Муҳоҷирон. Акс аз бойгонӣ

Ҷоизаи гаронбаҳо: озмун барои афроди то 35-сола

130
(Таҷдидшуда 11:02 20.07.2017)
Созмони байнулмилалии муҳоҷират аз рӯзноманигорон ва дигар афроди ҷомеа хоста дар мавзуъи муҳоҷирати корӣ матолиб таҳия кунанду ҷоиза дарёфт кунанд

ДУШАНБЕ, 20 июл— Sputnik. Дафтари Созмони байнулмилалии муҳоҷират дар Тоҷикистон дар фарохоне аз нафарони то 35-сола даъват кардааст дар мавзуъи муҳоҷират матолибе омода кунанд.

Бино ба фарохоне, ки дафтари СБМ дар ихтиёри Sputnik Тоҷикистон қарор додааст, аз хоҳишандон хоста шуда матолибе дар мавзуъҳои "муҳоҷирати корӣ аз Тоҷикистон: имконот ва ҷолишҳо", "сарнавишти муҳоҷирони корӣ ва хонаводаҳояшон", "қонунгузории Тоҷикистон ва кишварҳои муҳоҷирпазир дар заминаи танзими муҳоҷират" таҳия кунанд.

Пештар хабар дода шуд, ки ин озмун танҳо барои донишомӯзон эълом шуда, мӯҳлати охирини супоридани матлаб 30 июл муқаррар шуда буд, вале акнун озмун миқёси васеътар касб карда, барои ҳамаи хоҳишмандони то 35-сола эълом шудааст ва мӯҳлати охирини супоридани матлаб то 30 августи соли ҷорб тамдид гардидааст.

Манбаъ шартҳои ширкатро ба шакли зер тасвир кардааст:

Матлабатонро дар мавзуъи муҳоҷират дар сафҳаи худатон дар ягон шабакаи иҷтимоӣ ҳамроҳ бо ҳештэги #iomtajikistanozmun ва #iomtajikistan мунташир намоед (истифодаи ҳештэг ҳатмист!);

Пайванд (линк)-и навиштаатонро ҳамроҳ бо дархостомаи иштирок ба имейли applications.tj@iom.int фиристед. Дархостномаи иштирок ва қоидаҳои муфассал дар торнамои www.iom.tj дастрас аст.

Матолиби дарёфтӣ аз рӯи чанд меъёр, аз ҷумла "огаҳӣ аз мавзуъ, тасвири воқеъият дар мавод ва таъсири эҳтимолӣ; асолати мавод, пӯшиши ҷолибу эҷодиии мавзуъ; эҷодкорӣ дар пешниҳоди мавод, мавқеъи муаллиф; возеҳият ва соддагии баён" арзёбӣ хоҳанд шуд.

Ин озмунро СБМ дар ҳамкорӣ бо Бунгоҳи ИМА барои тавсеъаи байналмилалӣ (USAID) ба муносибати Рӯзи ҷаҳонии ҷавонон ва Соли ҷавонон дар Тоҷикистон баргузор кунанд. Ҳадаф аз он "ҷалби таваҷҷуҳи бештари ҷавонон ба масоъили муҳоҷирати корӣ, афзоиши сатҳи огоҳии ҷомеъа дар бораи муҳоҷирати корӣ ва сарнавишту ҳуқуқи муҳоҷирон ва қонунгузории Тоҷикистон ва кишварҳои муҳоҷирпазир дар заминаи муҳоҷирати корӣ" эълом шудааст.

Дафтари СБМ эълом карда, ки таҳиякунандагони се матлаби беҳтарин ҷоизи гаронбаҳо дарёфт хоҳанд кард.

130
Барчаспҳо:
матолиб, озмун, муҳоҷират, IOM, Тоҷикистон
Выдача патентов в миграционном центре Московской области. Архивное фото

Дар вилояти Томски Русия қимати патент барои муҳоҷирони меҳнатӣ гарон мешавад

208
(Таҷдидшуда 14:49 24.11.2020)
Дар соли оянда қимати патент барои муҳоҷирони меҳнатӣ дар вилояти Томски Русия афзоиш хоҳад ёфт

ДУШАНБЕ, 24 ноя — Sputnik. Дар соли 2021 қимати патент барои шаҳрвандони хориҷӣ, ки дар қаламрави вилояти Томски Русия кору фаъолият мекунанд, имкон дорад тағйир ёбад, иттилоъ додааст дафтари матбуоти думаи қонунгузори вилояти Томск.

Қимати патент дар қаламрави ин минтақа тақрибан 4317 рубл дар як моҳро ташкил хоҳад дод. Бояд гуфт, ки то имрӯз қимати патент дар ин минтақа 4193 рублро ташкил медод.

Ҳамин тавр, арзиши патент барои муҳоҷирони меҳнатӣ тақрибан ба 120 рубл афзоиш хоҳад ёфт.

Тибқи омор дар вилоят дар соли равон бино бар паҳншавии вируси корона теъдоди муҳоҷирон ба маротиб коҳиш ёфтааст. Гуфта шудааст, ки аз 13,7 ҳазор муҳоҷири меҳнатие, ки қаблан ба вилояти Томск ворид мешуд, имсол бино бар пандемия ҳамагӣ 4,3 ҳазор муҳоҷир ба ин минтақа ворид шудааст.

Инчунин тақрибан ду баробар гирифтани патент кам шудааст. Шумори муҳоҷироне, ки патент мегирифтанд аз 6,2 ҳазор то 3,2 ҳазор нафар коҳиш ёфтааст. Ҷамъоварии андоз низ 22 дарсад коҳиш ёфтааст ва имсол ҳамагӣ 96 миллион рублро ташкил додааст.

"Барои муқоиса дар ҳамин давраи соли гузашта аз ҳисоби пардохти андози муҳоҷирони меҳнатӣ ба буҷаи ин минтақа 157,4 миллион рубл ворид шуда буд", - гуфта шудааст дар иттилоияи думаи минтақаи Томск.

208
Барчаспҳо:
Томск, гарон, арзиш, патент, Русия, муҳоҷир

Муҳоҷиронро дар Санкт-Петербург дар киштиҳои сайёҳӣ ҷой медиҳанд

274
(Таҷдидшуда 14:48 20.11.2020)
Муҳоҷиронеро, ки дар шаҳри Санкт-Петербург дар ҳолати вазнин қарор гирифтаанд, дар бошишгоҳҳои ғайриодие ҷой медиҳанд, ки дар замони пандемия истифода намешаванд

ДУШАНБЕ, 20 ноя — Sputnik. Дар бораи вазъи муҳоҷирон дар шаҳри Санкт-Петербург, губернатор Александр Белов нақл кард, навиштааст  "Невские новости".

Ба гуфтаи губернатор вазъи муҳоҷирон дар Санкт-Петербург дар маҷмӯъ назоратшаванда мебошад.

“Таҷаммӯи оммавии шаҳрвандони хориҷӣ, ки имкони бозгашт ба Ватанашонро надоранд, то ҳол ба қайд гирифта нашудааст”, - изҳор дошт губернатор.

Белов афзуд, муҳоҷирони дармондаро мақомот дар  киштиҳои сайёҳӣ, меҳмонхонаҳои обӣ ва инчунин шаҳракҳои хаймавии Вазорати ҳолатҳои фавқулодда ҷой медиҳанд.

Инчунин губернатори Санкт-Петербург иттилоъ дод, ки барои кумак ба муҳоҷирон  шабакаи махсуси телефонӣ фаъол шудааст, ки ба корафтодагон дар масоили гуногун, аз ҷумла тиббию иҷтимоӣ машварат медиҳад.

Дар баробари ин хориҷиён метавонанд, бо суолҳояшон ба гуруҳи махсус, ки дар шабакаи иҷтимоии "ВКонтакте" ташкил шудааст, муроҷиат намоянд.

274
Барчаспҳо:
Санкт-Петербург, муҳоҷирон, Русия
Асозода Дилшод Алимурод глава города Нурек  посетил ветерана ВОВ  Гулов Малах

Мақомоти шаҳри Норак ба иштирокчии Ҷанги Бузурги Ватанӣ хона сохт

0
(Таҷдидшуда 19:28 24.11.2020)
Мақомоти шаҳри Норак эълон кардааст, ки ахиран ба Гулов Малах, ки иштирокчии Ҷанги Бузурги Ватанӣ мебошад манзили нави зист иборат аз 3 ҳуҷра сохта тақдим карда шуд

ДУШАНБЕ, 24 июн — Sputnik. Бино бар иттилои дафтари маӣбуоти раиси шаҳри Норак ахиран раиси шаҳр Асозода Дилшод Алимурод ба аёдати иштирокчии Ҷанги Бузурги Ватанӣ Гулов Малах рафт.

Раиси шаҳри Норак бо вазъи зисту зиндагонии пири хирад Гулов Малах ошно гардидааст.

Манбаъ қайд кардааст, ки бо ташаббуси мақомоти шаҳр манзили нави зист иборат аз 3 ҳуҷра, ошхона барои аҳли оилаи Гулов Малах сохта, ба истифодаи онҳо супорида шуд.

Ҳамзамон раиси шаҳри Норак барои мавсими зимистонгузаронӣ ба иштирокчии ҶБВ маблағи пулӣ тақдим кардааст.

Бояд гуфт, ки солҳои ҶБВ аз аҳолии 1,5 милюнии Тоҷикистон камубеш 300 ҳазор кас ба ҷанг рафта, беш аз 100 ҳазор кас аз онҳо шаҳид шудаанд. Аз ин шумор 55 ҳазор сарбозу афсар бо нишону медолҳо ва 54 кас бо болотарин унвони кишвар - Қаҳрамони Иттиҳоди Шуравӣ сарфароз гардиданд.

0
Барчаспҳо:
ҶБВ, куҳансарбоз, собиқадорон, Норак, Тоҷикистон