Тифли навзод. Акс аз бойгонӣ

Шарипов хост, риояи ҳуқуқи занони муҳоҷир дар Русия таҳқиқ шавад

16
(Таҷдидшуда 11:34 22.10.2015)
Муовини раҳбари “Федератсияи муҳоҷирони Русия” Каромат Шарипов аз шикояти занони муҳоҷир дар мавриди поймол шудани ҳуқуқҳояшон ҳангоми зоймон дар беморхонаҳои ин кишвар хабар дода, таҳқиқи онро хостор шудааст.

ДУШАНБЕ, 22 окт — Sputnik. Муовини раҳбари "Федератсияи муҳоҷирони Русия" Каромат Шарипов бо ирсоли як нома аз додситони кулли Русия Юрий Чайка хоҳиш кардааст, таҳқиқ кунанд, ки оё ҳуқуқи занҳои муҳоҷир дар таваллудхонаҳои ин кишвар поймол мешавад, навиштааст, РИА Новости бо истинод ба нашрияи "Известия".

Ба гуфтаи ҷаноби Шарипов, аксари вакилони мудофеъ дар Русия мегӯянд, зерҳимояҳои онҳо бештар аз зӯроварӣ дар таваллудхонаҳо алайҳи худ шикоят мекунанд. Инчунин, аз баъзе ҳолатҳои ҷудо кардани тифли навзод аз модар бидуни асос ҳам ёдовар шудааст.

Ба назари муовини раҳбари "Федератсияи муҳоҷирони Русия", ин корҳо хилофи Сарқонуни Русия, Эъломияи ҳуқуқи башари СММ ва Конвенсияи байналмилаклӣ дар бораи ҳимояи ҳуқуқи ҳамаи коргарони муҳоҷир мебошад.

"Аксари шикояткунандаҳо хоҳиш мекунанд, ки мо номҳои онҳоро ифшо накунем. Ҳамсуҳбатони мо мегӯянд, қариб дар ҳамаи манотиқи Русия мушкил якранг аст ва аз аввалин вақти зоймон сар мешавад. Ёрии таъҷилӣ меояд, аммо чун ба беморхона мерасию раванди зоймон сар мешавад, таҳдиду фишорҳо ҳам аз сӯи табибон оғоз мегардад ва барои кӯмак кардан ҳам шартҳои худро мегузоранд",- навиштааст, нашрия аз қавли Шарипов.

Каромат Шарипов инчунин аз додситони кулли Русия хоҳиш кардааст, марги муҳоҷири 5-моҳаи тоҷик дар шаҳри Санкт-Петербургро таҳқиқ кунад. Қаблан Павел Астахов, ваколатдор оид ба ҳуқуқи кӯдакони Русия ҳам аз додситони кул ва вазири корҳои дохилии ин кишвар чунин дархост карда буд.

Маврид ба ёдоварист, 13-уми октябри соли равон кормандони Хадамоти федеролии муҳоҷирати Русия дар вилояти Санкт-Петербург шаҳрвандони Тоҷикистон Далер Назаров ва Заррина Юнусоваро бо сабаби риоя накардани қавонини муҳоҷират ва нақзи қоидаи будубош дар Русия боздошт карда, тифли панҷмоҳаи онҳо Назаров Умаралиро, ки ба парасторӣ ниёз дошт, аз модар ҷудо карда, ба дигар ҷо интиқол медиҳанд.

Ҳамон рӯз Назаров ва Юнусова ба додгоҳи ҷиноятҳои маъмурӣ интиқол ёфта, баъди панҷ соат қарори додгоҳ дар мавриди ихтиёран тарк кардани ин хонаводаи тоҷик қаламрави Русияро содир шудааст.

Вақте Заррина Назарова ба идораи пулис барои гирифтани фарзандаш меояд, ба ӯ иттилои дақиқе дар бораи маҳалли нигаҳдории тифлаш дода натавонистаанд ва танҳо як рӯз баъд 14 октябр ба ӯ ҷасади беҷони Умари 5-моҳаро супоридаанд.

 

 

16
Барчаспҳо:
Каромат, зоймон, Шарипов, зан, Санкт-Петербург, муҳоҷир, таваллудхона, Русия, муҳоҷирзанон, муҳоҷират, дархост барои таҳқиқ, "Федератсияи муҳоҷирони Русия", Хадамоти федеролии муҳоҷирати Русия, СММ, Павел Астахов, Умаралӣ Назаров, Каромат Шарипов, Санкт-Петербург, Русия
Пассажирский самолет вылетает из аэропорта города Красноярска

Даҳҳо тоҷики депортшуда аз Русия ба ватан баргаштанд: интиқоли шаҳрвандон идома дорад

635
(Таҷдидшуда 11:56 25.05.2020)
Ҳавопаймое, ки даҳҳо шаҳрвандони депортшударо аз Русия ба Тоҷикистон интиқол дод, аз бозгашт омӯзгорони русро ба ватани онҳо бурд

ДУШАНБЕ, 25 май — Sputnik. Шаби гузашта тавассути ҳавопаймои "Ют - Эйр" даҳҳо шаҳрвандони Тоҷикистон, ки бинобар авҷ гирифтани маризии коронавирус ва баста шудани равобити ҳавоӣ дар Русия дармонда буданд, ба ватан интиқол ёфтанд.

Миёни мусофирони ин ҳавопаймо теъдоди афроди депортшуда аз Русия низ кам набуд.

Гуфта мешавад, ҳамаи шаҳрвандони Тоҷикистон, ки бозпас ба пеши хешу пайвандони худ баргаштанд, чиптаи ҳавопаймоиро худ харидорӣ намуданд.

Зикр мегардад, ки ҳавопаймои мазкур аз бозгашт омӯзгорони русро, ки дар Тоҷикистон ба таълими забони русӣ машғул буданд, ба ватани онҳо интиқол дод.

Росавиатсия мушкилии интиқоли шаҳрвандони Тоҷикистонро тавзеҳ дод

Рӯзҳои наздик боз ду парвози дигар барои интиқоли  шаҳрвандони Русия аз Тоҷикистон ба нақша гирифта шудааст. Ҳамин тавр, рӯзи сешанбе, 26 май, парвозҳо дар масири Душанбе - Красноярск ва Душанбе - Екатеринбург сурат мегирад.

Минбаъд, тибқи ҷадвали пешакӣ, 29 май парвози № SVR8424 аз Душанбе ба Маскав сурат мегирад. Ҳавопаймо соати 16:00 бо вақти маҳаллӣ ба Русия парвоз мекунад.

Ғайр аз ин, 30 май соати 19:00, парвози № SVR8880 самти Душанбе - Санкт-Петербург сурат хоҳад гирифт.

635
Барчаспҳо:
Тоҷикистон, шаҳрвандон, интиқол, ҳавопаймо
Лидер партии ЛДПР Владимир Жириновский в Таджикистане

Пешниҳоди Жириновский: вуруди муҳоҷирон аз Осиёи Марказӣ ба Русия боздошта шавад

1552
(Таҷдидшуда 17:56 21.05.2020)
Раҳбари Ҳизби либерал - демократи Русия Владимир Жириновский бар ин бовар аст, ки ҷилавгирӣ намудан аз вуруди муҳоҷирон ба Русия барои нигоҳ доштани ҷойҳои корӣ барои шаҳрвандони дохилӣ кӯмак хоҳад кард

ДУШАНБЕ, 21 май — Sputnik. Раҳбари Ҳизби либерал - демократи Русия Владимир Жириновский дар пасманзари хуруҷи маризии сироятии коронавиус ба ҳукумати кишвараш пешниҳод намуд, ки аз вуруди муҳоҷирони меҳнатӣ аз Осиёи Марказӣ ҷилавгирӣ намоянд.

Ба изҳори вай, чунин тадбир барои ҳифзи ҷойҳои корӣ барои шаҳрвандони бумӣ кӯмак мекунад.

"Русияро шумораи зиёди муҳоҷирони меҳнатӣ тарк карданд. Мо бояд омадани онҳоро маҳдуд кунем. Ҳоло сафи бекорон аз ҳисоби шаҳрвандони бумӣ афзоиш хоҳад ёфт. Аз ин рӯ, бояд нахуст шаҳрвандони худро бо ҷойи кор таъмин кунем", - афзудааст Жириновский.

Ёди Жириновский аз сафараш ба Тоҷикистону пешниҳодаш барои кам кардани муҳоҷирони тоҷик

Пешниҳоди Владимир Жириновский дар ҳоле садо медиҳад, ки қаблан ҳукумати Русия  аз талаботи зиёд ба муҳоҷирони корӣ дар замони пандемия ва ҳатто баъди он, хабар дода буд.

Аз ҷумла, муовини сарвазири Русия Марат Ҳуснуллин қайд карда буд, ки аксарияти коргарони сохтмонҳоро муҳоҷирони меҳнатӣ аз ҷумҳуриҳои собиқ Шӯравӣ ташкил медиҳанд ва Русия алъон ба онҳо зиёд ниёз дорад. 

Ба маълумоти ӯ, дар соҳаҳои гуногуни сохтмонӣ дар Федератсияи Русия дасти кам 8,9 миллион коргар фаъолият мекунанд, ки аз ин миён, 2 миллиони онро маҳз муҳоҷирон  ташкил медиҳанд.

1552
Барчаспҳо:
манъи вуруд, Русия, муҳоҷирон, пешниҳод, Владимир Жириновский
День 26 мая

Ҷашнҳои рӯзи 26 май дар Тоҷикистон ва ҷаҳон

0
(Таҷдидшуда 02:47 26.05.2020)
Рӯзи бисту шашуми май аз Рӯзи байналмилалии забони ғайриоддӣ - эсперанто баргузор мегардад. Ҳамзамон дар Русия аз Рӯзи парашютчиён ҷашн гирифта мешавад

Рӯзи 26 май дар ҷаҳон чӣ рух дод

Соли 1788 Ню-Йорк иёлати 11-уми ИМА эътироф гардид.

Соли 1847  Ҷумҳурии Либерия истиқлолияташро ба даст овард.

День 25 мая
© Sputnik / Стас Этвеш / Вишнякова Мария

Соли 1906 дар ИМА Бюрои федералии тафтишотӣ таъсис дода шуд.

Соли 1858  Барон Ротшилд аввалин яҳудие буд, ки дар парлумони Англия ба сифати аъзо қабул шуд.

Соли 1993 манати озарбойҷонӣ дар ин кишвар ҳамчун пули миллӣ қабул гардид.

Рӯзи 26 май дар Тоҷикистон чӣ рух дод

Соли 2011 раисҷумҳури Тоҷикистон Эмомалӣ Раҳмон барои ба истифода додани чанд иншооти нави иҷтимоӣ ва мулоқот бо мардум ба ноҳияҳои Хуросони вилояти Хатлон сафар карданд.

Ҷашнҳои рӯзи 24 май дар Тоҷикистон ва ҷаҳон

Соли 2012 дар шаҳри Душанбе масоили ҳамкории амниятию низомии ду кишвари ҳамсоя — Тоҷикистону Афғонистон баррасӣ карда шуданд.

Соли 2013 Бунгоҳи интишороти "Майванд" китоби Эмомалӣ Раҳмонро таҳти унвони "Нигоҳе ба таърих ва тамаддуни ориёӣ" бо теъдоди ҳазор нусха, бо хати форсӣ ва бо сифати баланд дастраси хонандагони кишвари ҳамсоя – Ҷумҳурии Исломии Афғонистон гардонид.

Соли 2014 аз тарафи Сарвари давлат муҳтарам Эмомалӣ Раҳмон Қонуни Ҷумҳурии Тоҷикистон «Дар бораи ҳимоя ва дастгирии давлатии соҳибкорӣ» ба имзо расонида шуд

Ҷашнҳои рӯзи 26 май

  • Рӯзи байналмилалии забони ғайриоддӣ – эсперанто.
  • Дар Мадагаскар — Рӯзи истиқлолият.
  • Дар Россия — Рӯзи парашютчиён.
0
Барчаспҳо:
ҷашн, ҷаҳон, Тоҷикистон