Маркази имтиҳонсупории муҳоҷирон дар Русия. Акс аз бойгонӣ

Ба муҳоҷирони тоҷик дар бораи ширкатҳои шубҳанок маълумот медиҳанд

87
Раиси намояндагии вазорати меҳнати Тоҷикистон дар Русия Зоҳир Мирзозода имконоти кам кардани хароҷот барои гирифтани патенти такрорӣ ва дигар масоили марбут ба буду боши муҳоҷиронро баррасӣ намуд.

ДУШАНБЕ, 23 июн — Sputnik. Роҳбари намояндагии вазорати меҳнат, муҳоҷират ва шуғли аҳолии Тоҷикистон дар Русия Зоҳир Мирзозода бо директори генералии Маркази муҳоҷирати меҳнатии шаҳри Маскав Николай Федосеев вохӯрӣ анҷом дод, иттилоъ медиҳад дафтари матбуотии намояндагӣ.

Ҷонибҳо масъалаҳои ҳамкорӣ дар самти баланд бардоштани маълумотнокии муҳоҷирони тоҷик оид ба талаботи қонунгузориҳои Русияро баррасӣ намуданд.

Ба гуфти Федосеев зарурати таҳкими чорабиниҳои баланд бардоштани  маълумотнокӣ бо он вобаста аст, ки аксари муҳоҷирон аз хизматрасонии ширкатҳои шубҳанок зимни гирифтани сертификати забони русӣ, суруғтаи тиббӣ, ки барои гирфтани патент заруранд истифода мебаранд.

Зоҳир Мирзозода механизми муайян кардани эҳтимолияти нагирифтани патентро бо мақсади кам кардани хароҷот пешниҳод намуд.

Зимни баррасии масъалаҳои марбут ба буду боши муҳоҷирон дар Русия ба гирифтани патенти такрорӣ ва давомнокии он диққати махсус зоҳир гардид.

Мирзозода кам кардани хароҷоти патенти такрориро пешниҳод кард. Ба қавли ӯ эъҷоди шароит ва хизматрасониҳои дастрас асоси пешгирии будубоши ғайриқонунии муҳоҷирон хоҳад шуд.

Қайд гардид, ки агар муҳоҷир бо сабабҳои гуногун натавонад сари вақт маблағи патентро супорад, имкон дорад ба Маркази муҳоҷирати меҳнатӣ ё ба намояндагӣ барои муайян кардани қадамҳои баъдӣ ё бекор кардани патент муроҷиат намояд.

"Дар охир ҷонибҳо дар истеҳсол ва паҳн намудани варақаҳои иттилоотӣ бо забонҳои русӣ ва тоҷикӣ дар фурӯдгоҳҳо ва дигар ҷойҳои оммавӣ ба мувофиқа расиданд",-омадааст дар иттилоия.

Қаблан хабар дода шуд, ки дар Маркази муҳоҷирати меҳнатии Маскав нуқтаи иттилоотӣ дар бораи ҷойҳои холии корӣ барои муҳоҷирони меҳнатӣ ба кор даромадааст.

87
Барчаспҳо:
патент, Маркази муҳоҷирати меҳнатӣ, Николай Федосеев, Зоҳир Мирзозода, Маскав
Мавзуъ
Дар Маскав бозори меҳнати корӣ барои муҳоҷирон фаъол гардид

Муҳоҷиронро дигар ба марзи Қазоқистон намемонанд: полиси Самара роҳро назорат мекунад

21
(Таҷдидшуда 17:39 12.08.2020)
Муҳоҷирони меҳнатӣ, ки дар сарҳади Русия ҷамъ омада буданд, берун карда шуданд, аммо мақомоти минтақа барои пешгирии такрори ин ҳолат чораҳо меандешанд

ДУШАНБЕ, 12 авг — Sputnik.  Дар маҷмӯъ, то 7 август беш аз ду ҳазор шаҳрванди Узбакистон ва инчунин тақрибан сад шаҳрванди Тоҷикистон аз марзи Русия ва аз вилояти Самара хориҷ карда шуданд.

Дар ин бора ба Sputnik Тоҷикистон хадамоти матбуоти Ваколатдор оид ба ҳуқуқи инсон дар вилояти Самара Олга Галтсова хабар дод.

Ба иттилои манбаъ, бурдани шаҳрвандони хориҷӣ бар асоси марҳилаҳо сурат гирифта, мувофиқи омадани онҳо ба сарҳади Русия амалӣ карда шуд.

Номбурда гуфт, барои онҳое, ки меомаданд, лагери хаймаҳо бо тамоми шароити зарурӣ ташкил карда шуда буд.

Ба гуфти ӯ, шаҳрвандони Тоҷикистонро бо ҳавопаймо рӯзи 28 июл аз Қазон интиқол доданд ва охирин гурӯҳи муҳоҷирони ӯзбекро 7 август ба кишварашон сафарбар кардаанд.

Аммо эҳтимолияти он, ки муҳоҷирон ба доми қаллобон афтода, дубора ба сарҳади Русия биёянд, боқӣ мемонад, афзудааст Олга Галтсова.

Қиссаи бедаракшавии муҳоҷири тоҷик: аз латукӯб то гум шудани хотира-видео

"Бо мақсади пешгирии ҷамъшавии минбаъдаи шаҳрвандони хориҷӣ дар қаламрави ноҳияи Болшечерниговски вилояти Самара ва инчунин ҷилавгирӣ аз кӯшиши воридшавии онҳо ба қаламрави вилояти Оренбург, постгоҳи назоратӣ таъсис дода шуд", гуфтааст манбаъ.

21
Барчаспҳо:
Ӯзбекистон, Тоҷикистон, Қазоқистон, муҳоҷирон, марз, Самара, Русия
Мард, акс аз бойгонӣ

Қиссаи бедаракшавии муҳоҷири тоҷик: аз латукӯб то гум шудани хотира-видео

204
(Таҷдидшуда 15:25 12.08.2020)
Бобораҷаб Ҷавлиев, ки қариб 20 соли пеш аз Тоҷикистон ба Русия ба муҳоҷирати меҳнатӣ рафтааст, феълан хотираашро аз даст дода, дар боздоштгоҳи муваққатӣ дар Қазоқистон мебошад

ДУШАНБЕ, 12 авг — Sputnik. Ҷавлиев бори охир соли 2012 ба хонааш занг зада, хабар додааст, ки дар шаҳри Тула мебошад ва баъд аз он дигар бедарак шудааст.

Ҷавлиев дар Тоҷикистон волидон, зану ду фарзанд дорад, ки тайи 8 соли охир аз ӯ паёме нагирифтанд, гузориш дод шабакаи телевизионии Мир.

Маълум шудааст, ки Ҷавлиев ҳадафи латукӯб қарор гирифтааст, ки дар натиҷа хотираашро аз даст додаст. Ӯ мегӯяд, чӣ гуна дар Қазоқистон қарор гирифтанашро дар хотир надорад. Дар ин кишвар ба ӯ сокини маҳаллӣ Леонтий Демяшев сарпаноҳ додааст ва бо мурури бозгашти қисмани хотира Ҷавлиев тасмим гирифтааст, ки ба ватан назди хонаводааш баргардад.

Феълан Ҷавлиев дар боздоштгоҳи махсус барои шаҳрвандони бидуни аснод қарор дорад ва масъалаи бозгашти ӯ дар баррасии мақомоти Қазоқистону Тоҷикистон мебошад.

204
Барчаспҳо:
бедарак шудан, муҳоҷир, Тоҷикистон-Русия-Қазоқистон

Таркиш ва бераҳмӣ: воқеъияти тазоҳуроти Белорус - гузориши аксӣ

0
(Таҷдидшуда 17:35 12.08.2020)
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
Рӯзи сеюм мешавад, ки дар Белорус тазоҳурот ором намегирад. Аз интихоб шудани Лукашенко ба маснади президентӣ на ҳамаи шаҳрвандон шоданд

Интихоботи президентӣ дар Белорус 9 август доир шуд. Бино ба гузориши КМИ дар ин раъйдиҳӣ 5,8 миллион нафар ширкат кард.

Раҳмон ба Лукашенко: пирӯзӣ, гувоҳи эътирофи саҳми бузургатон дар соҳибихтиёрии давлат аст

Бар асоси эълони натоиҷи  интихоботӣ Александр Лукашенко, президенти кунунии ин кишвар бо ба даст овардани 80,23% овозҳо пирӯз шуд.

Натоиҷи интихобот дар ин кишвар на писанди ҳама шуд. Ҳамин тавр, се рӯз мешавад, ки дар шаҳри Мински Белорус эътирозҳо доман паҳн мекунад.

Тазоҳурот зуд- зуд ба макони задухӯрди эътирозгарон  ва мақомоти пулис табдил меёбад.

Тибқи иттилои расмӣ, давоми се рӯз дар паи гирдиҳамоиҳо беш аз 6 ҳазор кас боздошт шудааст.

Танҳо дар давоми рӯзи гузашта 51 тазоҳургар ва 14 корманди пулис ҷароҳатдор шудааст. 

Кумитаи тафтишотии кишвар дар ин росто 17 парвандаи ҷиноӣ боз кардааст.

0
  • Тазоҳурот пас аз эълони пирӯзии Лукашенко дар интихоботи президентӣ дар Минск
    © REUTERS / Vasily Fedosenko

    Дар Белорус тазоҳурот пас аз анҷоми интихобот ва эълони пирӯзии мутлақи Лукашенко сар зад.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © REUTERS / Vasily Fedosenko

    Тибқи иттилои КМИ Белорус бино ба интихоботи мардум бо 80 дарсади овозҳо кишвардори кунунӣ - Александр Лукашенко дигарбора ба мақоми президентӣ интихоб шуд.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © REUTERS / Vasily Fedosenko

    Натоиҷи интихоботи президентӣ на ба ҳамаи шаҳрвандони Белорус писанд омад.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AFP 2020 / Sergei Gapon

    Се рӯз мешавад, ки шаҳрвандони норозӣ аз натоиҷи интихоботи президентии Белорус ба кӯчаҳо мебароянд ва дарҳол миёни онҳо ва мақомоти пулис муноқиша сар мезанад.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AP / Sergei Grits

    Бино ба гузориши мақомоти расмӣ дар се рӯзи охир дар паи тазоҳурот беш аз 6 ҳазор кас боздошт шудааст.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © REUTERS / VASILY FEDOSENKO

    Корманди мақомоти қудратии Белоруссия ба тазоҳургари ҷароҳатдор - Евгения Зайчкина ишора мекунад.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AFP 2020 / Sergei Gapon

    Тазоҳургарон ба сӯи полис "коктейли Молотов" ҳаво медиҳанд, намояндагони мақомот дар навбати худ бо оринҷакҳои резинӣ ва рангдошта ба онҳо таҳдид мекунанд.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AP / Sergei Grits

    Танҳо дар давоми шаби гузашта 51 тазоҳургар ва 14 корманди мақомоти қудратӣ захмӣ шуданд. Кумитаи тафтишотии кишвар парвандаи ҷиноӣ боз кард.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AP /

    Тазоҳургарон яке аз ҳамсафашонро, ки дар паи бархӯрд бо пулис ҷароҳатдор шудааст, ҳамроҳӣ мекунанд.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    Sputnik

    Тазоҳургарон дар яке аз кӯчаҳои шаҳри Минск.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    Sputnik

    Кормандони мақомоти қудратӣ тазоҳургарро боздошт мекунанд.

Барчаспҳо:
акс, гузориш, тазоҳурот, Белоруссия