Занозании оммавӣ дар қабристони Хованское дар Маскав. Акс аз бойгонӣ

Қазияи Хованское: ҷустуҷӯи адвокатҳо, муҳоҷирони тоҷик ва мушкилот

193
(Таҷдидшуда 10:11 02.06.2016)
Муҳоҷирони тоҷикистониро, ки бо иттиҳоми даст доштан дар задухурди гӯристони мавсум ба “Хованское” боздошт гардидаанд, акнун чанд вакили мудофеъ ҳимоя хоҳанд кард. Масрафоти молии ин парвандаҳоро пайвандони муҳоҷирини дастгиршуда ва шояд ҳам Сафорати ҶТ дар Маскав пардохт менамоянд.

ДУШАНБЕ, 2 июн — Sputnik. Интизор меравад, барои ҳимояи муҳоҷироне, ки рӯзи 31-уми май аз тарафи додгоҳи шаҳри Маскав барои чанд муддат маҳкум гардидаанд, чор ё панҷ адвокат фаъол шаванд.

"Дар ҳоли ҳозир мо як ҳимоягар дорем, ки ба кор оғоз кардааст. Ҳоло муштаракан бо хешовандони дастгиршудаҳо ба ҷустуҷӯи ҳуқуқшиносони ҳирфаӣ машғулем",- изҳор дошт ба Sputnik Тоҷикистон сарчашима аз сафорати ҶТ дар ФР.

Вохӯрии Владимир Колоколтсев бо Эмомали Раҳмон
© Официальная страница пресс-службы президента РТ в Facebook.

Ба қавли манбаъ, ҳаққулзаҳмати  ҳимоятгаронро хешовандон ва наздикони дастгиршудагон ва ҳамчунин сафорати Тоҷикистон дар Русия хоҳанд супурд.

Дар баробари ин, ӯ илова кард, ки барои пардохти ҷуброни молии ҷабрдидаҳои қазияи "Хованское", ки ҳоло дар бемористонҳо қарор доранд, ҳузури вакили мудофеъ зарур аст.

Ҳамсуҳбати хабаргузорӣ аз ироаи маълумот дар бораи ҳаҷми пардохт барои хидмати адвокатҳо худдорӣ карда афзуд, "бархе аз вакилони мудофеъ омодаанд бидуни ягон музд ба муҳоҷирон кумак намоянд.

Аммо ба Sputnik Тоҷикистон муяссар шуд, ки "музди кор"-и ҳуқуқшиносони варзидаро барои ҷалби эшон ба ин парвандаи пурсару садо муайян намояд. Рушан гардид, ки як адвокати ботаҷриба на камтар аз 300 ҳазор рубли русӣ талаб хоҳад кард.

"Маблағ ба ду қисми баробар тақсим мешавад- 150 ҳазор рубл барои тафтишоти пешакӣ, қисми дигар бошад, барои мурофиаҳои додгоҳӣ",-изҳор дошт коршинос Андрей Князев.

— "Вале ин рақамҳо мушаххас нестанд, мумкин нарх пасттар бошад ва ё баландтар. Вале аз ҳама нархи арзони ҳимоягар ин 50 ҳазор рубл мебошад, вале бо ин маблағ танҳо адвокати бетаҷрибаро ҷалб кардан мумкин асту бас".

Дар баробари ин, масъалаи маблағ дар ин қазия мушкили  асосӣ нест. Мушкилоти дигар ин аст, ки қисмҳои муҳими ин парванда бояд аз забони русӣ ба забони тоҷикӣ тарҷума карда шавад, барои ин бошад, вақт иловагӣ лозим аст.

"Як нозукии кор боз он аст, ки агар якчанд ҳимоягар дар қазия саҳим шаванд, маълум нест, ки он то куҷо тул мекашад. Шояд яке аз онҳо бемор шавад, дигаре ба рухсатии меҳнатӣ мебарояд, сеюмӣ аз ҳимоя даст мекашад ва кор ҳамин тавр мемонад. Ба фикри ман муҳоҷирон то маълум шудани қарори додгоҳ ним сол дар маҳкама мемонанд",- илова кард оқои Князев.

Ба гуфти вай, тайи ин муддат таҳқиқи парванда идома ёфта, ҷузъҳои муҳими он ба забони тоҷикӣ тарҷума мешаванд, ҳимоягарон бо парванда шинос мегарданд, баъд мурофиаҳои додгоҳӣ сурат мегиранд ва танҳо пас аз ин арзу шикоятҳо қабул карда мешаванд.

"Дар қазияи "Хованское" қурбониён низ ҳастанд, барои таҳқиқи парванда ҳамчунин натиҷаҳои санҷишҳои мухталиф лозим мешаванд ва боз ҳам барои ин кор вақти иловагӣ. Вале агар ҳуқуқшиносоне, ки забони тоҷикиро медонанд ба ҳимояи муҳоҷирон машғул шаванд, кор зудтар анҷом хоҳад ёфт",- афзуд Князев.

Ёдовар мешавем, ки додгоҳи Твери Маскав рӯзи 31-уми май нисбати Ҷомӣ Чақалов, Шоҳимардон Аҳмадов, Раҳмиддин Садриддинов, Ҳоҷиқурбон Бӯриев ва Диловар Юнусов парвандаи ҷиноӣ боз намуда, онҳо бо қарори додгоҳ дар боздошт ба сар мебаранд.

Бино ба иттилоъи ВКД-и Русия муноқиша ва задухурди мусаллаҳонаи муҳоҷирон бо як гуруҳи ҷинояткорон дар гӯристони "Хованское" миёнаҳои моҳи май ба вуқӯъ пайваста, дар он зиёда аз 200 нафар иштирок намуданд. Аснои амалиёти пулис беш аз 90 нафар дар робита ба қазия дастгир гардиданд.

Дар пайи ин ҳодиса, 3 шаҳрванди Тоҷикистон ба ҳалокат расида, 23 нафар дар беморхона бистарӣ гардиданд. Вазъи саломатии 4 ҷабрдида вахим арзёбӣ мешавад.

193
Барчаспҳо:
ҷустуҷӯи ҳимоятгарон, қазияи Хованское, Сафорати ҶТ дар ФР, Андрей Князев, Маскав
Мавзуҳо:
Колоколтсев: гунаҳкорони қазияи "Хованское" ҷазои сазовор хоҳанд гирифт (17)
Мигранты у здания Управления Федеральной миграционной службы России

Дар Русия 40% муҳоҷирон бо сабаби коронавирус бекор мондаанд

115
(Таҷдидшуда 15:12 09.07.2020)
Як таҳқиқот муаян кардааст, ки бештар аз 50% муҳоҷирон дар Русия тамоми манбаҳои даромади худро аз даст додаанд

ДУШАНБЕ, 9 июл — Sputnik. Дар Русия, бар асари пандемияи коронавирус бештар аз ҳама муҳоҷирони меҳнатӣ азият кашиданд, хабар медиҳад рӯзномаи тиҷоратии "Ведомости" бо истинод ба як пурсиши РАНХиГС.

Аз рӯйи натиҷаҳои ба даст омада, 40%-и муҳоҷирон ҳангоми пандемия бекор шуданд.

Илова бар ин, 35%-и муҳоҷирон маҷбур буданд ба рухсатии бемузд раванд.

Бештари тағирот ба муҳоҷироне, ки дар Маскав зиндагӣ мекарданд, таъсир расонд. Ҳамин тавр, 76% хориҷиён ҷои кори худро аз даст доданд ё ба рухсатии маҷбурӣ рафтанд.

Дар уммум 51% муҳоҷирон дар Русия ва 54% шаҳрвандони хориҷӣ дар Маскав гуфтаанд "ҳамаи манбаҳои даромад"-ро аз даст додаанд. Ҳамзамон, болоравии даромадҳо ва ё дар як сатҳ боқӣ мондани он танҳо 19% боқӣ мондааст.

Ёдовар мешавем, ки аз аввали сол ҷараёни муҳоҷират ба Русия нисбат ба ҳамин давраи соли 2019 беш аз 2 маротиба кам шудааст.

115

Коженов тағйиротҳо ҳангоми гирифтани патентро тавзеҳ дод

300
Раиси Федератсияи муҳоҷирони Русия Вадим Коженов тавзеҳ дод, ки аз 1 июл тартиботи гирифтани иҷозатномаи кор барои муҳоҷирон чигуна мешавад

ДУШАНБЕ, 8 июл — Sputnik. Раиси Федератсияи муҳоҷирони Русия Вадим Коженов дар мусоҳиба бо телевизиони "Мир-24" гуфт, ки аз 1 июл муҳоҷирони меҳнатӣ ҳангоми дархости патент бояд кадом тағйиротҳоро дар назар бигиранд.

Ӯ ёдрас шуд, ки 18 апрел раисҷумҳури Русия Владимир Путин фармонеро ба имзо расонид, ки мувофиқи он муҳоҷирони меҳнатӣ аз 15 март то 15 июн имтиёзҳои калон ба даст оварданд. Яъне, муҳоҷирон аз супурдани андози патент ва худро ба қайд гузоштан озод шуданд.

"Мақомоти Русия тамоми чораҷӯиҳоро андешиданд, то дар давраи мушкили карантин ба муҳоҷирон кӯмак расонанд", - таъкид кард Коженов.

Ёдрас мешавем, Русия аз 27 март, чун даҳҳо кишвари дигар, марзҳояшро баст ва парвозҳои байналмилалӣ лағв шуданд.

15 июн мӯҳлати амали фармони мазкур то 15 сентябр тамдид гардид.

"Ягона маҳдудият дар он аст, ки касе ки кор мекунад ва даромад дорад, бояд андози патентро супорад. Нафароне ки аз кор маҳрум шуданд, метавонанд, бидуни нигаронӣ аз ҷарима ва депорт дар ҳудуди Русия монанд", - гуфт президенти федератсия.

 

Ҳамчунин ӯ афзуд, ки ба муҳоҷирон иҷозат дода мешавад, ки бидуни убури сарҳад патент ба даст оранд. Зеро марзҳо бастаанд. 

Кӯмак: Коженов байни муҳоҷирон хӯрока тақсим кард - Навор

"Агар дар ин муддати зикргардида мӯҳлати патенти муҳоҷир ба анҷом расад, ӯ бидуни убури сарҳад метавонад навашро ба даст орад", - таъкид кард вай.

Раиси муҳоҷирон афзуд, ки Русия ба ворид шудани муҳоҷирон ба кишвар маҳдудияте ҷорӣ накардааст ва замоне ки карантин ба анҷом мерасад, хоҳишмандон метавонанд ба Русия сафар кунанд.

300

Паҳнсозони COVID–19 дар Тоҷикистон чӣ ҷазо мегиранд?

0
(Таҷдидшуда 21:14 09.07.2020)
Тағйироти ҷадид ба қонунгузории Тоҷикистон, ки мавриди амал қарор гирифтанд, барои паҳн кардани бемориҳои сироятӣ, аз ҷумла коронавирус ҷазои маъмурӣ ва ҷиноиро пешбинӣ мекунанд
Кадом ҷаримаҳо паҳнкунандагони коронавирусро дар Тоҷикистон таҳдид мекунанд
© Sputnik /

Тибқи меъёрҳои ҷадиди қонунгузории Тоҷикистон, барои паҳни иттилои бардурӯғ дар шароити пандемия ва амалисозии чораҳои қарантинӣ шахсони инфиродӣ аз 580 сомонӣ боло ва шахсони ҳуқуқӣ то 11,6 ҳазор сомонӣ ҷаримабандӣ хоҳанд шуд.

Инчунин нақзи қоидаҳои ниқобпӯшӣ дар ҷойҳои ҷамъиятӣ, аз ҷумла дар боғҳо, бозор, мағоза, қаҳвахона, нақлиёт ва ҳатто ҷои кор ҷарима дар ҳаҷми аз 116 то 290 сомонӣ дар пай дорад.

Ҷаримаҳои алоҳида барои риоя накардани меъёрҳои санитарию эпидемиологӣ пешбинӣ гардидаанд. Аз ҷумла барои нақзи қоидаҳои беҳдошт ҳангоми паҳншавии бемориҳои сироятӣ ҷазои пулӣ дар ҳаҷми аз 2 то 5 маоши ҳадди ақал пешбинӣ шудааст.

Эълони ҷазои Зиёев барои таҷовузи духтарчаи сесола - акс

Барои вайрон кардани қоидаҳои санитарию эпиемиологӣ ба шаҳрвандони қаторӣ аз 406 то 696 сомонӣ, ба соҳибкорон - аз 1160 то 3480 сомонӣ, мансабдорон - аз 3480 то 4640 сомонӣ, шахсони ҳуқуқӣ - аз 8700 то 11 600 сомонӣ таҳдид карда, дар сурати такрори қоидавайронкунӣ афзоиши ҷарима дар назар аст.

Инчунин бар асоси тағйирот дар қонунгузории Тоҷикистон, барои паҳнсозии бемориҳои сироятӣ ҷазои ҷиноӣ низ пешбинӣ шудааст. Аз ҷумла барои сирояти оммавии атрофиён аз 2 то 5 сол ва барои расондани зарари вазнин ба саломатӣ ё сироят, ки марг дар пай дорад, аз 5 то 10 соли зиндон дар назар аст.

0
Барчаспҳо:
дурӯғ, дезинформация, ниқоби сиёҳ, ҳабс, ҷарима, Тоҷикистон