Муҳоҷир дар Маркази воҳиди муҳоҷират дар Сахаровои Маскав

Русия иҷозаи иқомаро барои бархе аз хориҷиён содда мегардонад

148
(Таҷдидшуда 11:26 24.02.2016)
Ҳукумати Русия тарҳи қонунеро, ки бар пояи он низоми гирифтани иҷозаи истиқомат аз рӯи низоми имтиёз ва доштани маълумоти зарурӣ барои хориҷиёнро фароҳам меорад, омода мекунад.

ДУШАНБЕ, 24 фев — Sputnik. Хадамоти федеролии муҳоҷират корро аз болои лоиҳаи қонуне, ки барои бархе аз шаҳрвандони хориҷӣ гирифтани иҷозаи истиқомат дар Русияро соддатар мегардонад, идома медиҳад, иттилоъ медиҳад дафтари матбуотии ХФМ ФР.

Ба қавли муовини аввали раиси хадамот, Екатерина Егорова барои ҷалби шаҳрвандони хориҷӣ ҷиҳати истиқомати доимӣ дар Русия механизмҳои зерин фаъоланд: барномаи ҳукуматии кумак ҳангоми кӯчидани ихтиёрии ҳамватанон, бақайдгирии содда ҳангоми маскуншавӣ, иҷозаи истиқомат ва гирифтани шаҳрвандии ФР.

"Бо ҳамин мақсад феълан ба тарҳи қонуне, ки тарзи баллии иҷозаи истиқомат  бо доштани маълумоти олӣ ва муносибатҳои меҳнатии  мувофиқ дар Русияро, пешбинӣ мекунад, машғулем",-изҳор дошт Егорова.

Муовини раиси хадамот қайд намуд, ки ин иқдом як роҳи нав барои интихоби дурусти муҳоҷирон- шаҳрвандони оянда хоҳад буд.

Айни ҳол  барои гирифтани иҷозаи истиқомат, шаҳрванди хориҷӣ бояд на камтар аз як сол дар ҳудуди Русия дар асоси иҷоза ва будубоши  муваққатӣ зиндагӣ карда бошад.

Ҳаҷми боҷи давлатӣ барои гирифтани барои гирифтани иҷозаи иқомат дар Русия 3 ҳазору 500 рубли русиро ташкил медиҳад. Дар баробари ҳуҷҷатҳои стандартӣ, довталаб бояд  санадеро, ки донистани забони руси, таърих ва қонунҳои Русияро тасдиқ мекунад, пешниҳод намояд.

148
Барчаспҳо:
иқдоми ҷадид, иҷозаи истиқомат, муҳоҷирон, муҳоҷират, интихоб, низоми баллӣ, соддагардонӣ, Хадамоти федеролии муҳоҷирати Русия, ХФМ, Екатерина Егорова, Маскав, Сахарово, Федератсияи Русия, Русия
Мавзуъ
ҶТ ва ФР чор санади ҳамкорӣ доир ба муҳоҷиратро ба имзо мерасонанд

Маскав дар ҷустуҷӯи 13 ҳазор муҳоҷири корӣ

166
(Таҷдидшуда 12:02 22.01.2021)
Аз 26 ҳазор ҷойҳои кории холӣ дар соҳаи сохтмон, хоҷагии манзилию коммуналӣ, хадамоти хаткашон, таксиҳо дар вилояти Маскав танҳо нисфаш банд аст

ДУШАНБЕ, 22 янв — Sputnik. Намояндаи Хадамоти давлатии муҳоҷирати назди ҳукумати Қирғизистон дар Русия Майрамбек Бейшенов гуфт, дар кадом соҳаҳо дар Федератсияи Русия эҳтиёҷоти шадид ба коргарони хориҷӣ эҳсос мешавад.

Ба гуфти ӯ, корфармоён дар Маскав ва вилояти Маскав барои пайдо кардани муҳоҷирон барои сохтмон, хадамоти манзилию коммуналӣ, хадамоти хаткашон, таксиҳо ва хӯроки умум дархостҳо равон кардаанд.

Аз 26 ҳазор ҷойҳои холии корӣ танҳо барои нисфи онҳо коргарон пайдо шуданд ва шумораи ҷойҳои корӣ низ меафзояд, илова намуд Бейшенов.

"Корфармоён, ҳам аз муассисаҳои давлатӣ ва ҳам ширкатҳои бузурги хусусӣ бо мо тамос гирифтанд. Онҳо ба ҷалби муташаккилона манфиатдор буданд. Аммо масъала ҳалли худро намеёбад, зеро барои овардани шаҳрвандони мо парвозҳои мунтазамро зиёд кардан лозим аст", - гуфт ӯ.

Дар Маскав қувваи корӣ намерасад: ВУД муҳоҷирони тоҷику ӯзбекро ҷалб мекунад

Ёдовар мешавем, ки муовини якуми сардори Вазорати корҳои дохилии Русия Александр Горовой дар ҷаласа изҳор дошт, ки Маскав норасоии муҳоҷирони кориро баръало эҳсос мекунад.

Дастури Путин барои сода кардани ҷалби муҳоҷирон ба сохтмонҳо

Вай афзуд, ки дар ҳоли ҳозир корҳои густардае барои ҷалби нерӯи корӣ аз хориҷ ба минтақа идома дорад.

166
Барчаспҳо:
муҳоҷирон, вилояти Маскав, Маскав, кор
Рабочие на строительной площадке, архивное фото

Дар Маскав қувваи корӣ намерасад: ВУД муҳоҷирони тоҷику ӯзбекро ҷалб мекунад

724
(Таҷдидшуда 21:11 21.01.2021)
Вазорати корҳои дохилаи Русия ва мақомоти шаҳри Маскав эълон кардаанд, ки пойтахти Русия ниёз ба муҳоҷирони меҳнатӣ ба хусус аз кишварҳои Тоҷикистону Ӯзбекистон дорад

ДУШАНБЕ, 21 янв — Sputnik. Ба гуфтаи муовини аввали Вазорати корҳои дохилаи Русия Александр Горовой, ин кишвар ба норасоии ҷиддии муҳоҷирони меҳнатӣ рӯ ба рӯ шудааст.  

Ҳамчунин намояндаи ВУД-и Русия таъкид доштааст, ки кормандони пулис ва мақомоти шаҳр барои ҷалби муҳоҷирони меҳнатӣ корҳои мушаххас анҷом медиҳанд.

Зарар аз муҳоҷират то туризм: Тоҷикистон соли 2021 - ро чӣ гуна пешвоз мегирад

“Мо дар якҷоягӣ бо департаменти ҳукумати пойтахт, маркази бисёрсоҳавии муҳоҷиратӣ барои ҷалби шаҳрвандони Тоҷикистону Ӯзбекистон ҳамкорӣ дорем, то онҳоро барои кор дар бахши сохтмон ҷалб намоем”, гуфт Горовой.

Муовини ВУД-и Русия илова кард, ки идора уҳдадор аст, раванди муҳоҷирати меҳнатиро зери назорат гирад.   

“Вазъи муҳоҷират бояд таҳти контрол боқӣ бимонад. Мушкилот буд, аммо ҳоло онҳо муайян шуданд. Пас аз бекор шудани маҳдудиятҳои коронаӣ, кишвар ба норасоии қуваи кории хориҷиён рӯ ба рӯ шуд”, - гуфт Горовой.

Ёдрас мешавем, ки дар миёни моҳи январи соли равон раисҷумҳури Русия Владимир Путин ба ҳукумати кишвараш дастур дод, ки то 1 март масъалаи ҷалби соддаи муҳоҷирони меҳнатӣ ба бахши сохтмонро баррасӣ намоянд.

724
Барчаспҳо:
Ӯзбекистон, Тоҷикистон, камбуд, норасоӣ, Маскав, муҳоҷирон, муҳоҷират, муҳоҷир, Русия
Эмамали Рахмон и Рустам Эмомали на открытии предприятия по переработке колючего и мраморного камня в Душанбе

Эмомалӣ Раҳмон дар "Шаҳраки донишҷӯён" хобгоҳ ва бинои нав ифтитоҳ кард

0
Кишвардори Тоҷикистон ва раиси шаҳри Душанбе дар "Шаҳраки донишҷӯён" бинои нави факултаи иқтисод ва молияро мавриди истифода қарор доданд

ДУШАНБЕ, 22 янв — Sputnik. Имрӯз бо иштироки раисҷумҳури Тоҷикистон Эмомалӣ Раҳмон ва раиси шаҳри Душанбе Рустами Эмомалӣ дар Донишгоҳи милли Тоҷикистон бинои нави факултаи иқтисод ва молия ва ҳамчунин хобгоҳи замонавӣ барои донишҷӯён мавриди истифода қарор дода шуд.

Ба иттилои котиботи раисҷумҳури Тоҷикистон, бинои нави таълимии факултетҳои иқтисодии Донишгоҳи миллии Тоҷикистон барои дар ду баст ба таҳсил фаро гирифтани 5048 нафар пешбинӣ шудааст.

Раҳмон дар Балҷувон аз бинои Хадамоти муҳоҷират то хобгоҳ ва боғчаи кудакон ифтитоҳ кард

Иншооти мазкур аз ду қисми 7-ошёнагӣ иборат буда, дар он факултети молиявию иқтисодӣ, иқтисод ва идора, баҳисобгирӣ ва иқтисоди рақамӣ ҷойгир мебошад.

Таъкид гардидааст, ки бинои нави таълимии факултетҳои иқтисодии Донишгоҳи миллии Тоҷикистон бо дастгирии Ҳукумати Ҷумҳурии Тоҷикистон аз ҷониби ширкати сохтмонии ватанӣ Ҷамъияти Дорои Масъулияти Маҳдуди "Азизӣ-сохтмон" бо тарҳи наву замонавӣ сохта шудааст.

Раҳмон гуфт, дар панҷ сол ҳоҷати воридот намемонад: ифтитоҳи корхонаи санги хорову мармар

Аснои шиносоӣ роҳбари давлат ба сифати корҳои сохтмонӣ ва тарҳи бино, ки аз ҷониби мутахассисони ватанӣ анҷом дода шудааст, баҳои баланд дод.

Раисҷумҳур пас аз ифтитоҳи иншоот аз устодон ва кормандони соҳаи илму маориф талаб намуд, ки дар самти тарбия намудани ҷавонони худогоҳу худшинос ва мутахассисони варзидаи талаботи бозори меҳнат бештар таваҷҷуҳ намоянд.

0
Барчаспҳо:
ифтитоҳ, бино, хобгоҳ, Рустами Эмомалӣ, Эмомалӣ Раҳмон