Асбобҳои миллии мусиқии Тоҷикистон дар осорхонаи Гурминҷи шаҳри Душанбе. Акс аз бойгонӣ

Фиттаи сурудҳои мардумӣ- “раҳовард” аз муҳоҷирони Тоҷикистон

175
(Таҷдидшуда 13:16 10.03.2016)
Зодагони Вилояти Мухтори Кӯҳистони Бадахшони Тоҷикистон нӯҳ суруди мардумиро бо забонҳои тоҷикӣ ва шуғнӣ омода ва пахш кардаанд. Албомро метавон дар чорабиниҳои фарҳангии диаспораи тоҷик бо нархи рамзӣ ба адаст овард.

ДУШАНБЕ, 10 мар — Sputnik. Дар Маскав албоми нав бо сурудҳои халқии тоҷикӣ дар иҷрои  муҳоҷирони меҳнатӣ таҳия шуд, менависад торнамои "Русия барои ҳама".

Фитта зери унвони Voices of Pamir. Two Sisters ("Садоҳои Помир." Ду хоҳар") аз нӯҳ суруд бо забонҳои тоҷикӣ ва шуғнонӣ иборат аст.

Ба иттилоъи манбаъ, кулли овозхонон аз ҷумлаи зодагони Вилояти Мухтори Кӯҳистони Бадахшон (ВМКБ)-Тоҷикистон мебошанд.

"Мо як рӯз истироҳатӣ гирифтем ва дар давоми 5-6 соат ин сурудҳоро тайёр кардем. Фирӯз Шабдолов (муаллифи лоиҳа) ба мо суруди "Ё Алӣ мадад"-ро пешниҳод кард ва Латофат онро сароид. Ба мо хеле писанд омад. Суруд ба дили одам медарояд. Мо аснои шунидани суруд ба зҳаяҷон афтодем, аммо мо боварӣ надоштем, ки фитта пурра, босифат ва зебо мебарояд",- нақл кард Покиза Қурбонасенова.

Бо шарофати фазои дӯстона, ки дар студия ҳукмфармо буд, сурудҳои нав ба нав тавлид мешуданд ва сарояндагон гоҳ гоҳ бадеҳа мехонданд, ки дар натиҷа сурудҳои қадима ранги нав мегирифтанд, вале аз асли худ дур намешуданд ва дурустии худро гум намекарданд.

Инчунин, ба лоиҳа сарояндагони барҷастаи эстрадӣ ва овозхонони наонқадар машҳур, вале мутахассис ҷалб карда шуданд. Яке аз онҳо Меҳрубон Назаров, писари овозхони дӯстдоштаи тоҷикистониён Далер Назаров мебошад. Ӯ  савтшиноси сурудҳо ва навозандаи басс-гитор аст.

Навозандаи саксафон- Икром Сатторов, аз аккордион бошад., муҳоҷири дигари тоҷик- Азизбек Худоёров буданд.

Таҳияи ниҳоии албом, ба қавли муаллиф,  дар Тоҷикистон анҷом ёфт.

"Ман ин сурудҳоро таҳия карда, маводро ба Душанбе бурдам. Он ҷо Далер Назаров (муаллиф) иловаҳо дохил кард, вале бештарашро чӣ гуна, ки буд ҳамон тавр гузоштем, зеро ин тавр дигар ҳеҷ кас намесарояд",- илова кард Шабдолов.

Ҳамаи иштирокчиёни лоиҳа якдигарро хуб мешиносанд, онҳо то омадан ба Русия дар ватан бо ҳам дӯстӣ доштанд.

Се нафари онҳо- Аҷам Чакабоев, Абдумамад Бекмамадов ва Покиза Қурбонасенова бо шарофати иштирок ва ҳаммуаллифӣ дар намоишномаи  "Акин-опера" дар "Театр. DOC"(ё "Баллада дар бораи муҳоҷирон") шӯҳрат пайдо карданд.

Намоиш моҳи сентябри соли 2012 баргузор шуда буд. Намоишнома номзади яке аз ҷоизаҳои машҳури театрии Русия "Ниқоби тиллоӣ" гардида, ба гирифтани мукофоти вижаи доварон мушарраф шуд.

Албоми "Садоҳои Помир. "Ду хоҳар" то имрӯз дар мағозаҳо ба фурӯш бароварда нашудааст.

Ба гуфти Фирӯз Шабдолов, фиттаро метавон дар баъзе чорабиниҳои фарҳангии диаспораи тоҷикон бо нархи рамзӣ ба даст овард.

175
Барчаспҳо:
суруд, фитта, мусиқӣ, муҳоҷират, муҳоҷирон, "Театр. DOC", Абдумамад Бекмамадов, диаспораи тоҷикон, Voices of Pamir. Two Sisters ("Садоҳои Помир." Ду хоҳар"), Азизбек Худоёров, Меҳрубон Назаров, Покиза Қурбонасенова, Фирӯз Шабдолов, Далер Назаров, вилояти Мухтори Кӯҳистони Бадахшони Тоҷикистон, Тоҷикистон, Русия, Маскав
Мавзуъ
Муҳоҷири тоҷик дар вилояти Брянск арӯс меҷӯяд

Муҳоҷиронро дигар ба марзи Қазоқистон намемонанд: полиси Самара роҳро назорат мекунад

129
(Таҷдидшуда 17:39 12.08.2020)
Муҳоҷирони меҳнатӣ, ки дар сарҳади Русия ҷамъ омада буданд, берун карда шуданд, аммо мақомоти минтақа барои пешгирии такрори ин ҳолат чораҳо меандешанд

ДУШАНБЕ, 12 авг — Sputnik.  Дар маҷмӯъ, то 7 август беш аз ду ҳазор шаҳрванди Узбакистон ва инчунин тақрибан сад шаҳрванди Тоҷикистон аз марзи Русия ва аз вилояти Самара хориҷ карда шуданд.

Дар ин бора ба Sputnik Тоҷикистон хадамоти матбуоти Ваколатдор оид ба ҳуқуқи инсон дар вилояти Самара Олга Галтсова хабар дод.

Ба иттилои манбаъ, бурдани шаҳрвандони хориҷӣ бар асоси марҳилаҳо сурат гирифта, мувофиқи омадани онҳо ба сарҳади Русия амалӣ карда шуд.

Номбурда гуфт, барои онҳое, ки меомаданд, лагери хаймаҳо бо тамоми шароити зарурӣ ташкил карда шуда буд.

Ба гуфти ӯ, шаҳрвандони Тоҷикистонро бо ҳавопаймо рӯзи 28 июл аз Қазон интиқол доданд ва охирин гурӯҳи муҳоҷирони ӯзбекро 7 август ба кишварашон сафарбар кардаанд.

Аммо эҳтимолияти он, ки муҳоҷирон ба доми қаллобон афтода, дубора ба сарҳади Русия биёянд, боқӣ мемонад, афзудааст Олга Галтсова.

Қиссаи бедаракшавии муҳоҷири тоҷик: аз латукӯб то гум шудани хотира-видео

"Бо мақсади пешгирии ҷамъшавии минбаъдаи шаҳрвандони хориҷӣ дар қаламрави ноҳияи Болшечерниговски вилояти Самара ва инчунин ҷилавгирӣ аз кӯшиши воридшавии онҳо ба қаламрави вилояти Оренбург, постгоҳи назоратӣ таъсис дода шуд", гуфтааст манбаъ.

129
Барчаспҳо:
Ӯзбекистон, Тоҷикистон, Қазоқистон, муҳоҷирон, марз, Самара, Русия
Мард, акс аз бойгонӣ

Қиссаи бедаракшавии муҳоҷири тоҷик: аз латукӯб то гум шудани хотира-видео

386
(Таҷдидшуда 15:25 12.08.2020)
Бобораҷаб Ҷавлиев, ки қариб 20 соли пеш аз Тоҷикистон ба Русия ба муҳоҷирати меҳнатӣ рафтааст, феълан хотираашро аз даст дода, дар боздоштгоҳи муваққатӣ дар Қазоқистон мебошад

ДУШАНБЕ, 12 авг — Sputnik. Ҷавлиев бори охир соли 2012 ба хонааш занг зада, хабар додааст, ки дар шаҳри Тула мебошад ва баъд аз он дигар бедарак шудааст.

Ҷавлиев дар Тоҷикистон волидон, зану ду фарзанд дорад, ки тайи 8 соли охир аз ӯ паёме нагирифтанд, гузориш дод шабакаи телевизионии Мир.

Маълум шудааст, ки Ҷавлиев ҳадафи латукӯб қарор гирифтааст, ки дар натиҷа хотираашро аз даст додаст. Ӯ мегӯяд, чӣ гуна дар Қазоқистон қарор гирифтанашро дар хотир надорад. Дар ин кишвар ба ӯ сокини маҳаллӣ Леонтий Демяшев сарпаноҳ додааст ва бо мурури бозгашти қисмани хотира Ҷавлиев тасмим гирифтааст, ки ба ватан назди хонаводааш баргардад.

Феълан Ҷавлиев дар боздоштгоҳи махсус барои шаҳрвандони бидуни аснод қарор дорад ва масъалаи бозгашти ӯ дар баррасии мақомоти Қазоқистону Тоҷикистон мебошад.

386
Барчаспҳо:
бедарак шудан, муҳоҷир, Тоҷикистон-Русия-Қазоқистон
Милиция Душанбе задержали трех блогеров

Писаракро чакан пӯшондаву дар сараш тухм шикастанд: ҳабси блогерон барои пранки таҳқиромез

151
(Таҷдидшуда 13:22 13.08.2020)
Чуноне дар навор дида мешавад як духтарак бо ду ҷавон ба тани ин писарбача либоси чакани духтарона пушонида, рӯяшро ҳамчун духтар бо маҳсулотҳои ороишӣ рангубор намуда, бар замми ин дар сараш тухм мешикананд

ДУШНБЕ, 13 авг — Sputnik. Милисаҳои Душанбе се шаҳрванд, ду ҷавон ва як занро барои пранки ғайриахлоқӣ баздошт намуда, ҳабс ва ҷарима кардаанд.

Тавре РВКД Душанбе гузориш додааст, 11-уми августи соли ҷорӣ дар як қатор сомонаҳои иҷтимоии интернетӣ наворе нашр гардид, ки дар он ҳолати аз ҷониби 2-3 нафар ашхоси ба ном "блогер" мавриди масхараву мазаммат қарор гирифтани як наврас инъикос ёфтааст.

"Ин амалу кирдори ноҷавонмардонаи ин блогерон мавриди вокуниши шадиди шаҳрвандону истифодабарандагони шабакаҳои иҷтимоии интернетӣ қарор гирифта, ҳамзамон як қатор корбарон аз Раёсати ВКД дар шаҳри Душанбе дархост намуданд, то пеши роҳи чунин бетартибӣ гирифта шуда, нисбати онҳо чораҳои дахлдори қонунӣ андешида шавад", - менависад манбаъ.

Воқеан чуноне дар навор дида мешавад як нафар ҷавонзан бо ҳамроҳии ду нафар ҷавонмард ба тани ин писарбача либоси чакани духтарона пушонида, рӯяшро ҳамчун духтар бо маҳсулотҳои ороишӣ рангубор намуда, бар замми ин дар сараш тухм мешикананд.

Дар давоми ин ҳама кирдорҳои зиддиқонунӣ "блогерҳо" наврасро ба масхара мегиранд, ки “ранги арӯси замонавӣ шуд”, “мо арӯс кофта гашта будем”, “гап нест дар ин арӯс” мегӯянд.

"Дар натиҷаи пешбурди корҳои фаврӣ-ҷустуҷӯӣ омодакунандагон ин навор муайяну дастгир ва ба мақомоти милитсия дастрас карда шуданд. Аз ҷумла инҳо Хоҷаев Аҳлиддин Зайниддинович, Муҳаммадиев Акбар Одилович ва Кулиева Матлуба Баҳодуровна мебошанд", -  тавзеҳ медиҳад РВКД ДУшанбе.

Зимни таҳқиқи ҳодисаи мазкур муайян карда шуд, ки банаворгирии "пранк"-и ғайриахлоқӣ ва дур аз фарҳангу маданияти тоҷикона бо маслиҳати пешакӣ ва розигии худи писарбачаи ноболиғ Д.Ф, соли таваллудаш 2006 сабт карда шуда, охирон яке аз хешовандони наздики боздоштшуда Хоҷаев Аҳлиддин ба ҳисоб мерафтааст.

Милиция Душанбе задержали трех блогеров
Милиция Душанбе задержали трех блогеров

Бо назардошти ҳолатҳои мазкур барои поймол намудани ҳуқуқҳои ноболиғ, ба таври оммавӣ паст задани шаъну шараф ва мавриди масхараву мазаммат қарор додани писарбачаи ноболиғ, ки муқаррароти Қонуни Ҷумҳурии Тоҷикистон "Дар бораи масъулияти падару модар дар таълиму тарбияи фарзанд" вайрон гардидааст.

Нисбати ҳамаи боздоштшудаҳо парвандаи маъмурӣ тартиб дода шуда, бо Қарори Суд Хоҷаев Аҳлиддин ва Муҳаммадиев Акбар ба муҳлатҳои 5 ва 7 шабонарӯзӣ ба ҳабс гирифта шудаанд.

Илова бар ин, бо назардошти дар тарбияи шаҳрванд Кулиева Матлуба мавҷуд будани кудаки ноболиғ, нисбаташ шартан ҷаримаи маъмурӣ ба андозаи 7 нишондиҳанда барои ҳисобҳо, баробар ба 406 сомонӣ таъин карда шудааст.

 

151