Муҳоҷирон дар маркази воҳиди муҳоҷират. Акс аз бойгонӣ

Ин шӯхӣ нест: дар Петербург муҳоҷиронро аз мусофиркаш "пеш" мекунанд

629
(Таҷдидшуда 18:40 22.04.2016)
Вакилони Маҷлиси қонунбарори Санкт-Петербург рӯзи 27 апрел тарҳи қонун “Дар бораи хидмати шаҳрвандӣ-иҷтимоӣ дар ФР”-ро ба баррасӣ мегиранд. Дар сурати тасвиби ин санад дар шаҳри соҳили Нева муҳоҷирон дигар наметавонанд мураббия, ронандаи мусофиркаш ва кӯчаруб шуда кор кунанд.

ДУШАНБЕ, 22 апр — Sputnik. Вакилони Маҷлиси Санкт-Петербург ҳафтаи оянда масъалаи марбут ба муҳоҷиронро муҳокима карданианд.

Намояндаи парлумони минтақа Андрей Анохин пешниҳод мекунад, ки ба муҳоҷирон дар чанд соҳа иҷозаи кор надиҳанд. Ҳамин тавр имкон дорад, баъди чанде миёни мураббияҳо, ҳавлирӯбу фаррошҳо ва ронандагони такси муҳоҷиронро дигар набинем.

Ба қавли ӯ, дар давраи бӯҳрони иқтисодӣ беҳтар аст барои русиягиҳо ҷойи кор созмон бидиҳанд, на барои омадаҳо аз хориҷа.

"Бовар кунед, ҳоло муҳоҷирон дар ҳама ҷо ҳастанд, ба кор қабул кардани онҳо барои кордиҳанда манфиатовар аст, яъне андоз намесупоранд. Дар ҳамин ҳол, шаҳрвандони мо ҷои кор пайдо карда наметавонанд, ин вазъро дигар бояд кард",- иброз дошт муаллифи қонун Андрей Анохин дар суҳбат бо Sputnik Тоҷикистон.

Ӯ мӯътақид аст, ки ҳаводиси Брюссел бори дигар нишон доданд, ки муҳоҷират як раванди танзимнашаванда ва берун аз назорат аст. Анохин меафзояд, онҳо (муҳоҷирон- шарҳ аз идора) дунёи худро доранд, минтақаи пӯшидаи худро барои зист созмон медиҳанд, забони русиро намеомӯзанд, ба фарҳанги русӣ арҷ намегузоранд.

Дар ҳамин ҳол, ҳуқуқшиноси маъруф Виктор Травин, роҳбари коллегия адвокатҳои "Ҳимояи ҳуқуқии соҳибони нақлиёт" (Правовой защиты автовладельцев) аз ин ибтикори вакили мардумӣ ба "ҳайрат" афтодааст.

"Вай ба назарам то ҳанӯз намедонад, ки тибқи кодекси "Дар бораи ҳуқуқвайронкунии маъмурӣ" ва қонун "Дар бораи бехатарии ҳаракат дар роҳ" дар сари чанбараки мусофиркаш будани муҳоҷиронро манъ карда шудааст",- илова кард коршинос.

Аммо оқои Анохин бо мавқеъи ҳуқуқшинос мухолиф аст ва рӯйи пешниҳоди худ пофишорӣ мекунад.

"Ҳама хуб медонанд, ки муҳоҷирон мадрак (права)-и ронандагии русӣ мегиранд ва пушти чанбари мошин мешинанд. Аммо ман боз як бори дигар такрор мекунам, гап сари ин нест, дар ҳар ҳолат бояд шаҳрвандони Русия бо ҷои кор таъмин шаванд, на муҳоҷирон",- қайд кард вакили Маҷлиси қонунгузории Санкт-Петербург.

Ба маълумоти ӯ, дар ҳоли ҳозир дар Петербург наздики 600 ҳазор ва дар Маскав қариб 2 миллион муҳоҷир кору фаъолият доранд.

Агар вакилони маҷлиси пойтахти шимолии ФР ин пешниҳодро қабул кунанд, баъди чанде он барои баррасӣ ва тасвиб ба Думаи давлатӣ ироа мегардад. 

629
Барчаспҳо:
фаррош, кӯчарӯбӣ, маршрут, таксӣ, ронанда, мусофиркашонӣ, манъ, муҳоҷирон, Маҷлиси қонунбарори Санкт-Петербург, Думаи давлатӣ, Виктор Травин, Андрей Анохин, Петербург, Санкт-Петербург, Русия
Мавзуъ
Иттиҳоми “роҳандозии муҳоҷирати ғайриқонунӣ” ба ду муҳоҷири тоҷик
Бинои сафорати Тоҷикистон дар Русия, акс аз бойгонӣ

Пулгирӣ аз тоҷикон бо ваъдаҳои дурӯғи бозгашт ба Ватан: ҳушдори Сафорат

526
Сафорати Тоҷикистон дар Русия ҳушдор додааст, ки вақтҳои охир бархе афрод бо ваъдаи ташкили сафар ба Ватан тариқи автобусҳо аз шаҳрвандони Тоҷикистон пул гирифтаанд

ДУШАНБЕ, 31  май — Sputnik. Рӯзҳои охир аз тарафи баъзе шахсони манфиатҷӯ ва ғаразнок дар бораи он, ки гӯиё тавассути нақлиёти заминӣ, аз ҷумла автобусҳо, сафар намудан ба Тоҷикистон имконпазир аст, миёни шаҳрвандон маълумоти беасос ва нодуруст паҳн карда мешавад, хабар додаст Сафорат.

“Ҳамчунин, ҳолатҳое мушоҳида шудааст, ки нафарони тамаъҷӯ шаҳрвандонро фирефта намуда, барои сафар ба Тоҷикистон аз онҳо маблағ гирифтаанд”, - омадааст дар иттилоия.

Ин ниҳод аз шаҳрвандон даъват кардааст, ки ба маълумоти шубҳанок ва носанҷида бовар накарда, аз сафар ба самти Тоҷикистон тавассути нақлиёти заминӣ худдорӣ намоянд.

“Зеро сарҳадҳои давлатӣ миёни Русия, Қазоқистон, Ӯзбекистон ва Тоҷикистон бо мақсади пешгирӣ аз эпидемияи коронавирус ҳанӯз ҳам баста мебошад ва воридшавӣ ба қаламрави давлатҳои мазкур, аз ҷумла тавассути воситаҳои нақлиёти заминӣ, манъ аст”, - тавзеҳ додаст Сафаорат.

Намояндагии Тоҷикистон илова намуд, ки дар сурати ташкил шудани рейсҳои чартерии ҳавопаймоҳо ва ё барқарор шудани хатсайрҳои мунтазам, инчунин кушодашавии сарҳадҳо, расман шаҳрвандон хабардор карда мешаванд.

Ба шаҳрвандон барои гирифтани иттилои иловагӣ рақамҳои телефон, аз ҷумла дар Маскав,  +7 (926) 411 09 61, +7 (995) 501 87 33, +7 (985) 740 02 12,  +7 (495) 690-41-86, шаҳри Санкт-Петербург, +7 (961) 611 16 17, +7 (812) 490 47 46, шаҳри Уфа, +7 (347) 276 52 96, +7(927) 231 71 71, +7(927) 945 65 66, шаҳри. Екатеринбург, +7 (922) 115 33 19, +7 (343) 370 23 60 ва шаҳри Новосибирск рақамҳои +7 (913) 487 38 22, +7 (383) 349 59 70 пешниҳод шудаанд.

526
Барчаспҳо:
муҳоҷирон, фиреб, Русия, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Молитва, архивное фото

Даргузашти Ҳоҷӣ Эҳсоншо, президенти “Ванҷ Фуд” аз коронавирус-акс

2506
(Таҷдидшуда 13:10 29.05.2020)
Ҳоҷӣ Эҳсоншо Мунавваров, президенти ширкати “Ванҷ Фуд”, ки моҳи равон ба синни 43 расид, бар асари коронавирус даргузашт

ДУШАНБЕ, 29  май — Sputnik. Наздикони Мунавваров мегӯянд, ӯ қариб як ҳафтаи охир дар шӯъбаи эҳё қарор дошт ва соати 11 ба 12-и шаби гузашта дар шаҳри Твер ҷон дод.

Эҳсон Раҳмихудоевич Мунавваров зодаи деҳаи Бунайи Ванҷ буда, 2 майи соли 1977 таваллуд шудааст. Мактаби деҳаро хатм карда, ба муҳоҷират ба Русия рафтааст. Дар Донишгоҳи улуми иҷтимоии Маскав чаҳор сол таҳсил намуда, ба далели шуғлаш ба тиҷорат онро ба анҷом нарасондааст.

Ҳоҷӣ Эҳсоншо Мунавваров, ки аз соли 1994 дар Русия қарор дошт, молики ду ширкат-Ванҷ Фуд ва “Арзан Голд” мебошад, ки дар бахшҳои гуногун фаъолият доранд.  Ӯ маҳсулоташро бо унвонҳои “Дары Таджикистана”, “Таджикчай”, “Памир”, “Бунайчай” пешниҳод мекард.

Тибқи иттилои сомонаи vanj.info, Эҳсоншо Мунавваров барномаи хайрияи хешро дошт, ки ба мустаманду дармондагон дасти ёрӣ дароз карда, дар созмондиҳӣ ва адои корҳои хайр дар миёни ҳаммеҳанони шаҳри Твер аз пешсафон буд.

Ӯ изҳор дошта буд, ки “ҳоли зору машаққати бархе аз ҳаммеҳанон дар мулки ғариб андӯҳгинаш менамояд, аз аъмоли бади бархе аз ҳаммеҳанон, ки миллатро бадном мекунанд, сахт озурдаву нороҳат мешавад. Вале худ мекӯшад ба қадри тавон барои баланд бардоштани обрӯи миллат коре анҷом диҳад”.

2506
Мавзуҳо:
Пайомадҳои COVID-19 дар Тоҷикистон ва ҷаҳон
Помощь Эмомали Рахмона для врачей ГБАО

Кумаки Эмомалӣ Раҳмон ба 166 хонаводаи пизишкони ВМКБ - аксҳо

0
(Таҷдидшуда 13:33 01.06.2020)
Президенти Тоҷикистон Эмомалӣ Раҳмон ба табибони Вилояти Мухтори Кӯҳистони Бадахшон кумаки озуқаворӣ равон кард

ДУШАНБЕ, 1 июн – Sputnik. Эмомалӣ Раҳмон ба 166 хонаводаи табибони ВМКБ кумак кард, хабар медиҳад мақомоти ҳокимияти давлатии вилоят.

Бино ба иттилои манбаъ, кумаки навбатии президент, барои дастгирии намудани табибони Вилояти Мухтори Кухистони Бадахшон, ки дар ин рӯзҳои мушкил бо бемории сироятии короновирус ё худ COVID - 19 мубориза бурда истодаанд дастрас гардид.

"Кӯмак аз қабили пиёз, сабзи, картошка, орд, шакар ва дигар маҳсулоти хӯрокворӣ иборат буда, тавассути кормандони масъули дастгоҳи раиси вилоят дастраси 166 хонаводаҳои табибон гардид", - омадааст дар хабарнома.

Эмомалӣ Раҳмон ба ВМКБ 20 тонна кумаки башардӯстона равон кард - аксҳо

Ёдрас мешавем, ки пештар ҳам президент ба Вилояти Мухтори Кӯҳистони Бадахшон 20 тонна кумаки иборат аз доруворӣ, либосҳои фардии муҳофизатӣ барои табибон, ниқоб, маҳлулхои безараргардонӣ ва маводи озуқаворӣ кумак карда буд.

Кумаки Эмомалӣ Раҳмон ба сокинони ВМКБ: 45 мошин маводи ғизоию тиббӣ фиристод

0
Барчаспҳо:
пизишкон, кумак, Эмомалӣ Раҳмон, ВМКБ
Мавзуҳо:
Пайомадҳои COVID-19 дар Тоҷикистон ва ҷаҳон