Порчае аз намоишномаи Кори бегона

Филм дар бораи муҳоҷири тоҷик дар Шветсария соҳиби ҷоиза гардид

71
(Таҷдидшуда 13:23 27.04.2016)
Намоишнома дар фестивали байналмиллалии филми ҳуҷҷатӣ яке аз ҷойҳои намоёнро соҳиб шуд. Филм дар бораи зодаи Тоҷикистон, ки ба Русия бо орзуи ҳунарманд шудан меояд, нақл мекунад.

ДУШАНБЕ, 27 апр — Sputnik. Намоишномаи Денис Шабаев "Кори бегона" дар бахши "Ҷадидтарин дебют" дар ҷашнвораи байналмиллалии филмҳои мустанади "Visions du Réel" (Нигоҳи воқеъӣ) дар шаҳри Нони Шветсария ғолиб омад, иттилоъ медиҳад сомонаи "Русия барои ҳама".

Филм дар бахши "Нигоҳи нав" ба намоиш гузошта шуда буд.

Намоишномаи ҳуҷҷатӣ дар бораи муҳоҷири тоҷик, ки ба Русия натанҳо ба хотири кор балки барои ҳунарманд шудан омадааст, нақл мекунад.

"Фаррух муҳоҷири меҳнатӣ аст. Ҳамроҳи падар, модар ва бародаронаш дар Маскави нав умр ба сар мебаранд ва ба кори дӯстдоштааш машғул мешавад. Вале ба хотири ҳунарманд шудан ӯ зану фарзандонашро дар Тоҷикистон танҳо мондааст. Чун ӯ мехоҳад ҳунарманд, актери машҳур шавад",-чунин аст муҳтавои умумии филмнома.

Дар яке аз ин филмҳо ҳунарманди тоҷик нақши муҳоҷиреро, ки ба куштор айбдор мешавад, мебозад. Вале каме баъдтар дар зиндагии воқеиаш ӯ дар садамаи автомобилӣ ба марги нафаре гунаҳгор мешавад ва ба маҳбас меафтад.

"Наворгир ҳар қадами қаҳрамонро пайгирӣ мекунад, қаҳрамоне, ки мехоҳад роҳи худро дар зиндагӣ ёбад, дар сурате, ки ӯро дар ин ҷо ҳеч чиз интизор нест. Бо намоишномаи аввалини худ Денис Шабаев барои мо воқеъияти асл, муносибати бераҳмонаи атрфоиёнро ба маъраз гузоштааст",-гуфта мешавад дар хулосаи филм.

Ҷашнвораи филмҳои мустанади Vision du Reel бори аввал соли 1969 баргузор гардида буд. Ин фестивал аввалин бор дарҳои худро барои филмҳои ҳуҷҷатии манотиқи Шарқ кушод. Имсол ҷашнвора бори 47-ум доир гардида, зиёда аз 180 филмномаро аз манотиқи гуногуни ҷаҳон ба намоиш гузошт.

 

 

71
Барчаспҳо:
муҳоҷири тоҷик, ҳунарманди саршинос, намоишнома, филм, Нигоҳи воқеъӣ, Visions du Réel, Денис Шабаев, Фаррух, Шветсария
Мавзуъ
Филми мустанад дар бораи собиқ сармураббии “Помир”
Манъи намоиши беш аз 400 филму сериёлҳои русӣ дар Украина
Мигранты у здания Управления Федеральной миграционной службы России

Дар Русия 40% муҳоҷирон бо сабаби коронавирус бекор мондаанд

162
(Таҷдидшуда 15:12 09.07.2020)
Як таҳқиқот муаян кардааст, ки бештар аз 50% муҳоҷирон дар Русия тамоми манбаҳои даромади худро аз даст додаанд

ДУШАНБЕ, 9 июл — Sputnik. Дар Русия, бар асари пандемияи коронавирус бештар аз ҳама муҳоҷирони меҳнатӣ азият кашиданд, хабар медиҳад рӯзномаи тиҷоратии "Ведомости" бо истинод ба як пурсиши РАНХиГС.

Аз рӯйи натиҷаҳои ба даст омада, 40%-и муҳоҷирон ҳангоми пандемия бекор шуданд.

Илова бар ин, 35%-и муҳоҷирон маҷбур буданд ба рухсатии бемузд раванд.

Бештари тағирот ба муҳоҷироне, ки дар Маскав зиндагӣ мекарданд, таъсир расонд. Ҳамин тавр, 76% хориҷиён ҷои кори худро аз даст доданд ё ба рухсатии маҷбурӣ рафтанд.

Дар уммум 51% муҳоҷирон дар Русия ва 54% шаҳрвандони хориҷӣ дар Маскав гуфтаанд "ҳамаи манбаҳои даромад"-ро аз даст додаанд. Ҳамзамон, болоравии даромадҳо ва ё дар як сатҳ боқӣ мондани он танҳо 19% боқӣ мондааст.

Ёдовар мешавем, ки аз аввали сол ҷараёни муҳоҷират ба Русия нисбат ба ҳамин давраи соли 2019 беш аз 2 маротиба кам шудааст.

162

Коженов тағйиротҳо ҳангоми гирифтани патентро тавзеҳ дод

391
Раиси Федератсияи муҳоҷирони Русия Вадим Коженов тавзеҳ дод, ки аз 1 июл тартиботи гирифтани иҷозатномаи кор барои муҳоҷирон чигуна мешавад

ДУШАНБЕ, 8 июл — Sputnik. Раиси Федератсияи муҳоҷирони Русия Вадим Коженов дар мусоҳиба бо телевизиони "Мир-24" гуфт, ки аз 1 июл муҳоҷирони меҳнатӣ ҳангоми дархости патент бояд кадом тағйиротҳоро дар назар бигиранд.

Ӯ ёдрас шуд, ки 18 апрел раисҷумҳури Русия Владимир Путин фармонеро ба имзо расонид, ки мувофиқи он муҳоҷирони меҳнатӣ аз 15 март то 15 июн имтиёзҳои калон ба даст оварданд. Яъне, муҳоҷирон аз супурдани андози патент ва худро ба қайд гузоштан озод шуданд.

"Мақомоти Русия тамоми чораҷӯиҳоро андешиданд, то дар давраи мушкили карантин ба муҳоҷирон кӯмак расонанд", - таъкид кард Коженов.

Ёдрас мешавем, Русия аз 27 март, чун даҳҳо кишвари дигар, марзҳояшро баст ва парвозҳои байналмилалӣ лағв шуданд.

15 июн мӯҳлати амали фармони мазкур то 15 сентябр тамдид гардид.

"Ягона маҳдудият дар он аст, ки касе ки кор мекунад ва даромад дорад, бояд андози патентро супорад. Нафароне ки аз кор маҳрум шуданд, метавонанд, бидуни нигаронӣ аз ҷарима ва депорт дар ҳудуди Русия монанд", - гуфт президенти федератсия.

 

Ҳамчунин ӯ афзуд, ки ба муҳоҷирон иҷозат дода мешавад, ки бидуни убури сарҳад патент ба даст оранд. Зеро марзҳо бастаанд. 

Кӯмак: Коженов байни муҳоҷирон хӯрока тақсим кард - Навор

"Агар дар ин муддати зикргардида мӯҳлати патенти муҳоҷир ба анҷом расад, ӯ бидуни убури сарҳад метавонад навашро ба даст орад", - таъкид кард вай.

Раиси муҳоҷирон афзуд, ки Русия ба ворид шудани муҳоҷирон ба кишвар маҳдудияте ҷорӣ накардааст ва замоне ки карантин ба анҷом мерасад, хоҳишмандон метавонанд ба Русия сафар кунанд.

391
Пожилой мужчина в кепке

Шифо ёфтани пирамарди 109 сола дар Эрон аз коронавирус

0
Пирамарди 109 - сола, ки давоми як ҳафта дар шӯъбаи эҳёгарӣ дар ҳолати вазнин қарор дошт, ахиран шифо ёфт ва аз бемористон мураххас шуд

ДУШАНБЕ, 11 июл – Sputnik. Дар Эрон пирамарди 109 солаи мубтало ба коронавирус тавонист бемориро шикаст диҳад ва беҳбуд ёбад, хабар медиҳад ИРНА.

Ба иттилои манбаъ, бемори 109 - сола ба муддати як ҳафта дар бахши муроқибатҳои вижаи бемористони Гулистони шаҳри Кирмоншоҳ бистарӣ буд ва рӯзи ҷумъа пас аз беҳбудии комил аз бемористон ҷавоб шуд.

Шавҳар кардан мехоҳем: эътирози арӯсшавандаҳо барои манъи баргузории маросими тӯй

То кунун даҳҳо бемори мубтало ба коронавирус дар Эрон бо беш аз 90 сол син бо иродаи қавӣ тавонистаанд аз ин беморӣ беҳбуд ёбанд.  

Қайд мегардад, ки то рӯзи шанбе 11 июл шумори беморони коронавирус дар Эрон ба 255 ҳазору 117 нафар расида, ки 217 ҳазору 666 нафар аз онон беҳбуд ёфта  аз бемористонҳо рухсат ёфтаанд.

0
Барчаспҳо:
сиҳатӣ, пирамард, Эрон
Мавзуҳо:
Пайомадҳои COVID-19 дар Тоҷикистон ва ҷаҳон