Маркази воҳиди муҳоҷират дар рустои Сахаровои Маскав. Акс аз бойгонӣ

Коршинос: бимаи тиббӣ бо нархи 10 ҳазор рубл барои муҳоҷир ҷабр аст

225
(Таҷдидшуда 18:47 16.03.2016)
Ба гуфти роҳбари Бунёди рушди муносибатҳои байналмиллалии "Добрососедство" Юрий Московский, бо сабаби манъи вуруди шаҳрвандони Осиёи Марказӣ ба Русия бидуни бимаи тиббӣ, муҳоҷирон аз сафар худдорӣ мекунанд, ё ба “соя” мераванд.

ДУШАНБЕ, 16 мар — Sputnik. Вазорати тандурустии Федератсияи Русия дар барои вуруди муҳоҷирон бидуни бимаи тиббӣ, ки ба гуфтаи бимакунандагон на кам аз 10 ҳазор рубли русӣ нарх дорад, пешниҳод кард. Тағйиру иловаҳоро ба қонун "Дар бораи тартиби баромадан аз ФР ва вуруд ба Русия" мақомот ба муҳокимаи умумӣ вогузошт. Дар сурати қабули қонун миллионҳо шаҳрвандони хориҷӣ зарар хоҳанд дид, иттилоъ медиҳад Sputnik Ӯзбакистон.

Маблағи суғурта бояд 2 миллион рубли русиро ташкил диҳад ва кафолати таъмини ёрии тиббиро дар ҳолатҳои оҷилӣ бидиҳад. Тибқи қонунгузории Федератсияи Русия, муҳоҷирон дар айни замон бояд суғуртаи тиббӣ дошта бошанд, вале маблағу мӯҳлати он муайян карда намешавад. Зиёда аз ин суғуртаи тиббӣ яке аз шартҳои гирифтани патент ба шумор рафта, нархи миёнаи он 5,5 ҳазор рубли русиро ташкил медиҳад.

Сарвари Бунёди рушди муносибатҳои байналмиллалии "Добрососедство" Юрий Московский ба Sputnik изҳор дошт, ки чунин тадбирҳо ба  мушкилоти бузург оварда мерасонад, зеро аён аст "муҳоҷироне, ки 20 ҳазор рубл музд мегиранд наметавонанд бо маблағи 10 ҳазор рубл суғурта харидорӣ кунанд".

"Меъёри оқилона ҳамеша вуҷуд дорад. Ин мардумро маҷбур месозад, то аз сафар ба Русия худдорӣ намояд ё ба "соя" раванд",-қайд кард коршинос.

Ба қавли оқои Московский чунин тадбирҳо бо мақсади пур кардани буҷаи давлат "аз ҳисоби аҳолии нодор" ва ҳамчунин камии маоши шаҳрвандон дар Русия  пинҳон аст.

"Ин бештар аз истисмор аст, ба назари ман ин нодуруст аст ",-гуфт ӯ.

Ҷаноби коршинос эътимод дорад, ки ҳамаи муҳоҷирон суғуртаи тиббӣ доранд, чунки барои гирифтани патент ва иҷозатномаи кор бима яке аз ҳуҷҷатҳои муҳимтарин шумурда мешавад, вале муҳоҷирон суғуртаи тиббиро кам  истифода мебаранд.

"Қисми асосии суғурта (ёрии таъҷилӣ) фаъол аст, аммо онҳо дар ин роҳ ба русҳо- монанданд ба духтурон хеле кам муроҷиат менамоянд. Аз сабаби кори зиёдашон то лаҳзаи охир тоқат мекунанд. Айни замон маълум нест дар қиболи кадом табақаи аҳолӣ қонуни мазкур паҳн мешавад",-илова кард Московский.

Сели асосии муҳоҷирон аз Осиёи Марказӣ аз Узбакистон аст. Мувофиқи маълумоти ХФМ то 4 марти соли 2016, аз Қирғизистон дар ФР 348 ҳазор нафар, аз Тоҷикистон- 863 ҳазор, аз Қазоқистон- 625 ҳазор, аз Туркманистон- 24 ҳазор ва аз Узбакистон- 1,7 миллион муҳоҷир дар Русия кор ва зиндагӣ мекунанд.

Коршиносон бар ин назаранд, ки бимаи тиббӣ бо нархи 10 ҳазор рубл барои муҳоҷирони Осиёи Марказӣ хеле гарон аст.

225
Барчаспҳо:
муҳоҷир, муҳоҷират, истисмор, ҷабр, суғуртаи тиббӣ, бимаи тиббӣ, Бунёди рушди муносибатҳои байналмиллалии "Добрососедство", Хадамоти федералии муҳоҷират, ХФМ, Вазорати тандурустии Федератсияи Русия, Юрий Московский, Қирғизистон, Тоҷикистон, Ӯзбакистон, Русия
Рабочие на строительной площадке, архивное фото

Иҷозати Ҳукумати Русия барои вуруди муҳоҷирон аз Тоҷикистон

8053
(Таҷдидшуда 15:55 22.01.2021)
Вазорати сохтмони Русия хабар дод, ки ҳукумат низоми вуруди муҳоҷирон аз Тоҷикистон, Ӯзбекистон, Қазоқистон ва Туркия барои кор дар сохтмонҳоро тасвиб кард

ДУШАНБЕ, 22 янв — Sputnik. Ирек Файзуллин, вазири сохтмон ва хоҷагии манзили Русия иттилоъ дод, ки Ҳукумат ба ҷалби муҳоҷирон аз Тоҷикистон, Ӯзбекистон, Қазоқистон ва Туркия дар сохтмонҳо иҷозат дода, низоми вурудро тасвиб кард.

Вазир дар мулоқот бо бахши соҳибкорӣ дар Палатаи савдо ва саноат тавзеҳ дод, ки тасмими вуруди муҳоҷирон барои кор дар сохтмонҳои Русия бо усули “идораи дастӣ” сурат хоҳад гирифт.

“Комиссия бо Тоҷикистон, Ӯзбекистон, Қазоқистон ва Туркия аллакай ташкил карда шуд. Мо ин равандро бо идораи дастӣ роҳандозӣ кардем”, - гуфт Файзуллин.

Ӯ таъкид кард, ки ширкатҳои бузурги сохтмонӣ ва мақомоти маҳаллӣ бояд дархост барои вуруди теъдоди муайяни муҳоҷиронро таҳия кунанд. Феълан раванди мувофиқакунӣ ҳудуди се ҳафтаро дар бар мегирад.  

Файзуллин инчунин илова намуд, ки баъди кушода шудани марзҳо низоми вуруди муҳоҷирони меҳнатии хориҷӣ бозбинӣ хоҳад шуд.

Ин тасмим дар ҳолест, ки қаблан Владимир Путин, раисиҷумҳури Русия, ба кабинаи вазирон дастур дод, ки ба масъалаи сода кардани ҷалби муҳоҷирони меҳнатӣ ба сохтмонҳо расидагӣ кунад.

8053
Барчаспҳо:
муҳоҷирон, иҷозат, Русия, сохтмон, Тоҷикистон

Маскав дар ҷустуҷӯи 13 ҳазор муҳоҷири корӣ

328
(Таҷдидшуда 12:02 22.01.2021)
Аз 26 ҳазор ҷойҳои кории холӣ дар соҳаи сохтмон, хоҷагии манзилию коммуналӣ, хадамоти хаткашон, таксиҳо дар вилояти Маскав танҳо нисфаш банд аст

ДУШАНБЕ, 22 янв — Sputnik. Намояндаи Хадамоти давлатии муҳоҷирати назди ҳукумати Қирғизистон дар Русия Майрамбек Бейшенов гуфт, дар кадом соҳаҳо дар Федератсияи Русия эҳтиёҷоти шадид ба коргарони хориҷӣ эҳсос мешавад.

Ба гуфти ӯ, корфармоён дар Маскав ва вилояти Маскав барои пайдо кардани муҳоҷирон барои сохтмон, хадамоти манзилию коммуналӣ, хадамоти хаткашон, таксиҳо ва хӯроки умум дархостҳо равон кардаанд.

Аз 26 ҳазор ҷойҳои холии корӣ танҳо барои нисфи онҳо коргарон пайдо шуданд ва шумораи ҷойҳои корӣ низ меафзояд, илова намуд Бейшенов.

"Корфармоён, ҳам аз муассисаҳои давлатӣ ва ҳам ширкатҳои бузурги хусусӣ бо мо тамос гирифтанд. Онҳо ба ҷалби муташаккилона манфиатдор буданд. Аммо масъала ҳалли худро намеёбад, зеро барои овардани шаҳрвандони мо парвозҳои мунтазамро зиёд кардан лозим аст", - гуфт ӯ.

Дар Маскав қувваи корӣ намерасад: ВУД муҳоҷирони тоҷику ӯзбекро ҷалб мекунад

Ёдовар мешавем, ки муовини якуми сардори Вазорати корҳои дохилии Русия Александр Горовой дар ҷаласа изҳор дошт, ки Маскав норасоии муҳоҷирони кориро баръало эҳсос мекунад.

Дастури Путин барои сода кардани ҷалби муҳоҷирон ба сохтмонҳо

Вай афзуд, ки дар ҳоли ҳозир корҳои густардае барои ҷалби нерӯи корӣ аз хориҷ ба минтақа идома дорад.

328
Барчаспҳо:
муҳоҷирон, вилояти Маскав, Маскав, кор

Тасмими Собянин: дар Маскав коргарони сохтмонҳо эм мешаванд - ихтиёрӣ

0
(Таҷдидшуда 14:40 23.01.2021)
Ба таъкиди муовини раиси шаҳри Маскав, эмгузаронии сохтмончиён дар пойтахт танҳо бо хоҳиши худи онҳо сурат мегирад

ДУШАНБЕ, 23 янв — Sputnik. Дар ояндаи наздик, дар сохтмонгоҳҳои шаҳри Маскав пойгоҳҳои сайёри эмгузаронӣ пайдо мешаванд, хабар медиҳад РИА Новости бо такя ба маълумоти Андрей Бочкарев муовини раиси пойтахт оид ба сиёсати шаҳрсозӣ ва сохтмон.

"Мо нақша дорем, ки эмгузаронии оммавии бинокоронро гузаронем ва эҳтимол ин марказҳои сайёр бошанд, ки ҳамаи расмиёти заруриро иҷро мекунанд", - изҳор доштаст Бочкарев.

Ба таъкиди ӯ, эмгузаронӣ танҳо бо хоҳиши бинокорон сурат мегирад.

Аммо ӯ зикр намуд, ки алъон ҳамагон дар як вазъияти ташвишовар қарор доранд ва "ягона роҳи дуруст дар мубориза бо вирус, ин эм гирифтан аст".

Муовини Собянин мегӯяд, бунгоҳҳои эмгузаронӣ аллакай омода ҳастанд ва ҳамагӣ ду ё се ҳафта пас, эмгузаронии оммавӣ дар иншооти сохтмонии шаҳри Маскав доир мегардад.

Эмгузаронии оммавӣ алайҳи COVID-19 дар Русия оғоз мешавад-навор

Ногуфта намонад, ки аксари коргарони сохтмонҳо дар Русияро маҳз муҳоҷирон ташкил медиҳанд.

Эмгузаронии оммавӣ дар Русия сар аз 18 январ, пас аз супориши Владимир Путин оғоз ёфт. Ҳамакнун шаҳрвандони ин кишвар метавонанд бевосита аз миёни ду ваксинае, ки дар Русия сабти ном шудаанд, якеро интихоб намуда эм гиранд.

Ҳукумати Русия ҳанӯз моҳи декабри соли гузашта эълон намуд, ки нахуст пизишкону муаллимон, кормандони хизматрасонии иҷтимоӣ ва ҳамчунин нафароне, ки маризи қанду дил ва фарбеҳӣ доранд, эм мешаванд.

0
Барчаспҳо:
эмгузаронӣ, сохтмон, коргарон, Маскав
Мавзуҳо:
Пайомадҳои COVID-19 дар Тоҷикистон ва ҷаҳон