Каромат Шарипов, акс аз бойгонӣ

Вакили Каромат Шарипов имрӯз аз қарори додгоҳ шикоят кард

351
(Таҷдидшуда 17:31 08.12.2017)
Дирӯз вакили Каромат Шарипов иҷоза ёфтааст, ки дар боздоштгоҳи муваққат бо вай мулоқот кунад. Пас аз ин мулоқот вакил аз номи Шарипов аз қарори Додгоҳи ноҳияи Любертсӣ ба Додгоҳи вилояти Маскав шикоят бурдааст.

ДУШАНБЕ, 8 дек — Sputnik. Имрӯз вакили Каромат Шарипов Алла Панкина аз қарори Додгоҳи ноҳияи Любертсӣ ба Додгоҳи вилояти Маскав шикоят бурдааст.

Дар ин бора ба Sputnik Тоҷикистон Гулбаҳор Қодирова, муншии роҳбари "Федеросюни муҳоҷирони тоҷик" Каромат Шарипов, хабар дод.

Вай гуфт, дирӯз вакили Каромат Шарипов иҷоза ёфтааст, ки дар боздоштгоҳи муваққат бо вай мулоқот кунад. Пас аз ин мулоқот вакил аз номи Шарипов аз қарори Додгоҳи ноҳияи Любертсӣ ба Додгоҳи вилояти Маскав шикоят бурдааст.

Ба гуфти Гулбаҳор Қодирова, дирӯз Додгоҳи ноҳияи Любертсӣ дархости Хадамоти муҳоҷиратии Маскав барои хориҷ кардани Каромат Шарипов аз сабти маҳалли иқоматро дар ғайбати вай баррасӣ кардааст.

"Пештар, ҳамсару фарзандони Каромат Шарипов ба додгоҳ дархостнома равон карданд, ки онҳо ҳамчун шахси сеюм дар додгоҳ ширкат карда наметавонанд ва барои ҳамин маҷлиси додгоҳ да дигар рӯз гузаронда шавад. Аммо додгоҳ инро ба назар нагирфт ва бе ширкати Шарипов, вакил ва хешовандонаш баргузор шуд", — мегӯяд Гулбаҳор Қодирова.

Вай афзуд, қарори додгоҳ нисбат ба дархости ХМР содир шудааст, вале онҳо ҳануз ин қарорро дастрас накардаанд.

"Ба далели он ки Каромат Бақоевич дар карантин қарор дорад, то дирӯз касеро ба наздашон роҳ намедоданд. Дирӯз бори аввал вакилашонро роҳ доданд. Умедворем, ки моро ҳам иҷоза медиҳанд, ки бо Каромат Шарипов дидор кунем", — афзуд вай.

Муншии роҳбари Федеросюни муҳоҷирон умедвор шуд, ки парвандаи Каромат Шарипов дар чорчӯби қонунгузорӣ баррасӣ шавад ва иттиҳомот аз ӯ бардошта мешаванд.

351
Барчаспҳо:
депорт, Каромат Шарипов, Русия
Рубль, архивное фото

Боздошти шаҳрванди Тоҷикистон барои ситондани пул аз ҳамватан дар Русия

223
(Таҷдидшуда 20:18 28.11.2020)
Як шаҳрванди Тоҷикистон аз ҳамватанаш бо истифодаи зӯроварӣ ҳамаи маблағҳои доштаашро ситондааст. Муттаҳам боздошт шудааст

ДУШАНБЕ, 28 ноя — Sputnik. Аз шаҳрванди Тоҷикистон дар шаҳри Санкт Петербург наздики 150 ҳазор рубл ситонда шудааст, хабар дод ФАН бо такя ба мақомоти ҳифзи ҳуқуқ.

Ҷабрдида дар мақомоти ҳифзи ҳуқуқ изҳор доштааст, ки ӯро гурӯҳи муҳоҷирон мавриди фишор қарор додаанд. Ӯ таъкид кардааст, ки амали ин гуруҳро як нафар роҳбарӣ менамудааст.

Манбаъ афзуд, ки нахуст аз ҷабрдида 50 ҳазор рублашро гирифта, баъдан маҷбур кардаанд, ки боқимондаи пулро аз корти бонкияш гирифта диҳад.

Дар маҷмӯъ маблағе, ки аз ҷабрдида ситонда шудааст, 149 ҳазор рублро ташкил додааст.

Мақомоти ҳифзи ҳуқуқ изҳор доштаанд, ки муттаҳам дар ташкили ғоратгарӣ боздошт шудааст. Муайян гардидааст, ки ӯ ҳамватани ҷабрдида буда, феълан таҳқиқи ҳодиса идома дорад.

223
Трудовые мигранты, архивное фото

Бозгашт ба Тоҷикистон тариқи Ӯзбекистону Қирғизистон арзонтар аст

299
Бозгашти муҳоҷирони тоҷик аз Русия ба Тоҷикистон аз масирҳои Ӯзбекистону Қирғизистон хароҷоти камтари маблағ дорад

ДУШАНБЕ, 28 ноя — Sputnik. Дар ҳоле ки  чиптаи ҳавопаймо аз Маскав ба Душанбе ҳудуди 395 евроро ташкил медиҳад, бозгашт ба Тоҷикистон тариқи шаҳрҳои Ӯзбекистону Қирғизистон арзонтар аст, хабар додаст сомонаи Парстудей.

Манбаъ афзуд, қимати билет аз шаҳрҳои Русия ба Самарқанд 25 ҳазор рубли русӣ аст ва тоҷикҳо ҳазор то ҳазору 500 рубли дигарро барои ронандагони таксиҳо то марзи Тоҷикистон пардохт мекунанд.

“Ҳамчунин тоҷикҳои дорои тобеияти Русия, ки бо ширкатҳои ҳавопаймоии русӣ ба Қирғизистон меоянд, аз шаҳри Уши ин кишвар то Хуҷанди Тоҷикистон барои хадамоти таксӣ 150 то 200 сомонӣ пардохт мекунанд”, - омадааст дар матлаб.

Манбаъ афзудааст, ки парвоз ба шаҳрҳои Ӯзбекистону Қирғизистон барои бозгашти коргарони муҳоҷири тоҷик аз Русия 8 то 15 ҳазор рубл арзонтар тамом мешавад.

Қаблан далели гарон будани нархи чиптаҳоро масъулини ширкати тоҷикистонӣ ба пур кардани танҳо 60 дарсади сандалиҳо барои ҷилавгирӣ аз густариши Ковид 19, гаронии сӯхт ва ҳазинаҳои ҷонибӣ ба манзури хариди маводи зиддиуфунӣ унвон мекунанд

299

Бадтар аз коронавирус: пизишки рус эмидемияи нави мудҳишеро пешбинӣ мекунад

0
(Таҷдидшуда 21:08 29.11.2020)
Доктор Александр Мясников, пизишки номии рус эпидемияи мудҳишеро, ки бадтар аз коронавирус хоҳад буду ҷони нафарони зиёдеро хоҳад бурд, пешбинӣ мекунад

ДУШАНБЕ, 29 ноя — Sputnik. Ба ҷаҳон хатари эпидемияи нави ҷиддие, ки қурбониёни зиёде хоҳад дошт, таҳдид мекунад, пешбинӣ мекунад пизишк Александр Мясников, хабар медиҳад РИА Новости.

Ба гуфтаи вай, ҳамагирии навбатӣ бадтар аз коронавирус хоҳад буд.

Дар робита бо ин, ӯ даъват кардааст, ки як васкини универсалӣ таҳия шавад.

"Масъалан, ваксинаи универсалӣ аз зуком - ба мо маҳз он (эпидемияи зуком - идора) - зукоми хук ё парранда таҳдид мекунад. Тавре вирусшиносҳо менависанд: эпидемияи ҷиддӣ бо мутатсия шудани вирусҳои мову ҳайвон таҳдид мекнунад", - гуфтааст доктор Мясников.

Ба гуфтаи вай, мутатсияи аввал ин гузаштани вирус аз ҳайвон ба инсон ва сипас аз инсон ба инсон мебошад.

Вай афзуд, ки барои коркарди ваксин вақти зиёде талаб мешавад.

Агар ин вирус зуҳур кунад, марг аз он то 40 дарсадро ташкил хоҳад дод, ки то пайдо шудани ваксина аз он даҳҳо миллион нафар мемиранд.

Мясников: дар Маскав аз COVID -19 бештар қафқозҳо ва осиёиҳо азият кашиданд

Ӯ даъват кардааст, ки тамоми олимони ҷаҳон қувваашонро сарф намудаву маблағи зиёде сармоя карда, ин ваксинро бояд сохт.

0
Мавзуҳо:
Пайомадҳои COVID-19 дар Тоҷикистон ва ҷаҳон