Шаҳри Магадан, акс аз бойгонӣ

Беш аз 1500 шаҳрванди Тоҷикистон ба Шарқи Дур муҳоҷират кардаанд

250
(Таҷдидшуда 14:41 05.04.2017)
Дар соли 2016 камубеш 8 ҳазор тан аз шаҳрвандони пешини Шуравӣ ба Шарқи Дур муҳоҷират кардаанд

ДУШАНБЕ, 5 апр — Sputnik. Бино бар омори Созмони рушди сармояи инсонии Русия, дар соли 2016 7 800 шаҳрванди хориҷӣ ба Шарқи Дур кӯч бастаанд.

Бино ба натоиҷи иҷрои барномаи давлатии пуштибонӣ аз муҳоҷирати ихтиёрии шаҳрвандони пешини Иттиҳоди Шуравӣ ба Русия дар соли 2016, камубеш 5 ҳазор муҳоҷир аз он 8 ҳазор кас дар ин барнома ширкат карда ва 3 ҳазор кас низ аъзои хонаводаҳои онҳо буда ки дар паяшон муҳоҷират кардаанд.

Интизор меравад, ки дар соли 2017 боз 3 500 тан аз сокинони пешини Русия бо хонаводаҳояшон ба Шарқи Дур кӯч хоҳанд баст.

Бино бар ин омор, минтақаи Шарқи Дурро бештар аз ҳама сокинони Украина (47 дарсад), Тоҷикистон (18 дарсад) ва Арманистон (10 дарсад) интихоб мекунанд. Ин созмон дақиқ мекунад, ки дар соли 2016 беш аз дигар манотиҷ муҳоҷирон вилоятҳои Приморие, Хабаров, Магадан ва Сахалинро интихоб кардаанд.

Ин барнома ҳафт минтақаи Шарқи Дур — Приморск, Хабаровск, Камчатка, Сахалин, Амур ва вилояти худгардони Яҳудиро дар бар мегирад.

Ба гуфтаи мудири кулли ин созмон Валентиин Тимаков, вилоятҳои Шарқи Дур барои ширкаткунандагон дар ин барнома ёронаву мусоъидаҳоеро дар назар гирифтаанд.

Чунончи, онҳо шаҳрвандии Русияро осонтар дарёфт мекунанд, 240 ҳазор рубл ёрона ва 120 ҳазор рубл барои ҳар як узви хонавода дарёфт мекунанд ва ҳазинаҳои роҳу таробарии то маҳалли зисташонро ҷуброн мекунанд. Дар сурате ки муҳоҷирон дар маҳалли нави иқоматашон бекор монанд, ёронаи бекорӣ ҳам дарёфт хоҳанд кард.

Бино бар омор, дар соли 2016 шумораи муҳоҷироне ки шаҳрвандии Русияро дарёфт кардаанд, 21 дарсад афзоиш ёфтааст. Чунончи, соли гузашта 265 319 муҳоҷир шаҳрвандии Русияро дарёфт карда, дар ҳоле ки дар соли 2015 ин рақам 209 799 кас буд. Пештар расонаҳо хабар дода буданд, ки дар соли 2016 беш аз 150 ҳазор шаҳрванди Русия аз хориҷ ба кишварашон баргаштаанд. Ҷолиб ин аст ки аз ин шумор ҳар панҷумин нафар аз кишварҳои узви Иттиҳодияи Урупо боз гаштааст. Таҳлилгарон интизор доранд, ки шумораи касоне ки мехоҳанд кишварҳои узви Иттиҳоди Урупоро тарк кунанду ба Русия бар гарданд, дар наздиктарин солҳо бештар хоҳад шуд.

250
Барчаспҳо:
кӯчиши аҳолӣ, шаҳрвандии Русия, Тоҷикистон-Русия

Сябитова шарҳ дод, ки чаро занони рус бо муҳоҷирон издивоҷ мекунанд

2535
(Таҷдидшуда 12:13 27.09.2020)
Чаро миёни издивоҷҳо дар Русия аксари домодҳо хориҷиён ҳастанд, шарҳ дод хостгор ва ровӣ Роза Сябитова

ДУШАНБЕ, 27 сен — Sputnik. Бино ба маълумоти идораҳои сабти асноди ҳолати шаҳрвандии минтақавии Русия аксари домодҳо шаҳрвандони хориҷа, аз қабили зодагони Тоҷикистон, Ӯзбекистон ва Арманистон мебошанд.

Ровии барномаи "Давай поженимся" хостгор Роза Сябитова ин тамоюлро дар сӯҳбат бо радиои "Давай поженимся" шарҳ дод.

Ровӣ як намоиши телевизиониро мисол овард ва гуфт, ки хориҷиён бештар ба наздашон меоянд.

Ҳамзамон, меҳмонони барнома саъй намекунанд, ки ба ватани худ баргарданд, балки мехоҳанд дар Русия бимонанд.

Сябитова шарҳ дод, ки барои муҳоҷирон издивоҷ яке аз роҳҳои осонтарини қонунигардонӣ дар Русия ба ҳисоб меравад.

Номбурда омилҳои иҷтимоӣ ва биологиро низ сабаби дигари издивоҷи занони рус бо хориҷиён номид.

Вай қайд кард, ки мардон аксар вақт духтарони хурдсоли синни таваллудро ҳамчун ҷуфт интихоб мекунанд ва заноне, ки мехоҳанд барои рушди хеш талош кунанд, бо гузашти солҳо бетаваҷҷӯҳ мемонанд.

“Бинобар шароит, заноне, ки тасмим гирифтанд, барои худ карера созанд  ва барои рушди фардиву баробарии гендерӣ талош кунанд, дар канор монданд. Аммо онҳо низ бояд издивоҷ кунанд ва бинобар ин хушбахтии занонаро аз домодҳои хориҷӣ меҷӯянд", гуфт Сябитова.

Ҳамзамон, ровии телевизион қайд кард, ки ин тамоюл комилан муқаррарист ва занон набояд аз интихоби худ шарм доранд.

2535
Барчаспҳо:
издивоҷ, муҳоҷирон, Русия
Посольство Республики Таджикистан в Москве

Ҷанҷол дар сафорат: муҳоҷири бекормонда бинию ангушти дипломати тоҷикро шикаст

2762
Муҳоҷири 38-солаи тоҷик дар бинои сафорати Тоҷикистон дар Русия ду нафарро мавриди латукӯб қарор дод

ДУШАНБЕ, 25 сен - Sputnik. Рӯзи 24 сентябр ба идораи милисаи Пресненский хабар дода шуд, ки шаҳрванди Тоҷикистон дар бинои сафорати ин кишвар дар тангкӯчаи Гранатнийи шаҳри Маскав ду нафарро латукӯб кард, иттилоъ дод РИА Новости.

Яке аз ҷабрдидаҳо, мутахассиси пешбари сафорати Тоҷикистон дар Русия мебошад, ки дасту бинияш шикаста, осеби майнаи сар бардоштааст. Ҷабрдидаи дигар ронанда будааст, ки мақоми дипломатӣ надошта ва ҷароҳати ҷисмонӣ низ набардоштааст, хабар дод ожонси хабарии “Москва”.

Аз ҳамлагар шаҳрванди бекормандаи Тоҷикистон зикр мешавад, ки соли таваллудаш 1982 мебошад.

Нисбати нафари муттаҳам дар ҳамла ба кормандони сафорат, барои нақзи қоидаҳои вуруд ба қаламрави Русия санади маъмурӣ тартиб дода шудааст. Манбаъ афзуд, ки аз рӯи ин ҳодиса тафтишот идома дошта, ба ҷабрдида кумаки тиббӣ расонда мешавад.

Ин дар ҳолест, ки вақтҳои охир ба далели адами парвозҳои мунтазам миёни Тоҷикистону Русия талабот ба чиптаҳо барои парвозҳои чартерӣ зиёд шудааст. Корбарони шабакаҳои иҷтимоӣ аз нархҳои гарони  ин чиптаҳо ва ҷой доштани ҳолатҳои қаллобӣ зимни фурӯши онҳо шикоят карда буданд.

2762
Барчаспҳо:
сафорат, дипломатия, Тоҷикистон
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

1746
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

1746