Кормандони пулис дар ҷои ҳодиса дар қабристони Хованское. Акс аз бойгонӣ

Собиқ роҳбари гӯристон дар ташкили куштор айбдор мешавад

44
Муфаттишон қазияи Хованскоеро ҳамчун куштори ду ва ё зиёда нафар бо маслиҳати пешакӣ дониста Юрий Чабуев ва ҳаммаслакашро дар ташкили он айбдор медонанд.

ДУШАНБЕ, 2 июн — Sputnik. Муфаттишон собиқ раиси гӯристони Хованское Юрий Чабуев ва ҳуқуқшинос ҳаммуассиси ташкилоти "Здоровая нация" Александр Бачарниковро дар ташкили куштор айбдор донистанд, иттилоъ медиҳад РИА Новости бо истинод ба нашриёти "Комерсант".

Муноқиша ва задухурди мусаллаҳонаи муҳоҷирон бо як гуруҳи ҷинояткорон дар гӯристони "Хованское" миёнаҳои моҳи май ба вуқӯъ пайваста, дар он зиёда аз 200 нафар иштирок намуданд. Аснои амалиёти пулис беш аз 90 нафар дар робита ба қазия дастгир гардиданд. Дар пайи ин ҳодиса, 3 шаҳрванди Тоҷикистон ба ҳалокат расида, 23 нафар дар беморхона бистарӣ гардиданд. Вазъи саломатии 4 ҷабрдида вахим арзёбӣ мешавад.

Вохӯрии Владимир Колоколтсев бо Эмомали Раҳмон
© Официальная страница пресс-службы президента РТ в Facebook.

Бочарников аввалин дастгиршуда баъди задухӯрди оммавӣ мебошад, ӯро дар авбошӣ ва гардиши ғайриқонунии аслиҳа айбдор донистанд. Чабеувро бошад, ки то боздошт шудан вазифаи раҳбарии қабристони Хованскоеро бар дӯш дошт, муфаттишон ташкилкунандаи задухӯрд медонанд.

Ҳимоятгари Бочарников қаблан хабар дода буд, ки зерҳимояи ӯ гӯё шоҳиди муноқиша миёни як муҳоҷир ва зани пир шудааст, ки муҳоҷир аз зан қасди гирифтани маблағро доштааст. Маъмурияти қабристон ба ӯ посух додаанд, ки чандин маротиба кӯшиши берун кардани чунин муҳоҷиронро доштанд, ба мақомотҳои дахлдор муроҷиат намуда буданд, амммо ягон натиҷа надод.

Бочарников, ки хешу ақрабояш дар ҳамин гӯристон ба хок супурда шудаанд, ба Чабуев ба сифати нозири ҷамъиятӣ ёрӣ пешниҳод кардааст.

Чуноне, "Комерсант" хабар медиҳад сабаби задухӯрди оммавӣ на низоъи оддӣ, балки кӯшиши Чабуев барои таҳти назорати худ қарор додани муҳоҷирони тоҷик будааст. Иттилоъ дода мешавад, ки раҳбари қабристон мехост муҳоҷиронро маҷбур созад, "ё нисфи маблағи худро ба ӯ диҳанд ё фаъолияташонро дар ин ҷо қатъ намоянд".

Муфаттишон қазияи Хованскоеро ҳамчун куштори ду ва ё зиёда нафар бо маслиҳати пешакӣ дониста Юрий Чабуев ва ҳаммаслакаш Александр Бачарниковро дар ташкили он айбдор медонад, менависад рӯзнома.

Ҳамчунин манбаи "Комерсант" изҳор доштааст, ки барои муфаттишон то ҳол ҷузъиёти марги Сӯҳроб Хушаков, яке аз се шаҳрванди кушташудаи Тоҷикистон дар Хованское маълум нест. "Ташхиси пешакӣ нишон дод, ки Хушаков аз қалбаш тир хӯрда ҷон додааст. Аммо ҷасадаш на дар қабристони марказии Хованское, балки дар шимоли он ёфт гардидааст, ки роҳи пиёдагард аз макони муноқиша то ҷои дарёфти ҷасад-"як соат вақт мегирад".

Дар умум дар рафти тафтишоти ҷиноятӣ вобаста ба қазияи Хованское додгоҳи Маскав 14 нафарро дастгир кардааст. Дар қатори онҳо пулиси собиқи шаҳри Маскав Никита Мошенко низ боздошт гардидааст.

44
Барчаспҳо:
айбдории ташкилкунандагон, қазияи Хованское, Александр Бачарников, Юрий Чабуев, Маскав
Мавзуҳо:
Колоколтсев: гунаҳкорони қазияи "Хованское" ҷазои сазовор хоҳанд гирифт (17)

Муноқишаи муҳоҷирон бо мақомоти қудратӣ дар марзи Русия ва Қазоқистон: ҷузъиёт

216
(Таҷдидшуда 16:00 05.08.2020)
Интизорӣ барои бозгаштан ба Ватан, дар марзи Русия ва Қазоқистон бо муноқишаи миёни муҳоҷирон ва кормандони қудратӣ анҷомид

ДУШАНБЕ, 5 авг — Sputnik. Дар марзи Русия ва Қазоқистон миёни муҳоҷирон ва кормандони қудратӣ муноқиша сар зад. Нахустин шуда шабакаи Match аз ин ҳодиса хабар дод.

Дар ин шабака наворе нашр шуда буд, ки дар он муҳоҷирон ба сӯи марз ҳаракат мекунанд. Аз навор суханони қабеҳ шунида мешуд.

Пасон намояндаи расмии Гвардияи миллии Русия Валерий Грибакин дар суҳбат бо "Интерфакс" гуфт, ҷанҷол рӯзи 3 август рух дод.

Шаҳрвандони дармондаи Тоҷикистон дар марзи Қазоқистону Ӯзбекистон, ба Ватан расиданд

"Муноқишаи миёни муҳоҷирон ва мақомоти қудратӣ дар вилояти Самара ба зудӣ, бидуни дахолати намояндагони Гвардияи миллӣ пахш шуд", - қайд кард Грибакин.

Бино ба гузориши "Интерфакс" қазия субҳидам, соати 9 ба вуқӯъ пайваст. Мардум дар интизори сафар буданд, вале ягон хабар нашуду онҳо ба ғазаб омаданд.

Дар паи ин низоъ касе осеб надидааст. Феълан вазъият дар марзи Русия ва Қазоқистон ором аст.

Айни ҳол дар урдугоҳи муваққатӣ дар марзи Қазоқистону Русия 840 муҳоҷир дар интизори интиқоли онҳо ба ватан мебошанд. Онҳо шаҳрвандони Тоҷикистон ва Ӯзбекистон ҳастанд.

Ваколатдор оид ба ҳуқуқи инсон дар вилояти Самара то ҳол ин қазияро шарҳ надодааст.

216
Барчаспҳо:
муҳоҷирон, муноқиша, Қазоқистон, Русия
Арест, архивное фото

Боздошти сокини Петербург барои қатли муҳоҷири тоҷик: ҷавони 22 - соларо буғӣ карда кушт

543
Дар Санкт - Петербурги Русия як марди 48 - сола ба гумони қатли муҳоҷири 22 - сола аз Тоҷикистон боздошт шуд

ДУШАНБЕ, 4 авг — Sputnik. Муҳоҷири 22 - сола аз Тоҷикистон дар шаҳри Санкт - Петербург кушта шуд, хабар медиҳад нашрияи Петербург. ру.

Ба иттилои манбаъ, хабари кушта шудани муҳоҷирро ба мақомоти пулис марди 45 - сола расонд. Гуфта мешавад муҳоҷири тоҷик дар хонаи ин мард ба ҳайси иҷоранишин зидагӣ мекард.

Вазорати меҳнат гуфт, дар шаш моҳ чӣ қадар муҳоҷир ба Русия рафт

Манбаъ меафзояд, ҷавони 22 - соларо нахуст кӯфтанд ва сипас аз роҳи буғӣ кардан ба қатл расонданд.

Зимнан, кормандони пулис ба гумони қатли муҳоҷири ҷавон, соҳибхона, марди 45 - сола, ки бекор аст, боздошт намуданд.

Феълан алайҳи боздоштшуда протокол тартиб дода шуда ӯ дар боздоштгоҳи муваққатӣ қарор дорад. 

Зикр мегардад, ки тафтишот дар ин самт идома дорад.

543
Барчаспҳо:
қатл, тоҷик, муҳоҷир, Санкт-Петербург
Таджикские мастера готовят подарок к зимней Олимпиаде в Пекине

Туҳфаи устоҳои тоҷик барои Бозиҳои зимистонаи олимпии Пекин

0
Ҷамшед Ҷӯраев ва Насим Негматов ду устои бомаҳорати тоҷик мебошанд, ки шӯҳрати наққошкориҳои онҳо берун аз Тоҷикистон ҳам паҳн шудааст

ДУШАНБЕ, 6 авг — Sputnik. Ҷамшед Ҷӯраев ва Насим Негматов ду устои машҳури тоҷик мебошанд, ки амалҳои ҷолиби наққошии онҳо иншоотҳои фарҳангӣ ва маконҳои дӯстдоштании кишварро оро медиҳанд. Ифтихори котиботи Созмони Ҳамкории Шанхай – толори рамзи қароргоҳи СҲШ – тариқи ҳамин ҳунар оро ёфтааст. 

Ҳамчунин, ороиши павилони СҲШ дар доираи Намоишгоҳи ҷаҳонии санъати боғдорӣ соли 2019 дар Пекин ба Ҷамшед ва Насим супорида шуда буд. Павилони СҲШ миёни меҳмонони намоишгоҳ машҳур шуд, хусусан ҳунари рассомон баҳои баланд гирифт.

Арчаи миллӣ бо розигии Президент: дастур барои насб пеши идораю хонаҳо - аксҳо

Кумитаи милли олимпии Тоҷикистон хабар медиҳад, ки устоҳои тоҷик омодагиро ба Бозиҳои зимистонаи олимпӣ, ки аз 4 то 20 феврали соли 2022 дар Пекин баргузор мешаванд, шуруъ карданд. Тилисми ин чорабинии бузурги варзишӣ – панда бо номи Бин-Дундун интихоб шудааст.

Зимнан, рассомони тоҷик тасмим гирифтаанд якчанд лавҳаро бо наққошии панда – ҳайвони дӯстдори миллионҳо нафар дар ҷаҳон – омода кунанд.

Дар доираи Бозиҳои олимпӣ, онҳо инчунин умед доранд, ки намоишгоҳ ташкил мекунанд ва ҳунарашонро ба пекиниҳо ва меҳмонони пойтахти Чин ошно менамоянд.

0
Барчаспҳо:
тоҷик, усто, туҳфа, Бозиҳои олимпӣ