Дмитрий Попов

Коршинос сабаби ба Русия муҳоҷират кардани тоҷиконро гуфт

559
(Таҷдидшуда 18:40 26.07.2017)
Коршиноси маcоили муҳоҷират Дмитрий Попов кӯшиши мақомоти тоҷикро барои ҷустуҷӯи бозорҳои нави корӣ дар дигар кишварҳо тавзеҳ дод

ДУШАНБЕ, 26 июл — Sputnik. Тоҷикистон барои шаҳрвандони худ маконҳои нави муҳоҷиратӣ мекобад. Дар ин бора Вазорати кор ва муҳоҷирати Тоҷикистон хабар дод. Аслан Тоҷикистон ба кишварҳои мухталиф таваҷҷӯҳ дорад.

Бо бархе аз кишварҳои хориҷ аз ҷумла Қувейт, Қатар ва АМА аллакай шамрномаҳо ҳам омода шудаанд.

Ба гуфти коршиносони рус кӯшиши васеъ кардани миқёси муҳоҷиратии Тоҷикистон тааҷҷубовар нест. Чунин масъалаҳо ҳар замоне пайдо мешаванд, ки барои шаҳрвандони Тоҷикистон дарёфти ҷои кор дар Русия мушкил мешавад ё музди меҳнаташон кам мешавад. Айни замон чунин давра аст.

Вале чун пештара дар амал татбиқ кардани тарҳҳо аз эҳтимол дур аст. Ва ин ҳам шаҳри худро дорад, мегӯяд коршиноси масоили Осиёи Марказӣ Дмитрий Попов.

"Муҳоҷирати меҳнатӣ бар омилҳои иқтисодӣ-иҷтимоӣ асос ёфтааст. Дигар кардани самтҳои он аз рӯи баъзе дастурҳои ҳукумат коре мушикл менамояд, агар умуман имконпазир бошад. Мардум барои он ба Русия меоянд, ки ин ҷо заминаи бунёдии  иқтисодӣ-иҷтимоӣ мавҷуд аст: дар Русия низоми муносиби раводид ҷорӣ аст, Русия муҳоҷират талабот дорад, дар Русия созмони бузурги тоҷикон аст, байни Тоҷикистону Русия алоқаи нақлиётӣ рушд кардааст, — изҳор дошт Попов дар суҳбат бо радои Sputnik.

Тоҷикистон солҳои охир кӯшиш кард, то дигар кишварҳои ҳамсӯдро ҳам барои коргаронаш кушояд. Дар ин росто таваҷҷуҳ ба Белорус буд. Дар Минск ҳам гуфта буданд, ки 20 ҳазор тоҷикистониро барои кор дар хоҷагиҳои деҳқонӣ ҷалб хоҳанд кард. Вале дар таҷриба чизе нашуд.

Бино ба додаҳои расмӣ то имрӯз 97 дарсади муҳоҷирони тоҷик барои кор ба Русия мераванд. Тибқи иттилоъи бахзе маъхазҳо дар Русия аз 600 то як милюн тоҷикистонӣ кор мекунад.

559
Барчаспҳо:
муҳоҷират, Дмитрий Попов, Русия
Мавзуъ
Ба пеш ба Русия: пешсафии Тоҷикистон дар муҳоҷират ба Русия
Беш аз 1500 шаҳрванди Тоҷикистон ба Шарқи Дур муҳоҷират кардаанд
Хисороти молии "Сомон Эйр" дар мавсими муҳоҷират
Дод аз дасти муҳоҷират: сарнавишти занони талоқшуда
Коршинос: Қонунгузории ҷории Русия дар заминаи муҳоҷират ниёз ба бознигарӣ дорад
Бинои Ҳукумати ФРДом

Рустами Эмомалӣ ба Алексей Оверчук: иҷрои 300 созишнома беҳбудии ҷиддӣ мехоҳад

567
(Таҷдидшуда 18:30 25.11.2020)
Рустами Эмомалӣ ва Алексей Оверчук масоили иқтисодӣ, фарҳангӣ ва муҳоҷирати меҳнатиро баррасӣ карданд

ДУШАНБЕ, 25 ноя – Sputnik. Раиси Маҷлиси миллии Маҷлиси Олии Тоҷикистон, раиси шаҳри Душанбе Рустами Эмомалӣ имрӯз бо муовини раиси Ҳукумати Русия, ҳамраиси Комиссияи байниҳукуматии Тоҷикистон ва Русия оид ба ҳамкории иқтисодӣ Алексей Оверчук мулоқот кард.

Бино ба гузориши дафтари матбуотии шаҳрдори Душанбе ин дидор дар бинои Ҳукумати Русия дар шаҳри Маскав баргузор шудааст.

Гуфта мешавад, ки иштирокчиёни вохӯрӣ ҳолати кунунӣ ва дурнамои муносибатҳои ҳамкории Тоҷикистон ва Русияро дар доираи санадҳои меъёрии ҳуқуқии мавҷудабаррасӣ кардаанд.

Дар ин мулоқот, Рустами Эмомалӣ ёдовар шудааст, ки асосҳои қарордодиву ҳуқуқии тарафайнро қариб 300 созишномаҳои байнидавлативу байнисоҳавӣ ташкил медиҳанд, ки иҷрои босифати онҳо беҳбудии ҷиддӣ тақозо мекунад.

Дар ин робита ба ҳамкории тиҷоратӣ-иқтисодӣ, ки самти афзалиятноки муносибатҳои дуҷонибаро ифода мекунад, таваҷҷуҳи хос зоҳир шудааст.

"Дар ҳашт моҳи соли равон гардиши мол байни ду давлат  720 миллион доллари амрикоиро ташкил дод", - садо дод дар ин дидор.

Корхонаҳои саноатӣ дар минтақаҳои озоди иқтисодӣ

Вобаста ба саноатикунонии иқтисоди кишвар, ки афзалияти стратегӣ эълон шудааст, таъсиси корхонаҳои муштараки истеҳсолӣ, аз ҷумла дар минтақаҳои озоди иқтисодӣ қобили қабул арзёбӣ гардидааст.

Ҷонибҳо манфиатдории худро дар рушди ҳамкорӣ дар соҳаҳои саноати истихроҷ ва коркарди маъданҳои кӯҳӣ, сӯзишворӣ-энергетикӣ, комплекси аграрӣ, ҳамчунин саноати сабук ва хӯрокворӣ иброз доштаанд.

Рустами Эмомалӣ дар ин робита ташкили Шӯрои байнидавлатиро оид ба ҷалби мустақими сармояи Русия ба Тоҷикистон мувофиқи мақсад донистааст.

Воридоти маҳсулоти ғизоӣ

Дар вохӯрӣ ҳамчунин ба масъалаи содироту воридоти маҳсулоти ғизоӣ ва сабзавоту мева манфиатдор будани ҷонибҳо мавриди гуфтугӯи ҷиддӣ қарор дода шуд.

Дар мулоқот таъкид гардид, ки самти фарҳангӣ-гуманитарии ҳамкорӣ, бахусус дар соҳаи маориф имконияту захираҳои фаровон дорад.

Омӯзиши забони русӣ дар Тоҷикистон

Дар ин дидор гуфта шудааст, ки дар Тоҷикистон барои омӯзиши забони русӣ шароити мусоид фароҳам карда мешавад.

Ҳамасола аз Русия ба мактабҳои Тоҷикистон беш аз 50 нафар омӯзгорон фиристода мешаванд.

Рустами Эмомалӣ аз тезонидани суръати сохтмони 5 мактаб дар Тоҷикистон дар асоси Созишномаи тарафайн изҳори назар карданд.

Ҷонибҳо аз муҳимияти масоили марбут ба муҳоҷирати меҳнатӣ дар шароити пандемия ёдовар шуда, зарурати барқарор намудани алоқаи мунтазами ҳавоии байни ду давлатро таъкид намудаанд.

Раиси шаҳри Душанбе Рустами Эмомалӣ изҳори боварӣ намудааст, ки Алексей Оверчук ба ҳайси ҳамраиси Комиссияи байниҳукуматии Тоҷикистон ва Русия оид ба ҳамкории иқтисодӣ,саҳми арзандаи худро дар рушду таҳкими ҳамаҷонибаи муносибатҳои стратегӣ ва иттифоқчигӣ байни ин ду кишвар мегузорад.

567
Барчаспҳо:
созишнома, Рустами Эмомалӣ
Мавзуъ
Рустами Эмомалӣ аз мушкили муҳоҷирон гуфт: афв то 15 декабр
Рустами Эмомалӣ аз интиқоли донишҷӯёну парвозҳо: шарҳи пурраи гуфтушунид - видео
Аз як даст садо намебарояд: Матвиенко ба Рустами Эмомалӣ зарбулмасали тоҷикӣ гуфт
Трудовые мигрантыю Архивное фото

Рустами Эмомалӣ аз мушкили муҳоҷирон гуфт: афв то 15 декабр

2520
(Таҷдидшуда 15:20 25.11.2020)
Рустами Эмомалӣ, раиси Маҷлиси миллии Тоҷикистон, бо Александр Жуков, муовини якуми раиси Думаи давлатии Федератсияи Русия, густариши ҳамкориҳо аз ҷумла дар бахши муҳоҷирату иқтисодиётро баррасӣ кардааст

ДУШАНБЕ, 25 ноя – Sputnik. Тибқи иттилои котиботи Маҷлиси миллӣ, Рустами Эмомалӣ 25 ноябр дар Маскав зимни мулоқот бо Александр Жуков таваҷҷуҳи ҷониби Русияро ба масъалаҳои муҳоҷирати меҳнатӣ ҷалб карда, онро яке аз мавзӯъҳои мубрами равобити дуҷониба арзёбӣ намудааст.

Манбаъ афзуд, дар мулоқот зикр гардид, ки паҳншавии пандемияи коронавирус дар саросари ҷаҳон дар фаъолияти муҳоҷирони меҳнатӣ баъзе маҳдудиятҳоро ба миён овард.

“Дар ин робита тазаккур дода шуд, ки шаҳрвандони Ҷумҳурии Тоҷикистон, ки дар ҳудуди Федератсияи Русия ҳузур дошта, баъзе ҳуҷҷатҳояшон ба қонунгузории ин кишвар ҷавобгӯ нест, то 15 декабри соли 2020 авф гардида, метавонанд аз нав ба қайд гирифта шаванд”, - таъкид шудааст дар иттилоияи котиботи Рустами Эмомалӣ.

Инчунин ҷонибҳо изҳори боварӣ намудаанд, ки ояндаи наздик бо тағйирёбии вазъ маҳдудиятҳои марбут ба COVID-19 аз байн бардошта мешаванд.

Котиботи Маҷлиси миллӣ илова намуд, ки дар мулоқот ҳамчунин таъкид шудааст, ки ҳоло иқтидорҳои зиёди истифоданашудаи ҳамкорӣ мавҷуд мебошад.

Бо арзи адаб: Рустами Эмомалӣ Валентина Матвиенкоро ба Тоҷикистон даъват кард

"Дар ин робита барои тавсеаи ҳамкориҳои судманд, аз ҷумла таъсиси корхонаҳои муштарак дар заминаи ашёи маҳаллӣ бо истифодаи технологияи Русия ва содироти минбаъдаи он ба бозорҳои ин кишвар имкониятҳои фарох фароҳам гардидааст", - афзуд манбаъ.

2520
Барчаспҳо:
ҳамкорӣ, мулоқот, Русия, Тоҷикистон

Марадона дунёро падруд гуфт: ӯ чигуна дар хотироти мо боқӣ хоҳад монд - акс

0
(Таҷдидшуда 11:06 26.11.2020)
Алберто Фернандес, раисиҷумҳури Аргентина дар паёме ба муносибати даргузашти Марадона 3 рӯз азо (мотам)-и умумӣ дар кишвараш эълом кард

Даргузашти Диего Армандо Марадона ҳамаи мардуми Аргентинаро таҳти таъсир қарор дода ва бархе ахбор ҳокӣ аз он аст, ки мардум ба нишонаи нороҳатӣ ба хиёбонҳо омадаанд.

Даргузашти Марадона ҳамчунин бо вокуниши шахсиятҳои матраҳи дунёи футбол ҳамроҳ буд.

Расона‌ҳои Аргентина рӯзи чаҳоршанбе аз даргузашти Диего Марадона бар асари оризаи қалбӣ хабар доданд.

Марадонаи 60 сола, чанде қабл ба иллати оризаи қалбӣ дар бемористон бистарӣ ва ҷарроҳӣ шуда буд.

Вай яке аз беҳтарини бозигарони таърихи футбол ва ситораи даҳаи 80 милодӣ ба шумор мерафт ва ҳамвора шуморе аз бозикунон ва мураббиёни саршинос, коршиносон, маҷаллоти тахассусии футбол ва низ ҳаводорони ин риштаи варзишӣ, ӯро бартарин бозикуни тамоми таърихи футбол медонанд.

0
  • © REUTERS / Carlos Barria

    Даргузашти Марадона ҳамаи мардуми Аргентинаро таҳти таъсир қарор дод

  • © REUTERS / Action Images / Juha Tamminen

    Марадона яке аз беҳтарини бозикунони таърихи футбол ва ситораи даҳаи 80 милодӣ ба шумор мерафт

  • © AP / Carlo Fumagalli, file

    Диего Армандо Марадона бо ҷоми дар Чемпионати Ҷаҳон дар даст баъд аз бозии финал бо тими миллии Олмон дар соли 1986

  • © REUTERS / Stringer

    Диего Марадона бо ҳамсараш Клаудия ва модари меҳрубонаш, соли 1989

  • © Sputnik / Vladimir Rodionov

    Марадона дар ҳайати тими "Наполи" баъд аз бозӣ бо тими Спартаки Маскав дар соли 1990

  • © AFP 2020 / Daniel Garcia

    Диего Армандо Марадона 30 октябри соли 1960 таваллуд шудааст. Дар синни 10 солагӣ ба тими наврасони "Лос Себолитас" пайваст.

  • © REUTERS / Stringer

    Суҳбати ду шахси намоен: Диего Марадона ва раисҷумҳури Кубы Фидель Кастро дар Куба, 2001 год.

  • © REUTERS / Marcos Brindicci

    Диего Марадона бо сигори кубинӣ ва нақши Че Гевара бар даст

  • © AFP 2020 / Stringer

    Аз соли 1977 Диего ба ҳайати тими миллӣ шомил гардид.

  • © AP / Matt Sayles

    Бозии охирони Марадона бо тими "Ривер Плейта" санаи 25 октябри соли 1997 сурат гирифта буд

  • © AFP 2020 / Valery Hache

    Сабаби марги ситораи ҷаҳониро, аз тапидан бозмондани қалбаш рабт медиҳад

  • © REUTERS / Eddie Keogh

    Дар робита ба даргузашти Марадона, кишвардори Аргентина Алберто Фернандес дар қаламрави кишвараш се рӯзи мотам эълон намуд

  • © Sputnik / Sergey Guneev

    Президенти Русия Владимир Путин, ситораи футболи Бразилия Пеле ва ситораи Аргентина Диего Марадона

  • © REUTERS / Marcos Brindicci

    Диего Марадона ҳамроҳ бо дустдухтараш

  • © REUTERS / Grigory Dukor

    Диего Марадона бо бозии футболаш Аргентираро ба денё муаррифӣ кард