянд. Қабули дархостро дар сурате, ки медонем имкони фиристодан нест, ман нодуруст мешуморам. Мардум намехоҳад интизор шавад. Онҳо дар ҳаросанд, ки мавҷи дуюм сар мешавад ва боз карантин эълон мешаваду онҳо наметавонанд парвоз кунанд", - шарҳ дод Сатторов.
Барчаспҳо:
Ҷашнҳои рӯзи 9 июл дар Тоҷикистон ва ҷаҳон
(Таҷдидшуда 20:44 08.07.2020)
Рӯзи нӯҳуми июл Рӯзи байналмилалии теннис буда, дар Озарбойҷон – Рӯзи кормандони сохторҳои хизмати дипломатӣ, дар Аргентина — Рӯзи Истиқлолият ва дар Қазоқистон – Рӯзи Хадамоти андоз мебошадРӯзи 9 июл дар ҷаҳон чӣ рух дод
Соли 1788 Коннектикут Иёлати панҷуми ИМА шуд.
Соли 1948 Созмони байналмилалии меҳнат Конвенсияи ҳифзи ҳуқуқи иттиҳодияҳоро қабул намуд.
Соли 1952 Ҷумҳурии Демократии Германия (ГДР) дар бораи таъсис додани сотсиализм қарор қабул кард.
Соли 1957 дар ҷадвали химиявии Менделеев 102-юмин элементи химиявӣ кашф карда шуд. Элементи навро донишмандоне, ки дар Швейтсария фаъолият мекарданд, ба хотири Алфред Нобел «Нобелий» номгузорӣ намуданд.
Соли 1961 Юнон дар бораи дохил шудан ба Иттиҳоди иқтисодии Аврупо қарор қабул кард.
Соли 1988 варзишгари немис Габриэла Ранш барои партофтани гурз ба масофаи 76 метру 80 сантиметр рекорди ҷаҳонӣ гузошт.
Соли 1997 чемпиони ҷаҳон Майк Тайсон барои раҳоӣ ёфтан аз дасти ҳарифи худ дар майдони ҳарб гӯши ӯро газид ва аз бозӣ ронда шуд.
Соли 2006 дар давраи ниҳоии Чемпионати ҷаҳон оид ба футбол дар Германия дастаи мунтахаби Италия дастаи Франсияро дар силсилазарбаҳои 11-метра (вақти асосӣ 1:1) мағлуб намуд ва маротибаи 4-ум чемпиони чаҳон шуд.
Рӯзи 9 июл дар Тоҷикистон чӣ рух дод
Соли 1996 дар Ҷумҳурии Тоҷикистон аз тарафи ширкати муштараки Тоҷикистону Голландия «Тоҷик Тел» мавҷи телефонӣ сар дода шуд.
Соли 2010 дар тарабхонаи «Суҳбати дӯстон»- и шаҳри Истаравшан бо ширкати Эмомалӣ Раҳмон тӯйи хонадоршавии 10 ҷуфти ҷавон ва хатнатӯйи 40 кӯдак аз оилаҳои камбизоат баргузор гардид.
Соли 2012 Президент Эмомалӣ Раҳмон ва Сафири Фавқулода ва Мухтори вақти Америка дар Тоҷикистон Кеннет Гросс масоили гуногунҷанбаи ҳамкории Тоҷикистону ИМА-ро баррасӣ намуданд.
Соли 2015 дар шаҳри Уфа-пойтахти Ҷумҳурии Бошқирдистони Федератсияи Русия Эмомалӣ Раҳмон дар мулоқоти ғайрирасмии сарони давлатҳои аъзои БРИКС (Бразилия, Россия, Ҳиндустон, Чин ва Африқои Ҷанубӣ), СҲШ ва Иттиҳоди иқтисодии Авруосиё, ки дар мавзӯи «Роҳҳои баланд бардоштани некуаҳволии мардумони кишварҳои мо» баргузор шуд, иштирок ва суханронӣ намуд.
Ҷашнҳои рӯзи 9 июл
- Рӯзи байналмилалии теннис.
- Дар Озарбойҷон – Рӯзи кормандони сохторҳои хизмати дипломатӣ.
- Дар Аргентина — Рӯзи Истиқлолият.
- Дар Қазоқистон – Рӯзи Хадамоти андоз.
Рӯзи 9 июн кӣ ба дунё омадааст
1901 — Барбара Картленд (соли даргузашт. 2000), нависандаи пурмаҳсули англис дар асри XX.
1931 — Андрей Капитса (соли даргузашт 2011), ҷуғрофдони рус, таҳқиқгари Антарктида, профессор, узви Академияи илмҳо.
1938 - Лия Ахеджакова, ҳунарпешаи театр ва синамо, ҳунарманди халқии Русия.
1950 — Виктор Янукович, сиёсатмадори украинӣ, президенти Украина дар солҳои (2010—2014).
1956 — Том Хэнкс, ҳунарманди амрикоӣ, коргардон, продюсер дорандаи ду ҷоизаи "Оскар" ва чаҳор "Золотой глобус".
Рӯзи 9 июл дар Тоҷикистон кӣ ба дунё омадааст
1941-2008 – нависанда Азиз Раҳим.
1954 – ҳавошинос, нависанда Александр Пиров.