Вазъи муҳоҷирон дар ҷазираҳои Лесбоси Юнон

ХФМ Русия: сели муҳоҷиронро аз Ховари Миёна ба қайд нагирифтаем

24
(Таҷдидшуда 18:47 15.03.2016)
ХФМ Русия ворид шудани сели муҳоҷиронро аз кишварҳои Ховари Миёна, аз ҷумла Сурия ва Ироқ ба қайд нагирифтааст, изҳор дошт роҳбари мақомот Константин Ромодановский рӯзи сешанбе дар суҳбат ба рӯзноманигорон.

ДУШАНБЕ, 15 мар — Sputnik. Ба қавли Константин Ромодановский, ӯ наметавонад вазъи гурезаҳоро пешгӯӣ кунад, чунки инро ҳатто тасаввур кардан ғайриимкон аст.

"Чунки байни кишварҳои Ховари Миёна ва Русия мамлакатҳои зиёд ҷойгиранд ва долоне, ки миёни Русияву кишварҳои Осиёи Марказӣ вуҷуд дорад, миёни мову Ховари Миёна нест"-гуфт Ромодановский.

Гурезаҳои Сурия
© Инфографика

Ба қавли ӯ, дар Русия қисми "наонқадар зиёд"-и шаҳрвандони Сурия, Афғонистон ва Ироқ ба сар мебаранд ва "дар муқоиса бо мамлакатҳое, ки ҷараёни асосии муҳоҷирони меҳнатиро дар Русия ташкил медиҳад",  хеле кам мебошанд.

Айни замон дар Федератсияи Русия наздики 8 ҳазор шаҳрванди Афғонистон ва 11 ҳазор шаҳрванди Сурия ба қайд гирифта шудаанд, изҳор дошт роҳбари мақомот.

Сарони 28 кишвари ИА ва сарвазири Туркия ҳафтаи гузашта принсипҳои созишномаи муҳоҷиратро баррасӣ намуда, дар  ба хотима бахшидан ба муҳоҷирати ғайриқонунӣ аз Ховари Миёна ба ИА тавассути "масири Балкан" ва ҳамчунин барқарор намудани созишномаи Шенген дар дохили худи иттиҳод нигаронида шудааст ба мувофиқа расиданд.

Мувофиқи дурнамо, Туркия бояд муҳоҷирони ғайриқонунии ИА-ро ба кишвари худ баргардонида, ба ивази ҳар яки онҳо муҳоҷирон аз Сурияро равон кунад ва ҳамчунин ҳамаи муҳоҷирони ғайриқонунӣ, ки тавассути Туркия кӯшиши ба ИА рафтанро мекунанд, низ дар кишвари худ ҷой диҳад.

Дар иваз, Анқара музокироти либерализатсияи раводид ва гуфтушунидро оиди ҳамроҳшавӣ ба ИА, ҳамчунин ҷудо намудани 3 миллиард евро метезонад. Ғайр аз ин ҷонибҳо сари масъалаи беҳтар намудани вазъи гуманитарии Сурия кор хоҳанд кард.   

 

24
Барчаспҳо:
изҳори назар, ҷанг дар Сурия, гурезаҳо, паноҳандагон, муҳоҷират, муҳоҷирон, Хадамоти федералии муҳоҷират, ХФМ, Константин Ромодановский, Ховари Миёна, Сурия, Русия
Маркази имтиҳонгирӣ аз муҳоҷирон, акс аз бойгонӣ

Қабули қонуни нави имтиҳонгирӣ аз муҳоҷирон дар Русия

146
(Таҷдидшуда 13:04 26.11.2020)
Думаи давлатии Русия қонуни ҷадид дар бораи тартиби супоридани имтиҳон барои хориҷиён аз забони русӣ, таърих ва ҳуқуқ қабул кардааст

ДУШАНБЕ, 26 ноя — Sputnik. Қонуни марбут ба донистани забони русӣ, таърих ва ҳуқуқи Русия аз ҷониби шаҳрвандони хориҷие, ки хоҳиши кору иқомат дар қаламрави кишварро доранд, такмил дода шуд.

Аз ҷумла барои супоридани имтиҳон қоидаҳои нав муайян карда шудаанд.

Маълум шудааст, ки феълан дараҷаи мушкилии имтиҳон аз мақсади сафари хориҷиён ба Русия вобаста хоҳад буд. Яъне имтиҳонсупоранда нияти кор, иқомати муваққатӣ ва ё доимиро дорад.

Дар Русия тартиботи ягонаи гузарондани имтиҳон ва баҳои ҳадди ақал муқаррар ва нархи дақиқи имтиҳон муайян карда мешавад.

Маврид ба зикр аст, ки минтақаҳои алоҳида феҳрасти муассисаҳоро, ки ҳаққи гирифтани имтиҳонро доранд, мустақилона муайян мекунанд.

Бар асоси қонуни ҷадид, имтиҳонро танҳо муассисаҳое ҳаққи гузарондан доранд, ки шомили феҳрасти расмӣ гардидаанд.  Онҳо инчунин ба муҳоҷирон шаҳодатнома медиҳанд, ки муҳлати он аз мақсади ҳузур дар Русия вобаста мебошад.

БАОР гуфт, Тоҷикистон аз ҳамроҳшавӣ ба Иттиҳоди иқтисодии АвруОсиё чи фоида мебинад

Шаҳодатномаи сесоларо муҳоҷироне мегиранд, ки ҳаққи иқомати муваққатӣ, кор ва ё патентро доранд. Санади бемуҳлатро барои гирифтани иҷозатномаи иқомат – “ВНЖ” медиҳанд.

Қонуни ҷадид 180 рӯз баъди нашри расмияш мавриди амал қарор мегирад.

146
Барчаспҳо:
қонун, муҳоҷирон, Русия
Бинои Ҳукумати ФРДом

Рустами Эмомалӣ ба Алексей Оверчук: иҷрои 300 созишнома беҳбудии ҷиддӣ мехоҳад

591
(Таҷдидшуда 18:30 25.11.2020)
Рустами Эмомалӣ ва Алексей Оверчук масоили иқтисодӣ, фарҳангӣ ва муҳоҷирати меҳнатиро баррасӣ карданд

ДУШАНБЕ, 25 ноя – Sputnik. Раиси Маҷлиси миллии Маҷлиси Олии Тоҷикистон, раиси шаҳри Душанбе Рустами Эмомалӣ имрӯз бо муовини раиси Ҳукумати Русия, ҳамраиси Комиссияи байниҳукуматии Тоҷикистон ва Русия оид ба ҳамкории иқтисодӣ Алексей Оверчук мулоқот кард.

Бино ба гузориши дафтари матбуотии шаҳрдори Душанбе ин дидор дар бинои Ҳукумати Русия дар шаҳри Маскав баргузор шудааст.

Гуфта мешавад, ки иштирокчиёни вохӯрӣ ҳолати кунунӣ ва дурнамои муносибатҳои ҳамкории Тоҷикистон ва Русияро дар доираи санадҳои меъёрии ҳуқуқии мавҷудабаррасӣ кардаанд.

Дар ин мулоқот, Рустами Эмомалӣ ёдовар шудааст, ки асосҳои қарордодиву ҳуқуқии тарафайнро қариб 300 созишномаҳои байнидавлативу байнисоҳавӣ ташкил медиҳанд, ки иҷрои босифати онҳо беҳбудии ҷиддӣ тақозо мекунад.

Дар ин робита ба ҳамкории тиҷоратӣ-иқтисодӣ, ки самти афзалиятноки муносибатҳои дуҷонибаро ифода мекунад, таваҷҷуҳи хос зоҳир шудааст.

"Дар ҳашт моҳи соли равон гардиши мол байни ду давлат  720 миллион доллари амрикоиро ташкил дод", - садо дод дар ин дидор.

Корхонаҳои саноатӣ дар минтақаҳои озоди иқтисодӣ

Вобаста ба саноатикунонии иқтисоди кишвар, ки афзалияти стратегӣ эълон шудааст, таъсиси корхонаҳои муштараки истеҳсолӣ, аз ҷумла дар минтақаҳои озоди иқтисодӣ қобили қабул арзёбӣ гардидааст.

Ҷонибҳо манфиатдории худро дар рушди ҳамкорӣ дар соҳаҳои саноати истихроҷ ва коркарди маъданҳои кӯҳӣ, сӯзишворӣ-энергетикӣ, комплекси аграрӣ, ҳамчунин саноати сабук ва хӯрокворӣ иброз доштаанд.

Рустами Эмомалӣ дар ин робита ташкили Шӯрои байнидавлатиро оид ба ҷалби мустақими сармояи Русия ба Тоҷикистон мувофиқи мақсад донистааст.

Воридоти маҳсулоти ғизоӣ

Дар вохӯрӣ ҳамчунин ба масъалаи содироту воридоти маҳсулоти ғизоӣ ва сабзавоту мева манфиатдор будани ҷонибҳо мавриди гуфтугӯи ҷиддӣ қарор дода шуд.

Дар мулоқот таъкид гардид, ки самти фарҳангӣ-гуманитарии ҳамкорӣ, бахусус дар соҳаи маориф имконияту захираҳои фаровон дорад.

Омӯзиши забони русӣ дар Тоҷикистон

Дар ин дидор гуфта шудааст, ки дар Тоҷикистон барои омӯзиши забони русӣ шароити мусоид фароҳам карда мешавад.

Ҳамасола аз Русия ба мактабҳои Тоҷикистон беш аз 50 нафар омӯзгорон фиристода мешаванд.

Рустами Эмомалӣ аз тезонидани суръати сохтмони 5 мактаб дар Тоҷикистон дар асоси Созишномаи тарафайн изҳори назар карданд.

Ҷонибҳо аз муҳимияти масоили марбут ба муҳоҷирати меҳнатӣ дар шароити пандемия ёдовар шуда, зарурати барқарор намудани алоқаи мунтазами ҳавоии байни ду давлатро таъкид намудаанд.

Раиси шаҳри Душанбе Рустами Эмомалӣ изҳори боварӣ намудааст, ки Алексей Оверчук ба ҳайси ҳамраиси Комиссияи байниҳукуматии Тоҷикистон ва Русия оид ба ҳамкории иқтисодӣ,саҳми арзандаи худро дар рушду таҳкими ҳамаҷонибаи муносибатҳои стратегӣ ва иттифоқчигӣ байни ин ду кишвар мегузорад.

591
Барчаспҳо:
созишнома, Рустами Эмомалӣ
Мавзуъ
Рустами Эмомалӣ аз мушкили муҳоҷирон гуфт: афв то 15 декабр
Рустами Эмомалӣ аз интиқоли донишҷӯёну парвозҳо: шарҳи пурраи гуфтушунид - видео
Аз як даст садо намебарояд: Матвиенко ба Рустами Эмомалӣ зарбулмасали тоҷикӣ гуфт
Археологическая находка, копье найденное в махалле Умар Хайям города Куляба

“Ҳодисаи таърихӣ”: бозёфти 5-ҳазорсола дар Кӯлоб

0
(Таҷдидшуда 13:52 26.11.2020)
Мақомоти Кӯлоб дар сомонаи рамияш навиштаанд, ки дар шаҳр боз як ҳодисаи таърихию фаромӯшнашаванда рух дод

ДУШАНБЕ, 26 ноя — Sputnik. Тибқи иттилои шаҳрдорӣ, аз маҳаллаи Умари Хайёми шаҳри Кӯлоб сарнайзае ёфт шудааст, ки таърихи беш аз 5 ҳазорсола дорад.

Таъкид шудааст, ки дар пайи таҳқиқ ва пажӯҳиши ҳамаҷонибаи кормандони Институти таърих, археология ва мардумшиносии ба номи Аҳмади Дониши Академияи миллии илмҳои Тоҷикистон синни сарнайза муайян карда шуда, он ба Осорхонаи таъриху кишваршиносии 2700-солагии шаҳри Кӯлоб бозгардонида супорида шуд.

Ба иттилои шаҳрдорӣ, нигораи мазкурро Ноиби Президенти Академияи миллии илмҳои Тоҷикистон, Муҳаммад Абдураҳмон Наврӯз ва ҳайати ҳамроҳонашон - директори Институти таърих, бостоншиносӣ ва мардумшиносии ба номи  А.Дониш, Убайдулло Насруллоҳ Каримзода, мудири шӯъбаи бостоншиносии Институти таърих, бостоншиносӣ ва мардумшиносӣ, Сайфуллоев Нуриддин Назруллоевич дар як маросим  мудири кулли  муассисаи давлатии “Муҷтамаи ҷумҳуриявии осорхонаҳои Кӯлоб”, Ҳотам Раҷаби Асозода супориданд.

“Тасмим гирифта шуд, ки дар соли 2021 бахшида 30-юмин солгарди Истиқлолияти давлатӣ дар Осорхонаи таъриху кишваршиносии 2700-солагии Кӯлоб экспозитсияи мукаммали 5 ҳазорсолагии Кӯлоб ташкил ва барои тамошо пешкаш мешавад”, - омадааст дар иттилоия.

0
Барчаспҳо:
бозёфт, таърих, Тоҷикистон