Ҷавонон дар Душанбе. Акс аз бойгонӣ

Ҷавононро аз хатари савдои одамон огоҳ месозанд

148
(Таҷдидшуда 13:01 31.03.2016)
Беш аз даҳ ҳазор ҷавонон аз хатари савдои одамон огоҳ мешаванд. Семинар-омӯзиш иборат аз се барномаи иттилоотӣ таҳти унвони “Ҳуқуқи худро бидон ва аз савдои одамон худро эмин дор” ҷавонони Тоҷикистонро аз ноҳияҳои гуногуни вилояти Суғд ҷамъ меорад.

ДУШАНБЕ, 31 мар — Sputnik. Семинари омӯзишӣ дар мавзӯъи огоҳии ҷавонон аз савдои одамон ва ҳимояи ҳуқуқи  муҳоҷирати меҳнатӣ имрӯз, 31 марти соли 2016 дар ноҳияи Ашт ба кори худ шурӯъ мекунад, иттилоъ медиҳад дафтари намояндагии Созмони байналмиллалии Муҳоҷират дар Тоҷикистон.

Чорабинӣ бо ибтикори Ассотсиатсияи "Зан ва ҷомеа" дар доираи лоиҳаи USAID "Шаъну эътибор ва ҳуқуқҳо"  баргузор мегардад. Дар семинари омӯзишӣ ҷавонони шаҳри Хуҷанд ва ноҳияҳои Ашту Бобоҷон Ғафуров иштирок хоҳанд кард.

"Бештари ҷавонони каммаълумот аз хатари гирифторӣ ба савдо ва истисмор осебпазиранд, чунки дар бораи шароити кору зиндагӣ ва қонунҳои кишвари бегона маълумот надоранд ва худро қонунан ҳимоя кардан наметавонанд. Ҳамчунин бо сабабе, ки таҷрибаи кору зиндагӣ берун аз шаҳри худро надоранд, ҳадафи осони ҷинояткорон мегарданд",- мегӯяд масъули Ассотсиатсияи "Зан ва ҷомеа" Муяссара Бобохонова.

Ҳадафи асосии омӯзиш баланд бардоштани маълумотнокии ҷавонон ва махсусан муҳоҷирони меҳнатӣ  ва пурзӯр гардонидани саҳми ҷомеаи шаҳрвандӣ дар ҳимояи ҳуқуқи инсон, ҳуқуқи муҳоҷирон ва дар умум ҳуқуқи аҳолӣ мебошад.

Имрӯз шаҳрвандони Тоҷикистон ба кишварҳои зиёди хориҷӣ аз қабили Русия, Қазоқистон, Аморати Муттаҳидаи Араб ва дигар мамлакатҳо муҳоҷир шудаанд.

Тибқи маълумоти Хадамоти Муҳоҷирати Меҳнатӣ танҳо дар қаламрави Русия 863 ҳазору 426 нафар (706 ҳазор мард ва 156 ҳазор зан)  муҳоҷир ба қайд гирифта шудаанд.

148
Барчаспҳо:
қочоқи инсон, тиҷорати одамон, савдои инсон, дарс, омӯзиш, муҳоҷир, муҳоҷират, лоиҳаи USAID, Ассотсиатсияи "Зан ва ҷомеа", СБМ, Муяссара Бобохонова, Ашт, Душанбе, Тоҷикистон, Суғд
Мавзуъ
Шарипов хост, риояи ҳуқуқи занони муҳоҷир дар Русия таҳқиқ шавад
Ширин Амонзода, вазири меҳнат, муҳоҷират ва шуғли аҳолии Тоҷикистон

Суҳбати вазир: аз гуфтушунид бо Маскав то нақшаи фиристодани муҳоҷирон ба дигар давлатҳо

3720
(Таҷдидшуда 17:36 27.02.2021)
Ширин Амонзода, вазири меҳнат, муҳоҷират ва шуғли аҳолии Тоҷикистон, мегӯяд, 95 дарсади муҳоҷирони меҳнатии кишвар ба Русия рост меоянд. Ӯ аз нияти Ҳукумат барои диверсификатсияи муҳоҷират ва фиристодани корҷӯёни тоҷик ба Корея, Қатар ва Аморати Муттаҳидаи Араб гуфт

ДУШАНБЕ, 27 фев — Sputnik. Ширин Амонзода мавзӯъҳои музокирот миёни Тоҷикистону Русия дар мавриди муҳоҷирони меҳнатиро баён дошт.

Амонзода дар суҳбат бо “Ҷумҳурият” изҳор доштааст, ки вазорат дар асоси дархости корфармоёни Русия, ки ба қувваи корӣ ниёз доранд, барои гирифтани иҷозаи вуруд ба ин кишвар тавассути хатсайрҳои чартерӣ гуфтушунид дорад.

Содагардонии ба қайд гузоштан ва гирифтани патент барои кор, баррасии авфи навбатии муҳоҷирони меҳнатӣ аз Тоҷикистон, барқарор кардани хатсайрҳои ҳавоии мунтазам байни ду давлат, дар бораи бо нафақа таъмин намудани шаҳрвандони Тоҷикистон, ки бо патент ва дигар санадҳои зарурӣ дар Федератсияи Русия кор мекунанд, аз мавзӯъҳои дигари музокирот бо мақомоти рус мебошанд, хабар додааст Амонзода.

Вазири меҳнат ва муҳоҷират илова намудааст, ки солҳои охир бо мақсади диверсификатсияи муҳоҷирати меҳнатӣ бо як қатор давлатҳои хориҷӣ созишномаҳои байниҳукуматӣ ба имзо расиданд.

Ӯ зикр намуд, ки аз ҷумла, соли 2018 бо Амороти Муттаҳидаи Араб ва соли 2019 бо Давлати Қатар Ёддошти тафоҳум оид ба танзими қувваи корӣ ба имзо расид.

“Айни замон бо мақсади татбиқи Ёддошти тафоҳум бо Давлати Қатар гурӯҳи кории ҷонибҳо таъсис ёфта, 2 декабри соли 2020 ҷаласаи якуми гурӯҳи корӣ (тавассути муоширати визуалӣ) доир шуд, ки дар он масъалаи сафарбар намудани шаҳрвандони Тоҷикистон ба Давлати Қатар баррасӣ гардид. Тарафҳо ба мувофиқа расиданд, ки барои амалисозии муқаррароти созишномаи мазкур нақшаи чорабиниҳоро таҳия ва тасдиқ намоянд”, - изҳор доштаст вазир.

Амонзода таъкид кардааст, ки аз ҷониби Муассисаи давлатии “Агентии бокортаъминкунӣ дар хориҷа”-и назди вазорат бо ширкати “Роял фелком секюрити”-и Амороти Муттаҳидаи Араб созишномаи ҳамкорӣ омода гардида, дар мувофиқаи тарафҳо қарор дорад. Бо Ҷумҳурии Корея низ корҳо дар ин самт ҷараён доранд, изҳор доштаст вазир.

Ин талошҳо дар ҳолеянд, ки феълан масири асосии муҳоҷират Русия боқӣ монда, марзбандиҳо боис гардидааст, ки бисёре аз корҷӯён натавонистаанд ба ин кишвар сафар намоянд.

3720
Барчаспҳо:
Русия, муҳоҷират, Тоҷикистон
Медицинская каталка в больнице, архивное фото

Сӯхтор дар Толятти: муҳоҷири тоҷик ду фарзандашро наҷот доду кӯдаки ду - солааш ҷон бохт

555
(Таҷдидшуда 14:11 25.02.2021)
Сӯхтор дар як анборе сар зад, ки муҳоҷири тоҷик ҳамроҳ бо зану се фарзанди худ ба сар мебурд

ДУШАНБЕ, 25 фев — Sputnik. Дар ноҳияи Толятти Русия дар як анбор сӯхтор сар задаст, ки талафоти ҷонӣ дар пай дошт. Котиботи шӯъбаи назорати вилояти Самара хабар медиҳад, ки дар сӯхтор кӯдаки 2 - сола аз Тоҷикистон ҷон бохтааст.

Ба иттилои манбаъ, дар анбори мазкур як хонаводаи тоҷик зиндагӣ мекарданд. Ҳодисаи нохуш рӯзи 24 феврал сар задаст ва сабаби он "нодуруст истифода шудани дастгоҳи гармидиҳӣ" арзёбӣ мешавад.

Манбаъ меафзояд, муҳоҷири тоҷик ду фарзанди худро аз алангаи оташ берун овард, вале фарзанди 2 - солаи ӯ ҷон аз даст дод.

Гуфта мешавад, волидони кӯдаки марҳум ҳоло дар беморхона қарор доранд.

Зимнан, қайд мешавад, ки пас аз сӯхтор прокуратура санҷиш ташкил карда, дар ҷараёни он маълум гардид, ки анбор барои фаъолияти тиҷоратӣ бо иштироки муҳоҷирон истифода шудааст. Ҳоло қонунӣ будани кори шаҳрвандони хориҷӣ тафтиш карда мешавад.

Зодагони Тоҷикистон дар Петербург мардумро аз коми оташ наҷот доданд - навор

Мақомот аллакай аз рӯи ҳодисаи мазкур парвандаи ҷиноӣ боз карданд.

555
Барчаспҳо:
тоҷик, муҳоҷир, сӯхтор, Толятти

Бибии 77-сола дар TikTok миллион тамошобин ҷамъ овард

0
Екатерина Горбунова аз шаҳри Ейскаи Русия ситораи ҳақиқии Интернет шуд

Пирӣ ба бибии нафақахӯри  77-сола монеаи байни ҷавонон буданаш нашудааст. 

Нафақахӯр фаъолона видеоҳои ҳаҷвиро ба навор мегирад ва дар TikTok мегузорад.

Ситораи Tik Tok, зодаи Тоҷикистон Дина Саева табобат мегирад

Ба корбарон чунин амалҳои бибӣ писанд омадааст ва ӯро блогери комил гуфтан мумкин аст.

Бибӣ феълан дар саҳифааш дар Тикток  500 ҳазор аъзо дорад, аммо ӯ ин шумораро боз ҳам бештар карданист.

 

Наворҳояшро то миллион бор тамошо кардаанд.

"Tik Tok" аз раисҷумҳури Амрико ба додгоҳ шикоят мебарад

Тафсилоти ҷолибро аз навори мо тамошо кунед.

0