Макка, акс аз бойгонӣ

Хушхабар: муҳоҷирон метавонанд аз Русия ба Ҳаҷ раванд

535
Бо назардошти гаронии сафар ба Ҳаҷ, Шӯрои муфтиёти Русия тайёр аст, ки барои шаҳрвандони Осиёи Миёна, ки муваққатан дар Русия кору зиндагӣ мекунанд, 400 квота ҷудо мекунад

ДУШАНБЕ, 21 фев — Sputnik.Шӯрои муфтиёти Русия аз ҳукумати Арабистони Саудӣ хоҳиш намудааст, ки барои сафар ба Ҳаҷ  аз Русия ба муҳоҷирони Осиёи Миёна иҷозат диҳад.

"Арабистони Саудӣ барои кишварҳои аврупоӣ  баъзе имтиёзҳои иловагӣ медиҳад:  муҳоҷирони меҳнатие, ки ба Аврупо мераванд, дар он ҷо зиндагӣ ва кор мекунанд, баробари он метавонанд ба  Ҳаҷ ровобит ба даст оранд ва ба Ҳаҷ раванд.  Мо ҳам тайёрем, ки ба муҳоҷирони меҳнатии кишвари худ як қисми квотаҳоямонро диҳем. Боварӣ дорем, ки ин шумора кам аст, аммо онҳо низ акнун метавонанд аз Русия ба Ҳаҷ сафар кунанд",- мегӯяд раиси Шӯрои муфтиёти Русия Равил Ғайнутдинов.

Арабистони Саудӣ  ба Русия 20,5 ҳазор квота ҷудо кардааст. Аз ин шумора бояд 200-400 квота ба муҳоҷирон дода шавад.

Ба гуфтаи Ғайниутдинов, ин квота на танҳо барои ҳаҷ, балки ба ҳаҷҷи умра низ ҷудо карда мешавад. Ба гуфтаи Ғайнутдинов, шаҳрвандони хориҷӣ асосан мехоҳанд ба ҳаҷҷи умра раванд.

Дар Шӯрои муфтиёти Русия қайд карданд, ки муҳоҷирони меҳнатӣ аксар вақт бо хоҳиши сафар ба Ҳаҷ ба шӯро муроҷиат мекунанд ва ин иқдоми шӯро як дастгирӣ дар ҷавоб ба онҳост.

"Масъалан, аз Ӯзбакистон ва Тоҷикистон сафар ба Ҳаҷ то дараҷае мушкил аст. Ин маросим камтар  қиммат аст",- гуфт муовини раиси шӯро Элдар Аляутдинов.

535
Барчаспҳо:
раводид, муҳоҷирон, маросим, Ҳаҷ, Равил Ғайнуддин, Арабистони Саудӣ, Русия
Президент РФ В. Путин

Путин гуфт, Русия ба кадом гурӯҳи муҳоҷирон ниёз дорад

1089
(Таҷдидшуда 17:54 04.07.2020)
Президенти Русия Владимир Путин гуфт Русия ба ҷавонони омодаи таҳсил ё соҳиби касбу маълуоти олӣ ниёз дорад

ДУШАНБЕ, 4 июл — Sputnik. Русия барои рушди иқтисодӣ ба муҳоҷирон ниёз дорад, гуфт президенти Русия Владимир Путин зимни вохӯрӣ бо лоиҳакашони ислоҳоти конститутсионӣ.

"Русия ба воридшавии муҳоҷирон манфиатдор аст, вале ба онҳое, ки ба кишвар лозиманд.<...> Русия ба воридшавии шаҳрвандони ҷадид ниёз дорад.<...> Чизе, ки ба иқтисод вобаста аст, комилан возеҳ аст ва пас аз чанде боз норасоии қувваи корӣ аёнтар хоҳад шуд", - гуфт президент.

Путин нарасидани қувваи кориро барои пешрафти иқтисоди кишвар монеъаи ҷиддӣ хонда аз онро аз мушкилоти мубрам гуфт.

Паспорта РФ в процессе производства
© Sputnik / Владимир Астапкович

Фармони нави Путин дар бораи патенту муҳоҷирон: кадом сабукиҳо мемонанду кадом не?-видео

Президенти Русия Владимир Путин таъкид кард, ки  Русия ба ҷавонони омодаи таҳсил ё соҳиби касбу маълуоти олӣ, ниёз дорад.

Дар баробари ин кишвардор қайд кард, ки дар раванди ҷалби муҳоҷирон набояд ҳуқуқи шаҳрвандони Русия нақз шавад.

Путин афзуд, ки Русия бамаротиб хостори воридшавии донандагони забони русӣ ва фарҳанги ин кишвар аст.

1089
Барчаспҳо:
муҳоҷират, баррасии воридшавӣ, муҳоҷирон, Владимир Путин
Таджикские мигранты застрявшие на границе Казахстана и Узбекистана

Беш аз 700 муҳоҷири дар марзи Қазоқистону Ӯзбекистон дармонда ба Тоҷикистон баргаштанд

184
(Таҷдидшуда 10:57 04.07.2020)
Созмони байналмилалии муҳоҷират (СБМ) ва Бунёди кӯдакони СММ (ЮНИСЕФ) дар ҳамкорӣ бо Ҳукумати Тоҷикистон ба бозгашти беш аз 700 шаҳрванди Тоҷикистон, ки дар марзи Қазоқистон бо Ӯзбекистон дармонда буданд, мусоидат намуданд

ДУШАНБЕ, 4 июл — Sputnik.  Мавҷи сеюми муҳоҷирони тоҷик, ки дар гузаргоҳи марзии Жибек Жоли дармонда буданд, тақрибан 700 нафар, аз ҷумла 41 кӯдакро фаро гирифт, иттилоъ додааст дафтари матбуоти Созмони байналмилалии муҳоҷират.

Манбаъ қайд кардааст, ки ин ибтикорро Ҳукумати Тоҷикистон дар ҳамкорӣ бо ҳукуматҳои Қазоқистон ва Ӯзбекистон ҳамоҳанг намуд ва онро намояндагиҳои СБМ дар ҳар се ҷумҳурӣ созмон доданд. Ин амалиёти интиқол ва ироаи ёриҳои башардӯстона ба муҳоҷирони дармонда бо ёрии молии Подшоҳии Норвегия сурат гирифт.

Дар ҳафтаҳои ахир, садҳо шаҳрванди Тоҷикистон ба марзи Қазоқистон бо Узбекистон бо умеди идомаи роҳ ба Тоҷикистон омада буданд. Бархе аз онҳо, аз ҷумла кӯдакон ва модаронашон дар марз дар шароити сабрзудо бо дастрасии маҳдуд ба об, ғизо ва маводи беҳдоштӣ ва зери хатари гирифторӣ ба КОВИД-19 муддате ба сар бурданд. Ба сабаби набудани паноҳгоҳ, муҳоҷирон дар зери ҳавои кушод ва гарм ба сар бурданд.

Манбаъ таъкид доштааст, ки кормандони СБМ дар ҳамкорӣ бо созмони маҳаллии иҷтимоии Сана Сезим ба муҳоҷирон об, ғизо, маводи беҳдоштӣ тақсим кард. ЮНИСЕФ Тоҷикистон дар бозгашти кӯдакон ба хонаҳояшон кӯмак расонид.

Бояд қайд кард, ки бемории фарогири КОВИД-19 ҳукуматҳоро водор намуд, то ҷиҳати пешгирӣ аз густариши вирус чораҳои зарурӣ андешанд. Ин чораҳо, ҳамчунин, аз маҳдудиятҳои сафар ва ҳаракат ҳам иборат буданд, ки ба ҳама таъсир расониданд, ва баъзе аз ин чораҳо вазъи осебпазири муҳоҷиронро мушкилтар гардонида, дар натиҷа, боиси бандмонии шумораи зиёди муҳоҷирон гардиданд.

Дар ҳамин ҳол, Оҷонси СММ доир ба муҳоҷират аз меъёрҳои пешгирӣ аз густариши КОВИД-19 истиқбол мекунад ва ҳамзамон, ба эҳтироми ҳаққи муҳоҷирон ва аҳли хонадони онҳо барои бозгашт таъкид менамояд. СБМ ва ЮНИСЕФ аз ҳамаи ҷонибҳои дахлдор дар кишварҳои мизбон, интиқол, ва ватани муҳоҷирон даъват намудааст, то роҳҳои бозгардонии муҳоҷирони дармонда, аз ҷумла кӯдаконро бо назардошти риояи меъёрҳои ҳимояи саломатии ҷомеа ҷӯё шаванд.

184
Барчаспҳо:
дармонданд, Ӯзбекистон, Қазоқистон, бозгашт, Ҳукумат, СММ, кӯдакон, муҳоҷират, муҳоҷирон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Специалисты министерства здравоохранения в аэропорту Ташкента

Шумори гирифторони коронавирус дар Ӯзбекистон ба 10 ҳазор наздик шуд

0
Вазорати тандурустии Ӯзбекистон омори нави ҳолатҳои ошкоршудаи гирифторони коронавирусро дар ин кишвар эълон кард

ДУШАНБЕ, 5 июл — Sputnik. Бино ба иттилои дафтраи матбуотии Вазорати тандурустии Ӯзбекистон теъдоди дардмандони коронавирус дар ин кишвар танҳо шабонарӯзи азир то 285нафар афзудааст.

Ҳамин тариқ шумораи умумии ҳодисаҳои коронавирус дар Ӯзбекистон тақрибан 9708 нафарро ташкил дод.

Ба иттилои манбаъ ҳоло дар ҷумҳурӣ 3220 гирифторони COVID-19 дар беморхонаҳо таҳти назорати табибон қарор доранд.

Манбаъ мегӯяд, ҳодисаҳои нав асосан дар байни шаҳрвандоне, ки дар қарантинӣ ҷойгиранд, ошкор карда шуданд.

Дар маҷмӯъ, дар Узбакистон 31 нафар аз коронавирус фавтиданд.

Ёдовар мешавем, ки аввалин ҳолати сироятёбӣ дар Узбакистон 15 март дар зане, ки аз Фаронса ба ватанаш баргашт, расман сабт шуд.

0