Муҳоҷирон дар сохтмон, акс аз бойгонӣ

Қиссаҳои муҳоҷир аз велосипеди дуздида, то "бачаҳои крутой"-и пулталаб

248
(Таҷдидшуда 17:23 03.02.2017)
Абдушукур Раҳимов – сокини вилояти Хатлон, ноҳияи Фархор ду сол мешавад, ки ба Ватан бар нагаштааст ва оилаи худро хабар нагиритфааст

ДУШАНБЕ, 3 фев — Sputnik. Шаҳрванди Тоҷикистон Абдушукур Раҳимов зиёда аз як сол пеш ба шаҳри Тсхинвали Осетини Ҷанубӣ ба хотири дарёфти кор омадааст.

Sputnik дар бораи як тан муҳоҷир ва мушкилиҳои вай нақл мекунад.

Ӯ дар хонаашон дар ноҳияи Фархор зану се фарзандашро гузошта, рӯ ба муҳоҷират овардааст. Абдушукур пештар дар Тоҷикистон дар фурудгоҳ ба ҳайси аробакаш кор мекардааст. Вай саравал бо бародараш Билол ба Русия меояд, баъдан ба Осетини Ҷанубӣ меравад.

Ҳар рӯз, саҳароии барвақт Абдушукури 30-сола бо дӯсташ дар яке аз кӯчаҳои шаҳри Тсхинвалс "хоҷаи" худро интизор мешавад, ки бо мошинаш омада вайро ба хонааш мебарад ва ӯ дар он ҷо то бегоҳ бо таъмир машғул мешавад.

Муҳоҷирони меҳнатиро дар ин шаҳр қариб ҳар рӯз ёфтан мумкин аст, ки дар кӯчаи Масковский-Комсомолский бозори меҳнатии худро ташкил кардаанд ва интизори кордиҳандагон меистанд.

Ҳаёти муҳоҷирон дар Осетини Ҷанубӣ осон нест- хонаи иҷора, ки умуман шароити зист надорад, кори ҷисмонии вазнин, ҳотто ба боло ин на ҳама вақт ҳаққи маошашонро гирифта наметавонанд. Раҳмов низ, бо ду нафар ҳамватанонаш яке аз хонаи бинои истиқоматии бисёрошёногиро иҷора мегирад ва ҳар моҳ 15 ҳазор месупорад. Хона оби гарм надорад ва дар ҳолати таъмирталаб қарор дорад.

"Велосипедамро тобистон дуздиданд, пештар худам то ҷойи кор мерафтам",- гуфт Абдушукур ҳангоми интизорӣ ба мошин.

Ӯ хоҳиши бо рӯзноманигорон сӯҳбат кардан надорад. Нигоҳи нобоварона, ҷавобҳои кӯтоҳу паст аз он шаҳодат медимҳад, ки муҳоҷир намехоҳад ба худ диққати полис ва "бачаҳои крутой"-и маҳаллиро ҷалб кунад, ки ба гуфтаи худаш, метавонанд бе сабаб ба тоҷикон "часпида" пул талаб кунанд. Лекин ба ҳами ин нигоҳ накарда ба вай ин минтақа маъқул аст.

Мегӯяд, ки ин ҷо ҳамавақт кор ҳаст, агар кордиҳандагон пули ваъдагшиашонро диҳанд, боз ҳам хуб мешавад.

"Билол дар Растов монд. Дар он ҷо вай дар сохтмон кор мекунанд. Ман қариб якуним сол пеш омадам. Бо дӯстонам дар сохтмони як боғча кор мекардам ва хишт мегузоштам. Корфармоён барои таъмири хонаҳо даъват мекунанд, кори вазнин аст, аммо дар хона интизоранд, ки кай ман пул равон мекунам",- нақл мекунад муҳоҷир.

Баъзан кордиҳандагон ҳаққи коргаронро намедиҳанд. Ин хел вақтҳо Абдушукур ба ҳама гуна кор тайёр аст, то сари вақт ба хонаашон пул равон кунад. Вай мехоҳад пул ҷамъ карда, дар Фархор ферма ташкил кунад.

"Баъзан, як моҳ маош намедиҳанд. Баъзан, қисман маош мегирем. Шуда буд, ки умуман пулҳоямонро надода буданд. Ваъда медиҳанд- пагоҳ, рӯзи дигар…, вале. Агар ягон шиноси маҳаллӣ пайдо кунем ба воситаи вай як бало карда пулҳоямонро мегирем",- мегӯяд вай.

Ғайр аз ин муҳоҷир шикоят мекунад, ки Тсхинвали ҳамом надорад.

"Дар хонае, ки мо зиндагӣ мекунем, зимистон оббозӣ карда намешавад. Ҳаммом дар берун аст ва гарм намешавад. Барои ҳамин зимистон ҷои оббозӣ надорем, дар шаҳр бошад ҳаммом нест",- мегӯяд Абдушукур.

"Баъди як сол қайдамро дароз мекунам. Тобистон ба хона намеравам, зеро кор бисёр мешавад. Шояд зимистони оянда рафта, оилаамро хабар гирифта, боз бар гардам",- нақл мекунад вай.

Аз соли 2008 сар карда ба Осетини Ҷанубӣ муҳоҷирони тоҷи, ӯзбек, озарӣ ва арманӣ барои кор мераванд.
Аз хадамоти муҳоҷиратӣ ба Sputnik хабар доданд, ки аз аввали сол ба ин минтақаъ 200 муҳоҷир сафар кардааст.

248
Барчаспҳо:
маош, тоҷик, таъмир, сохтмон, муҳоҷир, Осетини Ҷанубӣ
Мавзуъ
Оё дар Русия минбаъд муҳоҷирон мошин ронда наметавонанд?
Человек держит мобильный телефон в руках, архивное фото

Хадамоти муҳоҷират замимаи мобилӣ ва сомонаи нав омода кардааст

98
(Таҷдидшуда 18:29 17.01.2021)
Хадамоти муҳоҷирати Вазорати меҳнат, муҳоҷират ва шуғли аҳолии Тоҷикистон аз таҳияи замимаи нав зери унвони “Роҳнамои муҳоҷир” ва сомонаи нави ин ниҳод хабар додааст

ДУШАНБЕ, 17 янв — Sputnik. Тибқи иттилои Хадамоти муҳоҷират, замима дар ҳамкорӣ бо ташкилоти ҷамъиятии “Ҳайати Шафқат” таҳия шудааст.

Манбаъ таъкид кардааст, ки замимаи мобилӣ фарогири муҳимтарин маълумот ва ахбор барои муҳоҷирон буда, аз се қисми таркибӣ иборат аст.

Маълумот дар гуруҳбандии “Қабл аз муҳоҷират”, “Дар давраи муҳоҷират” ва “Баъд аз муҳоҷират” ироа шудааст.

“Ҳамагӣ бо як бор ройгон боргирӣ намудани замимаи мобилӣ  муҳоҷир метавонад онро дар тамоми раванди муҳоҷират истифода барад, зеро он ивазкунандаи буклету варақаҳои таблиғотӣ, китобчаҳову шарҳи қонунҳои ба ин самт тааллуқдошта мебошад”, - омадааст дар иттилоия.

Манбаъ инчунин хабар додааст, ки сомонаи нави Хадамоти муҳоҷират дар суроғаи “infomuhojir.tj” фаъол аст ва он нисбат ба замимаи мобилӣ маводи бештарро дар бар мегирад.

98
Барчаспҳо:
муҳоҷират, Тоҷикистон

Омори муҳоҷират дар Тоҷикистон: чанд нафар омаду чӣ қадар кишварро тарк кард

570
(Таҷдидшуда 15:02 17.01.2021)
Дар умум дар робита бо ҳамагирии коронавирус ва баста будани марзи аксари кишварҳо, сатҳи муҳоҷират дар Тоҷкистон коҳиш ёфт

ДУШАНБЕ, 17 янв — Sputnik. Дар давоми соли 2020 - 740,2 ҳазор шаҳрванд Тоҷикистонро тарк кард, хабар медиҳад Агентии омори назди президенти Тоҷикистон.

Ин рақам дар муқоиса бо нишондоди соли гузашта, 1 миллиону 517 ҳазор ё 67,2% камтар аст.

Ҷуғрофияи сафари шаҳрвандони Тоҷикистон аз ҷониби агентӣ дақиқ гуфта нашудааст.

Тарҳи қонуни нав дар Русия: як гурӯҳи муҳоҷирон депорт нашаванд - кадом?

Бештари шаҳрвандони хориҷӣ ба ҷумҳурӣ аз кишварҳои зерин омадаанд: Ӯзбекистон - 271,5 ҳазор (66,2% аз шумораи умумии воридшудагон), Русия - 54,9 ҳазор (13,4%), Қирғизистон - 45,9 ҳазор ( 11,2%), Қазоқистон - 9,3 ҳазор (2,3%).

Бекорӣ аз байн меравад? Амонзода дар саросари ҶТ ярмаркаи ҷойи кори холӣ ташкил мекунад

Аз кишварҳои хориҷии дур ба Тоҷикистон бештар аз Афғонистон - 6 ҳазор нафар (1,5%), Чин - 3,1 ҳазор нафар (0,8%), Туркия - 2,7 ҳазор нафар (0,7%), 1,9 ҳазор нафар (0,5%), Эрон - 1,3 ҳазор нафар (0,3%), ИМА - 1,2 ҳазор нафар (0,3%), Олмон - 0,5 ҳазор нафар (0 , 1%), Покистон - 0,4 ҳазор нафар (0,1%) сабт шудааст.

570
Барчаспҳо:
Тоҷикистон, муҳоҷират, омор

Афзоиши фавтидагон аз COVID-19 дар Эрон

0
Вазорати беҳдошти Эрон мегӯяд, теъдоди ҷонбохтагон аз COVID-19 дар ҷумҳурӣ ба 56 ҳазору 803 нафар расид

ДУШАНБЕ, 17 янв — Sputnik. Тибқи иттилои Вазорати беҳдошт, шабонарӯзи гузашта 86 нафар аз COVID-19 фавтида, теъдоди умумӣ ба 56 ҳазору 803 нафар расид.

Радиои тоҷикии Садои Хуросон аз қавли Вазорати беҳдошт, дармон ва омӯзиши пизишкии Эрон хабар додааст, ки дар 24 соати гузашта 6 ҳазору 16 бемори нави гирифтор ба корона дар Эрон шиносоӣ ва 631 нафар аз онҳо бистарӣ шуданд.

Бар асоси маҷмӯи беморони вируси  COVID-19 дар Эрон ба як миллиону 330 ҳазору 411 нафар расидааст, ки то кунун 1 миллиону 119 ҳазору 137 нафар аз ин беморон беҳбуд ёфта ва ё аз бемористонҳо ҷавоб шудаанд.

Манбаъ афзуд, бемории COVID-19бар асоси омори расмии кишварҳо то кунун беш аз наваду панҷ миллион нафарро дар дунё мубтало карда ва беш аз ду миллион нафар низ бар асари ин беморӣ ҷони худро аз даст додаанд.

0
Барчаспҳо:
Эрон