Свадебные кольца

Русия 10 вебгоҳеро мебандад, ки муҳоҷиронро "хонадор" мекарданд

61
(Таҷдидшуда 20:26 14.11.2017)
Ин вебгоҳҳо аз шаҳрвандони хориҷӣ пул гирифта барояшон "ҳамсар" меёфтаанд то бо онҳо қонуншиканона "издивоҷ" карда шаҳрвандии Русияро осон дарёфт кунанд

ДУШАНБЕ, 14 ноя — Sputnik. Додситонии Ҷумҳурии Бошқирдистон аз додгоҳ хоста 10 вебгоҳеро бибандад, ки барои муҳоҷирон "ҳамсарёбӣ" мекарданд.

Ин вебгоҳҳо аз шаҳрвандони хориҷӣ пул гирифта барояшон дар Русия "ҳамсар" меёфтаанд то бо онҳо қонуншиканона "издивоҷ" карда шаҳрвандии Русияро осон дарёфт кунанд.

Расонаҳои бошқирдӣ хабар медиҳанд, ки додгоҳ ин дархости додситониро пазируфта ва 10 вебгоҳро бастааст. Қарори додгоҳ дар ин бора ба Созмони федеролии бозрасии расонаҳои Русия фиристода хоҳад шуд.

Пештар хабар дода будем, ки додситонии яке аз ноҳияҳои вилояти Воронеж аз додгоҳи ин вилоят дархост карда, ки издивоҷи дурӯғини шаҳрванди Русия ва муҳоҷири тоҷикистониро ботил кунад.

Ба иттилоъи Додситонии вилояти Воронеж, ин зан, ки дар ноҳияи Левобережний дар шаҳри Воронеж зиндагӣ мекардааст, дар соли 2015 бо як шаҳрванди Тоҷикистон қонуншиканона издивоҷ сабт карда то муҳоҷири тоҷик иҷозати иқомати муваққат дар Русияро ба даст оварад.

Додситонӣ ошкор карда, ки ин шавҳару ҳамсар ҳаргиз бо ҳам зиндагӣ накардаанд, равобити заношӯӣ ва хонадории муштарак надоштаанд ва намехостаанд хонавода ташкил кунанд. Аз ин рӯ, онҳоро ба додгоҳ кашида ва аз он дархост карда, ки издивоҷашонро қонуншиканӣ дониста ҷудояшон кунад.

61
Барчаспҳо:
издивоҷи қонуншиканона, ҳамсарёбӣ, Додситонии Ҷумҳурии Бошқирдистон, Русия-Бошқирдистон
Мавзуъ
Шурои уламо ба Абдуллоҳ: издивоҷ ба зани яҳудӣ ё масеҳӣ ҷоиз аст
Даъвати СММ аз ҶТ: издивоҷи мардони хориҷиро бо духтарони тоҷик иҷоза диҳед
Равоншинос: ишқ бе издивоҷ ва издивоҷ бидуни муҳаббат имконпазир аст
Рубль, архивное фото

Боздошти шаҳрванди Тоҷикистон барои ситондани пул аз ҳамватан дар Русия

186
(Таҷдидшуда 20:18 28.11.2020)
Як шаҳрванди Тоҷикистон аз ҳамватанаш бо истифодаи зӯроварӣ ҳамаи маблағҳои доштаашро ситондааст. Муттаҳам боздошт шудааст

ДУШАНБЕ, 28 ноя — Sputnik. Аз шаҳрванди Тоҷикистон дар шаҳри Санкт Петербург наздики 150 ҳазор рубл ситонда шудааст, хабар дод ФАН бо такя ба мақомоти ҳифзи ҳуқуқ.

Ҷабрдида дар мақомоти ҳифзи ҳуқуқ изҳор доштааст, ки ӯро гурӯҳи муҳоҷирон мавриди фишор қарор додаанд. Ӯ таъкид кардааст, ки амали ин гуруҳро як нафар роҳбарӣ менамудааст.

Манбаъ афзуд, ки нахуст аз ҷабрдида 50 ҳазор рублашро гирифта, баъдан маҷбур кардаанд, ки боқимондаи пулро аз корти бонкияш гирифта диҳад.

Дар маҷмӯъ маблағе, ки аз ҷабрдида ситонда шудааст, 149 ҳазор рублро ташкил додааст.

Мақомоти ҳифзи ҳуқуқ изҳор доштаанд, ки муттаҳам дар ташкили ғоратгарӣ боздошт шудааст. Муайян гардидааст, ки ӯ ҳамватани ҷабрдида буда, феълан таҳқиқи ҳодиса идома дорад.

186
Трудовые мигранты, архивное фото

Бозгашт ба Тоҷикистон тариқи Ӯзбекистону Қирғизистон арзонтар аст

266
Бозгашти муҳоҷирони тоҷик аз Русия ба Тоҷикистон аз масирҳои Ӯзбекистону Қирғизистон хароҷоти камтари маблағ дорад

ДУШАНБЕ, 28 ноя — Sputnik. Дар ҳоле ки  чиптаи ҳавопаймо аз Маскав ба Душанбе ҳудуди 395 евроро ташкил медиҳад, бозгашт ба Тоҷикистон тариқи шаҳрҳои Ӯзбекистону Қирғизистон арзонтар аст, хабар додаст сомонаи Парстудей.

Манбаъ афзуд, қимати билет аз шаҳрҳои Русия ба Самарқанд 25 ҳазор рубли русӣ аст ва тоҷикҳо ҳазор то ҳазору 500 рубли дигарро барои ронандагони таксиҳо то марзи Тоҷикистон пардохт мекунанд.

“Ҳамчунин тоҷикҳои дорои тобеияти Русия, ки бо ширкатҳои ҳавопаймоии русӣ ба Қирғизистон меоянд, аз шаҳри Уши ин кишвар то Хуҷанди Тоҷикистон барои хадамоти таксӣ 150 то 200 сомонӣ пардохт мекунанд”, - омадааст дар матлаб.

Манбаъ афзудааст, ки парвоз ба шаҳрҳои Ӯзбекистону Қирғизистон барои бозгашти коргарони муҳоҷири тоҷик аз Русия 8 то 15 ҳазор рубл арзонтар тамом мешавад.

Қаблан далели гарон будани нархи чиптаҳоро масъулини ширкати тоҷикистонӣ ба пур кардани танҳо 60 дарсади сандалиҳо барои ҷилавгирӣ аз густариши Ковид 19, гаронии сӯхт ва ҳазинаҳои ҷонибӣ ба манзури хариди маводи зиддиуфунӣ унвон мекунанд

266

Натиҷаи баҳсбарангез: муҳорибаи Майк Тайсон ва Рой Джонс бидуни ғолиб анҷом ёфт

0
(Таҷдидшуда 12:18 29.11.2020)
Дар Лос-Анҷелес муҳорибаи миёни ду муштзани машҳури ҷаҳон анҷом ёфт. Майк Тайсон ба рақиби ҷавонтраш тавоноии худро пурра нишон дод, аммо ҳайати доварон эълон карданд, ки муҳориба бидуни ғолиб анҷом ёфт

ДУШАНБЕ, 29 ноя — Sputnik. Дар Лос-Анҷелеси Амрико  муҳорибаи Бокс миёни ду муштзани номӣ Майк Тайсон ва Рой Джонс анҷом ёфт.

Пушти сари ҳар яке ин ду муштзан беш аз 50 муҳориба аст ва ҳар ду муштзан собиқ Чемпиони ҷаҳон мебошанд.

Майк Тайсон вазни вазнин доошт  ва Рой Джонс, ки харобтар буду барои ин муҳориба вазнашро зиёд кард, ки дар ринг каме мушкили кашид.

Тайсон мухлисонашро дар ҳайрат гузошт. Пеш аз муҳориба ӯ мегуфт ҳаяҷон дораду сину солаш рафтааст.

“Ман Брюс ли ҳастам? Шумо чӣ фикр мекунед? Ман 54 сол дорам. Мехоҳам ӯро нокаут кунам? Бале” – гуфт Тайсон.

Аммо вақте, ки ба ринг баромад сину сол фаромуш шуд. Ӯ тамоми тавоноии худро нишон дод. Тайсон рақиби худро мисли давраи ҷавонӣ ба кунҷи ринг мебурду муштҳои сангин мезад. Дар ин муҳориба Тайсон аз даврони ҷавониаш, ки ӯро “Тайсони оҳанин” меномиданд, ҳеҷ фарқияте надошт.

Рой Джонс дар ин муҳориба натиҷаи хубе нишон надод. Аммо баъд 8 раунд доварон эълон карданд, ки дар ин муҳориба касе пирӯз нашуд. Аммо аксари мухлисони бокс бар онанд, ки дар ин муҳориба Майк Тайсон пирӯзӣ ба даст овард.

Худи муштзани номӣ Майк Тайсон хулосаи доварон норозигӣ кард ва  як каме аз доварон хашмгин шуд. Аммо ба рақиби худ дустона рафтор кард.

Рой Джонс пас аз муҳориба гуфт, муштҳои Тайсон ба ӯ мушкилоти зиёде ба бор оварданд.

Рой джонси 51-сола дар 75 муҳориба 66 пирӯзӣ ба даст оварду дар 9 муҳориба мағлуб шуд.  Майк Тайсон 58 муҳориба анҷом доду дар 50 муҳориба пирӯз шуд.

0
Барчаспҳо:
доварон, пирӯз, пирӯзӣ, ғолиб, муҳориба, бокс, Майк Тайсон