Роҳ ба деҳоти Бадахшон

Тоҷикони Твер барои бунёди мактаб дар Бартанг пул ҷамъ мекунанд

31
(Таҷдидшуда 12:41 11.12.2015)
Дар натиҷаи заминларзаи 7 декабр дар ҳудуди вилояти Бадахшон 237 хона пурра хароб шуда, 588 тои дигар қисман вайрон гардидаанд. Аксари ин хонаҳои харобгашта марбут ба сокинони Рӯшонанд.

ДУШАНБЕ, 11 дек — Sputnik. Ҷамъияти тоҷикони Твер дар водии осебдидаи Бартанг мактаберо бунёд хоҳад кард, ки дар натиҷаи заминларза хароб шудааст.

Ҷамъияти тоҷикони вилояти Твери Русия ба раҳбарии Муқим Майбалиев аз омодагии худ барои бунёди мактабе дар водии Бартанг, ки дар натиҷаи заминларзаи 7 декабр хароб шуд, хабар додааст.

От средней общеобразовательной школы остались только камни и вывеска, кишлак Нусор
Предоставлено Насрулло Алиназаровым
От средней общеобразовательной школы остались только камни и вывеска, кишлак Нусор

Аз сӯи дигар, Хадамоти матбуоти Вазорати корҳои дохилии Тоҷикистон хабар дода буд, ки ҷамъияти тоҷикони ин вилоят ба суратҳисоби бонкии зарардидаҳои заминларза дар Бадахшон як миқдор маблағ ворид кардааст.

Қаблан дар шабкаҳои иҷтимоӣ ҳам ба осебдидаҳои заминларзаи 7 декабр ҷамъоварии маблағ шурӯъ гардида буд.

Дар гуруҳи "Pamir news"-и шабакаи иҷтимоии "Facebook" матлабе нашр шудааст, ки тибқи он хоҳишмандон метавонанд, тавассути як суратҳисоб дар Амонатбонк бо рақамҳои зерин кӯмаки худро фиристанд: 20202972600050571000 БИК 350101626 Корсчет 20402972316264 ИНН 720002556.

Ба ин ташаббус инчунин ду ширкати бузурги мобилии Тоҷикистон — "TCELL" ва "Beeline" ҳам пайвастанд. Муштариёни ин ширкатҳо метавонанд, тавассути ирсоли паёмак кӯмаки худро ба сокинони Бартанг расонанд.

Арзиши як паёмак 5 сомониро ташкил медиҳад. Аммо хоҳишмандон метавонанд, бо такрори ирсоли паёмак амали худро зиёд кунанд.

Тибқи иттилои мақомоти маҳаллӣ, дар натиҷаи заминларзаи 7 декабр дар ҳудуди вилояти Бадахшон 237 хона пурра хароб шуда, 588 тои дигар қисман вайрон гардидаанд. Аксари ин хонаҳои харобгашта марбут ба сокинони Рӯшонанд.

Мақомоти ноҳияи Рӯшони вилояти Бадахшон хисороти заминларзаи 7 декабр дар ин минтақаи кишварро 24 миллион сомонӣ муайян кардаанд.

31
Барчаспҳо:
водӣ, хароб, заминларза, мактаб, суратҳисоб, маблағ, кӯмак, изҳори омодагӣ, зилзила дар Бартанг, заминҷунбӣ дар Бадахшон, Ҷамъияти тоҷикони Твер, ВКД-и ҶТ, Муқим Майбалиев, Бартанг, Твер, Рӯшон, Бадахшон, Тоҷикистон, Русия
Мавзуҳо:
Зилзилаи Бадахшон ва бартарафсозии оқибатҳои он (16)
Мавзуъ
Мақомоти Рӯшон: заминларза ба ноҳия 24 млн зарар расонд
Чархболҳо ба маҳалли офат дар Бадахшон парвоз карда натавонистанд
Рубль, архивное фото

Боздошти шаҳрванди Тоҷикистон барои ситондани пул аз ҳамватан дар Русия

132
(Таҷдидшуда 20:18 28.11.2020)
Як шаҳрванди Тоҷикистон аз ҳамватанаш бо истифодаи зӯроварӣ ҳамаи маблағҳои доштаашро ситондааст. Муттаҳам боздошт шудааст

ДУШАНБЕ, 28 ноя — Sputnik. Аз шаҳрванди Тоҷикистон дар шаҳри Санкт Петербург наздики 150 ҳазор рубл ситонда шудааст, хабар дод ФАН бо такя ба мақомоти ҳифзи ҳуқуқ.

Ҷабрдида дар мақомоти ҳифзи ҳуқуқ изҳор доштааст, ки ӯро гурӯҳи муҳоҷирон мавриди фишор қарор додаанд. Ӯ таъкид кардааст, ки амали ин гуруҳро як нафар роҳбарӣ менамудааст.

Манбаъ афзуд, ки нахуст аз ҷабрдида 50 ҳазор рублашро гирифта, баъдан маҷбур кардаанд, ки боқимондаи пулро аз корти бонкияш гирифта диҳад.

Дар маҷмӯъ маблағе, ки аз ҷабрдида ситонда шудааст, 149 ҳазор рублро ташкил додааст.

Мақомоти ҳифзи ҳуқуқ изҳор доштаанд, ки муттаҳам дар ташкили ғоратгарӣ боздошт шудааст. Муайян гардидааст, ки ӯ ҳамватани ҷабрдида буда, феълан таҳқиқи ҳодиса идома дорад.

132
Трудовые мигранты, архивное фото

Бозгашт ба Тоҷикистон тариқи Ӯзбекистону Қирғизистон арзонтар аст

180
Бозгашти муҳоҷирони тоҷик аз Русия ба Тоҷикистон аз масирҳои Ӯзбекистону Қирғизистон хароҷоти камтари маблағ дорад

ДУШАНБЕ, 28 ноя — Sputnik. Дар ҳоле ки  чиптаи ҳавопаймо аз Маскав ба Душанбе ҳудуди 395 евроро ташкил медиҳад, бозгашт ба Тоҷикистон тариқи шаҳрҳои Ӯзбекистону Қирғизистон арзонтар аст, хабар додаст сомонаи Парстудей.

Манбаъ афзуд, қимати билет аз шаҳрҳои Русия ба Самарқанд 25 ҳазор рубли русӣ аст ва тоҷикҳо ҳазор то ҳазору 500 рубли дигарро барои ронандагони таксиҳо то марзи Тоҷикистон пардохт мекунанд.

“Ҳамчунин тоҷикҳои дорои тобеияти Русия, ки бо ширкатҳои ҳавопаймоии русӣ ба Қирғизистон меоянд, аз шаҳри Уши ин кишвар то Хуҷанди Тоҷикистон барои хадамоти таксӣ 150 то 200 сомонӣ пардохт мекунанд”, - омадааст дар матлаб.

Манбаъ афзудааст, ки парвоз ба шаҳрҳои Ӯзбекистону Қирғизистон барои бозгашти коргарони муҳоҷири тоҷик аз Русия 8 то 15 ҳазор рубл арзонтар тамом мешавад.

Қаблан далели гарон будани нархи чиптаҳоро масъулини ширкати тоҷикистонӣ ба пур кардани танҳо 60 дарсади сандалиҳо барои ҷилавгирӣ аз густариши Ковид 19, гаронии сӯхт ва ҳазинаҳои ҷонибӣ ба манзури хариди маводи зиддиуфунӣ унвон мекунанд

180

Дар Хатлон 941 иншооти тандурустӣ бунёду навсозӣ мешавад

0
(Таҷдидшуда 20:57 28.11.2020)
Дар вилояти Хатлон бахшида ба истиқболи сазовори 30-солагии Истиқлоли Тоҷикистон бунёди 941 иншооти тандурустӣ дар назар аст

ДУШАНБЕ, 28 ноя — Sputnik. Ба истиқболи 30-солагии Истиқлолияти давлатӣ ва баланд бардоштани сатҳу сифати хизматрасонии тиббӣ ба аҳолӣ дар вилояти Хатлон 532 иншооти соҳаи тандурустӣ бунёд гардидааст, хабар дод нашрияи парлумонии “Садои мардум”.

Манбаъ аз қавли шуъбаи иттилоотию таҳлилии Дастгоҳи раиси вилояти Хатлон хабар дод, то ҷашни Истиқлол дар вилоят бунёду навсозии 941 иншооти тиббӣ ба нақша гирифта шудааст, ки наздики 70 дарсади он мавриди баҳрабардорӣ қарор дорад.

“Аз ҷумла, 27 беморхона, 55 маркази саломатӣ, 159 бунгоҳи тиббӣ, 142 нуқтаи хатнакунӣ, 14 таваллудхона ва 135 дорухона дар хизмати аҳолӣ қарор дода шуд”, - омадааст дар иттилоия.

Таъкид шудааст, ки айни ҳол сохтмони иншооти калонҳаҷм, аз қабили бинои Маркази перинаталӣ ва Маркази табобатии бемориҳои қалб дар шаҳри Бохтар, Беморхонаи бисёрсоҳа бо 200 кати бистарикунонӣ ва Маркази саломатӣ барои қабули 300 бемор дар ноҳияи Қубодиён, Беморхонаи касалиҳои сироятӣ дар ноҳияи Данғара ва Беморхонаи рақамӣ дар ноҳияи Ҷалолиддини Балхӣ, бомаром идома дошта, дар арафаи анҷомёбист.

Инчунин, дар деҳот сохтмони бунгоҳ ва марказҳои саломатӣ идома дорад.

Нашрия зикр намудааст, ки ҳоло дар вилояти Хатлон 115 муассисаи сохтори госпиталӣ ва 41 муассисаи амбулаторию госпиталӣ фаъолият менамоянд.

0
Барчаспҳо:
сохтмон, Тоҷикистон