Ҳамоишҳои инфиродии эътирозӣ ба марги Умаралӣ дар Маскав

© Страница Натальи Ивановой в FacebookТаҷаммуъ дар назди сафорати ҶТ дар Маскав
Таҷаммуъ дар назди сафорати ҶТ дар Маскав - Sputnik Тоҷикистон
Обуна шудан
Фаъолони ҷомеаи шаҳрвандӣ дар Маскав дар эътироз ба марги Умаралии 5-моҳа ва бегонаситезӣ силсилаҳамоишҳо ва роҳпаймоиҳои фардиро анҷом медиҳанд.

ДУШАНБЕ, 29 октября — Sputnik. Дар шаҳри Маскав силсила ҳамоишҳои эътирозии якранг дар робита ба марги Умаралӣ Назаров, муҳоҷири 5-моҳаи тоҷик, ки шоми 13 ба 14 октябр бо сабабҳои дар ҳоли ҳозир номаълум дар Санкт-Петербург ҷон дод, идома дорад.

ВАО: бозпурсии падару модари Умаралӣ Назаров дар шӯъбаи пулис

Видео ва аксҳои ин ҳамоишҳо дар шабакаҳои ҷитимоӣ, аз ҷумла Facebook ба таври хеле фаъол мечарханд.

Ин муҳоҷири 5-моҳаи тоҷик баъд аз интиқол ба шуъбаи пулис аз модараш, ки ба иттиҳоми нақзи қавонини будубош дар қаламрави Русия боздошт шуда буд, тавассути кормандони Хадамоти федеролии муҳоҷирати ноҳияи Адмиралтейский ҷудо карда мешавад ва баъд аз якшабонарӯз ҷасади беҷони ӯ ба волидайнаш супорида шуд.

Яке аз корбарони фаъоли Фейсбук ва сокини шаҳри Маскав Наталя Иванова дар саҳифаи худ 40 аксеро гузоштааст, ки аз рафти таҷаммуъи сокинони маҳаллӣ хабар медиҳад. Тавре дар ин аксҳо дида мешавад, таҷамуъгарон аз ҳамватанони худ даъват мекунанд, дар робита ба марги муҳоҷири 5-моҳа бетараф набошанд.

© аккаунт пользователя Натальи Ивановой в FAcebookСкриншот гузоштаи Наталья Иванова дар Fаcebook
Скриншот гузоштаи Наталья Иванова дар Fаcebook - Sputnik Тоҷикистон
Скриншот гузоштаи Наталья Иванова дар Fаcebook

Ба қавли хонум, Наталя Иванова, ин таҷаммуи инфиродии мусоламатомез рӯзи чаҳоршанбе дар назди бинои сафорати Тоҷикистон дар Маскав анҷом шудааст.

Дар баробари ин аксҳо дар саҳифаи расмии Ҳаракати сотсиалистии Русия дар Фейсбук навишта шудааст:

"Мо бовар дорем, ки марги ин кӯдаки ширхора ҳодисаи ногаҳонӣ нест. Он натиҷаи системаи нажодпарастие мебошад, ки миёни кормандони мақомоти ҳифзи ҳуқуқ зидди муҳоҷирон шакл гирифтааст. Мо таҳқиқи ҳамаҷонибаи ин қазия, гуманизатсияи қоидаҳои муҳоҷират ва ислоҳоти милитсия, аз ҷумла тоза кардани сохторҳои корҳои дохилӣ аз нажодпарасту бегонаситезонро талаб дорем".

© ОФициальная страница Российского социалистического движения в FacebookСкриншот аз саҳифаи расмии Ҳарати сотсиалистии Русия дар Facebook
Скриншот аз саҳифаи расмии Ҳарати сотсиалистии Русия дар Facebook - Sputnik Тоҷикистон
Скриншот аз саҳифаи расмии Ҳарати сотсиалистии Русия дар Facebook

Ин гуна таҷамуъҳои инфиродӣ инчунин дар ҷои анъанавии ҷамъшавии муҳоҷирон дар майдони "Сенное" сурат гирифтааст.

Ба назари сотсиалистон, танҳо ҳамбастагии шаҳрвандони Русия ва собиқ ҷамоҳири шӯравӣ зидди "бераҳмии пулис" метавонад, ба зӯроварие, ки қурбониёни аслии он қишри камбизоати тамоми миллатҳо мебошад, хотима бахшад.

Агар қазияи марги тифли панҷмоҳаи тоҷик Умаралӣ Назаровро дар Санкт-Петербург думболагирӣ доред, пас ин нишониро ангушт занед>>

 

 

Лентаи хабарҳо
0