Таҷаммуъ дар назди сафорати ҶТ дар Маскав

Ҳамоишҳои инфиродии эътирозӣ ба марги Умаралӣ дар Маскав

15
(Таҷдидшуда 16:14 29.10.2015)
Фаъолони ҷомеаи шаҳрвандӣ дар Маскав дар эътироз ба марги Умаралии 5-моҳа ва бегонаситезӣ силсилаҳамоишҳо ва роҳпаймоиҳои фардиро анҷом медиҳанд.

ДУШАНБЕ, 29 октября — Sputnik. Дар шаҳри Маскав силсила ҳамоишҳои эътирозии якранг дар робита ба марги Умаралӣ Назаров, муҳоҷири 5-моҳаи тоҷик, ки шоми 13 ба 14 октябр бо сабабҳои дар ҳоли ҳозир номаълум дар Санкт-Петербург ҷон дод, идома дорад.

Видео ва аксҳои ин ҳамоишҳо дар шабакаҳои ҷитимоӣ, аз ҷумла Facebook ба таври хеле фаъол мечарханд.

Ин муҳоҷири 5-моҳаи тоҷик баъд аз интиқол ба шуъбаи пулис аз модараш, ки ба иттиҳоми нақзи қавонини будубош дар қаламрави Русия боздошт шуда буд, тавассути кормандони Хадамоти федеролии муҳоҷирати ноҳияи Адмиралтейский ҷудо карда мешавад ва баъд аз якшабонарӯз ҷасади беҷони ӯ ба волидайнаш супорида шуд.

Яке аз корбарони фаъоли Фейсбук ва сокини шаҳри Маскав Наталя Иванова дар саҳифаи худ 40 аксеро гузоштааст, ки аз рафти таҷаммуъи сокинони маҳаллӣ хабар медиҳад. Тавре дар ин аксҳо дида мешавад, таҷамуъгарон аз ҳамватанони худ даъват мекунанд, дар робита ба марги муҳоҷири 5-моҳа бетараф набошанд.

Скриншот гузоштаи Наталья Иванова дар Fаcebook
Скриншот гузоштаи Наталья Иванова дар Fаcebook

Ба қавли хонум, Наталя Иванова, ин таҷаммуи инфиродии мусоламатомез рӯзи чаҳоршанбе дар назди бинои сафорати Тоҷикистон дар Маскав анҷом шудааст.

Дар баробари ин аксҳо дар саҳифаи расмии Ҳаракати сотсиалистии Русия дар Фейсбук навишта шудааст:

"Мо бовар дорем, ки марги ин кӯдаки ширхора ҳодисаи ногаҳонӣ нест. Он натиҷаи системаи нажодпарастие мебошад, ки миёни кормандони мақомоти ҳифзи ҳуқуқ зидди муҳоҷирон шакл гирифтааст. Мо таҳқиқи ҳамаҷонибаи ин қазия, гуманизатсияи қоидаҳои муҳоҷират ва ислоҳоти милитсия, аз ҷумла тоза кардани сохторҳои корҳои дохилӣ аз нажодпарасту бегонаситезонро талаб дорем".

Скриншот аз саҳифаи расмии Ҳарати сотсиалистии Русия дар Facebook
Скриншот аз саҳифаи расмии Ҳарати сотсиалистии Русия дар Facebook

Ин гуна таҷамуъҳои инфиродӣ инчунин дар ҷои анъанавии ҷамъшавии муҳоҷирон дар майдони "Сенное" сурат гирифтааст.

Ба назари сотсиалистон, танҳо ҳамбастагии шаҳрвандони Русия ва собиқ ҷамоҳири шӯравӣ зидди "бераҳмии пулис" метавонад, ба зӯроварие, ки қурбониёни аслии он қишри камбизоати тамоми миллатҳо мебошад, хотима бахшад.

Агар қазияи марги тифли панҷмоҳаи тоҷик Умаралӣ Назаровро дар Санкт-Петербург думболагирӣ доред, пас ин нишониро ангушт занед>>

 

 

15
Барчаспҳо:
ХФМР, Умаралӣ, таҷаммуъ, Умар, Санкт-Петербург, бино, Маскав, муҳоҷир, Русия, сафорат, таҷаммуи мусоламатомез, Ҳаракати сотсиалистии Русия, ФМС, Наталя Иванова, Санкт-Петербург, Тоҷикистон, Русия, Маскав
Мавзуҳо:
Вокуниши шадиди ҷомеъа ба марги Умаралии панҷмоҳа дар Санкт-Петербург (15)
Мигранты у здания Управления Федеральной миграционной службы России

Дар Русия 40% муҳоҷирон бо сабаби коронавирус бекор мондаанд

115
(Таҷдидшуда 15:12 09.07.2020)
Як таҳқиқот муаян кардааст, ки бештар аз 50% муҳоҷирон дар Русия тамоми манбаҳои даромади худро аз даст додаанд

ДУШАНБЕ, 9 июл — Sputnik. Дар Русия, бар асари пандемияи коронавирус бештар аз ҳама муҳоҷирони меҳнатӣ азият кашиданд, хабар медиҳад рӯзномаи тиҷоратии "Ведомости" бо истинод ба як пурсиши РАНХиГС.

Аз рӯйи натиҷаҳои ба даст омада, 40%-и муҳоҷирон ҳангоми пандемия бекор шуданд.

Илова бар ин, 35%-и муҳоҷирон маҷбур буданд ба рухсатии бемузд раванд.

Бештари тағирот ба муҳоҷироне, ки дар Маскав зиндагӣ мекарданд, таъсир расонд. Ҳамин тавр, 76% хориҷиён ҷои кори худро аз даст доданд ё ба рухсатии маҷбурӣ рафтанд.

Дар уммум 51% муҳоҷирон дар Русия ва 54% шаҳрвандони хориҷӣ дар Маскав гуфтаанд "ҳамаи манбаҳои даромад"-ро аз даст додаанд. Ҳамзамон, болоравии даромадҳо ва ё дар як сатҳ боқӣ мондани он танҳо 19% боқӣ мондааст.

Ёдовар мешавем, ки аз аввали сол ҷараёни муҳоҷират ба Русия нисбат ба ҳамин давраи соли 2019 беш аз 2 маротиба кам шудааст.

115

Коженов тағйиротҳо ҳангоми гирифтани патентро тавзеҳ дод

300
Раиси Федератсияи муҳоҷирони Русия Вадим Коженов тавзеҳ дод, ки аз 1 июл тартиботи гирифтани иҷозатномаи кор барои муҳоҷирон чигуна мешавад

ДУШАНБЕ, 8 июл — Sputnik. Раиси Федератсияи муҳоҷирони Русия Вадим Коженов дар мусоҳиба бо телевизиони "Мир-24" гуфт, ки аз 1 июл муҳоҷирони меҳнатӣ ҳангоми дархости патент бояд кадом тағйиротҳоро дар назар бигиранд.

Ӯ ёдрас шуд, ки 18 апрел раисҷумҳури Русия Владимир Путин фармонеро ба имзо расонид, ки мувофиқи он муҳоҷирони меҳнатӣ аз 15 март то 15 июн имтиёзҳои калон ба даст оварданд. Яъне, муҳоҷирон аз супурдани андози патент ва худро ба қайд гузоштан озод шуданд.

"Мақомоти Русия тамоми чораҷӯиҳоро андешиданд, то дар давраи мушкили карантин ба муҳоҷирон кӯмак расонанд", - таъкид кард Коженов.

Ёдрас мешавем, Русия аз 27 март, чун даҳҳо кишвари дигар, марзҳояшро баст ва парвозҳои байналмилалӣ лағв шуданд.

15 июн мӯҳлати амали фармони мазкур то 15 сентябр тамдид гардид.

"Ягона маҳдудият дар он аст, ки касе ки кор мекунад ва даромад дорад, бояд андози патентро супорад. Нафароне ки аз кор маҳрум шуданд, метавонанд, бидуни нигаронӣ аз ҷарима ва депорт дар ҳудуди Русия монанд", - гуфт президенти федератсия.

 

Ҳамчунин ӯ афзуд, ки ба муҳоҷирон иҷозат дода мешавад, ки бидуни убури сарҳад патент ба даст оранд. Зеро марзҳо бастаанд. 

Кӯмак: Коженов байни муҳоҷирон хӯрока тақсим кард - Навор

"Агар дар ин муддати зикргардида мӯҳлати патенти муҳоҷир ба анҷом расад, ӯ бидуни убури сарҳад метавонад навашро ба даст орад", - таъкид кард вай.

Раиси муҳоҷирон афзуд, ки Русия ба ворид шудани муҳоҷирон ба кишвар маҳдудияте ҷорӣ накардааст ва замоне ки карантин ба анҷом мерасад, хоҳишмандон метавонанд ба Русия сафар кунанд.

300

Паҳнсозони COVID–19 дар Тоҷикистон чӣ ҷазо мегиранд?

0
(Таҷдидшуда 21:14 09.07.2020)
Тағйироти ҷадид ба қонунгузории Тоҷикистон, ки мавриди амал қарор гирифтанд, барои паҳн кардани бемориҳои сироятӣ, аз ҷумла коронавирус ҷазои маъмурӣ ва ҷиноиро пешбинӣ мекунанд
Кадом ҷаримаҳо паҳнкунандагони коронавирусро дар Тоҷикистон таҳдид мекунанд
© Sputnik /

Тибқи меъёрҳои ҷадиди қонунгузории Тоҷикистон, барои паҳни иттилои бардурӯғ дар шароити пандемия ва амалисозии чораҳои қарантинӣ шахсони инфиродӣ аз 580 сомонӣ боло ва шахсони ҳуқуқӣ то 11,6 ҳазор сомонӣ ҷаримабандӣ хоҳанд шуд.

Инчунин нақзи қоидаҳои ниқобпӯшӣ дар ҷойҳои ҷамъиятӣ, аз ҷумла дар боғҳо, бозор, мағоза, қаҳвахона, нақлиёт ва ҳатто ҷои кор ҷарима дар ҳаҷми аз 116 то 290 сомонӣ дар пай дорад.

Ҷаримаҳои алоҳида барои риоя накардани меъёрҳои санитарию эпидемиологӣ пешбинӣ гардидаанд. Аз ҷумла барои нақзи қоидаҳои беҳдошт ҳангоми паҳншавии бемориҳои сироятӣ ҷазои пулӣ дар ҳаҷми аз 2 то 5 маоши ҳадди ақал пешбинӣ шудааст.

Эълони ҷазои Зиёев барои таҷовузи духтарчаи сесола - акс

Барои вайрон кардани қоидаҳои санитарию эпиемиологӣ ба шаҳрвандони қаторӣ аз 406 то 696 сомонӣ, ба соҳибкорон - аз 1160 то 3480 сомонӣ, мансабдорон - аз 3480 то 4640 сомонӣ, шахсони ҳуқуқӣ - аз 8700 то 11 600 сомонӣ таҳдид карда, дар сурати такрори қоидавайронкунӣ афзоиши ҷарима дар назар аст.

Инчунин бар асоси тағйирот дар қонунгузории Тоҷикистон, барои паҳнсозии бемориҳои сироятӣ ҷазои ҷиноӣ низ пешбинӣ шудааст. Аз ҷумла барои сирояти оммавии атрофиён аз 2 то 5 сол ва барои расондани зарари вазнин ба саломатӣ ё сироят, ки марг дар пай дорад, аз 5 то 10 соли зиндон дар назар аст.

0
Барчаспҳо:
дурӯғ, дезинформация, ниқоби сиёҳ, ҳабс, ҷарима, Тоҷикистон