Боркаш. Акс аз бойгонӣ

Марзбонони амрикоӣ 60 муҳоҷирро аз марг наҷот доданд

59
(Таҷдидшуда 14:33 20.08.2017)
Наздик буд шаст муҳоҷире, ки дар дохили яхдони рустанибар буданд, аз хунукӣ ҷон диҳанд

ДУШАНБЕ, 20 авг — Sputnik. Ба гузориши шабакаи  Fox News марзбонони амрикоӣ дар Техас шаст муҳоҷирро, ки ба таври ғайриқонунӣ дар дохили яхдони худрави боркаш пинҳон шуда буданд, аз марг наҷот доданд.

Муҳоҷирон дар дохили яхдони рустанибар пинҳон шуда буданд. Онҳоро саги низомӣ пайдо кард. Дари боркаши яхдондор маҳкам баста буд ва худи муҳоҷирон наметавонистанд онро мустақилона кушоянд.

Ҳарорати ҳаво дар дохили боркаш ҳашт дараҷа хунук буд. Гуфта мешавад, ки 22 нафаре аз ин муҳоҷирон аз Гватемала буда,  17 касашон мексикоӣ, 13 салвадорӣ ва ҳафт каси онҳо зодагони Гондурас будаанд. 

Ба ҳамаи муҳоҷирон кумаки тиббӣ пешниҳод шуда, вале онҳо ин ёриро напазируфтаанд. Ҳамакнун онҳоро ба шӯъбае марзии кишвар ҷой дода шуданд.

Ронандаи боркаши яхдондор аз ҷониби пулис боздошт шуд. Маълум гардид, ки ӯ ҳам аз Гватемала будааст. 

Мақомоти қудратӣ нисбати ӯ парвандаеро бо иттиҳоми вуруди ғайиқонунии муҳоҷирон боз хоҳанд кард.

59
Барчаспҳо:
шаст муҳоҷир, муҳоҷирон, Ҷаҳон
Мавзуъ
Коршинос сабаби ба Русия муҳоҷират кардани тоҷиконро гуфт
Ба пеш ба Русия: пешсафии Тоҷикистон дар муҳоҷират ба Русия
Беш аз 1500 шаҳрванди Тоҷикистон ба Шарқи Дур муҳоҷират кардаанд
Хисороти молии "Сомон Эйр" дар мавсими муҳоҷират
Мигранты у здания Управления Федеральной миграционной службы России

Дар Русия 40% муҳоҷирон бо сабаби коронавирус бекор мондаанд

119
(Таҷдидшуда 15:12 09.07.2020)
Як таҳқиқот муаян кардааст, ки бештар аз 50% муҳоҷирон дар Русия тамоми манбаҳои даромади худро аз даст додаанд

ДУШАНБЕ, 9 июл — Sputnik. Дар Русия, бар асари пандемияи коронавирус бештар аз ҳама муҳоҷирони меҳнатӣ азият кашиданд, хабар медиҳад рӯзномаи тиҷоратии "Ведомости" бо истинод ба як пурсиши РАНХиГС.

Аз рӯйи натиҷаҳои ба даст омада, 40%-и муҳоҷирон ҳангоми пандемия бекор шуданд.

Илова бар ин, 35%-и муҳоҷирон маҷбур буданд ба рухсатии бемузд раванд.

Бештари тағирот ба муҳоҷироне, ки дар Маскав зиндагӣ мекарданд, таъсир расонд. Ҳамин тавр, 76% хориҷиён ҷои кори худро аз даст доданд ё ба рухсатии маҷбурӣ рафтанд.

Дар уммум 51% муҳоҷирон дар Русия ва 54% шаҳрвандони хориҷӣ дар Маскав гуфтаанд "ҳамаи манбаҳои даромад"-ро аз даст додаанд. Ҳамзамон, болоравии даромадҳо ва ё дар як сатҳ боқӣ мондани он танҳо 19% боқӣ мондааст.

Ёдовар мешавем, ки аз аввали сол ҷараёни муҳоҷират ба Русия нисбат ба ҳамин давраи соли 2019 беш аз 2 маротиба кам шудааст.

119

Коженов тағйиротҳо ҳангоми гирифтани патентро тавзеҳ дод

303
Раиси Федератсияи муҳоҷирони Русия Вадим Коженов тавзеҳ дод, ки аз 1 июл тартиботи гирифтани иҷозатномаи кор барои муҳоҷирон чигуна мешавад

ДУШАНБЕ, 8 июл — Sputnik. Раиси Федератсияи муҳоҷирони Русия Вадим Коженов дар мусоҳиба бо телевизиони "Мир-24" гуфт, ки аз 1 июл муҳоҷирони меҳнатӣ ҳангоми дархости патент бояд кадом тағйиротҳоро дар назар бигиранд.

Ӯ ёдрас шуд, ки 18 апрел раисҷумҳури Русия Владимир Путин фармонеро ба имзо расонид, ки мувофиқи он муҳоҷирони меҳнатӣ аз 15 март то 15 июн имтиёзҳои калон ба даст оварданд. Яъне, муҳоҷирон аз супурдани андози патент ва худро ба қайд гузоштан озод шуданд.

"Мақомоти Русия тамоми чораҷӯиҳоро андешиданд, то дар давраи мушкили карантин ба муҳоҷирон кӯмак расонанд", - таъкид кард Коженов.

Ёдрас мешавем, Русия аз 27 март, чун даҳҳо кишвари дигар, марзҳояшро баст ва парвозҳои байналмилалӣ лағв шуданд.

15 июн мӯҳлати амали фармони мазкур то 15 сентябр тамдид гардид.

"Ягона маҳдудият дар он аст, ки касе ки кор мекунад ва даромад дорад, бояд андози патентро супорад. Нафароне ки аз кор маҳрум шуданд, метавонанд, бидуни нигаронӣ аз ҷарима ва депорт дар ҳудуди Русия монанд", - гуфт президенти федератсия.

 

Ҳамчунин ӯ афзуд, ки ба муҳоҷирон иҷозат дода мешавад, ки бидуни убури сарҳад патент ба даст оранд. Зеро марзҳо бастаанд. 

Кӯмак: Коженов байни муҳоҷирон хӯрока тақсим кард - Навор

"Агар дар ин муддати зикргардида мӯҳлати патенти муҳоҷир ба анҷом расад, ӯ бидуни убури сарҳад метавонад навашро ба даст орад", - таъкид кард вай.

Раиси муҳоҷирон афзуд, ки Русия ба ворид шудани муҳоҷирон ба кишвар маҳдудияте ҷорӣ накардааст ва замоне ки карантин ба анҷом мерасад, хоҳишмандон метавонанд ба Русия сафар кунанд.

303
День 10 июля

Ҷашнҳои рӯзи 10 июл дар Тоҷикистон ва ҷаҳон

0
(Таҷдидшуда 03:32 10.07.2020)
Рӯзи даҳуми июл дар Русия аз Рӯзи қувваҳои ҳарбӣ таҷлил мешавад. Ҳамчунин дар ин рӯз дар Муғулистон Рӯзи парчами давлатӣ ҷашн гирифта мешавад

Рӯзи 10 июл дар ҷаҳон чӣ рух дод

Соли 1847 аввалин маротиба 35 муҳоҷири кории Чин ба Амрико рафтанд.

День 9 июля
© Sputnik / Стас Этвеш / Вишнякова Мария

Соли 1925 Агентии Телеграфии Иттиҳоди Шӯравӣ (ТАСС) таъсис дода шуд.

Соли 1962 ширкати америкоии "American Telephone and Telegraph" ба воситаи алоқаи моҳвораи «"elstar" миёни ИМА, Англия ва Фаронса аввалин санҷиши алоқаи телефониро ба роҳ монд.

Соли 2007 аввалин маротиба давоми навад сол дар пойтахти Аргентина боридани барф ба қайд гирифта шуд.

Соли 1878 дар Англия аввалин маротиба довари бозии футбол ҳуштак истифода бурд. То он вақт доварони футбол бо овози баланд фарёд мекарданд.

Ҷашнҳои рӯзи 8 июл дар Тоҷикистон ва ҷаҳон

Соли 1913 дар иёлати Калифорнияи ИМА ҳарорати баландтарини ҳаво – 57 дараҷа гармӣ ба қайд гирифта шуд.

Рӯзи 10 июл дар Тоҷикистон чӣ рух дод

Соли 2008 дар мулоқоти Президенти Ҷумҳурии Тоҷикистон Эмомалӣ Раҳмон бо Вазири корҳои дохилии вақти Ҷумҳурии Исломии Афғонистон Зарораҳмад Муқбил масоили ҳамкории байни сохторҳои қудратӣ ва мақомоти ҳифзи ҳуқуқу тартиботи Тоҷикистону Афғонистон баррасӣ гардиданд.

День 7 июля
© Sputnik / Стас Этвеш / Вишнякова Мария

Сли 2010 дар ноҳияи Бобоҷон Ғафурови вилояти Суғд бо иштироки Эмомалӣ Раҳмон корхонаи муштараки истеҳсолии Тоҷикистону Юнон "Олимпия" ба кор дароварда шуд.

Ҷашнҳои рӯзи 6 июл дар Тоҷикистон ва ҷаҳон

Соли 2012 раисҷумҳури Тоҷикистон Эмомалӣ Раҳмон бо сафари корӣ ба шаҳри Роғун ташриф оварда, бо ҷараёни корҳои барқарорсозӣ дар Неругоҳи барқи обии "Роғун" шинос шуда, бо фаъолони шаҳр мулоқот анҷом доданд.

Соли 2012 ширкати хавопаймоии  "Тоҷик Эйр" аввалин парвози худро ба самти Душанбе-Боку-Душанбе анҷом дод.

 

Самолет авиакомпании Таджик Эйр, архивное фото
© Пресс-служба авиакомпании "Tajik Air"
Самолет авиакомпании "Таджик Эйр", архивное фото

 

Соли 2014 ҷавони тоҷик Шаҳром Сулаймонов  беҳтарин футболбози Русия интихоб гардид.

Соли 2017 дар чемпионати XXII Осиё оид ба варзиши сабук, ки дар шаҳри Бҳубанешвари Ҳиндустон баргузор гардид, варзишгари маъруфи тоҷик, чемпиони Бозиҳои олимпии Рио-де-Жанейро-2016 Дилшод Назаров дар намуди гурзандозӣ маротибаи чаҳорум чемпиони Осиё шуд.

 

Дилшод Назаров на летних Азиатских играх 2018 в Джакарте
© AP / Lee Jin-man
Дилшод Назаров на летних Азиатских играх 2018 в Джакарте

Соли 2017 Телевизиони Ӯзбекистон филми мустанади "Ӯзбекистон-Тоҷикистон: дӯстие, ки аз санҷиши замон гузаштааст"-ро, ки онро шабакаи телевизиони "O‘zbekiston" таҳия кардааст, намоиш дод.

 

Ҷашнҳои рӯзи 10 июл

Дар Мавритания — Рӯзи армия.

Дар Муғулистон – Рӯзи Парчами давлатӣ.

Дар Русия – Рӯзи қувваҳои ҳарбӣ.

Рӯзи 10 июл дар Тоҷикистон кӣ ба дунё омадааст

Солҳои (1913-1982) – ходими давлатӣ Ҷаббор Расулов.

Солҳои (1914-1995) – академик Муҳаммадқул Нарзиқулов.

Солҳои (1926-2000)  – Ҳофизи миллии Тоҷикистон Иброҳим Кобулиев.

Соли 1959 – адабиётшинос Аъзами Яздонӣ.

0
Барчаспҳо:
ҷашн, ҷаҳон, Тоҷикистон