Рабочие на строительной площадке, архивное фото

Русия бо Тоҷикистон барои таъмини иҷтимоъии муҳоҷирон музокира дорад

67
(Таҷдидшуда 20:33 08.12.2017)
Қарор аст, ки ду кишвар бар асоси асли баробарӣ созишномаҳои байналмилалии таъмини иҷтимоъии коргарони муҳоҷирро имзо кунанд

ДУШАНБЕ, 8 дек — Sputnik. Вазорати кори Русия бо 26 кишвар барои бастани қарордодҳои байналмилалии таъмини иҷтимоъии  муҳоҷирони коргар музокира дорад, гуфт муовини вазир Андрей Пудов.

"Ҳамакнун бо 26 кишвар, аз ҷумла Тоҷикистон, музокира дорем то дар ин замина созишномаҳои байналмилалии нав имзо кунем", — гуфт Пудов дар севумин нишасти Мизи гирди байналмилалии таъмини иҷтимоъӣ дар Монтевидео.

Муовини вазири кори Русия афзуд, ки ин созишномаҳо бар асоси асли баробарӣ таҳия ва тасвиб хоҳанд шуд то ҳуқуқи бознишастагӣ ё нафақаи коргарони муҳоҷирро нигаҳ доранд.

Пештар хабар дода будем, ки Русия ва Тоҷикистон барои пазириши коргарони муҳоҷири тоҷик ва таъмини нафақаашон созишномаи наве омода мекунанд.

Вазири кору таъмини иҷтимоъии Русия Максим Топилин пешниҳод карда буд, ки кишварҳои ҳамсуд бо якдигар қарордодҳои таъмини иҷтимоъӣ бар асоси асли баробарӣ имзо кунанд, чуноне ки миёни Русия ва Белорус аст.

Вай гуфта буд, ки "асли баробарӣ ба истилоҳ судури ҳуқуқи нафақа аз кишвари муҳоҷирпазир ба кишвари муҳоҷирфиристро дар назар дорад".

67
Барчаспҳо:
бознишастагӣ, муҳоҷират, нафақа, Вазорати кори Русия, Тоҷикистон, Русия
Мавзуъ
Тоҷикистон нахустин бор мизбони ҷашнвораи ҷаҳонии филми муҳоҷират мешавад
Муҳоҷирони тоҷикро боз ҳам дар Оқсарой аз қатор пиёда карданд
Рақс дар рӯзи мотам: Қиссаи 22 соли муҳоҷирати Муҳаббат Кимсанова дар Русия
Русия шартномаи пардохти ҳаққи бознишастагии муҳоҷирони тоҷикро омода мекунад
ФСБ Русия як роҳи муҳоҷирати қонуншиканона аз Осиёи Марказиро баст
Русия 10 вебгоҳеро мебандад, ки муҳоҷиронро "хонадор" мекарданд
Маркази имтиҳонгирӣ аз муҳоҷирон, акс аз бойгонӣ

Қабули қонуни нави имтиҳонгирӣ аз муҳоҷирон дар Русия

239
(Таҷдидшуда 13:04 26.11.2020)
Думаи давлатии Русия қонуни ҷадид дар бораи тартиби супоридани имтиҳон барои хориҷиён аз забони русӣ, таърих ва ҳуқуқ қабул кардааст

ДУШАНБЕ, 26 ноя — Sputnik. Қонуни марбут ба донистани забони русӣ, таърих ва ҳуқуқи Русия аз ҷониби шаҳрвандони хориҷие, ки хоҳиши кору иқомат дар қаламрави кишварро доранд, такмил дода шуд.

Аз ҷумла барои супоридани имтиҳон қоидаҳои нав муайян карда шудаанд.

Маълум шудааст, ки феълан дараҷаи мушкилии имтиҳон аз мақсади сафари хориҷиён ба Русия вобаста хоҳад буд. Яъне имтиҳонсупоранда нияти кор, иқомати муваққатӣ ва ё доимиро дорад.

Дар Русия тартиботи ягонаи гузарондани имтиҳон ва баҳои ҳадди ақал муқаррар ва нархи дақиқи имтиҳон муайян карда мешавад.

Маврид ба зикр аст, ки минтақаҳои алоҳида феҳрасти муассисаҳоро, ки ҳаққи гирифтани имтиҳонро доранд, мустақилона муайян мекунанд.

Бар асоси қонуни ҷадид, имтиҳонро танҳо муассисаҳое ҳаққи гузарондан доранд, ки шомили феҳрасти расмӣ гардидаанд.  Онҳо инчунин ба муҳоҷирон шаҳодатнома медиҳанд, ки муҳлати он аз мақсади ҳузур дар Русия вобаста мебошад.

БАОР гуфт, Тоҷикистон аз ҳамроҳшавӣ ба Иттиҳоди иқтисодии АвруОсиё чи фоида мебинад

Шаҳодатномаи сесоларо муҳоҷироне мегиранд, ки ҳаққи иқомати муваққатӣ, кор ва ё патентро доранд. Санади бемуҳлатро барои гирифтани иҷозатномаи иқомат – “ВНЖ” медиҳанд.

Қонуни ҷадид 180 рӯз баъди нашри расмияш мавриди амал қарор мегирад.

239
Барчаспҳо:
қонун, муҳоҷирон, Русия
Бинои Ҳукумати ФРДом

Рустами Эмомалӣ ба Алексей Оверчук: иҷрои 300 созишнома беҳбудии ҷиддӣ мехоҳад

593
(Таҷдидшуда 18:30 25.11.2020)
Рустами Эмомалӣ ва Алексей Оверчук масоили иқтисодӣ, фарҳангӣ ва муҳоҷирати меҳнатиро баррасӣ карданд

ДУШАНБЕ, 25 ноя – Sputnik. Раиси Маҷлиси миллии Маҷлиси Олии Тоҷикистон, раиси шаҳри Душанбе Рустами Эмомалӣ имрӯз бо муовини раиси Ҳукумати Русия, ҳамраиси Комиссияи байниҳукуматии Тоҷикистон ва Русия оид ба ҳамкории иқтисодӣ Алексей Оверчук мулоқот кард.

Бино ба гузориши дафтари матбуотии шаҳрдори Душанбе ин дидор дар бинои Ҳукумати Русия дар шаҳри Маскав баргузор шудааст.

Гуфта мешавад, ки иштирокчиёни вохӯрӣ ҳолати кунунӣ ва дурнамои муносибатҳои ҳамкории Тоҷикистон ва Русияро дар доираи санадҳои меъёрии ҳуқуқии мавҷудабаррасӣ кардаанд.

Дар ин мулоқот, Рустами Эмомалӣ ёдовар шудааст, ки асосҳои қарордодиву ҳуқуқии тарафайнро қариб 300 созишномаҳои байнидавлативу байнисоҳавӣ ташкил медиҳанд, ки иҷрои босифати онҳо беҳбудии ҷиддӣ тақозо мекунад.

Дар ин робита ба ҳамкории тиҷоратӣ-иқтисодӣ, ки самти афзалиятноки муносибатҳои дуҷонибаро ифода мекунад, таваҷҷуҳи хос зоҳир шудааст.

"Дар ҳашт моҳи соли равон гардиши мол байни ду давлат  720 миллион доллари амрикоиро ташкил дод", - садо дод дар ин дидор.

Корхонаҳои саноатӣ дар минтақаҳои озоди иқтисодӣ

Вобаста ба саноатикунонии иқтисоди кишвар, ки афзалияти стратегӣ эълон шудааст, таъсиси корхонаҳои муштараки истеҳсолӣ, аз ҷумла дар минтақаҳои озоди иқтисодӣ қобили қабул арзёбӣ гардидааст.

Ҷонибҳо манфиатдории худро дар рушди ҳамкорӣ дар соҳаҳои саноати истихроҷ ва коркарди маъданҳои кӯҳӣ, сӯзишворӣ-энергетикӣ, комплекси аграрӣ, ҳамчунин саноати сабук ва хӯрокворӣ иброз доштаанд.

Рустами Эмомалӣ дар ин робита ташкили Шӯрои байнидавлатиро оид ба ҷалби мустақими сармояи Русия ба Тоҷикистон мувофиқи мақсад донистааст.

Воридоти маҳсулоти ғизоӣ

Дар вохӯрӣ ҳамчунин ба масъалаи содироту воридоти маҳсулоти ғизоӣ ва сабзавоту мева манфиатдор будани ҷонибҳо мавриди гуфтугӯи ҷиддӣ қарор дода шуд.

Дар мулоқот таъкид гардид, ки самти фарҳангӣ-гуманитарии ҳамкорӣ, бахусус дар соҳаи маориф имконияту захираҳои фаровон дорад.

Омӯзиши забони русӣ дар Тоҷикистон

Дар ин дидор гуфта шудааст, ки дар Тоҷикистон барои омӯзиши забони русӣ шароити мусоид фароҳам карда мешавад.

Ҳамасола аз Русия ба мактабҳои Тоҷикистон беш аз 50 нафар омӯзгорон фиристода мешаванд.

Рустами Эмомалӣ аз тезонидани суръати сохтмони 5 мактаб дар Тоҷикистон дар асоси Созишномаи тарафайн изҳори назар карданд.

Ҷонибҳо аз муҳимияти масоили марбут ба муҳоҷирати меҳнатӣ дар шароити пандемия ёдовар шуда, зарурати барқарор намудани алоқаи мунтазами ҳавоии байни ду давлатро таъкид намудаанд.

Раиси шаҳри Душанбе Рустами Эмомалӣ изҳори боварӣ намудааст, ки Алексей Оверчук ба ҳайси ҳамраиси Комиссияи байниҳукуматии Тоҷикистон ва Русия оид ба ҳамкории иқтисодӣ,саҳми арзандаи худро дар рушду таҳкими ҳамаҷонибаи муносибатҳои стратегӣ ва иттифоқчигӣ байни ин ду кишвар мегузорад.

593
Барчаспҳо:
созишнома, Рустами Эмомалӣ
Мавзуъ
Рустами Эмомалӣ аз мушкили муҳоҷирон гуфт: афв то 15 декабр
Рустами Эмомалӣ аз интиқоли донишҷӯёну парвозҳо: шарҳи пурраи гуфтушунид - видео
Аз як даст садо намебарояд: Матвиенко ба Рустами Эмомалӣ зарбулмасали тоҷикӣ гуфт
Мэр Москвы Сергей Собянин

Маҳдудиятҳо тамдид мешаванд: Собянин вазъи коронавирус дар Маскавро нигаронкунанда гуфт

0
(Таҷдидшуда 14:17 26.11.2020)
Сергей Собянин раиси шаҳри Маскав вазъияти коронавирусро шарҳ дода гуфт, ки ҳоло ҳарф задан дар бораи коҳиш ёфтани мавориди гирифторшавӣ ба ин дард, барвақт аст

ДУШАНБЕ, 26 ноя — Sputnik. Ба изҳори раиси шаҳри Маскав вазъият дар робита ба паҳншавии маризии коронавирус дар пойтахти Русия ҳамоно нигаронкунанда аст.

Сергей Собянин дар ин бора дар блоги шахсии худ хабар дода, гуфт, ки аз санаи 16 то 22 ноябр дар Маскав мавориди ҳолатҳои нави гирифторшавӣ ба андозаи 2 фисад ва ҳолатҳои бистарӣ кардани маризон то 3 дарсад афзоиш ёфтааст.

Ба ҳамин минвол, маҳдудиятҳое, ки қаблан Собянин пиёда намуда буд, то рӯзи 15 январ тамдид мешаванд.

Яъне, нафарони калонсол набояд бидуни зарурат аз хона берун раванд; 30 дарсади коргарон ҳамоно аз тариқи режими дуркорӣ фаъолият мекунанд; донишҷӯён низ ба таҳсили фосилавии худ идома медиҳанд; тамошобинони толорҳои кино, театр набояд аз 25 дарсад бештар бошанд; марказҳои фароғатӣ барои кӯдакон баста мемонанд.

"Шӯхӣ нест"! Нигаронии Собянин аз вахим шудани вазъи коронавирус дар Маскав

Дар Маскав маҳдудиятҳое мавҷуданд, ки мақомоти шаҳр бо сабаби вазъи душвори эпидемӣ ҷорӣ карда буд. Аз ҷумла, пас аз соати 23.00 қаҳвахонаю майкадаҳо, тарабхонаҳо ва клубҳои шабона кор намекунанд ва донишҷӯёни донишгоҳу коллеҷҳо аз фосилаи дур таҳсил мекунанд.

Намоишгоҳҳо, лексияҳои оммавӣ ва дигар чорабиниҳои фароғатӣ бо тамошобинон, ба истиснои варзиш, муваққатан қатъ карда шудааст.

0
Барчаспҳо:
изҳори нигаронӣ, маризӣ, вазъият, Сергей Собянин