Муҳоҷирон. акс аз бойгонӣ

Тоҷикистон аз Русия барои муҳоҷирон ҳаққи бознишастагӣ талаб мекунад

454
(Таҷдидшуда 12:02 17.08.2017)
Ҳаққи бознишастагиро танҳо муҳоҷироне дарёфт хоҳанд кард, ки дар Русия қонунан буду бош ва кору фаъолият доранд

ДУШАНБЕ, 17 авг — Sputnik, Фотима Яҳёева. Вазорати кору муҳоҷират ва шуғли аҳолии ҶТ қасд дорад, ки то соли 2018 бо Русия дар масоили додани ҳаққи бознишастагӣ ба муҳоҷирони тоҷик ба мувофиқа расад.

"Мо мехоҳем то поёни соли равон нуқтаи охири кори ин масъаларо гузорем ва тарҳи қарордодро омода кунем. Имзо шудани ин қарордод ба муҳоҷирон ҳуқуқи гирифтани ҳаққи бознишастагиро дар Русия фароҳам меорад", — гуфт намояндаи вазорат дар суҳбат бо Sputnik Тоҷикистон.

Ин манбаъ ҳамзамон ёдоварӣ кард, ки ҳаққи бознишастагиро танҳо муҳоҷироне метавонанд дарёфт кунанд, ки дар қаламрави Русия буду бош ва кору фаъолияти қонунӣ доранд.

Намояндагони Вазорати кори Тоҷикистон бар ин ҳастанд, ки ин қарордод бар вазъи иқтисодии Русия низ таъсири мусбат хоҳад дошт, зеро пардохтҳои муҳоҷирон сандуқи бимаи иҷтимоъии ин кишварро ғанӣ хоҳанд кард. Ҳамзамон муҳоҷирони тоҷик ҳам хоҳанд кӯшид буду бошу корашонро қонунӣ кунанд.

"Вазъи ҷамъиятшинохтии Русия сол аз сол бадтар мешавад. Муҳоҷироне, ки қонунан кор мекунанд, бар вазъи демографӣ низ таъсири мусбат хоҳанд расонд", — гуфтанд дар вазорат.

Пештар хабар дода шуд, ки тарҳи чунин қонун аз авоили соли 2017 омода шуда, вале то кунун бархе мавориде дар ин қарордод ҷой доранд, ки бо қонунгузории Русия носозгор ҳастанд.

Бино бар омори расмӣ, ҳамакнун дар Русия камобеш 800 ҳазор муҳоҷир аз Тоҷикистон кору фаъолият доранд.

Бино ба таҳлилҳои Мактаби олии иқтисодии Русия, музди миёнаи муҳоҷирони тоҷик дар як моҳ 28 ҳазор рублро ташкил медиҳад.

454
Барчаспҳо:
ҳаққи бознишастагӣ, муҳоҷират, Тоҷикистон, Русия
Мавзуъ
Коршинос: нархи патент барои муҳоҷирон бисёр гарон аст
Нархи гирифтани патент дар вилояти Маскав арзон шуд
Нархи патент барои муҳоҷирони Маскав дар соли 2017 қимат намешавад

Муҳоҷиронро дар Санкт-Петербург дар киштиҳои сайёҳӣ ҷой медиҳанд

262
(Таҷдидшуда 14:48 20.11.2020)
Муҳоҷиронеро, ки дар шаҳри Санкт-Петербург дар ҳолати вазнин қарор гирифтаанд, дар бошишгоҳҳои ғайриодие ҷой медиҳанд, ки дар замони пандемия истифода намешаванд

ДУШАНБЕ, 20 ноя — Sputnik. Дар бораи вазъи муҳоҷирон дар шаҳри Санкт-Петербург, губернатор Александр Белов нақл кард, навиштааст  "Невские новости".

Ба гуфтаи губернатор вазъи муҳоҷирон дар Санкт-Петербург дар маҷмӯъ назоратшаванда мебошад.

“Таҷаммӯи оммавии шаҳрвандони хориҷӣ, ки имкони бозгашт ба Ватанашонро надоранд, то ҳол ба қайд гирифта нашудааст”, - изҳор дошт губернатор.

Белов афзуд, муҳоҷирони дармондаро мақомот дар  киштиҳои сайёҳӣ, меҳмонхонаҳои обӣ ва инчунин шаҳракҳои хаймавии Вазорати ҳолатҳои фавқулодда ҷой медиҳанд.

Инчунин губернатори Санкт-Петербург иттилоъ дод, ки барои кумак ба муҳоҷирон  шабакаи махсуси телефонӣ фаъол шудааст, ки ба корафтодагон дар масоили гуногун, аз ҷумла тиббию иҷтимоӣ машварат медиҳад.

Дар баробари ин хориҷиён метавонанд, бо суолҳояшон ба гуруҳи махсус, ки дар шабакаи иҷтимоии "ВКонтакте" ташкил шудааст, муроҷиат намоянд.

262
Барчаспҳо:
Санкт-Петербург, муҳоҷирон, Русия
Покупатель в аптеке

Кор дар дорухонаҳову марказҳои тиҷории бузурги Русия барои хориҷиҳо мамнӯъ шуд

339
(Таҷдидшуда 18:43 19.11.2020)
Ҳукумати Русия саҳмияи ҷазби коргарони муҳоҷири хориҷӣ дар ин кишварро дар соли 2021 эълом кард, ки бинобар он муҳоҷирон дар дорухонаҳову марказҳои тиҷории бузург ба кор гирифта нахоҳанд шуд

ДУШАНБЕ, 19 ноя — Sputnik.  Ба гузориши сомонаи итилоърасонии ҳукумати Русия, коргарони муҳоҷир метавонанд бештар дар бахшҳои хадамоти шаҳрӣ, ҷангал, сохтмонсозӣ, кишоварзӣ ва ҳамлунақл фаъолият кунанд.

Саҳми ин афрод дар бахши сохтмонсозӣ дар соли 2021 наздик ба 80 дарсад хоҳад буд.

Дар кишоварзӣ, буридани ҷангал ва саноати мебелсозӣ саҳми коргарони муҳоҷири хориҷӣ 50 дарсадро ташкил хоҳад кард. Ин афрод дар бахши ҳамлунақли умумӣ дорои 25 дарсад саҳмияи истихдомӣ шудаанд.

Аммо дар бахши варзиш ба онон 25 дарсад саҳмия ихтисос ёфтааст. Дар фурӯшгоҳҳои хурд ба коргарони муҳоҷири хориҷӣ 15 дарсад иштиғол муҷоз дониста мешавад.

Бар асоси гузориши расмӣ, беш аз як миллион нафар коргарони муҳоҷири тоҷик дар Русия ду сеюми онон дар бахши сохтмонсозӣ фаъолият мекунанд, ки ба далели густариши Ковид -19 аксари онон ба кишвари хеш бозгашт кардаву бо баста шудани марзҳо наметавонанд дубора вориди Русия шаванд.

Ҳукумати Русия эълом кардааст, ки ба далели густариши вируси корона ва хуруҷи коргарони муҳоҷир бахши сохтусоз дар ин кишвар бо мушкили ҷиддӣ рӯ ба рӯ шуда ва акнун барномаи боз кардани марзҳо барои вуруди дубораи ин афрод дар дасти баррасӣ мебошад.

339
Барчаспҳо:
хориҷӣ, кор, беҳтарин дорухона, муҳоҷират, Русия
Выборы в Таджикистане

Вазорат: дар 24 соати гузашта марг бар асари COVID-19 ба қайд гирифта нашуд

0
(Таҷдидшуда 20:02 23.11.2020)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта ягон ҳолати фавт бар асари коронавирус дар ҷумҳурӣ сабт нашудааст

ДУШАНБЕ, 21 ноя – Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи охир дар Тоҷикистон 38 ҳолати нави сирояти COVID-19 ба қайд гирифта шуд.

Маркази матбуоти Вазорати тандурустӣ ва ҳифзи иҷтимоии аҳолӣ афзуд,  дар маҷмӯъ сирояти коронавирус дар муддати аз 30 апрел то 23 ноябр 11 ҳазору 932 ҳолатро ташкил медиҳад.

“Дар як шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11 ҳазору 312 нафар баробар гардид. Бар асари ин беморӣ 86 нафар фавтидаанд”, - омадааст дар иттилоия.

Вазорати тандурустӣ илова намудааст, ки то имрӯз 94,8%-и гирифторон аз коронавирус шифо ёфтаанд.

Таъкид шудааст, ки  Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

0
Барчаспҳо:
вазоратхона, марг, ҷумҳурӣ, фавт, вируси корона, Тоҷикистон