Кормандони Кумитаи тафтишот дар ҷои ҳодиса. Акс аз бойгонӣ

КТ: экс-директори қабристон мехост 50%-и маблағи тоҷиконро гирад

29
(Таҷдидшуда 13:19 20.05.2016)
Намояндаи кумитаи тафтишот дар парвандаи ҷиноии муноқишаи Хованское пайдо шудани нуқтаи нав "тамаъҷӯӣ"-ро аз эҳтимол дур намедонад.

ДУШАНБЕ, 20 май — Sputnik. Кумитаи тафтишот, ки ба омӯхтани қазияи занозанӣ дар гӯристони Ховаское машғул аст, бовар дорад, ки раиси қабристон Юрий Чабуев мехост 50 фисади даромади муҳоҷирони тоҷикро, ки ғайриқонунӣ дар ин макон кор мекарданд аз худ намояд, иттилоъ медиҳад РИА Новости бо истинод ба намояндаи расмии КТР Владимир Маркин.

Ба қавли ӯ қазияи қабристон ҳодисаи "оддӣ" аст ва аллакай тафсилот маълуманд. Асоси он-тамаъҷӯист.

"Корхонаи мунисипалии "Ритуал"  вуҷуд дорад, нахрҳо маълум ҳастанд, одамоне ҳастанд, ки дар ягон ҷо ба қайд гирифта нашудаанд, созмонҳои зиёди тиҷоратӣ дар гирду атрофи ҳамаи ин рушд мекунанд. Одамоне, ки ғайриқонунӣ кор мекунанд албатта маблағи камтар мегиранд. Наздики панҷ сол ин муҳоҷирон фаъолият доштанд ва ҳеч кас ба онҳо кор надошт. Замоне, Чабуев аз онҳо талаб кард то 50%-и маблағи худро ба ӯ супоранд",-нақл кард Маркин.

Ба гуфти ӯ агар роҳбарияти қабристон дар ҳақиқат ҳам бар зидди муҳоҷирони ғайриқонунӣ мубориза мебурд, чуноне, ки ҷонибдоронашон изҳор медоранд, кор бояд дигархел сурат мегирифт. Барои мубориза бурдан бо муҳоҷирони ғайриқонунӣ онҳо на ба гурӯҳҳои дигари ҷиноятпеша балки ба мақомотҳои ҳифзи ҳуқуқ бояд муроҷиат мекарданд.

"Айни замон роҳбари қабристон дар ташкили фаъолияти ғайриқонунӣ маҳкум карда намешавад, вале вазъият дар рафти тафтишот метавонад тағйир ёбад. Ман илова шудани "тамаҷӯӣ"-ро ба ин қазия аз эҳтимол дур намедонам",-қайд кард Маркин.

Тибқи маълумоти ВКД-и Маскав дар гӯристони мавсум ба "Хованское"-и пойтахти Русия рӯзи 14 май занозании гуруҳӣ ба вуқӯъ пайваст. Мувофиқи маълумотҳо дар он аз 200 то 500 нафар иштирок кардаанд. Аснои амалиёти пулис беш аз 100 нафар дастгир гардиданд. Ҳалокшудагон низ ҳастанд. Аз рӯи ҳодиса парвандаи ҷиноӣ боз гардида тафтишот идома дорад.

29
Барчаспҳо:
қазияи Хованское, тафтишот, тамаъҷӯӣ, Кумитаи тафтишотии Русия, Юрий Чабуев, Владимир Маркин, Маскав
Мавзуҳо:
Колоколтсев: гунаҳкорони қазияи "Хованское" ҷазои сазовор хоҳанд гирифт (17)
Мавзуъ
КТ мехоҳад, ки шоҳидони ҷанги Хованское барои тафтишот кӯмак расонанд
Ҳамдардии Раҳмон ба хонаводаи ҳалокшудагон дар гӯристони “Хованское”
Намояндаи ВКД ҶТ дар тафтиши парвандаи “Хованское” ширкат мекунад
Сафорати Тоҷикистон дар Русия: мо худиҳоро “намепартоем”
Мигранты у здания Управления Федеральной миграционной службы России

Дар Русия 40% муҳоҷирон бо сабаби коронавирус бекор мондаанд

168
(Таҷдидшуда 15:12 09.07.2020)
Як таҳқиқот муаян кардааст, ки бештар аз 50% муҳоҷирон дар Русия тамоми манбаҳои даромади худро аз даст додаанд

ДУШАНБЕ, 9 июл — Sputnik. Дар Русия, бар асари пандемияи коронавирус бештар аз ҳама муҳоҷирони меҳнатӣ азият кашиданд, хабар медиҳад рӯзномаи тиҷоратии "Ведомости" бо истинод ба як пурсиши РАНХиГС.

Аз рӯйи натиҷаҳои ба даст омада, 40%-и муҳоҷирон ҳангоми пандемия бекор шуданд.

Илова бар ин, 35%-и муҳоҷирон маҷбур буданд ба рухсатии бемузд раванд.

Бештари тағирот ба муҳоҷироне, ки дар Маскав зиндагӣ мекарданд, таъсир расонд. Ҳамин тавр, 76% хориҷиён ҷои кори худро аз даст доданд ё ба рухсатии маҷбурӣ рафтанд.

Дар уммум 51% муҳоҷирон дар Русия ва 54% шаҳрвандони хориҷӣ дар Маскав гуфтаанд "ҳамаи манбаҳои даромад"-ро аз даст додаанд. Ҳамзамон, болоравии даромадҳо ва ё дар як сатҳ боқӣ мондани он танҳо 19% боқӣ мондааст.

Ёдовар мешавем, ки аз аввали сол ҷараёни муҳоҷират ба Русия нисбат ба ҳамин давраи соли 2019 беш аз 2 маротиба кам шудааст.

168

Коженов тағйиротҳо ҳангоми гирифтани патентро тавзеҳ дод

407
Раиси Федератсияи муҳоҷирони Русия Вадим Коженов тавзеҳ дод, ки аз 1 июл тартиботи гирифтани иҷозатномаи кор барои муҳоҷирон чигуна мешавад

ДУШАНБЕ, 8 июл — Sputnik. Раиси Федератсияи муҳоҷирони Русия Вадим Коженов дар мусоҳиба бо телевизиони "Мир-24" гуфт, ки аз 1 июл муҳоҷирони меҳнатӣ ҳангоми дархости патент бояд кадом тағйиротҳоро дар назар бигиранд.

Ӯ ёдрас шуд, ки 18 апрел раисҷумҳури Русия Владимир Путин фармонеро ба имзо расонид, ки мувофиқи он муҳоҷирони меҳнатӣ аз 15 март то 15 июн имтиёзҳои калон ба даст оварданд. Яъне, муҳоҷирон аз супурдани андози патент ва худро ба қайд гузоштан озод шуданд.

"Мақомоти Русия тамоми чораҷӯиҳоро андешиданд, то дар давраи мушкили карантин ба муҳоҷирон кӯмак расонанд", - таъкид кард Коженов.

Ёдрас мешавем, Русия аз 27 март, чун даҳҳо кишвари дигар, марзҳояшро баст ва парвозҳои байналмилалӣ лағв шуданд.

15 июн мӯҳлати амали фармони мазкур то 15 сентябр тамдид гардид.

"Ягона маҳдудият дар он аст, ки касе ки кор мекунад ва даромад дорад, бояд андози патентро супорад. Нафароне ки аз кор маҳрум шуданд, метавонанд, бидуни нигаронӣ аз ҷарима ва депорт дар ҳудуди Русия монанд", - гуфт президенти федератсия.

 

Ҳамчунин ӯ афзуд, ки ба муҳоҷирон иҷозат дода мешавад, ки бидуни убури сарҳад патент ба даст оранд. Зеро марзҳо бастаанд. 

Кӯмак: Коженов байни муҳоҷирон хӯрока тақсим кард - Навор

"Агар дар ин муддати зикргардида мӯҳлати патенти муҳоҷир ба анҷом расад, ӯ бидуни убури сарҳад метавонад навашро ба даст орад", - таъкид кард вай.

Раиси муҳоҷирон афзуд, ки Русия ба ворид шудани муҳоҷирон ба кишвар маҳдудияте ҷорӣ накардааст ва замоне ки карантин ба анҷом мерасад, хоҳишмандон метавонанд ба Русия сафар кунанд.

407
Сомони и доллары, архивное фото

Бонки миллӣ арзиши рубл, доллар ва евроро барои имрӯз эълон кард

0
(Таҷдидшуда 08:27 13.07.2020)
Қурби доллар чи дар бозори ҷаҳон ва чи дар бозори асъори Тоҷикистон боло ва қурби рубл бошад, рӯз то рӯз паст мешавад

ДУШАНБЕ, 13 июл – Sputnik. Бонки миллии Тоҷикистон барои имрӯз дар оғози ҳафтаи навин арзиши асъори хориҷиро нисбат ба пули миллӣ эълом кард

Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1442 сомонӣ  ва дар бозори нақд бошад 0.1460 сомонӣ нишон дода шудааст.
Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз  10.3097 то 10.3100 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 11.6386 то 12. 0500 сомонӣ арзёбӣ кардааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Иқтисодшиносон аз коҳиши арзиши рубл ва гарон шудани доллар ҳушдор медиҳанд

Ин бонк хариду фурӯши 1 рублро имрӯз аз 0,1465 то 0,1490 сомонӣ муқаррар шудааст.

Дар “Спитаменбонк” бошад арзиши 1 рубл аз 0.1450 то 0.1490 ва дар “Алифбонк” бошад 1 рубл аз 0,1450 то 0,1500 сомонӣ нишон дода шудааст.

Бо доллар кор мекунӣ, муҷозот мешавӣ: додгоҳ раиси ширкати “Тоҷикояндасоз”-ро ҷарима кард

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

0
Барчаспҳо:
евро, доллар, сомонӣ, рубл, арзиши асъор, Бонки Миллӣ, Тоҷикистон