Муҳоҷирон дар ФМС нават истодаанд.. Акс аз бойгонӣ

Гузашти якмоҳа: чӣ гуна метавон дар як моҳ аз феҳристи сиёҳ хориҷ шуд

332
(Таҷдидшуда 14:20 28.03.2017)
Дарёфти санадҳои лозим барои муҳоҷирони тоҷикистонӣ дар Русия оддӣ аст. Муҳим надоштани мушкиле бо қонунҳои ин кишвар аст

ДУШАНБЕ, 28 мар — Sputnik, Рубен Гарсия. Аз рӯзи шанбе, 25-уми март, дар Русия раванди авфи умумии муҳоҷирони тоҷикистонӣ оғоз ёфт.

Муҳоҷироне, ки мехоҳанд худашон санадҳояшонро барои қонунисозии зиндагиву кор дар қаламрави Русия расмӣ кунанд, бояд ин корро дар як моҳ анҷом диҳанд, зеро замони афв танҳо аз 25-уми март то 24-уми апрелро дар бар мегирад.

Вадим Коженов, раиси Федеросюни муҳоҷирони Русия, дар суҳбат бо Sputnik Тоҷикистон ҷузъиёти афви якмоҳаро рӯшан кард.

"Ин афв се гурӯҳ аз муҳоҷиронро шомил мешавад. Якум гурӯҳ муҳоҷироне ҳастанд, ки аз дер боз дар Русия зиндагиву кор мекунанд, вале буду бошашон қонунӣ нест ва корти вурудашон ҳам беэътибор шудааст, аммо то кунун боздошт ё додгоҳӣ ё ихроҷ нашуда бошанд", — гуфт вай.

Аз ин рӯ, замони буду боши муҳоҷироне ки то кунун зери назари ниҳодҳои интизомиву муҳоҷиратии Русия набудаанд, то 90 рӯз тамдид карда мешавад.

"Боз ду гурӯҳи дигар аз муҳоҷирон низ афв мешавад. Яке муҳоҷироне, ки вурудашон ба қаламрави Русия аз барои ду ҷурм мамнуъ шуда аст ва дигар — муҳоҷироне, ки вурудашон аз барои нақзи муқарарроти будубош мамнуъ шудааст. Агар вуруди муҳоҷирро Идораи кулли муҳоҷирати ВКД Русия манъ карда бошад, дар паи ирояи санадҳои лозим вурудаш худ ба худ озод мешавад", — тавзеҳ дод Коженов.

Ин афви якмоҳа муҳоҷиронеро шомил мешавад, ки қонуни федералии вуруду хуруҷро бо ду роҳ вайрон кардаанд: яке ин ки дар муддати се сол ду бор ва бештар ба ҷавобгарии маъмурӣ кашида шуда бошад ва дигар ин ки пас аз анҷом ёфтани замони буду бош дар Русия дар мудати 30 рӯз аз қаламрави кишвар хориҷ нашуда бошад.

Ин ду қонуншиканӣ далели аслӣ барои манъи вуруди муҳоҷирон ба Русия шумурда мешавад.

Ба гуфти раиси Федеросюни муҳоҷирати Русия, муҳоҷироне, ки ҷурмашон сангин аст, аз ин авф истисно ҳастанд. Чунончи, муҳоҷире, ки пештар дар Русия додгоҳиву зиндон шуда, ҳаққи вуруд ба қаламрави ин кишварро нахоҳад дошт.

Ҳамчунин он шаҳрвандони Тоҷикистон, ки аз Русия ихроҷ шуда будаанд ва ё ҳаминак дар боздошгоҳҳои муҳоҷирони ғайриқонунӣ ҳастанд, аз ин афв баҳрае нахоҳанд дошт.

Дар куҷо бояд асноду мадорикро қонунӣ кард

Чӣ гуна метавон аз феҳристи сиёҳ хориҷ шуд?

Коженов дар ин бора мегӯяд: "Муҳоҷирон бояд ба бахши навбатдории ҳар идораи корҳои дохилаи Русия муроҷиат кунад. Он ҷо барояшон аризаи омодашударо медиҳанд. Ин аризаро пур кунанд, аксбардорӣ ва ангуштнигорӣ шаванд, яъне паи ангушти онҳо гирифта мешавад".

Пас аз ин шаҳрвандони хориҷӣ бояд ба наздиктарин шуъбаи Идораи кулли умури муҳоҷирати ВКД ФР (собиқ ФМС) равад. Дар ин ҷо муҳоҷир корти нави муҳоҷират мегирад ва ё мӯҳре дар шиносномааш мезананд.

Бо ин равиш муҳоҷирон афв шуда ва аз дидгоҳи қонунӣ озод мебошанд ва ҳаққи буду бош барои 90 рӯзро дар Русия пайдо мекунанд. Дар ин 90 рӯз муҳоҷирон бояд дархости тамдиди муддати буду бошашонро ба ниҳоди масъул бидиҳанд ва саби ном шаванд.

Раиси Федеросюни муҳоҷирати Русия ҳамчунин гуфт, ки теъдоди муҳоҷироне, ки тақсирашон сангин нест, 20 ҳазор нафар шумориш шуда ва аз ин ҷо дониста мешавад, ки ҳамин теъдод муҳоҷирон метавоннад аз афви якмоҳа баҳраманд шаванд.

Бино ба омори нерӯҳои интизомии Русия, буду боши камубеш 75 ҳазор муҳоҷир аз Тоҷикистон қонунӣ нашуда ва онҳо низ бояд дар ниҳодҳои муҳоҷиратӣ номнавис шаванд.

Ёдовар мешавем, ки дар паи сафари раисҷумҳури Русия Владимир Путин ба Тоҷикикстон дар моҳи феврал ва дидор бо раисҷумҳури Тоҷикистон Эмомалӣ Раҳмон, чанд санад имзо шуда буд, ки яке аз онҳо марбут ба масоъили муҳоҷирон буд.

Пас аз ин сафари Путин муовини нахуствазири Русия Игор Шувалов эълом карда буд, ки давлати Русия 200 ҳазор муҳоҷирони тоҷикистониро афв мекунад.

332
Барчаспҳо:
гузашти якмоҳа, муҳоҷират, Тоҷикистон, Русия
Мавзуъ
Қиссаҳои муҳоҷир аз велосипеди дуздида, то "бачаҳои крутой"-и пулталаб
Аз муҳоҷир то аъзои ДИ: кӣ зодагони Осиёи Марказиро ба террорист табдил медиҳад
Муҳоҷир ё ҳамватан: киро вилояти Тамбов барои зиндагии доимӣ даъват мекунад
Зиёда аз 2 миллион муҳоҷир имтиҳони забони русӣ супориданд
Дар Маскав зиёда аз 200 муҳоҷир боздошт гардид
Выдача патентов в миграционном центре Московской области. Архивное фото

Дар вилояти Томски Русия қимати патент барои муҳоҷирони меҳнатӣ гарон мешавад

209
(Таҷдидшуда 14:49 24.11.2020)
Дар соли оянда қимати патент барои муҳоҷирони меҳнатӣ дар вилояти Томски Русия афзоиш хоҳад ёфт

ДУШАНБЕ, 24 ноя — Sputnik. Дар соли 2021 қимати патент барои шаҳрвандони хориҷӣ, ки дар қаламрави вилояти Томски Русия кору фаъолият мекунанд, имкон дорад тағйир ёбад, иттилоъ додааст дафтари матбуоти думаи қонунгузори вилояти Томск.

Қимати патент дар қаламрави ин минтақа тақрибан 4317 рубл дар як моҳро ташкил хоҳад дод. Бояд гуфт, ки то имрӯз қимати патент дар ин минтақа 4193 рублро ташкил медод.

Ҳамин тавр, арзиши патент барои муҳоҷирони меҳнатӣ тақрибан ба 120 рубл афзоиш хоҳад ёфт.

Тибқи омор дар вилоят дар соли равон бино бар паҳншавии вируси корона теъдоди муҳоҷирон ба маротиб коҳиш ёфтааст. Гуфта шудааст, ки аз 13,7 ҳазор муҳоҷири меҳнатие, ки қаблан ба вилояти Томск ворид мешуд, имсол бино бар пандемия ҳамагӣ 4,3 ҳазор муҳоҷир ба ин минтақа ворид шудааст.

Инчунин тақрибан ду баробар гирифтани патент кам шудааст. Шумори муҳоҷироне, ки патент мегирифтанд аз 6,2 ҳазор то 3,2 ҳазор нафар коҳиш ёфтааст. Ҷамъоварии андоз низ 22 дарсад коҳиш ёфтааст ва имсол ҳамагӣ 96 миллион рублро ташкил додааст.

"Барои муқоиса дар ҳамин давраи соли гузашта аз ҳисоби пардохти андози муҳоҷирони меҳнатӣ ба буҷаи ин минтақа 157,4 миллион рубл ворид шуда буд", - гуфта шудааст дар иттилоияи думаи минтақаи Томск.

209
Барчаспҳо:
Томск, гарон, арзиш, патент, Русия, муҳоҷир

Муҳоҷиронро дар Санкт-Петербург дар киштиҳои сайёҳӣ ҷой медиҳанд

274
(Таҷдидшуда 14:48 20.11.2020)
Муҳоҷиронеро, ки дар шаҳри Санкт-Петербург дар ҳолати вазнин қарор гирифтаанд, дар бошишгоҳҳои ғайриодие ҷой медиҳанд, ки дар замони пандемия истифода намешаванд

ДУШАНБЕ, 20 ноя — Sputnik. Дар бораи вазъи муҳоҷирон дар шаҳри Санкт-Петербург, губернатор Александр Белов нақл кард, навиштааст  "Невские новости".

Ба гуфтаи губернатор вазъи муҳоҷирон дар Санкт-Петербург дар маҷмӯъ назоратшаванда мебошад.

“Таҷаммӯи оммавии шаҳрвандони хориҷӣ, ки имкони бозгашт ба Ватанашонро надоранд, то ҳол ба қайд гирифта нашудааст”, - изҳор дошт губернатор.

Белов афзуд, муҳоҷирони дармондаро мақомот дар  киштиҳои сайёҳӣ, меҳмонхонаҳои обӣ ва инчунин шаҳракҳои хаймавии Вазорати ҳолатҳои фавқулодда ҷой медиҳанд.

Инчунин губернатори Санкт-Петербург иттилоъ дод, ки барои кумак ба муҳоҷирон  шабакаи махсуси телефонӣ фаъол шудааст, ки ба корафтодагон дар масоили гуногун, аз ҷумла тиббию иҷтимоӣ машварат медиҳад.

Дар баробари ин хориҷиён метавонанд, бо суолҳояшон ба гуруҳи махсус, ки дар шабакаи иҷтимоии "ВКонтакте" ташкил шудааст, муроҷиат намоянд.

274
Барчаспҳо:
Санкт-Петербург, муҳоҷирон, Русия
Асозода Дилшод Алимурод глава города Нурек  посетил ветерана ВОВ  Гулов Малах

Мақомоти шаҳри Норак ба иштирокчии Ҷанги Бузурги Ватанӣ хона сохт

0
(Таҷдидшуда 19:28 24.11.2020)
Мақомоти шаҳри Норак эълон кардааст, ки ахиран ба Гулов Малах, ки иштирокчии Ҷанги Бузурги Ватанӣ мебошад манзили нави зист иборат аз 3 ҳуҷра сохта тақдим карда шуд

ДУШАНБЕ, 24 июн — Sputnik. Бино бар иттилои дафтари маӣбуоти раиси шаҳри Норак ахиран раиси шаҳр Асозода Дилшод Алимурод ба аёдати иштирокчии Ҷанги Бузурги Ватанӣ Гулов Малах рафт.

Раиси шаҳри Норак бо вазъи зисту зиндагонии пири хирад Гулов Малах ошно гардидааст.

Манбаъ қайд кардааст, ки бо ташаббуси мақомоти шаҳр манзили нави зист иборат аз 3 ҳуҷра, ошхона барои аҳли оилаи Гулов Малах сохта, ба истифодаи онҳо супорида шуд.

Ҳамзамон раиси шаҳри Норак барои мавсими зимистонгузаронӣ ба иштирокчии ҶБВ маблағи пулӣ тақдим кардааст.

Бояд гуфт, ки солҳои ҶБВ аз аҳолии 1,5 милюнии Тоҷикистон камубеш 300 ҳазор кас ба ҷанг рафта, беш аз 100 ҳазор кас аз онҳо шаҳид шудаанд. Аз ин шумор 55 ҳазор сарбозу афсар бо нишону медолҳо ва 54 кас бо болотарин унвони кишвар - Қаҳрамони Иттиҳоди Шуравӣ сарфароз гардиданд.

0
Барчаспҳо:
ҶБВ, куҳансарбоз, собиқадорон, Норак, Тоҷикистон